aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

سجدہ

MORE BYمخدومؔ محی الدین

    پھر اسی شوخ کا خیال آیا

    پھر نظر میں وہ خوش جمال آیا

    پھر تڑپنے لگا دل مضطر

    پھر برسنے لگا ہے دیدۂ تر

    یاد آئیں وہ چاندنی راتیں

    وہ ہنسی کھیل دل لگی باتیں

    شب تاریک ہے خموشی ہے

    کل جہاں محو عیش کوشی ہے

    لطف سجدوں میں آ رہا ہے مجھے

    چھپ کے کوئی بلا رہا ہے مجھے

    چوڑیاں بج رہی ہیں ہاتھوں کی

    آئی آواز اس کی باتوں کی

    اڑ رہا ہے غبار نور بدن

    پھیلتی جا رہی ہے بوئے دہن

    موج تسنیم و کیف خلد بریں

    جگمگاتا بدن چمکتی جبیں

    اپنے آنچل میں منہ چھپائے ہوئے

    آ رہا ہے قدم بڑھائے ہوئے

    نغمے پازیب کے سناتے ہوئے

    بخت خفتہ مرے جگاتے ہوئے

    عشوہ و ناز کا فسوں لے کر

    ساتھ اک لشکر جنوں لے کر

    دور سے مسکراتا آتا ہے

    بجلیاں سی گراتا آتا ہے

    وہ کہ رنگیں کرن تبسم کی

    اک مسلسل لڑی ترنم کی

    پردۂ تن میں راگ پوشیدہ

    راگ وہ جس میں آگ پوشیدہ

    بانسری سی بجائے جاتا ہے

    آگ تن میں لگائے جاتا ہے

    ایک دنیائے رنگ و بو بن کر

    خوں شدہ دل کی آرزو بن کر

    نئی دلہن کی تھرتھری بن کر

    اس کے ہونٹوں کی کپکپی بن کر

    میرے دل میں سما گیا کوئی

    میری ہستی پہ چھا گیا کوئی

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے