کی تلاش کا نتیجه | موضو - نظم, صفحہ taa-dar-e-mustafaa

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "taa-dar-e-mustafaa"

نظم کے متعلقہ نتیجہ "taa-dar-e-mustafaa"

نظم

زنداں میں شہیدوں کا وہ سردار آیا
شیدائے وطن پیکر ایثار آیا
ہے دار و رسن کی سرفرازی کا دن
سردار بھگت سنگھ سردار آیا
تا دار و رسن شوق سے اٹھلا کے گیا
تو شان شہادت اپنی دکھلا کے گیا
ٹکڑے ہوتا ہے دل ترے ماتم میں
لاشے کا انگ انگ کٹوا کے گیا
پی کر مئے شوق جھومنا وہ تیرا
بے پروایانہ گھومنا وہ تیرا
ہے نقش ترے اہل وطن کے دل پر
پھانسی کی رسن کو چومنا وہ تیرا
جام حب وطن کے اے متوالے
اے پیکر ناموس حمیت والے
ہو عالم ارواح میں شاداں کہ نہیں
اب تیرے وطن میں وہ حکومت والے

تلوک چند محروم

نظم

آج پھر تا بہ چمن در پئے گلہائے چمن
گنگناتا ہوا زنبور بہار آ ہی گیا

اسرار الحق مجاز

نظم

بڑے خلوص سے دیتا تھا درس انسانی
ہوئے ہیں جس کی بدولت ضمیر نورانی

سعید عارفی

نظم

پڑھنے کو جب بھی گھر پر کہتے تھے میرے بھائی
کرتا تھا درد سر کا اکثر ہی میں بہانا

ظفر کمالی

نظم

صرصر بے اعتدالی سے گریزاں فکر و فن
ہوش میں تھا تا دم آخر ضمیر معتبر

عزیز تمنائی

نظم

تیری تصویر دیکھ لیتے ہیں
جب کبھی شعر ہو نہیں پاتے
پھر تو کیا تذکرہ سنائیں کہ ہم
تا دم صبح سو نہیں پاتے

کاظم رضوی

نظم

وہ تھا اک لمحۂ تخلیق
جس نے آگ روشن کی
تڑپتی تھی صفورہ درد زہ سے
اور موسیٰ کو
سر وادیٔ سینا نور کا لپکا نظر آیا
خدائے عز و جل سے
ہم کلامی کی سعادت ہو گئی حاصل
ملا عہدہ پیمبر کا
مگر وہ کوکھ میں جس نے
مہینوں تھام کر رکھا
محبت کا منزہ لمحہ
جس نے غنچۂ نورس کو چٹکایا
سر شاخ رفاقت
جس نے لوری کے بنے ہیں بول
ولی ہے وہ
نبی ہے
اور نہ پیغمبر

شہناز نبی

نظم

آج میں سوچ رہا ہوں شب تنہائی میں
کس قدر تلخ جوانی کی لٹی یادیں ہیں
دیکھ اس دور میں ایوان محبت کے لیے
کیسی کیسی غم و اندوہ کی بنیادیں ہیں
کل ترے دیدۂ حیراں سے لہو پھوٹا تھا
آج میرے لب خاموش پہ فریادیں ہیں

قتیل شفائی

نظم

ڈاکیہ سارے جہاں کی خبریں
لے کر آتا ہے مگر میرے لیے
کتنی آوازیں مرے ساتھ چلا کرتی ہیں
کبھی ماں باپ کے رونے کی صدا
کبھی احباب کے پھٹتے ہوئے جوتوں کی دکھن
کبھی دنیا کے چٹختے ہوئے اعضا کی پکار
صبح تا شام وہی ایک شب کا آہنگ
در و دیوار پہ اڑتی ہوئی راہوں کا غبار
راکھ دانی میں وہی سیکڑوں سوچوں کا دھواں
چائے کی پیالیاں پھینکے ہوئے لمحات کو لپٹائے ہوئے
شیلف میں دبکے ہوئے ذہن کے نا پختہ نقوش
میز پر نصف خطوں کا انبار
کون جانے انہیں تحریر کی فرصت کب ہو؟

فرحت احساس

نظم

میری یادوں میں سے ایک یاد مجھے
تا دم مرگ نہیں بھولے گی
میری اس یاد کا روزن دریچہ ہے جس میں سے مجھے
کتنے گزرے ہوئے پل صاف نظر آتے ہیں

احمد ندیم قاسمی

نظم

اب کے مٹی کی عبارت میں لکھی جائے گی
سبز پتوں کی کہانی رخ شاداب کی بات
کل کے دریاؤں کی مٹتی ہوئی مبہم تحریر
اب فقط ریت کے دامن میں نظر آئے گی
بوند بھر نم کو ترس جائے گی بے سود دعا
نم اگر ہوگی کوئی چیز تو میری آنکھیں
میرا اجڑا ہوا چہرہ مری پتھر آنکھیں
قحط افسانہ نہیں اور یہ بے ابر فلک
آج اس دیس کل اس دیس کا وارث ہوگا
ہم سے ترکے میں ملیں گے اسے بیمار درخت
تیز کرنوں کی تمازت سے چٹختے ہوئے ہونٹ
دھوپ کا حرف جنوں لو کا وصیت نامہ
اور مرے شہر طلسمات کی بے در آنکھیں
مری بے در مری بنجر مری پتھر آنکھیں

مصطفی زیدی

نظم

تو اے گاندھی علاج درد انساں بن کے آیا تھا
اندھیری رات میں صبح درخشاں بن کے آیا تھا
رموز زندگی کو فاش کرنے قلب آدم پر
چراغ آگہی قندیل عرفاں بن کے آیا تھا
رسیلا گیت بن کر چھا گیا مفلس کی محفل میں
جہان زر میں شور برق و باراں بن کے آیا تھا
سفینہ نظم شاہی کا ڈبو کر دم لیا جس نے
تو وہ جمہوریت کا تند طوفاں بن کے آیا تھا
دل مظلوم کے حق میں تری ہستی تھی اک لوری
ستم گر کے لیے خواب پریشاں بن کے آیا تھا
وطن کیا ساری دنیا جس کے جلوؤں سے دمک اٹھی
تو چرخ ہند کا وہ ماہ تاباں بن کے آیا تھا
جہان عشق میں تو گونج اٹھا ساز وفا بن کر
ریاض آدمیت میں بہاراں بن کے آیا تھا
غلامی کی بھیانک تیرگی کو ڈس لیا جس نے
تو آزادی کی وہ شمع فروزاں بن کے آیا تھا
فرشتوں کا تقدس تھا ترے کردار میں پنہاں
بظاہر دہر میں تو ایک انساں بن کے آیا تھا

جعفر ملیح آبادی

نظم

نشہ جس وقت بھی ٹوٹے گا، کئی اندیشے
صبح لب بستہ کے سینے میں اتر آئیں گے
محفل شعلۂ شب تاب کے سارے لمحے
راکھ ہو جائیں گے پلکوں پہ بکھر جائیں گے
ریت در آئے گی سنسان شبستانوں میں
اور بگولے پس دیوار نظر آئیں گے

مصطفی زیدی

نظم

جیتے جی ہم تم رہے گر یک دل و یکجا تو کیا
تا دم آخر بھرا گر دم محبت کا تو کیا
عمر بھر پیماں رہا منت کش ایفا تو کیا
عمر بھر کا تو نے پیمان وفا باندھا تو کیا
عمر کو بھی تو نہیں ہے پائیداری ہائے ہائے

ز خ ش

نظم

گھنٹیاں بجنے لگیں ڈھور چلتے کھیتوں کو
راستے جاگ اٹھے ساری فضا جاگ اٹھی
صبح کاذب کے دھندلکوں میں اجالے چھٹکے
ہر شجر جاگ اٹھا باد صبا جاگ اٹھی
اپنے شانوں پہ سجائے ہوئے عظمت کے نشاں
اپنے کھیتوں کی منڈیروں کے نگہبان چلے
جن سے تہذیب کے گوشوں نے جلا پائی ہے
ان ضیا بار سویروں کے نگہبان چلے
کچی اینٹوں کے مکانوں کا مقدر جاگا
آگ روشن ہوئی اپلوں کا دھواں پھیل گیا
در و دیوار سے یوں پیار کے سائے پھوٹے
زیست کا سایہ بھی تا حد گماں پھیل گیا
شور کرتے ہوئے شہزادے گھروں سے نکلے
جن کے ملبوس دریدہ بھی ہیں بوسیدہ بھی
جن کے قدموں سے لپٹتی ہے مرے گاؤں کی دھول
جن کی توقیر کو اٹھتے ہیں جہاں دیدہ بھی

خورشید احمد

نظم

دوست ملا تھا تجھ کو کیسا حیف اتنا بھی یاد نہیں
جان فدا کرتا تھا جس پر دل میں اس کی یاد نہیں
گردش دوراں نے جب اس کو آہ شکستہ حال کیا
دیکھ کر اس کے حال زبوں کو تو نے کچھ نہ ملال کیا
کون شکستہ حال کہاں ہے یہ بھی دھیان آیا نہ تجھے
آہ تصور نے ایسے محسن کے تڑپایا نہ تجھے
پاس تھا اپنے قول کا جس کو تو نے کچھ اس کا پاس کیا
آمد و رفت دیرینہ کا بھول کے بھی احساس کیا
اس کے درد سے واقف ہو کر تو نے خبر کیا لی اس کی
قرض محبت جان کے دل سے کیا کوئی خدمت کی اس کی
دل تیرے اس دوست کا ناحق وقف سحر لسانی تھا
میری سمجھ میں اب آیا وہ جمع و خرچ زبانی تھا
ناداں انسان تیری دولت تیرے ساتھ نہ جائے گی
لیلائے مطلب دور رہے گی تیرے پاس نہ آئے گی
حصر فقط تجھ ہی پر کیا ہے تو ہی اک زر دوست نہیں
دوست بہت ملتے ہیں لیکن ان میں اکثر دوست نہیں
دوست نہیں جو نام کی خاطر اپنے دوست کے کام آئے
دوست وہ ہے لوگوں کی زباں پر جس کا مثالاً نام آئے

علی منظور حیدرآبادی

نظم

غم زدو!!! چراغ آنکھوں کو سونپ دو
کہ آنسو صرف چراغ روتا ہے
جس ہاتھ پر چراغ دھرا تھا
وہ ہاتھ ہماری چھت تھا
در و دیوار پر چھت نہ رہے
تو بادل بھی حوصلہ ہار دیتے ہیں

انجم سلیمی

نظم

ہم کہ ہیں کب سے در امید کے دریوزہ گر
یہ گھڑی گزری تو پھر دست طلب پھیلائیں گے
کوچہ و بازار سے پھر چن کے ریزہ ریزہ خواب
ہم یونہی پہلے کی صورت جوڑنے لگ جائیں گے

فیض احمد فیض

نظم

یا باغ میں کھلتا ہے دم صبح گل تر
کیا کیا اسے ہوتے نہیں اعزاز میسر
بنتا ہے عروسان جہاں کے لیے زیور
دستار میں نوشہ کے رہا کرتا ہے اکثر
لیکن نہ کسی وضع پر اس ڈھنگ سے دیکھا
بیکس کی لحد پر اسے جس رنگ سے دیکھا

چکبست برج نرائن

نظم

یہ دنیا قید خانہ ہے
ہم اس کے تا دم آخر مقید ہیں
یہ جتنی گڑبڑیں الجھن ہیں ان کا حل تلاشوں میں
یا بہتر ہے
سبھی الجھن سبھی سوچوں سبھی گرہوں کو جیسی ہیں انہیں ویسے ہی رہنے دوں
سزا کاٹوں
رہا ہو لوں

ماہ رخ علی ماہی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے