Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",Fjk"

Nazm MATCHES FOR ",fjk"

Nazm

rishwat

nastaran me.n naaz baaqii hai na gul me.n ra.ng-o-buu
ab to hai sehn-e-chaman me.n KHaar-o-KHas kii aabruu
KHurdanii chiizo.n ke chehro.n se Tapaktaa hai lahuu
ruupa.e kaa rang faq hai ashrafii hai zard-ruu

Josh Malihabadi
Nazm

shab-baraat

chehra kisii kaa jal gayaa aa.nkhe.n jhulas ga.ii.n
chhaa.ii kisii kii jal ga.ii.n baahe.n jhulas ga.ii.n
Taa.nge.n bachii.n kisii kii to raane.n jhulas ga.ii.n
mo.nchhe.n kisii kii phuk ga.ii.n palke.n jhulas ga.ii.n
rakhe kisii kii daa.Dhii pe chi.ngaarii shab-baraat

Nazeer Akbarabadi
Nazm

aaj aur kal

mai.n ne dekhaa hai ki aflaas ke sahraa.o.n me.n
qaafile azmat-e-ehsaas ke ruk jaate hai.n
bekasii garm nigaaho.n ko jhulas detii hai
dil kisii sho.ala-e-zartaab se phuk jaate hai.n

Qateel Shifai
Nazm

humne KHwahishon ke sare parinde uDa diye hain

shuruu.a shuruu.a me.n achambhe achchhe lagte the
shauq bhii thaa aur din bhii bhale the
achchhe logo.n se milne kaa shauq junuun kii had tak
har lamha betaab liye phirtaa thaa
jab ko.ii apnaa hero
apne aadarsh kaa paikar saamne aataa
jii ye chaahtaa
aa.nkhe.n bichhaa.e.n dil me.n biThaa.e.n
baate.n sune.n itnii baate.n
sail-e-zamaa.n se uu.nchii baate.n
dil ke gahre Gam kii baate.n
duurii aur nazdiikii
lafz bahut chhoTe hai.n
un lafzo.n ko parkho to
insaan aur bhii chhoTe nikalte hai.n
paas bulaa kar jise dekho
us kaa chehra faq be-ra.ng
bhabhuut kii suurat kaalaa kaalaa
kyaa suuraj bahut niiche aa gayaa hai
kyaa maa.o.n ne bachche jan kar
duudh pilaanaa chho.D diyaa hai
goliyaa.n khaa ke duudh ke sote
KHushk karne vaalii maa.o.n
plastic ke bags me.n raat-raat-bhar
bachcho.n kaa peshaab jazb karne vaalii maa.o.n
nii.nd tumhaarii bahut miiThii hai
Thiik hai tum bhii bebas ho
mard gharo.n se Gaa.eb ho.n to
maa.n kii maamtaa bilak bilak kar
nii.nd kii golii ke aa.ngan me.n so hii jaayaa kartii hai
KHvaab-aavar golii
ye bhii to aaj kii aham zaruurat hai
masnuu.ii palke.n aa.nkho.n se utaar ke
aslii chehra mat dekho
goliyaa.n khaa.o so jaa.o aaraam karo
sub.h tumhaare sar ke uupar suuraj kii
aur bhii garm shu.aa.e.n raqs kare.ngii
achchhe log sub.h ko kuchh aur shaam ko kuchh
aur raat ko un ke KHuun kii tuGyaanii me.n
un ke haath aur un kii aa.nkhe.n
bilkul ja.ngalii chuuhe jaisii ma.aluum ho.n
pahle-pahal ye achambhaa thaa
KHauf kii tah me.n anjaane ko jaan.ne kii KHvaahish
mak.Dii ke jaale kii maanind phailii
pahle-pahal pistaano.n me.n dard kii Tiise.n bahut uThii.n
phir yaad nahii.n
masnuu.ii palke.n itnii lambii hai.n
mai.n apne pair ke naqsh ke aage dekh nahii.n saktii huu.n
kahte hai.n ki havaa chalii hai
khep na.e logo.n kii
jin ko achchhaa kahne vaale saath saath hai.n
pahu.nch ga.e hai.n shahr kinaare
suuraj ab to itnaa niiche aa pahu.nchaa hai
us ko uThaa ke duur kisii kone me.n dafan karo
raat kii chaadar o.Dhne se pahchaan kaa rishta
shukr KHudaayaa TuuT to jaataa hai
ai rab tuu vaalii-e-kaun-o-makaa.n
tuu sab ke dilo.n ke haal se vaaqif hai
to ham ko bataa ham kyaa soche.n
ham ne KHvaahisho.n ke saare parinde u.Daa diye hai.n

