کی تلاش کا نتیجه | موضو - نظم, صفحہ shajar-e-tuur

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "shajar-e-tuur"

نظم کے متعلقہ نتیجہ "shajar-e-tuur"

نظم

وہ پیاری نازک حسین لڑکی
جو خواب شیریں میں روز آ کر
ہمارے پہلو میں بیٹھتی تھی ہماری زلفوں سے کھیلتی تھی
وہ شیریں لہجے میں ہنس کے کہتی تھی اے شجرؔ تم قریب آؤ
پھر اپنے گل جیسے دو لبوں سے ہماری پیشانی چومتی تھی
وہ پیاری نازک حسین لڑکی کہاں گئی اب
ہماری آنکھیں ترس گئی ہیں اب اس کے چہرے کی اک جھلک کو
ہمارا پہلو ہے سونا سونا ہماری زلفیں اجڑ گئی ہیں
اب اس کے نازک لبوں کو ہر دم ہماری پیشانی ڈھونڈھتی ہے
اب اس کے ہونٹوں سے نام سننے کو کان دونوں ترس گئے ہیں
خدا ہی جانے وہ پیاری نازک حسین لڑکی کہاں گئی اب

شجر عباس

نظم

یہ درد دل مجھے جینے نہیں دیتا ہے میری ماں
کہاں جاؤں
کہاں جاؤں جو درد دل سے تھوڑا سا سکوں آئے
مسلسل میں سوالی ہوں بتاؤ نا کہاں جاؤں
یہ ماضی کی سبھی یادیں مری الجھن بڑھاتی ہیں
جو دل پر زخم ہیں فرقت کے یہ ان کو دکھاتی ہیں
میں آہیں بھرنے لگتا ہوں
مجھے جب یاد آتا ہے
ترا نازک لبوں سے نرم لہجے میں شجرؔ کہنا
کبھی آنکھوں کی ٹھنڈک تو کبھی لخت جگر کہنا
تو یہ دل کانپ جاتا ہے
مجھے جب یاد آتا ہے
تری یادوں کا دل کے شانے پر سر رکھ کے یہ کہنا
چلا جاتا ہے جو بھی لوٹ کر واپس نہیں آتا
تو آنکھیں خون روتی ہیں
مجھے جب یاد آتا ہے
یہ درد دل مجھے جینے نہیں دیتا ہے میری ماں
کہاں جاؤں
کہاں جاؤں جو درد دل سے تھوڑا سا سکوں آئے
مسلسل میں سوالی ہوں بتاؤ نا کہاں جاؤں

شجر عباس

نظم

آرزو میں تیری اے گل پوش شہزادی نہ پوچھ
کیسے عالم تاب سرداروں کے سر جاتے رہے
سرزمین ہند کو جنت بنانے کے لئے
کیسے کیسے دست و بازو کے شجر جاتے رہے

سیدہ شانِ معراج

نظم

ہے خطۂ سرسبز میں اک نور کا عالم
ہر شاخ و شجر پر شجر طور کا عالم
پروین ہے یہ خوشۂ انگور کا عالم
ہر خار پہ بھی ہے مژۂ حور کا عالم

چکبست برج نرائن

نظم

گوشہ گوشہ تیرا نور علم سے معمور ہے
ذرہ ذرہ حامل نور چراغ طور ہے

عرش ملسیانی

نظم

زندگی وہم ہے حقیقت ہے
شجر درد سایۂ غم ہے

مسلم شمیم

نظم

تیری پیشانی پہ جھلکے گا مثال برق طور
طفل کا ناز شرافت اور شوہر کا غرور

جوش ملیح آبادی

نظم

ہر ایک قمقمہ یہاں چراغ کوہ طور ہے
ہر اک فضا پہ رنگ ہے ہر ایک سمت نور ہے

عرش ملسیانی

نظم

پودا جو کل تھا اب شجر سایہ دار ہے
پاپا میاں کے باغ میں کیسی بہار ہے

سیدہ فرحت

نظم

اک برق سر طور تکلم کے سہارے
اک جلوۂ مستور ترنم کے سہارے

میکش اکبرآبادی

نظم

جلوۂ طور کی موسیٰ ہی حقیقت جانیں
مری شہ رگ میں اسی طرح سے برپا تم ہو

زبیر احمد ثانی

نظم

غلامی خاک بسر ہے حضور آزادی
ہر ایک قصر ہے اک بام طور آزادی

اسرار الحق مجاز

نظم

تو ہے عشق کی پہلی آیت
من کا نور سرور
تجھ پر اپنا آپ لٹائیں
مصحف اور درود
یہ تیری مخروط اٹھانیں
جیسے کوہ طور

