Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",BOf"

Nazm MATCHES FOR ",bof"

Nazm

KHub-surat moD

ta.aaruf rog ho jaa.e to us kaa bhuulnaa behtar
ta'alluq bojh ban jaa.e to us ko to.Dnaa achchhaa
vo afsaana jise anjaam tak laanaa na ho mumkin
use ik KHuub-suurat mo.D de kar chho.Dnaa achchhaa

Sahir Ludhianvi
Nazm

do ishq

phir dekhe hai.n vo hijr ke tapte hu.e din bhii
jab fikr-e-dil-o-jaa.n me.n fuGaa.n bhuul ga.ii hai
har shab vo siyah bojh ki dil baiTh gayaa hai
har sub.h kii lau tiir sii siine me.n lagii hai

Faiz Ahmad Faiz
Nazm

banjara-nama

kyuu.n jii par bojh uThaataa hai in gauno.n bhaarii bhaarii ke
jab maut kaa Deraa aan pa.Daa phir duune hai.n byopaarii ke
kyaa saaz ja.Daao zar-zevar kyaa goTe thaan kanaarii ke
kyaa gho.De ziin sunahrii ke kyaa haathii laal amaarii ke
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Nazm

marhum aur mahrum

mai.n bojh kaa.ndho.n pe aise uThaa ke chaltaa huu.n
tumhaaraa jaise janaaza uThaa ke chaltaa thaa
yahaa.n pe merii pareshaanii sirf merii hai
vahaa.n ko.ii na ko.ii kaa.ndhaa to badaltaa thaa

Zubair Ali Tabish
Nazm

nazm

jab vo is duniyaa ke shor aur KHaamoshii se
qat’-e-ta'alluq ho ke english me.n Gussa kartii hai
mai.n to Dar jaataa huu.n lekin
kamre kii diivaare.n ha.nsne lagtii hai.n
vo ik aisii aag hai jis ko sirf dahakne se matlab hai
vo ik aisaa phuul hai jis par apnii KHushbuu bojh banii hai
vo ik aisaa KHvaab hai jis ko dekhne vaalaa KHud mushkil me.n pa.D saktaa hai
us ko chhuune kii KHvaahish to Thiik hai lekin
paanii kaun paka.D saktaa hai
vo rango.n se vaaqif hai
balki har ik rang ke shajre tak se vaaqif hai
us ko 'ilm hai kin KHvaabo.n se aa.nkhe.n niilii pa.D jaatii hai.n
ham ne jin ko nafrat se mansuub kiyaa
vo un piile phuulo.n kii 'izzat kartii hai
kabhii kabhii vo apne haath me.n pencil le kar aisii satre.n khii.nchtii hai
sab kuchh siidhaa ho jaataa hai
vo chaahe to har ik chiiz ko us ke asl me.n laa saktii hai
sirf usii ke haatho.n se duniyaa tartiib me.n aa saktii hai
har patthar us paa.o.n se Takraane kii KHvaahish me.n zinda hai
lekin ye to usii adhuure-pan kaa jahaa.n hai
har pi.njre me.n aise qaidii kab hote hai.n
har kap.De kii qismat me.n vo jism kahaa.n hai
merii be-maqsad baato.n se tang bhii aa jaatii hai to
mahsuus nahii.n hone detii
lekin apne hone se uktaa jaatii hai
us ko vaqt kii paabandii se kyaa matlab hai
vo to band gha.Dii bhii haath me.n baa.ndh ke college aa jaatii hai

Tahzeeb Hafi
Nazm

jawahar-lal nehru

saarii qaumo.n ke gunaaho.n kaa ka.Daa bojh liye
umr-bhar suurat-e-iisaa jo sar-e-daar rahaa

Sahir Ludhianvi
Nazm

ek taswir-e-rang

tere naazuk se paro.n par ye zar-o-siim kaa bojh
terii parvaaz ko aazaad na hone degaa
tuu ne raahat kii tamannaa me.n jo Gam paalaa hai
vo tirii ruuh ko aabaad na hone degaa

Sahir Ludhianvi
Nazm

hubb-e-watan

baiThe be-fikr kyaa ho ham-vatano
uTho ahl-e-vatan ke dost bano
mard ho tum kisii ke kaam aa.o
varna khaa.o piyo chale jaa.o
jab ko.ii zindagii kaa lutf uThaa.o
dil ko dukh bhaa.iyo.n ke yaad dilaa.o
pahno jab ko.ii umda tum poshaak
karo daaman se taa garebaa.n chaak
khaanaa khaa.o to jii me.n tum sharmaa.o
ThanDaa paanii piyo to ashk bahaa.o
kitne bhaa.ii tumhaare hai.n naadaar
zindagii se hai jin kaa dil bezaar
naukaro.n kii tumhaare jo hai Gizaa
un ko vo KHvaab me.n nahii.n miltaa
jis pe tum juutiyo.n se phirte ho
vaa.n mayassar nahii.n vo o.Dhne ko
khaa.o to pahle lo KHabar un kii
jin pe biptaa hai niistii kii pa.Dii
pahno to pahle bhaa.iyo.n ko pahnaa.o
ki hai utran tumhaarii jin kaa banaav
ek Daalii ke sab hai.n barg-o-samar
hai ko.ii un me.n KHushk aur ko.ii tar
sab ko hai ek asl se paivand
ko.ii aazurda hai ko.ii KHursand
muqbilo mudabbiro.n ko yaad karo
KHush-dilo Gam-zado.n ko shaad karo
jaagne vaale Gaafilo.n ko jagaa.o
tairne vaalo Duubto.n ko tiraa.o
hai.n mile tum ko chashm o gosh agar
lo jo lii jaa.e kor-o-kar kii KHabar
tum agar haath paa.nv rakhte ho
la.ng.De luulo.n ko kuchh sahaaraa do
tandurustii kaa shukr kiyaa hai bataa.o
ra.nj biimaar bhaa.iyo.n kaa haTaa.o
tum agar chaahte ho mulk kii KHair
na kisii ham-vatan ko samjho Gair
ho musalmaan us me.n yaa hinduu
bodh maz.hab ho yaa ki ho brahamuu
ja.afrii hove yaa ki ho hanafii
jiin-mat hove yaa ho vaishnavii
sab ko miiThii nigaah se dekho
samjho aa.nkho.n kii putliyaa.n sab ko
mulk hai.n ittifaaq se aazaad
shahr hai.n ittifaaq se aabaad
hind me.n ittifaaq hotaa agar
khaate Gairo.n kii Thokare.n kyuu.nkar
qaum jab ittifaaq kho baiThii
apnii puu.njii se haat dho baiThii
ek kaa ek ho gayaa bad-KHvaah
lagii Gairo.n kii pa.Dne tum pe nigaah
phir ga.e bhaa.iyo.n se jab bhaa.ii
jo na aanii thii vo balaa aa.ii
paa.nv iqbaal ke ukha.Dne lage
mulk par sab ke haath pa.Dne lage
kabhii tuuraaniyo.n ne ghar luuTaa
kabhii durraaniyo.n ne zar luuTaa
kabhii naadir ne qatl-e-aam kiyaa
kabhii mahmuud ne Gulaam kiyaa
sab se aaKHir ko le ga.ii baazii
ek shaa.ista qaum maGrib kii
ye bhii tum par KHudaa kaa thaa in.aam
ki pa.Daa tum ko aisii qaum se kaam
varna dum maarne na paate tum
pa.Dtii jo sar pe vo uThaate tum
mulk rau.nde ga.e hai.n pairo.n se
chain kis ko milaa hai Gairo.n se

Altaf Hussain Hali
Nazm

zer-e-lab

kas bojh se jism TuuTtaa hai
itnaa to ka.Daa safar nahii.n thaa
vo chaar qadam kaa faasla kyaa
phir raah se be-KHabar nahii.n thaa
lekin ye thakan ye la.Dkha.DaahaT
ye haal to umr bhar nahii.n thaa

Ahmad Faraz
Nazm

naya sal

zindagii ke pe.D se
ek pattaa aur gir kar
Dher me.n gum ho gayaa hai
Dher un patto.n kaa jo pahle gire the
ha.ns rahaa hai
zindagii kaa pe.D KHush hai
jaise us kaa bojh halkaa ho gayaa hai

Kafeel Aazar Amrohvi
Nazm

baz-amad --- ek muntaj

ik parinda kisii ik pe.D kii Tahnii pe chahaktaa hai kahii.n
ek gaataa hu.aa yuu.n jaataa hai dhartii se falak kii jaanib
puurii quvvat se ko.ii ge.nd uchhaale jaise
ik phudaktaa hai sar-e-shaaKH pe jis tarah ko.ii
aamad-e-fasl-e-bahaarii kii KHushii me.n naache
guu.ndnii bojh se apne hii jhukii pa.Dtii hai
naaznii.n jaise hai ko.ii ye bharii mahfil me.n
aur kal haath hu.e hai.n piile
koyale.n kuuktii hai.n
jaamune.n pakkii hai.n, aamo.n pe bahaar aa.ii hai
arGanuu.n bajtaa hai yakjaa.ii kaa
niim ke pe.Do.n me.n jhuule hai.n jidhar dekho udhar
saavanii gaatii hai.n sab la.Dkiyaa.n aavaaz milaa kar har-suu
aur is aavaaz se guu.nj uTThii hai bastii saarii
mai.n kabhii ek kabhii duusre jhuule ke qarii.n jaataa huu.n
ek hii kam hai, vahii chehra nahii.n
aaKHirash puuchh hii letaa huu.n kisii se ba.Dh kar
kyuu.n habiiba nahii.n aa.ii ab tak?
khilkhilaa pa.Dtii hai.n sab la.Dkiyaa.n sun kar ye naam
lo ye sapne me.n hai.n, ik kahtii hai
baaolii sapnaa nahii.n, shahr se aa.e hai.n abhii
duusrii Toktii hai
baat se baat nikal chaltii hai
ThaaT kii aa.ii thii baaraat, chambelii ne kahaa
band-baajaa bhii thaa, diipaa bolii
aur dulhan pe hu.aa kitnaa bikher
kuchh na kuchh kahtii rahii.n sab hii magar mai.n ne sirf
itnaa puuchhaa vo nadii bahtii hai ab bhii, ki nahii.n
jis se vaabasta hai.n ham aur ye bastii saarii?
kyuu.n nahii.n bahtii, chambelii ne kahaa
aur vo bargad kaa ghanaa pe.D kinaare us ke?
vo bhii qaa.em hai abhii tak yuu.nhii
va.ada kar ke jo 'habiiba' nahii.n aatii thii kabhii
aa.nkhe.n dhotaa thaa nadii me.n jaakar
aur bargad kii ghanii chhaa.nv me.n so jaataa thaa

Akhtarul Iman
Nazm

ek laDki se

sa.ng-dil rivaajo.n kii
ye imaarat-e-kohna
apne aap par naadim
apne bojh se larzaa.n
jis kaa zarra zarra hai
KHud-shikastagii saamaa.n
sab KHamiida diivaare.n
sab jhukii hu.ii gu.Diyaa.n

Fahmida Riaz
Nazm

kandhe jhuk jate hain

ka.ndhe jhuk jaate hai.n jab bojh se is lambe safar ke
haa.np jaataa huu.n mai.n jab cha.Dhte hu.e tez cha.Dhaane.n
saa.nse.n rah jaatii hai.n jab siine me.n ik guchchaa saa ho kar
aur lagtaa hai ki dam TuuT hii jaa.egaa yahii.n par

Gulzar
Nazm

muslim umma ka America se shikwa

gar tire shahr me.n aa.e hai.n to ma.azuur hai.n ham
vaqt kaa bojh uThaa.e hu.e mazduur hai.n ham
ek hii job pe muddat se ba-dastuur hai.n ham
'bush' se nazdiik 'musharraf' se bahut duur hai.n ham

Khalid Irfan
Nazm

walid

ab miraa haath kaun thaamegaa
kaun ab meraa bojh uThaa.egaa

Noor N Sahir
Nazm

hubb-e-watan

baiThe be-fikr kyaa ho ham-vatano
uTTho ahl-e-vatan ke dost bano
tum agar chaahte ho mulk kii KHair
na kisii ham-vatan ko samjho Gair
ho.n musalmaan is me.n yaa hinduu
bodh maz.hab ho yaa ki ho brahamuu
sab ko miiThii nigaah se dekho
samjho aa.nkho.n kii putliyaa.n sab ko
mulk hai.n ittifaaq se aazaad
shahr hai.n ittifaaq se aabaad
hind me.n ittifaaq hotaa agar
khaate Gairo.n kii Thokare.n kyuu.nkar
qaum jab ittifaaq kho baiThii
apnii puu.njii se haath dho baiThii
ek kaa ek ho gayaa bad-KHvaah
lagii Gairo.n kii tum pe pa.Dne nigaah
phir ga.e bhaa.iyo.n se jab bhaa.ii
jo na aanii thii vo balaa aa.ii
paa.nv iqbaal ke ukha.Dne lage
mulk par sab ke haath pa.Dne lage
kabhii tuuraaniyo.n ne ghar luuTaa
kabhii durraaniyo.n ne zar luuTaa
kabhii naadir ne qatl-e-aam kiyaa
kabhii mahmuud ne Gulaam kiyaa
sab se aaKHir ko le ga.ii baazii
ek shaa.ista qaum maGrib kii
mulk rau.nde ga.e hai.n pairo.n se
chain kis ko milaa hii Gairo.n se

Altaf Hussain Hali
Nazm

ek manzar

baam-o-dar KHaamushii ke bojh se chuur
aasmaano.n se juu-e-dard ravaa.n
chaa.nd kaa dukh-bharaa fasaana-e-nuur
shaah-raaho.n kii KHaak me.n Galtaa.n
KHvaab-gaaho.n me.n niim taariikii
muzmahil lai raubaab-e-hastii kii
halke halke suro.n me.n nauha-kunaa.n

Faiz Ahmad Faiz
Nazm

aurat nama

ye izzat bojh hai shaayad
jahaa.n par dab ga.ii huu.n mai.n
har ik shab jaagte guzrii
ki sone kab ga.ii huu.n mai.n

Maaham Shah
Nazm

nehru

bojh se apne us kii kamar jhuk ga.ii
qad magar aur kuchh aur ba.Dhtaa rahaa
KHair-o-shar kii ko.ii ja.ng ho
zindagii kaa ho ko.ii jihaad
vo hamesha hu.aa sab se pahle shahiid
sab se pahle vo suulii pe cha.Dhtaa rahaa

Kaifi Azmi
Nazm

be-rozgar 2

bahut
umiido.n kaa bojh
kaa.ndho.n pe le ke pa.Dhnaa
sabhii ke
KHvaabo.n ko
apnii aa.nkho.n me.n
bhar ke pa.Dhnaa

Siraj Faisal Khan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now