Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "تج"

Nazm MATCHES FOR "تج"

Nazm

dil ek kuTiya dasht kinare

duniyaa-bhar se duur ye nagrii
nagrii duniyaa-bhar se niraalii
andar armaano.n kaa mela
baahar se dekho to KHaalii
ham hai.n is kuTiyaa ke jogii
ham hai.n is nagrii ke vaalii
ham ne taj rakkhaa hai zamaanaa
tum aanaa to tanhaa aanaa

Ibn۔e۔Insha
Nazm

udas aankhon ki salgirah

ek nazm kahnii hai
do udaas aa.nkho.n par
jaise gul khilaanaa ho
zard zard shaaKHo.n par
mere kaasa-e-fan me.n TuuTe-phuuTe misre hai.n
aur dastaras me.n dost kuchh KHayaal dhundhle hai
aur un KHayaalo.n me.n ek iltijaa bhii hai
iltijaa bhii itnii bas
ho.nTo.n pe lagii chup ko aap taj diyaa kiije
ek do mahiine me.n khul ke ha.ns liyaa kiije
aur ye bhii kahnaa hai
jis jagah qadam rakkhe.n vo jahaa.n mubaarak ho
ik hasiin panchhii ko aasmaa.n mubaarak ho
saarii KHushiyaa.n mil jaa.e.n jin pe aap kaa haq ho
do udaas aa.nkho.n ko janm din mubaarak ho

Ashu Mishra
Nazm

ban-bas

mere shahr ke saare raste band hai.n logo
mai.n is shahr kaa naGma-gar
jo do ik mausam Gurbat ke dukh jhel ke aayaa
taaki apne ghar kii diivaaro.n se
apnii thakii hu.ii aur tarsii hu.ii
aa.nkhe.n sahlaa.uu.n
apne darvaaze ke utarte roGan ko
apne ashko.n se saiqal kar luu.n
apne chaman ke jale hu.e paudo.n
aur gard-aaluud daraKHto.n kii
murda shaaKHo.n par bain karuu.n
har mahjuur sutuun ko itnaa TuuT ke chuumuu.n
mere labo.n ke KHuun se
un ke naqsh-o-nigaar sabhii jii uThe.n
galii ke logo.n ko itnaa dekhuu.n
itnaa dekhuu.n
merii aa.nkhe.n
barso.n kii tarsii hu.ii aa.nkhe.n
chehro.n ke aa.ngan ban jaa.e.n
phir mai.n apnaa saaz uThaa.uu.n
aa.nsu.o.n aur muskaano.n se jhilmil jhilmil
nazme.n Gazle.n giit sunaa.uu.n
apne pyaaro.n
dard ke maaro.n kaa darmaa.n ban jaa.uu.n
lekin mere shahr ke saare rasto.n par
ab baa.D hai lohe ke kaa.nTo.n kii
shah darvaaze par kuchh pahre-daar kha.De hai.n
jo mujh se aur mujh jaise dil vaalo.n kii
pahchaan se aarii
mere saaz se
sa.ngiino.n se baat kare.n
mai.n un se kahtaa huu.n
dekho
mai.n is shahr kaa naGma-gar huu.n
barso.n baa'd ka.Dii raaho.n kii
saarii aziyyat jhel ke ab vaapas aayaa huu.n
us miTTii kii KHaatir
jis kii KHushbu.e.n
duniyaa bhar kii do-shiizaa.o.n ke jismo.n kii mahko.n se
aur saare jahaa.n ke
sabhii gulaabo.n se
ba.Dh kar hai
mujh ko shahr me.n
mere shahr me.n jaane do
lekin tane hu.e nezo.n ne
mere jism ko yuu.n barmaayaa
mere saaz ko yuu.n rezaayaa
meraa humaktaa KHuun aur mere sisakte naGme
shah-darvaaze kii dahliiz se
riste riste
shahr ke andar jaa pahu.nche hai.n
aur mai.n apne jism kaa malba
saaz kaa laasha
apne shahr ke shah-darvaaze
kii dahliiz pe chho.D ke
phir anjaane shahro.n kii shahraaho.n par
majbuur-e-safar huu.n
jin ko taj kar ghar aayaa thaa
jin ko taj kar ghar aayaa thaa

Ahmad Faraz
Nazm

pandrah august

fard fard mast hai
pa.ndrah august hai
josh hai ubaal hai
ra.ng hai gulaal hai
galii galii hai.n raunaqe.n
ajiib sii hai.n raunaqe.n
ham kabhii Gulaam the
bhaartii Gulaam the
zindagii kii shaam thii
saa.ns tak Gulaam thii
fira.ngiyo.n ke jaur se
bhaartii niDhaal the
zulm jab bahut hu.aa
apnii had se ba.Dh gayaa
bhaartii biphar ga.e
ham sabhii biphar ga.e
jaan-o-maal taj diyaa
ghar ayaal taj diyaa
ek ho ga.e jo ham
duur ho gayaa alam
hurriyat milii hame.n
aafiyat milii hame.n
fard fard mast hai
pa.ndrah august hai

Jameel Fatmi
Nazm

waqt ki qadr

tire KHayaal ko dil me.n basaa.e baiThe hai.n
KHudaa.ii ho ki KHudaa ho bhulaa.e baiThe hai.n
suruur-e-ahd-e-javaanii luTaa.e baiThe hai.n
tuu aa ke qadr-e-javaanii sikhaa bhii jaa salmaa
bahaar biitne vaalii hai aa bhii jaa salmaa

Akhtar Shirani
Nazm

suraj ka shahr

''nahii.n ye suuraj ke shahr kaa aadmii nahii.n hai
ki ye to marne ke baa'd footpath par pa.Daa hai
ye laash ham sab kii tarah suuraj ke saath gardish me.n kyuu.n nahii.n hai?
pa.Dho to is Diary me.n kyaa hai?''

Shahab Jafri
Nazm

Zad-e-safar

ye zindagii kaa safar ajab hai
ki is me.n jo bhii milaa
vo mil kar bichha.D gayaa hai
chalaa thaa jab kaarvaa.n hamaaraa
na.e ufuq kii taraf
to ham bhii
javaa.n uma.ngo.n ke paasbaa.n the

Rashid Aazar
Nazm

kala phul

ghane bhayaanak a.ndhero.n kii tahe.n chiir kar
ik kaalaa phuul nikal aayaa hai
komal mulaa.em nam pa.nkhu.Diyaa.n
jaise us biptaa kii maarii ke
aa.nsuu.o.n se tar gaal
jis kaa patii ranbhuumii se nahii.n lauTaa
chitaa me.n jalte sandal kii sii mahak hai is me.n
sogvaar dard kaa paikar phuul
us kii ma.asuum rangat
suhaanii KHushbuu
kahaa.n kho ga.ii
in Tahniyo.n shaaKHo.n ke bhiitar
jiivan-ras ab bhii dau.D rahaa hai
lekin is me.n lahuu kii milaavaT hai
un kaa jo-yaa.ntsii aur huvaa.n-ho
gangaa aur jamunaa ke maidaano.n se
apnii khetiyaa.n khaliyaan
biivii bachche ghar-baar
sab taj kar
in sunsaan vahshat-naak
himaaliyaa.ii barfaanii sahraa.o.n me.n aa.e
aur achaanak maut ke shikanje me.n pha.ns ga.e
aur ab apne humakte bachcho.n ko
godiyo.n me.n khilaane
apnii chhoTii bahno.n kaa byaah rachaane
Dholak giito.n ko sun.ne
yahaa.n se kabhii na vaapas jaa.e.nge
is dhartii me.n unhii.n kaa KHuun jazb hai
aur ye kaalaa phuul
shaayad duniyaa ke sab se dard-angez alamiya kii nishaanii hai
agar ye sach hai ki insaan kii kahaanii
aadam ke gunaah
aur haabiil ke haatho.n qaabiil ke qatl se
shuruu.a hotii hai
to ye gunaah aur jurm to
is se bhii ba.Daa hai
ki chiinii bhaa.ii hindostaanii kaa
hindostaanii chiinii kaa KHuun bahaa.e.n
ye baat jhuuTii nahii.n sachchii hai
hazaar baar sau hazaar baar
ki ham dono.n bhaa.ii bhaa.ii hai.n
aur jab laakho.n karo.Do.n
ek arab insaano.n ne
hindii chiinii bhaa.ii bhaa.ii kaa na.ara buland kiyaa thaa
to vo aavaaz utnii hii sachchii thii
jitnii shaakye munii kii vaanii
jo bhaarat aur chiin
dono.n me.n guu.njii
aur jis ke jaaduu se raakh sonaa ban ga.ii
kyaa krodh aur lobh
ghinaa aur hinaa ke upaasak
saty ko asaty saabit kar de.nge
barbartaa kii kaalii aa.ndhiyaa.n
manushytaa aur karunaa kii
mash.alo.n ko bujhaa de.ngii
gaa.ndhii ko qatl kar do
lekin us kii mahaan aatmaa
sadaa koh-e-nuur kii tarah
jagmagaatii rahegii

Sajjad Zaheer
Nazm

inkar ki sarhad par

agar mujh se milnaa hai aa.o milo tum
magar yaad rakhnaa
mai.n iqraar kii manzile.n raaste hii me.n chho.D aayaa huu.n
ab mujh se milnaa hai tum ko to inkaar kii sarhado.n pe milo
jhii.nguro.n mak.Diyo.n ke janaaze
mai.n raste pe chho.D aayaa huu.n
puraanii kathaa.e.n mujhe khii.nchtii hai.n
zamii.n kaa zavaal aaj zanjiir-e-paa ban rahaa hai
KHas-o-KHaak ke saare rishte
mai.n ne har shai ko ab taj diyaa hai
ko.ii ma.azarat bhii nahii.n hai
ki mai.n ma.azarat ke sabhii jhuuTe lafzo.n ko
apnii luGat se nikaal aayaa huu.n
mai.n inkaar ke aasmaano.n pe phirtaa hu.aa
mai.n inkaar kaa vird kartaa hu.aa
mai.n zamiino.n pe aur aasmaano.n kii har shai pe
inkaar kii surKH mohre.n lagaataa hu.aa
aur damaa-dam kii ik thaap pe
mai.n ne saato.n zamiino.n ke saato.n tabaq aaj raushan kiye hai.n
dekhnaa aasmaa.n raqs karne lagaa hai
zamiino.n ke saare KHazaane ubalne lage hai.n
saare dafiine ja.Do.n se ukha.D kar
mire saamne haath baa.ndhe kha.De hai.n
merii aavaaz par machhliyaa.n paaniyo.n se nikal aa.ii hai.n
aaj arz-o-samaavaat kii saarii poshiida KHabre.n mai.n sun.ne lagaa huu.n
mai.n KHush huu.n mujhe aagahii mil ga.ii hai
badan ke masaamo.n se ab aagahii sho.ala ban kar chamakne lagii hai
ajab kashf kii raushnii hai
zamii.n apnii sat.h se paataal tak raushnii me.n nahaa kar
shab-e-avvalii.n kii dulhan kii tarah aaj sharmaa rahii hai
taaza havaa.o.n kii doshiizgii saat ra.ngo.n me.n barahna hu.ii hai
hayaa.o.n kii surKHii se chehra ka.nval hai
ki merii dulhan kaa badan phuul hai
vo havaa.o.n ke ra.ngo.n me.n Duubii hu.ii hai
havaa.o.n kii doshiizgii saat ra.ngo.n me.n barahna hu.ii hai
har ik shai naqaab apnaa ulTe hu.e hai
sabhii bhed apnii zabaane.n nikaale mire saamne aa ga.e hai.n
kitaabo.n ke auraaq KHud bolte hai.n
zamii.n aasmaa.n kii har ik shai
samundar havaa.e.n zamiino.n kii sat.he.n
sat.ho.n ke niiche sadiyo.n ke chehre
pahaa.Do.n kii barfe.n barfo.n ke shoriida paanii
sadiyo.n ke pyaase samundar ke saahil daraKHto.n ke patte
phuulo.n ke chehre aur roz-o-shab ke safed-o-siyaah silsile
har ik shai mujhe apne bhedo.n se asraar se
aashnaa kar rahii hai
ajab aashnaa.ii kii lazzat milii hai
mai.n is aashnaa.ii kii lazzat se sarshaar ho kar
muqaddas zamii.n ke puraane dukho.n ko gale se lagaa kar
mai.n iqraar kii manzile.n raaste hii me.n chho.D aayaa huu.n
mai.n saarii puraanii kathaa.e.n jalaa kar
faqat ik damaa-dam kii aavaaz par raqs kartaa hu.aa
mai.n iqraar kii sarhado.n se pare aa gayaa huu.n
ab mujh se milnaa hai tum ko
to aa.o milo
magar yaad rakhnaa
mai.n iqraar kii dushmanii par utar aayaa huu.n
ab mai.n inkaar kii sarhado.n pe miluu.ngaa

Tabassum Kashmiri
Nazm

nala-e-be-asman

mai.n kaise bataa.uu.n tum bataa.o
kis tarah ye din guzar rahe hai.n
tauhiin haqaarate.n tanaffur
kis kis se nibaah kar rahaa huu.n

Aziz Qaisi
Nazm

goshe

chalo na is kohnagii ko taj kar
hayaat ke is vasii.a ja.ngal
me.n aaise goshe talaash kar le.n
jo saalhaa-saal tak bashar kii amiiq nazro.n se bach rahe hai.n
guzarte lamho.n kii gard kii tah me.n dab ga.e hai.n
hai jin me.n imkaan zindagii kaa
hai jin me.n imkaan raushnii kaa
qadiim goshe jo jiddato.n ke amiin bhii hai.n

Abdul Ahad Saaz
Nazm

aaj ke baad

aaj ke baa'd agar jiinaa hai
aaj kaa sab kuchh taj denaa hai
ek jhalak me.n
ek jhapak me.n
zaKHmii chhalnii us paikar ko
apne lahuu kii aag me.n
jal jaane do
gal jaane do
armaano.n se baahar aa.o
apne-aap se aage ba.Dh jaa.o
siimaa.o.n se paar utar kar
dekho
kaisii khulii fazaa hai
har shai mai.n jaise
aane vaalii duniyaa.o.n kaa biij chhupaa hai
biijo.n se pe.D sunahre pe.D
pe.Do.n ke har kholar me.n
panchhii anDe sete hai.n
anDo.n ke KHol se aane vaalii
be-aavaaz suro.n kii guu.nj suno
aur un se apne giit buno

Qazi Saleem
Nazm

talluq

are paglii
tujhe mujh se mohabbat thii
to phir mujh se kahaa hotaa
ye kyaa ki raat bhar jagnaa
yuu.nhii bechain sii rahnaa
magar sab kuchh chhupaa lenaa
kabhii jaanaa jo sakhiyo.n me.n
munaafiq ban ke ha.ns lenaa
kisii se yuu.n bhii kah denaa
ki 'daanish' mujh pe 'aashiq hai
bahut hii chaahtaa hai vo
magar mai.n kyaa karuu.n hamdam
ki mai.n majbuur sii la.Dkii
zamaane ke rivaajo.n se ba.ndhii mahbuus baiThii huu.n
mai.n kuchh bhii kar nahii.n saktii
agar vo mujh ko chaahe hai to phir us par ye laazim thaa
ki mujh ko jiit letaa aa ke maidaa.n me.n muqaabil se
vo mujh ko khii.nch letaa shauq se pahluu-e-aa'daa se
zamaane ke rivaajo.n se kabhii mujh ko churaa letaa
yaa mere zimma-daaro.n se vo mujh ko maa.ng hii letaa
magar vo kuchh nahii.n kahtaa
KHafaa saa mujh se rahtaa hai
tumhaarii ye kahaanii kal bayaa.n kii ek la.Dkii ne
to mere dil me.n bhii ik shauq kii aatish hu.ii paidaa
mai.n is se qabl tum ko jaantaa tak bhii na thaa jaanaa.n
magar ik shauq thaa ki kaun hai jo yuu.n bhii chaahe hai
ki 'aashiq KHud hai lekin mujh ko vo 'aashiq bataa.e hai
so kuchh lamho.n kii KHaatir mai.n galii me.n terii dar aayaa
tujhe dekhaa tujhe jaanaa to mai.n ne tujh ko pahchaanaa
ye achchhii baat hai ki sharm se tuu kuchh na kah paa.ii
magar jaanaa.n zaraa saa ik ishaara kar diyaa hotaa
bharam mai.n teraa rakh letaa
magar ye kyaa ki tuu ne mujh ko majnuu.n naam kar Daalaa
mujhe mahbuub kar ke haa.e kyo.n badnaam kar Daalaa
zamaana mujh se puuchhe hai ki kyo.n us se KHafaa ho tum
bataa mai.n kyaa bataa.uu.n dosto.n ko mas.ala kyaa hai
mujhe bhii to mohabbat kaa bharam rakhnaa hai naa paglii
mai.n kaise kah duu.n logo.n se ki tuu hii mujh pe 'aashiq hai
magar sun jab tuu apnaa zabt kho baiThe kabhii ro kar
to mobile uThaa kar ek message mujh ko kar denaa
mai.n tujh ko thaam bhii luu.ngaa
tujhe luTne nahii.n duu.ngaa
ki tuu mere liye ik mohtaram mahbuub hastii hai
magar ye 'ishq kaa saudaa aur aise 'ishq kaa saudaa
mai.n hargiz kar nahii.n saktaa
mujhe jab tak tirii chaahat kaa kuchh ehsaas ho hii naa
to mai.n kaise bhalaa tujh se ko.ii rishta rakhuu.n paglii
Guruur-e-husn ko taj de
to phir 'daanish' bhii teraa hai
ye lafz-o-lauh tere hai.n
zamaana bhii mohabbat bhii

Danish Asari
Nazm

intibah

hamaarii rasm hai
tum jaante ho
ka.ii sadiyo.n se ham ye kar rahe hai.n
ba.Dii mehnat se KHuun-e-dil jalaa kar
sub.h-o-shab nuur aa.nkho.n ko pilaa kar
taraashe sang-e-marmar saKHt patthar
aur un se KHuub-suurat but banaa.e
biThaa kar mandiro.n me.n vediyo.n par
unhe.n puujaa unhe.n sajde kiye hai.n
hamaarii rasm hai
tum jaante ho
ki khanDit ho ga.ii hai muurtii jab
to ham ne taj diyaa
dekhaa na mu.D kar
vo tanhaa rah ga.e yug kii Dagar par
na ko.ii bhakt na ko.ii pujaarii
na ko.ii aartii
na dhuup diipak
ziyaada se ziyaada ye hu.aa hai
'ajaa.ib ghar kii ziinat ho ga.e hai.n
hamaarii rasm hii chuu.nki yahii hai
tumhaaraa farz hai
muhtaat rahnaa
shikast-o-reKHt se KHud ko bachaanaa
sanam ho gosht ke zinda
yaa patthar
KHaraash aa.ii agar ruKH par badan par
to ko.ii bhii tumhe.n sajda na hogaa
agar saalim rahe
sajde bhii ho.nge

Kiran Kashmeeri
Nazm

circus

sher ke pi.njre me.n insaan
taj kar jaa.e apnii jaan

Shamim Anjum Warsi
Nazm

mujhse pahli si mohabbat meri mahbub na mang

mujh se pahlii sii mohabbat mirii mahbuub na maa.ng
mai.n ne samjhaa thaa ki tuu hai to daraKHshaa.n hai hayaat
teraa Gam hai to Gam-e-dahr kaa jhag.Daa kyaa hai
terii suurat se hai aalam me.n bahaaro.n ko sabaat
terii aa.nkho.n ke sivaa duniyaa me.n rakkhaa kyaa hai
tuu jo mil jaa.e to taqdiir niguu.n ho jaa.e
yuu.n na thaa mai.n ne faqat chaahaa thaa yuu.n ho jaa.e
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa

Faiz Ahmad Faiz
Nazm

bhali si ek shakl thi

na ye ki vo chale to kahkashaa.n sii rahguzar lage
magar vo saath ho to phir bhalaa bhalaa safar lage

Ahmad Faraz
Nazm

ramz

tum jab aa.ogii to khoyaa hu.aa paa.ogii mujhe
merii tanhaa.ii me.n KHvaabo.n ke sivaa kuchh bhii nahii.n
mere kamre ko sajaane kii tamannaa hai tumhe.n
mere kamre me.n kitaabo.n ke sivaa kuchh bhii nahii.n

Jaun Eliya
Nazm

saza

har baar mere saamne aatii rahii ho tum
har baar tum se mil ke bichha.Dtaa rahaa huu.n mai.n
tum kaun ho ye KHud bhii nahii.n jaantii ho tum
mai.n kaun huu.n ye KHud bhii nahii.n jaantaa huu.n mai.n
tum mujh ko jaan kar hii pa.Dii ho azaab me.n
aur is tarah KHud apnii sazaa ban gayaa huu.n mai.n

Jaun Eliya
Nazm

KHub-surat moD

chalo ik baar phir se ajnabii ban jaa.e.n ham dono.n
na mai.n tum se ko.ii ummiid rakhuu.n dil-navaazii kii
na tum merii taraf dekho Galat-andaaz nazro.n se
na mere dil kii dha.Dkan la.Dkha.Daa.e merii baato.n se
na zaahir ho tumhaarii kashmakash kaa raaz nazro.n se

Sahir Ludhianvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now