ندیم ناجد

نظم

وہ برق تھا
وہ رعد تھا
وہ تیر تھا
کمان تھا
یقین تھا
گمان تھا
وہ شعلہ برق طور تھا
وجود سے گزر گیا

سعید الظفر چغتائی

نظم

ہر نفس
ہر قدم
سنگ حالات سے چور ہے
پھر بھی نور تمنا سے معمور ہے
دشت ظلمات میں
جلوۂ طور ہے

جوہر بلیاوی

نظم

سو زبانوں پر بھی خاموشی تجھے منظور ہے
راز وہ کیا ہے ترے سینے میں جو مستور ہے
میری صورت تو بھی اک برگ ریاض طور ہے
میں چمن سے دور ہوں تو بھی چمن سے دور ہے
مطمئن ہے تو پریشاں مثل بو رہتا ہوں میں
زخمیٔ شمشیر ذوق جستجو رہتا ہوں میں

علامہ اقبال

نظم

سوچ ذرا دیر کو
گوشت کے ملبوس میں پنجرہ ہیں یہ پسلیاں
جس کے عجب سحر میں
قید تری روح کا طائر خوش رنگ ہے
آنکھ اٹھا کر تو دیکھ
بازو کشادہ کیے وہ شجر شش جہت
کتنے زمانوں سے ہے صرف ترا منتظر

سعید احمد

نظم

بے دار ہوئیں مہر جوانی کی شعاعیں
پڑنے لگیں عالم کی اسی سمت نگاہیں
خوابیدہ تھے جذبات بدلنے لگے کروٹ
روئے شرر طور سے ہٹنے لگا گھونگٹ
بھرنے لگے بازو تو ہوئے بند قبا تنگ
چڑھنے لگا طفلی پہ جوانی کا نیا رنگ
ساغر کی کھنک بن گئی اس شوخ کی آواز
بربط کی ہوئی گدگدی یا جاگ اٹھے ساز
اعضا میں لچک ہے تو ہے اک لوچ کمر میں
اعصاب میں پارہ ہے تو بجلی ہے نظر میں
آنے لگی ہر بات پہ رک رک کے ہنسی اب
رنگین تموج سے گراں بار ہوئے لب
وہ دیکھ بدلتے ہوئے پہلو کوئی اٹھا
وہ دیکھ بگاڑے ہوئے گیسو کوئی اٹھا
وہ دیکھ کہ کس گل کی مہک پھیلی ہے ہر سو
وہ دیکھ کہ ہے کون رواں بجتے ہیں گھنگرو
کم بخت اجل تھی یہ جوانی کی قبا میں
ٹکڑے ہیں کسی دل کے بھی نقش کف پا میں

مخدومؔ محی الدین

نظم

میرے آنگن میں
پہلی خوشی
بن کر تم آئی ہو
جیسے تپتے ہوئے صحرا میں
بارش کی بوندیں گرتی ہوں
تم نے مجھے کتنا بلند مرتبہ دیا ہے
بالکل پریوں جیسی لگتی ہو تم
تمہارے منہ سے ماں سن کر
ایک انوکھا احساس ہوتا ہے
تمہارے ننھے ننھے ہاتھوں کا لمس
ایک عجیب سی توانائی بخشتا ہے
تم میری زندگی کی پہلی خوشی بن کر آئی ہو
تم میرا شجر سایہ دار ہو

صدف معصوم

نظم

دام اک چھوٹے سے کوزے کے ہیں سو جام بلور
مول لینے جائیں اک قطرہ تو دیں نہر و قصور
اک دیا جو بیچتا ہے مانگتا ہے شمع طور
اک ذرا سے سنگ ریزے کی ہے قیمت کوہ نور

جوش ملیح آبادی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے