Search result for "taa-dar-e-mustafaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "taa-dar-e-mustafaa"

Nazm MATCHES FOR "taa-dar-e-mustafaa"

Nazm

shahid bhagat-singh

zindaa.n me.n shahiido.n kaa vo sardaar aayaa
shaidaa-e-vatan paikar-e-iisaar aayaa
hai daar-o-rasan kii sarfaraazii kaa din
sardaar bhagat-singh sardaar aayaa
taa-daar-o-rasan shauq se iThlaa ke gayaa
to shaan-e-shahaadat apnii dikhlaa ke gayaa
Tuk.De hotaa hai dil tire maatam me.n
laashe kaa a.ng a.ng kaTvaa ke gayaa
pii kar mai-e-shauq jhuumnaa vo teraa
be-parvaayaana ghuumnaa vo teraa
hai naqsh tire ahl-e-vatan ke dil par
phaa.nsii kii rasan ko chuumnaa vo teraa
jaam-e-hubb-e-vatan ke ai matvaale
ai paikar-e-naamuus hamiyyat vaale
ho aalam-e-arvaah me.n shaadaa.n ki nahii.n
ab tere vatan me.n vo hukuumat vaale

Tilok Chand Mahroom

Nazm

shahr-e-nigar

aaj phir taa-ba-chaman dar-e-pai-e-gul-haa-e-chaman
gungunaataa hu.aa zambuur-e-bahaar aa hii gayaa

Asrarul Haq Majaz

Nazm

muntaKHab-e-rozgar abulkalam-azad

ba.De KHuluus se detaa thaa dars-e-insaanii
hu.e hai.n jis kii badaulat zamiir nuuraanii

Saeed Arifi

Nazm

aata hai yaad mujhko

pa.Dhne ko jab bhii ghar par kahte the mere bhaa.ii
kartaa thaa dard-e-sar kaa akasr hii mai.n bahaanaa

Zafar Kamali

Nazm

musafir

sarsar-e-be-e.atidaalii se gurezaa.n fikr-o-fan
hosh me.n thaa taa-dam-e-aaKHir zamiir-e-mo'atabar

Aziz Tamannai

Nazm

jab kabhi she’r ho nahin pate

terii tasviir dekh lete hai.n
jab kabhii she'r ho nahii.n paate
phir to kyaa tazkira sunaa.e.n ki ham
taa-dam-e-sub.h so nahii.n paate

Kazim Rizvi

Nazm

dard-e-zeh

vo thaa ik lamha-e-taKHliiq
jis ne aag raushan kii
ta.Daptii thii safuura dard-e-zeh se
aur muusaa ko
sar-e-vaadii-e-siinaa nuur kaa lapkaa nazar aayaa
KHudaa-e-azz-o-jal se
ham-kalaamii kii sa.aadat ho ga.ii haasil
milaa ohda payambar kaa
magar vo kokh me.n jis ne
mahiino.n thaam kar rakkhaa
mohabbat kaa munazzah lamha
jis ne Guncha-e-nauras ko chaTkayaa
sar-e-shaaKH-e-rifaaqat
jis ne lorii ke bune hai.n bol
valii hai vo
nabii hai
aur na paiGambar

Shahnaz Nabi

Nazm

dard-e-mushtarak

aaj mai.n soch rahaa huu.n shab-e-tanhaa.ii me.n
kis qadar talKH javaanii kii luTii yaade.n hai.n
dekh is daur me.n aivaan-e-mohabbat ke liye
kaisii kaisii Gam-o-andoh kii buniyaade.n hai.n
kal tire diida-e-hairaa.n se lahuu phuuTaa thaa
aaj mere lab-e-KHaamosh pe fariyaade.n hai.n

Qateel Shifai

Nazm

tahrir ki fursat

Daakiya saare jahaa.n kii KHabre.n
le kar aataa hai magar mere liye
kitnii aavaaze.n mire saath chalaa kartii hai.n
kabhii maa.n baap ke rone kii sadaa
kabhii ahbaab ke phaTte hu.e juuto.n kii dukhan
kabhii duniyaa ke chaTaKHte hu.e aazaa kii pukaar
sub.h-taa-shaam vahii ek shab kaa aaha.ng
dar o diivaar pe u.Dtii hu.ii raaho.n kaa Gubaar
raakh-daanii me.n vahii saika.Do.n socho.n kaa dhu.aa.n
chaa.e kii pyaaliyaa.n phe.nke hu.e lamhaat ko lipTaa.e hu.e
shelf me.n dubke hu.e zehn ke naa-poKHta-nuquush
mez par nisf KHato.n kaa ambaar
kaun jaane unhe.n tahriir kii fursat kab ho?

Farhat Ehsas

Nazm

ek yaad ka rauzan

merii yaado.n me.n se ek yaad mujhe
taa-dam-e-marg nahii.n bhuulegii
merii is yaad kaa rauzan dariicha hai jis me.n se mujhe
kitne guzre hu.e pal saaf nazar aate hai.n

Ahmad Nadeem Qasmi

Nazm

meri patthar aankhen

ab ke miTTii kii ibaarat me.n likhii jaa.egii
sabz patto.n kii kahaanii ruKH-e-shaadaab kii baat
kal ke dariyaa.o.n kii miTtii hu.ii mub.ham tahriir
ab faqat ret ke daaman me.n nazar aa.egii
buu.nd bhar nam ko taras jaa.egii be-suud du.aa
nam agar hogii ko.ii chiiz to merii aa.nkhe.n
meraa uj.Daa hu.aa chehra mirii patthar aa.nkhe.n
qaht-e-afsaana nahii.n aur ye be-abr falak
aaj us des kal is des kaa vaaris hogaa
ham se tarke me.n mile.nge use biimaar daraKHt
tez kirno.n kii tamaazat se chaTaKHte hu.e ho.nT
dhuup kaa harf-e-junuu.n luu kaa vasiyyat-naama
aur mire shahr-e-tilismaat kii be-dar aa.nkhe.n
mirii be-dar mirii banjar mirii patthar aa.nkhe.n

Mustafa Zaidi

Nazm

gandhi

tuu ai gaa.ndhii 'ilaaj-e-dard-e-insaa.n ban ke aayaa thaa
a.ndherii raat me.n sub.h-e-daraKHshaa.n ban ke aayaa thaa
rumuuz-e-zindagii ko faash karne qalb-e-aadam par
charaaG-e-aagahii qindiil-e-'irfaa.n ban ke aayaa thaa
rasiilaa giit ban kar chhaa gayaa muflis kii mahfil me.n
jahaan-e-zar me.n shor-e-barq-o-baaraa.n ban ke aayaa thaa
safiina nazm-e-shaahii kaa Dubo kar dam liyaa jis ne
tuu vo jamhuuriyat kaa tund tuufaa.n ban ke aayaa thaa
dil-e-mazluum ke haq me.n tirii hastii thii ik lorii
sitamgar ke liye KHvaab-e-pareshaa.n ban ke aayaa thaa
vatan kyaa saarii duniyaa jis ke jalvo.n se damak uTThii
tuu charKH-e-hind kaa vo maah-e-taabaa.n ban ke aayaa thaa
jahaan-e-'ishq me.n tuu guu.nj uThaa saaz-e-vafaa ban kar
riyaaz-e-aadmiyyat me.n bahaaraa.n ban ke aayaa thaa
Gulaamii kii bhayaanak tiirgii ko Das liyaa jis ne
tuu aazaadii kii vo sham'-e-farozaa.n ban ke aayaa thaa
farishto.n kaa taqaddus thaa tire kirdaar me.n pinhaa.n
bazaahir dahr me.n tuu ek insaa.n ban ke aayaa thaa

Jafar Malihabadi

Nazm

mere zaKHmi honT

nashsha jis vaqt bhii TuuTegaa, ka.ii andeshe
sub.h-e-lab-basta ke siine me.n utar aa.e.nge
mahfil-e-sho.ala-e-shab-taab ke saare lamhe
raakh ho jaa.e.nge palko.n pe bikhar jaa.e.nge
ret dar aa.egii sunsaan shabistaano.n me.n
aur baguule pas-e-diivaar nazar aa.e.nge

Mustafa Zaidi

Nazm

tazmin bar-ashaar-e-ghaalib

jiite jii ham tum rahe gar yak-dil-o-yakjaa to kyaa
taa-dam-e-aaKHir bharaa gar dam mohabbat kaa to kyaa
umr bhar paimaa.n rahaa minnat-kash iifaa to kyaa
umr bhar kaa tuu ne paimaan-e-vafaa baa.ndhaa to kyaa
umr ko bhii to nahii.n hai paa.edaarii haa.e haa.e

Ze Khe Sheen

Nazm

har shajar jag uTha

ghanTiyaa.n bajne lagii.n Dhor chalte kheto.n ko
raaste jaag uThe saarii fazaa jaag uThii
sub.h-e-kaazib ke dhu.ndlako.n me.n ujaale chhiTke
har shajar jaag uThaa baad-e-sabaa jaag uThii
apne shaano.n pe sajaa.e hu.e azmat ke nishaa.n
apne kheto.n kii mu.nDero.n ke nigahbaan chale
jin se tahziib ke gosho.n ne jilaa paa.ii hai
un ziyaa-baar savero.n ke nigahbaan chale
kachchii ii.nTo.n ke makaano.n kaa muqaddar jaagaa
aag raushan hu.ii uplo.n kaa dhu.aa.n phail gayaa
dar-o-diivaar se yuu.n pyaar ke saa.e phuuTe
ziist kaa saaya bhii taa-hadd-e-gumaa.n phail gayaa
shor karte hu.e shahzaade gharo.n se nikle
jin ke malbuus dariida bhii hai.n bosiida bhii
jin ke qadmo.n se lipaTtii hai mire gaa.nv kii dhuul
jin kii tauqiir ko uThte hai.n jahaa.n-diida bhii

Khursheed Ahmad

Nazm

dars-e-mohabbat

dost milaa thaa tujh ko kaisaa haif itnaa bhii yaad nahii.n
jaan fidaa kartaa thaa jis par dil me.n us kii yaad nahii.n
gardish-e-dauraa.n ne jab us ko aah shikasta-haal kiyaa
dekh kar us ke haal-e-zabuu.n ko tuu ne kuchh na malaal kiyaa
kaun shikasta-haal kahaa.n hai ye bhii dhyaan aayaa na tujhe
aah tasavvur ne aise mohsin ke ta.Dpaayaa na tujhe
paas thaa apne qaul kaa jis ko tuu ne kuchh us kaa paas kiyaa
aamad-o-raft-e-deriina kaa bhuul ke bhii ehsaas kiyaa
us ke dard se vaaqif ho kar tuu ne KHabar kyaa lii us kii
qarz mohabbat jaan ke dil se kyaa ko.ii KHidmat kii us kii
dil tere us dost kaa naahaq vaqf-e-sahar-e-lisaanii thaa
merii samajh me.n ab aayaa vo jam-o-KHarch zabaanii thaa
naadaa.n insaan terii daulat tere saath na jaa.egii
lailaa-e-matlab duur rahegii tere paas na aa.egii
hasr faqat tujh hii par kiyaa hai tuu hii ik zar-dost nahii.n
dost bahut milte hai.n lekin un me.n aksar dost nahii.n
dost nahii.n jo naam kii KHaatir apne dost ke kaam aa.e
dost vo hai logo.n kii zabaa.n par jis kaa misaalan naam aa.e

Ali Manzoor Hyderabadi

Nazm

pursa

Gam-zado!!! charaaG aa.nkho.n ko sau.np do
ki aa.nsuu sirf charaaG rotaa hai
jis haath par charaaG dharaa thaa
vo haath hamaarii chhat thaa
dar-o-diivaar par chhat na rahe
to baadal bhii hausla haar dete hai.n

Anjum Saleemi

Nazm

dar-e-umid ke daryuza-gar

ham ki hai.n kab se dar-e-ummiid ke daryuuza-gar
ye gha.Dii guzrii to phir dast-e-talab phailaa.e.nge
kuucha o baazaar se phir chun ke reza reza KHvaab
ham yuu.nhii pahle kii suurat jo.Dne lag jaa.e.nge

Faiz Ahmad Faiz

Nazm

ya bagh mein khilta hai dam-e-subh ghul-e-tar

yaa baaG me.n khiltaa hai dam-e-sub.h Gul-e-tar
kyaa kyaa use hote nahii.n e'zaaz mayassar
bantaa hai 'aruusaan-e-jahaa.n ke liye zevar
dastaar me.n nausha ke rahaa kartaa hai aksar
lekin na kisii vaz' par is Dhang se dekhaa
bekas kii lahad par use jis rang se dekhaa

Chakbast Braj Narayan

Nazm

KHauf

ye duniyaa qaid-KHaana hai
ham is ke taa-dam-e-aaKHir muqayyad hai.n
ye jitnii ga.Dba.De.n uljhan hai.n in kaa hal talaashuu.n mai.n
yaa behtar hai
sabhii uljhan sabhii socho.n sabhii girho.n ko jaisii hai.n inhe.n vaise hii rahne duu.n
sazaa kaaTuu.n
rihaa ho luu.n

Mahrukh Ali Mahi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now