کی تلاش کا نتیجه | موضو - نظم, صفحہ muu-e-tan

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "muu-e-tan"

نظم کے متعلقہ نتیجہ "muu-e-tan"

نظم

سب مال نکالو، لے آؤ
اے بستی والو لے آؤ
یہ تن کا جھوٹا جادو بھی
یہ من کی جھوٹی خوشبو بھی
یہ تال بناتے آنسو بھی
یہ جال بچھاتے گیسو بھی
یہ لرزش ڈولتے سینے کی
پر سچ نہیں بولتے سینے کی
یہ ہونٹ بھی، ہم سے کیا چوری
کیا سچ مچ جھوٹے ہیں گوری؟
ان رمزوں میں ان گھاتوں میں
ان وعدوں میں ان باتوں میں
کچھ کھوٹ حقیقت کا تو نہیں؟
کچھ میل صداقت کا تو نہیں؟
یہ سارے دھوکے لے آؤ
یہ پیارے دھوکے لے آؤ
کیوں رکھو خود سے دور ہمیں
جو دام کہو منظور ہمیں

ابن انشا

نظم

تجھ سے جو میں نے پیار کیا ہے تیرے لیے؟ نہیں اپنے لیے
وقت کی بے عنوان کہانی کب تک بے عنوان رہے
اے مرے سوچ نگر کی رانی اے مرے خلد خیال کی حور
اتنے دنوں جو میں گھلتا رہا ہوں تیرے بنا یونہی دور ہی دور
سوچ تو کیا پھل مجھ کو ملا میں من سے گیا پھر تن سے گیا
شہر وطن میں اجنبی ٹھہرا آخر شہر وطن سے گیا
روح کی پیاس بجھانی تھی پر یہاں ہونٹوں کی پیاس بھی بجھ نہ سکی
بچتے سنبھلتے بھی ایک سلگتا روگ بنی مرے جی کی لگی
دور کی بات نہ سوچ ابھی مرے ہات میں تو ذرا ہات تو دے
تجھ سے جو میں نے پیار کیا ہے تیرے لیے؟ نہیں اپنے لیے
باغ میں ہے اک بیلے کا تختہ بھینی ہے اس بیلے کی سگندھ
اے کلیو کیوں اتنے دنوں تم رکھے رہیں اسے گود میں بند
کتنے ہی ہم سے روپ کے رسیا آئے یہاں اور چل بھی دیئے
تم ہو کہ اتنے حسن کے ہوتے ایک نہ دامن تھام سکے
صحن چمن پر بھونروں کے بادل ایک ہی پل کو چھائیں گے
پھر نہ وہ جا کر لوٹ سکیں گے پھر نہ وہ جا کر آئیں گے
اے مرے سوچ نگر کی رانی وقت کی باتیں رنگ اور بو
ہر کوئی ساتھ کسی کا ڈھونڈے گل ہوں کہ بیلے میں ہوں کہ تو
جو کچھ کہنا ہے ابھی کہہ لے جو کچھ سننا ہے سن لے
تجھ سے جو میں نے پیار کیا ہے تیرے لیے؟ نہیں اپنے لیے

ابن انشا

نظم

طویل راتیں کہ مختصر دن
کثیر وعدے قلیل عمریں
عبث حساب و شمار اس کا جو گوشت اس سال ناخنوں سے جدا ہوا ہے
سکڑتے لمحے کی ایک سرحد سے تا بہ حد‌ دگر وہی کار ستر پوشی
وہ موئے تن ہو کہ تار پنبہ کہ بال و پر عکس آئینہ کے
ہر ایک کترن پہ زردیاں بانٹنے درختوں کے فیصلے ہیں
اداس پتا
خزاں کا پانی نئے معانی نہیں سمجھتا
سو نہر اب تک پرانے پہرے میں چل رہی ہے

اختر حسین جعفری

نظم

لاؤ ہاتھ اپنا لاؤ ذرا
چھو کے میرا بدن
اپنے بچے کے دل کا دھڑکنا سنو
ناف کے اس طرف
اس کی جنبش کو محسوس کرتے ہو تم
بس یہیں چھوڑ دو
تھوڑی دیر اور اس ہاتھ کو میرے ٹھنڈے بدن پر یہیں چھوڑ دو
میرے بے کل نفس کو قرار آ گیا
میرے عیسیٰ مرے درد کے چارہ گر
میرا ہر موئے تن
اس ہتھیلی سے تسکین پانے لگا
اس ہتھیلی کے نیچے مرا لال کروٹ سی لینے لگا
انگلیوں سے بدن اس کا پہچان لو
تم اسے جان لو
چومنے دو مجھے اپنی یہ انگلیاں
ان کی ہر پور کو چومنے دو مجھے
ناخنوں کو لبوں سے لگا لوں ذرا
پھول لاتی ہوئی یہ ہری انگلیاں
میری آنکھوں سے آنسو ابلتے ہوئے
ان سے سینچوں گی میں
پھول لاتی ہوئی انگلیوں کی جڑیں چومنے دو مجھے
اپنے بال اپنے ماتھے کا چاند اپنے لب
یہ چمکتی ہوئی کالی آنکھیں
مرے کانپتے ہونٹ میری چھلکتی ہوئی آنکھ کو دیکھ کر کتنی حیران ہیں
تم کو معلوم کیا تم کو معلوم کیا
تم نے جانے مجھے کیا سے کیا کر دیا
میرے اندر اندھیرے کا آسیب تھا
یا کراں تا کراں ایک انمٹ خلا
یوں ہی پھرتی تھی میں
زیست کے ذائقے کو ترستی ہوئی
دل میں آنسو بھرے سب پہ ہنستی ہوئی
تم نے اندر مرا اس طرح بھر دیا
پھوٹتی ہے مرے جسم سے روشنی
سب مقدس کتابیں جو نازل ہوئیں
سب پیمبر جو اب تک اتارے گئے
سب فرشتے کہ ہیں بادلوں سے پرے
رنگ سنگیت سر پھول کلیاں شجر
صبح دم پیڑ کی جھومتی ڈالیاں
ان کے مفہوم جو بھی بتائے گئے
خاک پر بسنے والے بشر کو مسرت کے جتنے بھی نغمے سنائے گئے
سب رشی سب منی انبیا اولیا
خیر کے دیوتا حسن نیکی خدا
آج سب پر مجھے
اعتبار آ گیا اعتبار آ گیا

فہمیدہ ریاض

نظم

امید ہے کہ حق بندگی ادا کر دے
یہ تیرا بندہ جو بیزار جان و تن نہ ہوا

ثانی ارریاوی

نظم

تجھ پہ قربان کیوں کر نہ ہو جان و تن
زندہ باد اے وطن زندہ باد اے وطن

فضل حق عظیم آبادی

نظم

دھڑکنوں کی سرحد کے
اس طرف بھی امکاں ہے
جان و تن سے باہر بھی
زندگی فروزاں ہے

عبد الاحد ساز

نظم

جان و تن سے روح کے رشتوں کی وسعت دیکھ لی
دل مرا پہلو میں رہ کر مجھ سے بیگانہ بنا

اشرف باقری

نظم

پتنگوں کی نہ شمع انجمن کی آزمائش ہے
دلوں کا امتحاں ہے جان و تن کی آزمائش ہے

فضل الرحمٰن

نظم

جسم کے ریزہ ریزہ کی آواز ہے
پیکرؔ اپنے وطن پر مجھے ناز ہے
اس پہ قربان جائے مری جان و تن

پیکر یزدانی

نظم

کاش تاروں کا تابناک جمال
جان و تن میں مرے سما جاتا
دور ہو جاتی غم کی تاریکی
جس طرف ہو کے میں گزر جاتا

جے کرشن چودھری حبیب

نظم

واپس نہیں پھیرا کوئی فرمان جنوں کا
تنہا نہیں لوٹی کبھی آواز جرس کی
خیریت جاں راحت تن صحت داماں
سب بھول گئیں مصلحتیں اہل ہوس کی

فیض احمد فیض

نظم

اے مرے چارہ گرو عیسیٰ نفس
آسمانوں سے پرے انفس و آفاق کی سرحد سے ادھر
میری پرواز مری راہ گزر جاتی تھی
خواہش دنیا و تن آسانی
نوچ ڈالے گی مرے پر مجھے معلوم نہ تھا
اب رگ و پے میں لہو ہے نہ کوئی آگ نہ سوزش باقی
بپھری موجوں نے سکوں اوڑھ لیا ہے کب کا
ساحل جاں پہ کسی نم کا نشاں تک بھی نہیں
آگ کا ذکر ہی کیا کوئی دھواں تک بھی نہیں
صرصر وقت نے انداز بدل ڈالے ہیں
خاک اب خاک کی خوراک ہوئی جاتی ہے