Kishwar Naheed
Nazm

mulamma ki anguThi

chaa.ndii kii a.nguuThii pe jo sone kaa cha.Dhaa jhol
ochhii thii lagii bolne itraa ke ba.Daa bol
ai dekhne vaalo tumhii insaaf se kahnaa
chaa.ndii kii a.nguuThii bhii hai kuchh gahno.n me.n gahnaa
chaa.ndii kii a.nguuThii ke na mai.n saath rahuu.ngii
vo aur hai mai.n aur ye zillat na sahuu.ngii
mai.n qaum kii uu.nchii huu.n ba.Daa meraa gharaanaa
vo zaat kii ghaTiyaa hai nahii.n us kaa Thikaanaa
merii sii kahaa.n chaashnii meraa saa kahaa.n ra.ng
vo mol me.n aur tol me.n mere nahii.n paassa.ng
merii sii chamak us me.n na merii sii damak hai
chaa.ndii hai ki hai raa.ng mujhe is me.n bhii shak hai
ye sunte hii chaa.ndii kii a.nguuThii bhii ga.ii jal
allaah-re mulamme kii a.nguuThii tere chhal-bal
sone kii mulamme pe na itraa merii pyaarii
do din me.n bha.Dak us kii utar jaa.egii saarii
kuchh der haqiiqat ko chhupaayaa bhii to phir kyaa
jhuuTo.n ne jo sachcho.n ko cha.Dhaayaa bhii to phir kyaa
mat bhuul kabhii asal tuu apnii arii ahmaq
jab taav diyaa jaa.egaa ho jaa.egaa mu.nh faq
sachche kii to izzat hii ba.Dhegii jo kare.n jaa.nch
mash.huur masal hai ki nahii.n saa.nch ko kuchh aa.nch
khone ko kharaa ban ke nikharnaa nahii.n achchhaa
chhoTe ko ba.Daa ban ke ubharnaa nahii.n achchhaa

Ismail Merathi
Nazm

jafa-e-dil-shikan

farsh-e-gul kii jaa hai bistar KHaar kaa
ra.ng faq hai har jigar-afgaar kaa
sadma hai andoh ke aazaar kaa
dil fasurda-haal hai biimaar kaa
paa-barahna ghar se nikle mard o zan
log dehlii ke hai.n saare na.ara-zan

Gulam Dastgeer Mubeen
Nazm

dhuniya

phindak phindak phindak phak
dhunak dhunak dhun dhunak dhunak
taa.nt bajii aur niklaa raag
ru.ii banii saabun kaa jhaag
kaisii chhantii jaatii hai
baadal bantii jaatii hai
kitnaa Dher hu.aa aahaa
mai.n is Dher pe kuudu.ngaa
ko.ii choT na aa.egii
ruu.ii magar dab jaa.egii
ittii ruu.ii itnaa Dher
ho ga.ii baarah terah ser
le ab ruu.ii ho ga.ii saaf
bhar le takiye aur lihaaf
in se sab sukh paate hai.n
o.Dhte aur bichhaate hai.n
miltaa hai sab ko aaraam
vaah re dhuniye teraa kaam
vaah rii dhunkii dhunak dhunak
phindak phindak phak phak phak

Hafeez Jalandhari
Nazm

suraj

suuraj ke dam se bachcho duniyaa me.n hai ujaalaa
suuraj na ho to chehra duniyaa kaa hogaa kaalaa
suuraj me.n maadde kii haalat plasma hai
puuchho ye aaj ham se kaisii hai aur kyaa hai
haa.n gas se ziyaada halkii plasma hai
bachcho ye tez garmii kii KHud hii rahnumaa hai
suuraj kii raushnii se bantaa hai bhaap paanii
letii hai janm bachcho baadal kii phir kahaanii
ik surKH sho.ala ban kar suuraj dahak rahaa hai
suuraj kii raushnii se chandaa chamak rahaa hai
solar heatero.n ko suuraj ne dii haraarat
suuraj kii pe.D paudo.n pe hotii hai inaayat
'haafiz' ye shaam ko jo chehra hai KHud hii faq hai
suuraj ke Duubne se aakaash par shafaq hai

Hafiz Karnataki
Nazm

ain-ul-yaqin

mai.n ne dukh nahii.n dekhaa
mai.n ne kuchh nahii.n dekhaa
mai.n ne sukh nahii.n dekhaa
mai.n ne kuchh nahii.n dekhaa
duniyaa merii hathelii se baahar kyaa rahii hogii mai.n ne dekhaa
zamiin par shaayad sailaab aayaa thaa
mai.n ne dekhaa ki dhuup chau.nkii
aur bhaag kar daraKHto.n kii choTiyo.n par cha.Dh ga.ii us kaa rang faq thaa
aur us kii umr terah baras se ziyaada na thii
sailaab ne us ke paa.nv chhuu liye use phir bhii yaqiin nahii.n aayaa
jaise kah rahii ho
jaa.o mujhe apne yaqiinii par kabhii yaqiin nahii.n aayaa
be-iimaan aadmii kii tarah
mai.n be-yaqiin huu.n
ye log kahaanii sunaate sunaate ruk jaate hai.n
aur KHaamoshii ko sunaate sunaate ruk jaate hai.n
jaise tiir-e-aarzuu havaa aur parinda chhide hu.e tirchhe zaaviye banaa kar
zan se guzar ga.e ho.n
aur jaise un sab ko ek nazar me.n sab ne dekh liyaa ho
jin samundaro.n par ye parinde gire.nge
vahaa.n bahut shor hogaa
aur log kahaaniyo.n ko amaanat kar ke dariyaa me.n bahaa dete ho.nge
ye log tambaakuu ke patto.n me.n apne dil lapeT kar bo dete ho.nge

Nasreen Anjum Sethi
Nazm

munne ki phulwari

chhuk chhuk phak phak shor machaatii chalii rail sarkaarii hai
ye munne kii phulvaarii hai

Bekal Utsahi
Nazm

ek mauqa

KHvaab-parast! ujaalaa na kar
meraa KHuun safed aur rang faq hai
mujhe naaKHun se kured, aa chal ke kahii.n baiThe.n
baadshaah ke huzuur kha.De kha.De mai.n shal ho ga.ii
mom-battii kii tarah
mujhe alganii par Taa.ng de ki merii dohragii kaa bojh
baan baTne vaale pe ho tujh par na ho
KHvaab-parast! mujhe jagaa to le phir so jaanaa
kyuu.nki nahii.n jaanaa jis ne jo jaanaa
bhii.D bahut hai aur begaanagii us se bhii bahut
lekin me.n tujhe bahuto.n me.n se bhii Dhuu.nD luu.ngii
baa-mohabbat baa-iimaan KHushbuu dariicha dariicha phirii
aur kahtii thii sadiyo.n kaa kahaa
buu.nd buu.nd miTTii kashiid karne kaa fan
kaho kah chuko
KHuu.n-bahaa anaaro.n ke khet
poshiida KHazaano.n ke KHvaab
a.nguuThii pe mohr terii aa.nkhe.n
aur tuu haakim-e-shahr
mehrbaa.n! mehrbaa.n! mehrbaa.n
azaab-e-ziist se hukm, rihaa.ii kaa de
ek mauqa mujhe jag-ha.nsaa.ii kaa de!

Nasreen Anjum Bhatti
Nazm

target killing

sab ne faq chehro.n ke saath
mu.D ke dekhaa
ek lamhe ke liye baazaar saakit
aur scooter ravaana ho gayaa

Ishrat Afreen
Nazm

jadid shaeri

mai.n thaa jadiid shaa.erii karne ke mood me.n
zehn-e-rasaa se raat taKHayyul u.Daa rahaa
mafhuum-e-sher ek taraf ko pa.Daa rahaa
aaya mirii zabaa.n pe na felun na faa.elun
chhoTaa rahaa ko.ii ko.ii misraa ba.Daa rahaa
thaa is udhe.D-bun me.n ki kuchh aa.ii.n shaa.eraat
jin kaa qadiim rang me.n jhanDaa ga.Daa rahaa
mai.n ne kahaa ki kuchh kaho rang-e-jadiid me.n
sun kar ye un kaa ruu-e-suKHan faq pa.Daa rahaa
par pha.Dpha.Daa ke rah ga.ii.n be-chaarii shaa.eraat
paa-e-KHayaal apnii jagah par a.Daa rahaa
bazm-e-jadiid me.n na ga.ii.n shab kii murGiyaa.n
suuraj ko cho.nch me.n liye murGaa kha.Daa rahaa

Hilal Rizvi
Nazm

yakum may

qatl-e-gul qatl-e-sabaa qatl-e-sahar kii taqriib
mun.aqid hotii rahii baarhaa aivaano.n me.n
qila-e-jabr-o-tashaddud me.n
qasr-e-zulmat me.n
KHalvat-e-shab me.n
gaahe-gaahe sar-e-raahe
aur is baar ye taqriib ba.Dii shaan ke saath
mun.aqid ahl-e-havas ke haatho.n
rahguzaaro.n pe hu.ii
bar-sar-e-baazaar hu.ii
kuucha-e-shahr-e-nigaaraa.n me.n hu.ii
dasht-o-sahraa me.n hu.ii
kohsaaro.n me.n hu.ii
naam-e-gul naam-e-sabaa naam-e-sahar vird-e-zabaa.n
har-nafas gaam-ba-gaam
mohtaram hai ravish-e-makr-o-fareb-e-paiham
sheva-e-raahzanii kii KHair
pesha-e-qatl kii azmat kii duhaa.ii diije
dast-e-qaatil ke taqaddus kii qasam khaa.ii ga.ii
saathiyo chalte raho
ham rivaayaat-e-chicago ke amii.n
KHuun-e-fučík ke taqaddus ke amii.n
azmat-e-KHuun-e-lumumba ke amii.n
KHuun-e-naasir ke amii.n
nazr-e-KHuu.n dete rahe hai.n
sar-e-mahfil sar-e-zindaa.n sar-e-maqtal sar-e-daar
nazr-e-KHuu.n dete rahe.nge ham log

Muslim Shameem
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now