Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",ZViF"

Nazm MATCHES FOR ",zvif"

Nazm

guman ka mumkin- jo tu hai main hun

isii tarah mai.n bhii saath in ke utar gayaa huu.n
aur aise saahil par aa lagaa huu.n
jahaa.n KHudaa ke nishaan-e-paa ne panaah lii hai
jahaa.n KHudaa kii za.iif aa.nkhe.n
abhii salaamat bachii hu.ii hai.n,
yahii samaavii KHiraam meraa nasiib niklaa
yahii samaavii KHiraam jo merii aarzuu thaa

Noon Meem Rashid
Nazm

pand-nama

ai majaaz ai taraana-baar majaaz
zinda paiGambar-e-bahaar majaaz
ai baruu-e-saman-vishaa.n gul-posh
ai ba kuu-e-muGaa.n tamaam KHarosh
ai parastaar-e-mah-ruKHaan-e-jahaa.n
ai kamaa.n-daar-e-shaa.iraan-e-javaa.n
tujh se taabaa.n jabiin-e-mustaqbil
ai mire siina-e-umiid ke dil
ai majaaz ai mubassir-e-KHad-o-KHaal
ai shu.uur-e-jamaal o sham-e-KHayaal
ai surayyaa-fareb o zohra-navaaz
shaa.ir-e-mast o rind-e-shaahid-baaz
naaqid-e-ishva-e-shabaab hai tuu
sub.h-e-fardaa kaa aaftaab hai tuu
tujh ko aayaa huu.n aaj samjhaane
haif hai tuu agar buraa maane
KHud ko Garq-e-sharaab-e-naab na kar
dekh apne ko yuu.n KHaraab na kar
shaa.irii ko tirii zaruurat hai
daur-e-fardaa kii tuu amaanat hai
sirf terii bhalaa.ii ko ai jaa.n
ban ke aayaa huu.n naaseh-e-naadaa.n
ek Thahraav ik takaan hai tuu
dekh kis darja dhaan-paan hai tuu
na.ng hai mahz ustuKHaa.n honaa
saKHt ihaanat hai naa-tavaa.n honaa
ustuKHvaanii badan duKHaanii post
ek sa.ngiin jurm hai ai dost
sharm kii baat hai vajuud-e-saqiim
naa-tavaanii hai ik gunaah-e-aziim
jism aur ilm turfa taaqat hai
yahii insaan kii nubuvvat hai
jo za.iif-o-aliil hotaa hai
ishq me.n bhii zaliil hotaa hai
har hunar ko jo ek daulat hai
ilm aur jism kii zaruurat hai
kasrat-e-baada rang laatii hai
aadmii ko lahuu rulaatii hai
KHush-dilo.n ko rulaa ke ha.nstii hai
sham-e-aKHtar bujhaa ke ha.nstii hai
aur jab aafat jigar pe laatii hai
ri.nd ko maulvii banaatii hai
mai se hotaa hai maqsad-e-dil faut
mai hai buniyaad-e-maulviyyat-o-maut
kaan me.n sun ye baat hai nashtar
maulviyyat hai maut se bad-tar
is se hotaa hai kaar-e-umr tamaam
is se hotaa hai aql ko sarsaam
is me.n insaa.n kii jaan jaatii hai
is me.n shaa.ir kii aan jaatii hai
ye zamiin aasmaan kyaa shai hai
aan jaa.e to jaan kyaa shai hai
gauhar-e-shaah-vaar chun pyaare
mujh se ik gur kii baat sun pyaare
Gam to bantaa hai chaar din me.n nashaat
shaadmaanii se rah bahut mohtaat
Gam ke maare to jii rahe hai.n hazaar
nahii.n bachte hai.n aish ke biimaar
aan me.n dil ke paar hotii hai
pa.nkhu.Dii me.n vo dhaar hotii hai
juu-e-ishrat me.n Gam ke dhaare hai.n
yaKH-o-shabnam me.n bhii sharaare hai.n
haa.n sambhal kar lataafato.n ko barat
TuuT jaa.e kahii.n na ko.ii parat
dekh kar shiisha-e-nashaat uThaa
ye varaq hai varaq hai sone kaa
kaaGaz-e-baad ye nagiina hai
balki ai dost aabgiina hai
saaGar-e-shabnam-e-KHush-aab hai ye
aabgiina nahii.n habaab hai ye
rok le saa.ns jo qariib aa.e
Thes us ko kahii.n na lag jaa.e
teG-e-mastii ko ehtiyaat se chhuu
varna Tapkegaa u.ngliyo.n se lahuu
mastiyo.n me.n hai taab-e-jalva-e-maah
aur siyah mastiyaa.n KHudaa kii panaah
KHuub hai ek had pe qaa.em nasha
halkaa phulkaa subuk mulaa.em nasha
haa.n adab se uThaa adab se jaam
taaki aab-e-halaal ho na haraam
jaam par jaam jo cha.Dhaate hai.n
uu.nT kii tarah bilbilaate hai.n
zindagii kii havas me.n marte hai.n
mai ko rusvaa-e-dahr karte hai.n
yaad hai jab 'jigar' cha.Dhaate the
kyaa alif ho ke hin-hinaate the
merii gardan me.n bhar ke chand aahe.n
paa.nv se Daalte the vo baa.nhe.n
aql kii maut ilm kii pastii
al-amaa.n la.anat-e-siyah mastii
uf ghaTaa-Top nashshe kaa tuufaan
bhuut ifriit dev jin shaitaan
laat ghuu.nsa chha.Dii chhurii chaaquu
lib-libaahaT lu.aab kaf badbuu
tanz aavaaza barhamii ifsaad
ta.an tashnii.a maz.haka iiraad
shor huu-haq abe-tabe hai hai
aukhiyaa.n gaaliyaa.n dhamaake qai
mas-masaahaT Gashii tapish chakkar
soz sailaab sansanii sarsar
chal-chaKHe chiiKH chunaa.n-chunii.n chi.nghaa.D
chaKH-chaKHe chaa.uu.n chaa.uu.n chiil-chilhaa.D
lappaa-Dukki lataam laam la.Daa.ii
haul haijaan haa.nk haathaa-paa.ii
khalbalii kaa.o.n kaa.o.n khaT-manDal
hau.nk ha.ngaama hamhama halchal
uljhan aavaargii udham aiThan
bhau.nk bhau.n bhau.n bhinan bhinan bhan-bhan
dhaul-dhappaa dhaka.D-paka.D dhutkaar
tahlka tuu ta.Daaq tuf takraar
buu bhabhak bhay bikas barar bhau.nchaal
dabdabe dandanaahaTe.n dhammaal
gaah narmii o lutf o mehr o salaam
gaah talKHii o turshii o dushnaam
aql kii maut ilm kii pastii
al-amaa.n la.anat-e-siyah mastii
sirf nashshe kii bhiigne de mase.n
in ko ban.ne na de kabhii mo.nchhe.n
al-amaa.n KHaufnaak kaalaa nasha
oh riish-o-buruut vaalaa nasha
azhdar-e-marg o dev-e-KHuu.n-KHvaarii
al-amaa.n nashsha-e-''jaTaadhaarii''
nashshe kaa jhuT-puTaa hai nuur-e-hayaat
jhuTpuTe ko banaa na kaalii raat
nashshe kii tez raushnii bhii Galat
chaudhvii.n kii sii chaa.ndnii bhii Galat
zehn-e-insaa.n ko baKHshtaa hai jamaal
nashsha ho jab ye qadr-e-nuur-e-hilaal
Gurfa-e-aql bhe.D to akasr
par use kach-kachaa ke band na kar
raat ko lutf-e-jaam hai pyaare
din kaa piinaa haraam hai pyaare
din hai ifriit-e-aaz kii khankaar
raat paazeb naazukii jhankaar
din hai KHaashaak KHaak dhuul dhu.aa.n
raat aa.iina anjuman afshaa.n
din musallah davaa.n kamar basta
raat taaq-o-ravaaq-o-gul-dasta
din hai faulaad-e-sa.ng teG-e-alam
raat kam-KHvaab pa.nkhu.Dii shabnam
din hai shevan duhaa.iyaa.n dukh.De
raat mast a.nkh.Diyaa.n javaa.n mukh.De
din ka.Dii dhuup kii bad-aaha.ngii
raat pichhle pahar kii saara.ngii
din bahaadur kaa baan biir kii rath
raat champaa-kalii a.nguuThii nath
din hai tuufaan-e-jumbish-o-raftaar
raat miizaan-e-kaakul-o-ruKHsaar
aaftaab-o-sharaab hai.n bairii
botale.n din ko hai.n pachhal pairii
kar na paamaal hurmat-e-auqaat
raat ko din banaa na din ko raat
pii magar sirf shaam ke ha.ngaam
aur vo bhii ba-qadr-e-yak-do jaam
vahii insaa.n hai KHurram-o-KHursand
jo hai miqdaar o vaqt kaa paaband
mere piine hii par na jaa mirii jaa.n
mujh se jiinaa bhii siikh hai.n qurbaa.n
us ke piine me.n rang aataa hai
jis ko jiine kaa Dha.ng aataa hai
ye nasaa.eh bahut hai.n besh-bahaa
jald so jald jaag jald nahaa
baaG me.n jaa tuluu.a se pahle
taa nigaar-e-sahar se dil bahle
sarv-o-shamshaad ko gale se lagaa
har chaman-zaad ko gale se lagaa
mu.nh a.ndhere fazaa-e-gulshan dekh
saahil o sabza-zaar o sausan dekh
gaah aavaara abr-paare dekh
in kii raftaar me.n sitaare dekh
jaise kohre me.n taab-e-ruu-e-nikuu
jaise jangal me.n raat ko jugnuu
gul kaa mu.nh chuum ik tarannum se
nahr ko gudgudaa tabassum se
jism ko kar araq se nam-aaluud
taaki shabnam pa.Dhe lahak ke daruud
phe.nk sanjiidgii kaa sar se baar
naach uchhal dandanaa chhalaa.nge.n maar
dekh aab-e-ravaa.n kaa aa.iina
dau.D saahil pe taan kar siina
mast chi.Diyo.n kaa chahchahaanaa sun
mauj-e-nau-mashq kaa taraana sun
bostaa.n me.n sabaa kaa chalnaa dekh
sabza o sarv kaa machalnaa dekh
shabnam-aaluud kar suKHan kaa libaas
chakh dhundalke me.n buu-e-gul kii miThaas
shaa.irii ko khilaa havaa-e-sahar
is kaa nafqa hai terii gardan par
raqs kii lahr me.n ho gum lab-e-nahr
yuu.n adaa kar uruus-e-sher kaa mahr
jazb kar bostaa.n ke naqsh-o-nigaar
zehan me.n khol misr kaa baazaar
narm jho.nko.n kaa aab-e-haivaa.n pii
buu-e-gul ra.ng-e-shabnamistaa.n pii
gun-gunaa kar nazar uThaa kar pii
sub.h kaa shiir daGdaGa kar pii
taaki mujre ko aa.e.n kul barkaat
daulat jism o ilm o aql o hayaat
ye na ta.ana na ye ulahnaa hai
ek nukta bas aur kahnaa hai
Gaibat-e-nuur ho ki kasrat-e-nuur
zulmat-e-taam ho ki sho.ala-e-tuur
ek saa hai vabaal dono.n kaa
tiirgii hai ma.aal dono.n kaa
darKHur-e-saahab-e-ma.aal nahii.n
har vo shai jis me.n e'tidaal nahii.n
shaadmaanii se pii nahii.n saktaa
jis ko haukaa ho jii nahii.n saktaa
ai pisar ai baraadar ai hamraaz
ban na is tarah duur kii aavaaz
ko.ii biimaar tan nahii.n saktaa
KHaadim-e-KHalq ban nahii.n saktaa
KHidmat-e-KHalq farz hai tujh par
daur-e-maazii kaa qarz hai tujh par
asr-e-haazir ke shaa.ir-e-KHuddaar
qarz-daarii kii maut se hoshyaar
zehn-e-insaaniyat ubhaar ke jaa
zindagaanii kaa qarz utaar ke jaa
tujh pe hindostaan naaz kare
umr terii KHudaa daraaz kare

Josh Malihabadi
Nazm

wapsi

yaad hogaa na meraa kamra
diivaare.n jis kii bharii hu.ii.n hai.n
ab bhii terii hii tasviiro.n se
jis kii saakin fazaa me.n ab tak
tumhaarii KHushbuu basii hu.ii hai
vahaa.n ik za.iif sii mez hogii
jis pe rakhe bosiida kaaGaz
un pe likhii adhuurii nazme.n
vo adh-miTe se huruuf saare
bataa.e.nge tum ko kis tarah se
adhuure-pan ke azaab jhele

Ashfaq Ahmad Saim
Nazm

tera aur mera sath

teraa aur meraa saath aalam-e-barzaKH se hai
aalam-e-barzaKH ya.anii jahaa.n arvaah ik saath thii.n
mai.n aur tum ya.anii ham
vahaa.n bhii ik saath the
phir mujhe aur tumhe.n ik saath
shaayad tah-dar-tah ik saath sulaa diyaa gayaa
yahaa.n hamaare liye maa.n kii kokh ko garm kiyaa gayaa
vahaa.n mai.n aur yahaa.n tum ne ik hayuule kii shakl lii
farz karo chaaliis din kaa ik hafta ho aur tiin hafto.n me.n
hamaaraa ya.anii tumhaaraa aur meraa nuur ik nuur ne us hayuule me.n phuu.nk diyaa
tum puuchhtii ho kab se mohabbat hai
tum sochtii ho kab se aashnaa hai.n
jaanaa.n
ham duniyaa kii daryaaft se pahle aashnaa hai.n
hamaarii arvaah ne daryaaft se pahle mohabbat kii thii
jism to ab mayassar hai.n
magar
ham kaa.enaat ke vajuud se pahle mil chuke hai.n

Zeef Zia
Nazm

buzdil

maatahat kii za.iif aa.ankho.n me.n
ek bujhtii hu.ii zehaanat thii
afsaro.n ke latiif lahje me.n
qahr thaa, zahr thaa, KHitaabat thii
ye har ik din kaa vaaqi.a, us din
sirf is ahmiyat kaa haamil thaa
ki sharaafat ke zo.am ke baa-vasf
mai.n bhii in afsaro.n me.n shaamil thaa

Mustafa Zaidi
Nazm

KHiraj-aqidat

sar-ba-sar ik muzhda-e-taskiin-e-mardaan-e-za.iif
quvvat-e-baazuu-e-yaaraan-e-javaa.n paidaa hu.aa

Asrarul Haq Majaz
Nazm

safir-e-laila-4

hariim-e-mahmil me.n aa gayaa huu.n salaam le lo
salaam le lo ki mai.n tumhaaraa amiin-e-qaasid KHajil musaafir azaa kii vaadii se lauT aayaa
mai.n lauT aayaa magar saraasiima is tarah se
ki pichhle qadmo.n palaT ke dekhaa na guzre rasto.n ke faaslo.n ko
jahaa.n pe mere nishaan-e-paa ab thake thake se gire pa.De the
hariim-e-mahmil me.n vo safiir-e-naved-parvar
jise zamaane ke past o baalaa ne itne qisse pa.Dhaa diye the
jo pahle qarno.n kii tiirgii ko ujaal dete
tumhe.n KHabar hai
ye meraa siina qadiim ahraam me.n akelaa vo ik haram thaa
aziim raazo.n ke kohna taabuut jis kii ka.Diyo.n me.n bas rahe the
unhii.n havaa.o.n kaa Dar nahii.n thaa
na sahraa-zaado.n ke naslii kaa hii un kii gird-e-KHabar ko pahu.nche
hariim-e-mahmil me.n vo amaanat kaa paasbaa.n huu.n
jo charm-e-aahuu ke narm kaaGaz pe likkhe naame ko le ke niklaa
vahii ki jis ke savaar hone ko tum ne baKHshaa jahaaz-e-sahraa
taviil raaho.n me.n KHaalii mashko.n kaa baar le kar hazaar sadiyaa.n safar me.n gardaa.n
kahii.n saraabo.n kii bahtii chaa.ndii kahii.n chaTaano.n kii saKHt qaashe.n
mayaan-e-raah-e-safar kha.De the jaka.Dne vaale nazar ke lobhii
magar na bhaTkaa bhaTakne vaalaa
jo dam liyaa to azaa me.n jaa kar
hariim-e-mahmil suno fasaane jo sun sako to
mai.n chalte chalte safar ke aaKHir pe aisii vaadii me.n jaa ke Thahraa
aur us pe guzre hariis lamho.n ke un nishaano.n ko dekh aayaa
jahaa.n ke naqshe biga.D ga.e hai.n
jahaa.n ke tabqe ulaT ga.e hai.n
vahaa.n kii fasle.n zaqquum kii hai.n
havaa.e.n kaalii hai.n raakh u.D kar kha.nDar me.n aise phunkaartii hai
ki jaise azhdar chahaar jaanib se jab.De khole Gadar machaate
zamii.n pe kiina nikaalte ho.n
kasiif zahro.n kii thailiyo.n ko Gazab se baahar uchhaalte ho.n
muhiib saa.e me.n devtaa.o.n kaa raqs jaarii thaa
TuuTe haatho.n kii haDDiyo.n se vo dohl-e-baatil ko piiTte the
za.iif kavvo.n ne ahl-e-qarya kii qabre.n khodii.n
tuu un ke naaKHun nahiif panjo.n se jha.D ke aise bikhar rahe the
chako.ndaro.n ne chabaa ke phe.nke ho.n jaise haDDii ke KHushk reze
hariim-e-mahmil vahii vo manzil thii jis ke siine pe mai.n tumhaarii nazar se pahu.nchaa uThaa.e mehr o vafaa ke naame
vahii.n pe baiThaa thaa sar-ba-zaanuu tumhaaraa mahram
kha.nDar ke bosiida pattharo.n par haziin o Gamgii.n
vahii.n pe baiThaa thaa
qatl-naamo.n ke mahzaro.n ko vo pa.Dh rahaa thaa
jo pastiyo.n ke kotaah haatho.n ne us kii qismat me.n likh diye the
hariim-e-mahmil mai.n apne naaqa se niiche utraa to mai.n ne dekhaa ki us kii aa.nkhe.n KHamosh o viiraa.n
Gubaar-e-sahraa mizha pe larzaa.n thaa ret diido.n me.n u.D rahii thii
magar sharaafat kii ek lau thii ki us ke chehre pe narm haala kiye hu.e thii
vo mere lahje ko jaantaa thaa
hazaar manzil kii duuriyo.n ke sataa.e qaasid ke ukh.De qadmo.n kii chaap sunte hii uTh kha.Daa thaa
dayaar-e-vahshat me.n bas rahaa thaa
pe terii saa.nso.n ke zer-o-bam se uThii haraarat se aashnaa thaa
vo kah rahaa thaa yahaa.n se jaa.o ki yaa.n KHaraabo.n ke kaar-KHaane hai.n
roz o shab ke jo silsile hai.n khule KHasaaro.n kii manDiyaa.n hai.n
vo Dar rahaa thaa tumhaaraa qaasid kahii.n KHasaaro.n me.n baT na jaa.e
hariim-e-mahmil mai.n kyaa bataa.uu.n vahii.n pe khoyaa thaa meraa naaqa
faqat KHaraabe ke chand lamhe hii us ke guude ko khaa ga.e the
usii maqaam-e-tilism-gar me.n vo ustaKHvaano.n me.n Dhal gayaa thaa
jahaa.n pe bikhraa pa.Daa thaa pahle tumhaare mahram kaa asp-e-taazii
aur ab vo naaqa ke ustuKHvaa.n bhii
tumhaare mahram ke asp-e-taazii ke ustaKHvaano.n me.n mil ga.e hai.n
hariim-e-mahmil vahii vo patthar the jin pe rakkhe the mai.n ne mehr o vafaa ke naame
jahaa.n pe zinda ruto.n me.n baa.ndhe the tum ne paimaan o ahd apne
magar vo patthar ki ab ajaa.ib kii kaargah hai.n
tumhaare naame kii us ibaarat ko khaa ga.e hai.n
shifaa ke haatho.n se jis ko tum ne raqam kiyaa thaa
so ab na naaqa na ko.ii naama na le ke aayaa javaab-e-naama
mai.n naa-muraad o KHajil musaafir
magar tumhaaraa amiin qaasid azaa kii vaadii se lauT aayaa
aur us najiib o kariim mahram-e-vafaa ke paikar ko dekh aayaa
jo aane vaale dino.n kii gha.Diyaa.n abad kii saa.nso.n se gin rahaa hai

Ali Akbar Natiq
Nazm

tulsidas

dil dahal jaataa hai jis bhii vaqt karte hai.n KHayaal
terii raamaa.en na hotii gar to hotaa kaisaa haal
chand din gar aur chaltaa vo zamaana apnii chaal
ham ko kar detii za.iif-ul-e'tiqaadii paa.emaal

Jagat Mohan Lal Ravan
Nazm

aazad KHayal laDki

vo ik aazaad KHayaal la.Dkii thii
use chhup kar
chaar diivaaro.n me.n
romance karnaa pasand nahii.n thaa
aur mere ghar ke baahar
izzat ke naam kii
ik taKHtii ja.Dii hai

Zeef Zia
Nazm

sota hun

bahut der ho ga.ii
yuu.n jaagte jaagte
aisaa lagtaa hai jaise buu.Dhaa ho gayaa huu.n
yaa ham vo hai.n jinhe.n buu.Dhaa hii janaa gayaa
haath paa.nv bhii javaab de rahe.n hai.n
Thiik se dikhaa.ii bhii nahii.n de rahaa
aa.nkhe.n jaise dhuu.ndhiyaa ga.ii.n ho.n
shaayad
aa.nsuu hai.n
palko.n kii dahliiz bhii paar nahii.n kar paa rahe.n
ab to jaane do
kuchh der ke liye so jaane do
jaane yuu.n ki abhii kahii.n se
vo ik farishta mere ta.aaqub me.n aa nikle
tho.Dii sii nii.nd puurii kar luu.n
phir us ke saath bhii jaanaa hai

Zeef Zia
Nazm

aane wali nasl ka tohfa

chalo ik va.ada karte hai.n
ki ham aur aap sab bhii
zehn aur dil kii kuduurat saaf karte hai.n
be-iimaanii par diyaanat kibr par iKHlaas ko
nafrato.n ke zahr par pyaar kii miThaas ko
ham Gaalib karte hai.n
chalo ham ye bhii karte hai.n
ki ahl-e-haq ko un kaa haq dilaate hai.n
jo mujrim hai.n unhe.n mujrim hii kahte hai.n
fareb-o-maslahat ko aap bhii aur ham bhii chho.De.n
qadam boso.n ke bhayaanak Gol ko jo diimak-o-jaraasiim kii suurat
nizaam-e-fikr-o-fan barbaad kartaa hai
use ham duur rakhte hai.n use mazmuum kahte hai.n
sunaa hai jis zamii.n jis qaum se sachchaa.ii jaatii hai
to us ke saath hii iimaan aur insaaf jaataa hai
to apne taur par in tiino.n ko ham thaame rakhte hai.n
chalo ham aisaa karte hai.n
za.iif-o-tifl ko bahuu ko beTiyo.n ko maa.n ko ham mushtarka kahte hai.n
dharm aur zaat ke
qasrat-o-qillat ke saare phuulo.n ko chun kar
unhe.n KHush-ra.ng karte hai.n hasii.n maalaa pirote hai.n
chalo ham aisaa karte
ye tohfa aane vaalii nasl ko ham pesh karte hai.n

Abu Bakr Abbad
Nazm

kya aur kaun

puraane daur me.n rahtaa thaa ik kisaan aisaa
jo baat baat pe sab se savaal kartaa thaa
hasiin aur zahiin apne dono.n beTo.n ke
KHud us ne naam bhii kyaa aur kaun rakkhe the
ba.Daa thaa umr me.n kyaa us se kaun thaa chhoTaa
shariir dono.n the aur qad thaa dono.n kaa uu.nchaa
ye vaaqi.a hai ki ik roz apnii haajat se
za.iif aayaa ko.ii un ke baap se milne
kahaa ye dono.n ne is se abhii ga.e hai.n kahii.n
vo lauT aa.e.nge jaldii hame.n hai is kaa yaqii.n
agar ho kaam zaruurii to baiThiye baabaa
za.iif soch ke kuchh un ke ghar me.n baiTh gayaa
savaal us ne kiyaa kyaa se kyaa hai naam tiraa
javaab ha.ns ke diyaa kyaa ne kyaa hai naam miraa
kahaa za.iif ne mai.n sun sakaa na naam tiraa
KHudaa-raa phir se bataa mujh ko teraa naam hai kyaa
to kyaa ne zor se fauran kahaa ki mai.n kyaa huu.n
tumhaaraa beTaa huu.n baabaa tumhaaraa beTaa huu.n
za.iif sun ke hu.aa mushta.il javaab us kaa
ruKH apnaa kaun kii jaanib phir us ne mo.D liyaa
kiyaa savaal ye us se hai bhaa.ii kaun tiraa
kahaa ye kaun ne kyaa meraa bhaa.ii hai baabaa
za.iif zor se bolaa ki kyaa hai naam tiraa
kahaa ye kaun ne mai.n kaun huu.n mire baabaa
kiyaa savaal ye phir us se teraa naam hai kyaa
mire savaal ko kyaa ab bhii tuu nahii.n samjhaa
bataa tuu kaun hai ye sun ke kaun phir bolaa
mai.n kaun huu.n ye haqiiqat hai ai mire baabaa
kahaa ye kyaa ne miraa naam kyaa hai ai baabaa
nahii.n hai shak ko.ii is me.n hai bhaa.ii kaun miraa
za.iif sun ke ye aape se ho gayaa baahar
kahaa ki sharm ho tum par shariir-o-bad aKHtar
ye kah ke tezii se baahar nikal gayaa ghar se
shariir la.Dke magar khilkhilaa ke ha.nste rahe

Mohammad Sharfuddin Sahil
Nazm

kaenati gard mein barsat ki ek sham

mai.n apnii za.iif sciencii quvvat se mahsuus kartaa huu.n
sab se aziim dukh yahii hai
ki kaa.enaat hamaarii dastaras me.n nahii.n

Zahid Imroz
Nazm

nazm

ye sadii dard-e-zachgii se karaah rahii hai
aur mai.n tavaariiKH ke shaatiraana sehn me.n
baiThaa soch rahaa huu.n
mai.n nahii.n ye duniyaa za.iif ho ga.ii hai
aur jald hii mar jaa.egii
magar mu.arriKH mere baare me.n kyaa likhe.nge

Ain Rashid
Nazm

hamare din guzar gae

galii ke surKH mo.D par
kanaar-e-shaam nuqra.ii libaas me.n jamaaltii hu.ii shariir apsaraa nahii.n rahii
vo riish me.n gu.ndhe hu.e
badan kaa KHam zamiin par utaarte hu.e za.iif laaThiyo.n pe Dolte
KHamiida sar nahii.n rahe
vo tyro.n se kheltaa Gubaar u.Daataa bachpanaa
vo saa.nvle hijaab me.n safed muskuraahaTe.n
hayaa kii sabz katrane.n ki jin pe surKH motiyo.n kaa niilguu.n lihaaf thaa
na-jaane kaun samt hai.n

Iliyas Babar Aawan
Nazm

nazm

aaj bahut se lafz jo rah ga.e the
aur vo ThiThurte hu.e harf
jin ko yakjaa karnaa ba-mushkil thaa
kuchh jazbaat jo dil ke
daaman se lag kar sisak rahe the
socho.n kaa be-ha.ngam hujuum
jo dimaaG kii huduud se musalsal Takraa rahaa thaa
ehsaasaat jin kii kokh me.n
udaasii bechaargii past KHaalii ne janm liyaa thaa
un me.n ka.ii jazbe bhii the
jin kii dauraan-e-hamal hii maut ho ga.ii
kuchh Tuk.De bhii the siyaah-baKHtii ke
kuchh rahzan bhii jo KHayaalaat kii aabruu
luuT liyaa karte the
aaj un rahzano.n ko suulii par cha.Dhaa diyaa gayaa
insaaf hu.aa aur insaaf ye hu.aa ki
tum duur baiThe dekh rahii thii bahut KHaamoshii
aur dilchaspii kaa mojid banaa khel khel ke liye
aaj in sab lafzo.n haruufo.n ehsaasaat
jazbaat aur socho.n ko
tere KHayaal se Gusl diyaa
araq-e-gulaab jo terii suujii aa.nkho.n
se bah rahaa thaa
is araq ko laashe par chhi.Dakte hu.e
aaj unhe.n dafnaa diyaa gayaa

Zeef Zia
Nazm

tariKH

aaj tiis hai
aur hafta bhii
june kaa mahiina hai
kal bahut baarish hu.ii thii
aaj bhii to ho rahii hai
vaqt sub.h ke chaar hu.e hai.n
haa.n
azaa.n ho rahii hai
tum kyo.n saath ho
abhii mile bhii nahii.n
phir bhii soch rahaa huu.n
tumhe.n kab chho.D kar jaanaa hai

Zeef Zia
Nazm

nazm

tuu ne mirii ruuh
vajuud samet apnii mohabbat se tar kii thii
jaanaa.n
tuu gar ik hii jhaTke me.n
saa.ns nikal jaa.e
vajuud se
ra.ng niilaa to hogaa naa.n
so aaj-kal vahii rang hai meraa

Zeef Zia
Nazm

perfect

to suno
perfect to ko.ii bhii nahii.n hu.aa naa

Zeef Zia
Nazm

intibah

ai mere beTo!
mai.n sochtii huu.n
ki qadmo.n se
mai.n apne tan ke hayaat-aagii.n lahuu ke chashme
bahaa rahii huu.n
tumhaare saare
nazaar jismo.n nahiif zehno.n kii murdanii ko
miTaa rahii huu.n
azal se apne za.iif chehre kii aa.Dii-tirchhii
sii jhurriyo.n kii lakiir me.n to
udaas aa.nkho.n maluul palko.n
se Tapke qatre
milaa rahii huu.n
hasiin KHvaabo.n ke buu.Dhe bargad
ke zard patte bhii chun rahii huu.n
vo KHvaab jin ke
chamakte jugnuu
asiir karne ko merii baa.nho.n ke saahilo.n par
safed chehre siyaah qaalib
Ganiim utre
hasiin KHvaabo.n ke jugnu.o.n ko
asiir kar ke
KHud apnii maa.o.n kii sard aa.nkho.n ko zindagii dii
mire dafiine mire KHaziine
se apnii kashtii
kii god bhar bhar ke le ga.e aur
mere beTo.n ke zehn-o-dil me.n
tafaavuto.n aur adaavato.n kii
kariih faslo.n ke biij bo.e
vo fasle.n jin ko
aziiz beTo.n ne apne apne lahuu se sii.nchaa
ki jin ke siine kii paak miTTii
ko garm taaza lahuu se
har dam
Galiiz rakkhaa
aur mere beTo!
mai.n sochtii huu.n
isii tarah gar
tafaavuto.n aur adaavato.n ke
ye biich bote
rahe to ik din
ye dekhnaa tum
na tum rahoge na mai.n rahuu.ngii
faqat hamaarii kathaa rahegii!

Yusuf Taqi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now