شہزاد انجم برہانی

نظم

بھوک عفریت ہے
وحشت ہے بڑی آفت ہے
بھوک خمیازۂ جان و تن ہے
بے پر و بال کیا کرتی ہے
وقت کی تال کو بے تال کیا کرتی ہے
بھوک اعصاب شکستہ کی کھلی بیعت ہے
یہ خد و خال کچل دیتی ہے
تہذیب کے ریشوں کو مسل دیتی ہے
اور سرمایہ پرستی کے سنہرے ایام
گرد رخسار شب و روز پہ مل جاتے ہیں
سینۂ خاک کو دہلاتا ہوا صور فلک
مطمئن خاک نشینوں کے لیے
روز ہی روز وغا لاتا ہے
اور شب و روز مہ و سال میں ڈھل جاتے ہیں

خمار میرزادہ

نظم

ہند میرا چمن
اس میں ہوں میں مگن
ہے اسی کی لگن
راحت جان و تن
میرا پیارا وطن
میری عزت ہے یہ
میری دولت ہے یہ
میری عظمت ہے یہ
میری جنت ہے یہ
میرا پیارا وطن
ہند کی خاک سے
پھول کیا کیا اگے
لال پیلے ہرے
مستیوں میں بسے
میرا پیارا وطن
اس کے دریا بڑے
تازگی سے بھرے
باغ پھولے پھلے
لہلہاتے ہوئے
میرا پیارا وطن
اس کے چشمے جواں
اس میں نہریں رواں
جنگل اور وادیاں
اس سے اچھی کہاں
میرا پیارا وطن
یہ وطن ہے مرا
میں ہوں اس پر فدا
اس پہ رکھے خدا
اپنی رحمت سدا
میرا پیارا وطن
دیس کی آس ہوں
دیس کے پاس ہوں
اس کی بو باس ہوں
دیس کا داس ہوں
میرا پیارا وطن

سیماب اکبرآبادی

نظم

رخصت ہوا وہ باپ سے لے کر خدا کا نام
راہ وفا کی منزل اول ہوئی تمام
منظور تھا جو ماں کی زیارت کا انتظام
دامن سے اشک پونچھ کے دل سے کیا کلام
اظہار بے کسی سے ستم ہوگا اور بھی
دیکھا ہمیں اداس تو غم ہوگا اور بھی
دل کو سنبھالتا ہوا آخر وہ نونہال
خاموش ماں کے پاس گیا صورت خیال
دیکھا تو ایک در میں ہے بیٹھی وہ خستہ حال
سکتا سا ہو گیا ہے یہ ہے شدت ملال
تن میں لہو کا نام نہیں زرد رنگ ہے
گویا بشر نہیں کوئی تصویر سنگ ہے
کیا جانے کس خیال میں گم تھی وہ بے گناہ
نور نظر یہ دیدۂ حسرت سے کی نگاہ
جنبش ہوئی لبوں کو بھری ایک سرد آہ
لی گوشہ ہائے چشم سے اشکوں نے رخ کی راہ
چہرہ کا رنگ حالت دل کھولنے لگا
ہر موئے تن زباں کی طرح بولنے لگا
آخر اسیر یاس کا قفل دہن کھلا
افسانۂ شدائد رنج و محن کھلا
اک دفتر مظالم چرخ کہن کھلا
وا تھا دہان زخم کہ باب سخن کھلا
درد دل غریب جو صرف بیاں ہوا
خون جگر کا رنگ سخن سے عیاں ہوا
رو کر کہا خموش کھڑے کیوں ہو میری جاں
میں جانتی ہوں جس لیے آئے ہو تم یہاں
سب کی خوشی یہی ہے تو صحرا کو ہو رواں
لیکن میں اپنے منہ سے نہ ہرگز کہوں گی ہاں
کس طرح بن میں آنکھوں کے تارے کو بھیج دوں
جوگی بنا کے راج دلارے کو بھیج دوں
دنیا کا ہو گیا ہے یہ کیسا لہو سپید
اندھا کیے ہوئے ہے زر و مال کی امید
انجام کیا ہو کوئی نہیں جانتا یہ بھید
سوچے بشر تو جسم ہو لرزاں مثال بید
لکھی ہے کیا حیات ابد ان کے واسطے
پھیلا رہے ہیں جال یہ کس دن کے واسطے
لیتی کسی فقیر کے گھر میں اگر جنم
ہوتے نہ میری جان کو سامان یہ بہم
ڈستا نہ سانپ بن کے مجھے شوکت و حشم
تم میرے لال تھے مجھے کس سلطنت سے کم
میں خوش ہوں پھونک دے کوئی اس تخت و تاج کو
تم ہی نہیں تو آگ لگا دوں گی راج کو
کن کن ریاضتوں سے گزارے ہیں ماہ و سال
دیکھی تمہاری شکل جب اے میرے نونہال
پورا ہوا جو بیاہ کا ارمان تھا کمال
آفت یہ آئی مجھ پہ ہوئے جب سفید بال
چھٹتی ہوں ان سے جوگ لیا جن کے واسطے
کیا سب کیا تھا میں نے اسی دن کے واسطے
ایسے بھی نامراد بہت آئیں گے نظر
گھر جن کے بے چراغ رہے آہ عمر بھر
رہتا مرا بھی نخل تمنا جو بے ثمر
یہ جائے صبر تھی کہ دعا میں نہیں اثر
لیکن یہاں تو بن کے مقدر بگڑ گیا
پھل پھول لا کے باغ تمنا اجڑ گیا
سرزد ہوئے تھے مجھ سے خدا جانے کیا گناہ
منجدھار میں جو یوں مری کشتی ہوئی تباہ
آتی نظر نہیں کوئی امن و اماں کی راہ
اب یاں سے کوچ ہو تو عدم میں ملے پناہ
تقصیر میری خالق عالم بہل کرے
آسان مجھ غریب کی مشکل اجل کرے
سن کر زباں سے ماں کی یہ فریاد درد خیز
اس خستہ جاں کے دل پہ چلی غم کی تیغ تیز
عالم یہ تھا قریب کہ آنکھیں ہوں اشک ریز
لیکن ہزار ضبط سے رونے سے کی گریز
سوچا یہی کہ جان سے بیکس گزر نہ جائے
ناشاد ہم کو دیکھ کے ماں اور مر نہ جائے
پھر عرض کی یہ مادر ناشاد کے حضور
مایوس کیوں ہیں آپ الم کا ہے کیوں وفور
صدمہ یہ شاق عالم پیری میں ہے ضرور
لیکن نہ دل سے کیجیے صبر و قرار دور
شاید خزاں سے شکل عیاں ہو بہار کی
کچھ مصلحت اسی میں ہو پروردگار کی
یہ جعل یہ فریب یہ سازش یہ شور و شر
ہونا جو ہے سب اس کے بہانے ہیں سر بسر
اسباب ظاہری میں نہ ان پر کرو نظر
کیا جانے کیا ہے پردۂ قدرت میں جلوہ گر
خاص اس کی مصلحت کوئی پہچانتا نہیں
منظور کیا اسے ہے کوئی جانتا نہیں
راحت ہو یا کہ رنج خوشی ہو کہ انتشار
واجب ہر ایک رنگ میں ہے شکر کرد گار
تم ہی نہیں ہو کشتہ نیرنگ روزگار
ماتم کدے میں دہر کے لاکھوں ہیں سوگوار
سختی سہی نہیں کہ اٹھائی کڑی نہیں
دنیا میں کیا کسی پہ مصیبت پڑی نہیں

چکبست برج نرائن

نظم

ہے یہ گاندھی کا جوہر کا پیارا وطن
کر گئے اس پہ قربان جو جان و تن
اس کو قدرت نے بخشی ہیں گنگ و جمن
مثل امرت کے ہے جن کا آب رواں
یہ ہے میرا وطن میرا ہندوستاں

مرتضیٰ ساحل تسلیمی

نظم

دل سے دعا ہے داتا دے اس سے بھی زیادہ
خیرات جان و تن کی بچوں کا اپنے صدقہ
ہم کو بھی ہو عنایت روٹی کا ایک ٹکڑا
تن ڈھانکنے کی خاطر کپڑا کوئی پرانا
دیکھو بلک رہا ہے نور نظر ہمارا

ماسٹر باسط بسوانی

نظم

وہ لمحۂ کرب
جب مجھے اپنے جان و تن کی خبر نہیں تھی
ہر ایک چہرہ تھا دھندلا دھندلا
تمام شکلیں مٹی مٹی سی
فقط تری شکل آئنہ تھی
تری صدا تھی
جو میرے تار نفس کو چھو کر
لہو کی گردش بڑھا رہی تھی

عشرت آفریں

نظم

وہ سورج کی پہلی کرن لے کے اپنے گھروں سے چلے جب
تو چہرے گلابوں کی صورت کھلے تھے
جبینوں پہ سجدوں کی تابندگی تھی
لباسوں کی شائستگی زیب تن تھی
نگاہوں میں شوق سفر کی چمک
اور قدموں میں تھی آبشاروں کی مستی
مجھے یوں لگا زندگی
آسمانوں پہ گایا ہوا گیت دہرا رہی ہے

زبیر رضوی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے