Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "شہ"

Nazm MATCHES FOR "شہ"

Nazm

hum to majbur-e-wafa hain

tere aivaano.n me.n purze hu.e paimaa.n kitne
kitne va.ade jo na aasuuda-e-iqraar hu.e
kitnii aa.nkho.n ko nazar khaa ga.ii bad-KHvaaho.n kii
KHvaab kitne tirii shah-raaho.n me.n sa.ngsaar hu.e

Faiz Ahmad Faiz
Nazm

shikast-e-tauba

saaqii kii har nigaah pe bal khaa ke pii gayaa
lahro.n se kheltaa hu.aa lahraa ke pii gayaa
be-kaifiyo.n ke kaif se ghabraa ke pii gayaa
tauba ko to.D-taa.D ke tharraa ke pii gayaa
zaahid! ye terii shoKHii-e-rindaana dekhnaa
rahmat ko baato.n baato.n me.n bahlaa ke pii gayaa
sar-mastii-e-azal mujhe jab yaad aa ga.ii
duniyaa-e-e'tibaar ko Thukraa ke pii gayaa
aazurdagii-e-KHaatir-e-saaqii ko dekh kar
mujh ko ye sharm aa.ii ki sharmaa ke pii gayaa
ai rahmat-e-tamaam mirii har KHataa mu.aaf
mai.n intihaa-e-shauq me.n ghabraa ke pii gayaa
piitaa baGair izn ye kab thii mirii majaal
dar-parda chashm-e-yaar kii shah paa ke pii gayaa
us jaan-e-mai-kada kii qasam baarhaa 'jigar'
kul aalam-e-basiit pe mai.n chhaa ke pii gayaa

Jigar Moradabadi
Nazm

git

chalo phir se muskuraa.e.n
chalo phir se dil jalaa.e.n
jo guzar ga.ii.n hai.n raate.n
unhe.n phir jagaa ke laa.e.n
jo bisar ga.ii.n hai.n baate.n
unhe.n yaad me.n bulaa.e.n
chalo phir se dil lagaa.e.n
chalo phir se muskuraa.e.n
kisii shah-nashii.n pe jhalkii
vo dhanak kisii qabaa kii
kisii rag me.n kasmasaa.ii
vo kasak kisii adaa kii
ko.ii harf-e-be-muravvat
kisii kunj-e-lab se phuuTaa
vo chhanak ke shiisha-e-dil
tah-e-baam phir se TuuTaa
ye milan kii naa milan kii
ye lagan kii aur jalan kii
jo sahii hai.n vaardaate.n
jo guzar ga.ii.n hai.n raate.n
jo bisar ga.ii hai.n baate.n
ko.ii un kii dhun banaa.e.n
ko.ii un kaa giit gaa.e.n
chalo phir se muskuraa.e.n
chalo phir se dil jalaa.e.n

Faiz Ahmad Faiz
Nazm

sochne do

ik zaraa sochne do
is KHayaabaa.n me.n
jo is lahza bayaabaa.n bhii nahii.n
kaun sii shaaKH me.n phuul aa.e the sab se pahle
kaun be-ra.ng hu.ii ra.nj-o-ta.ab se pahle
aur ab se pahle
kis gha.Dii kaun se mausam me.n yahaa.n
KHuun kaa qaht pa.Daa
gul kii shah-rag pe ka.Daa
vaqt pa.Daa
sochne do
sochne do
ik zaraa sochne do
ye bharaa shahr jo ab vaadi-e-viiraa.n bhii nahii.n
is me.n kis vaqt kahaa.n
aag lagii thii pahle
is ke saf-basta dariicho.n me.n se kis me.n avval
zah hu.ii surKH shu.aa.o.n kii kamaa.n
kis jagah jot jagii thii pahle
sochne do
ham se us des kaa tum naam o nishaa.n puuchhte ho
jis kii taariiKH na juGraafiya ab yaad aa.e
aur yaad aa.e to mahbuub-e-guzishta yaad aa.e
ruu-ba-ruu aane se jii ghabraa.e
haa.n magar jaise ko.ii
aise mahbuub yaa mahbuuba kaa dil rakhne ko
aa nikaltaa hai kabhii raat bitaane ke liye
ham ab us umr ko aa pahu.nche hai.n jab ham bhii yuu.nhii
dil se mil aate hai.n bas rasm nibhaane ke liye
dil kii kyaa puuchhte ho
sochne do

Faiz Ahmad Faiz
Nazm

tumhein kya

tumhe.n kyaa
zindagii jaisii bhii hai
tum ne us ke har adaa se rang kii mauje.n nicho.Dii hai.n
tumhe.n to TuuT kar chaahaa gayaa chehro.n ke mele me.n
mohabbat kii shafaq barsii tumhaare KHaal-o-KHad par
aa.ine chamke tumhaarii diid se
KHushbuu tumhaare pairahan kii har shikan se
izn le kar har taraf vahshat luTaatii thii
tumhaare chaahne vaalo.n ke jhurmuT me.n
sabhii aa.nkhe.n tumhaare aariz-o-lab kii kaniize.n thii.n
tumhe.n kyaa
tum ne har mausam kii shah-e-rag me.n u.nDele zaa.iqe apne
tumhe.n kyaa
tum ne kab sochaa
ki chehro.n se aTii duniyaa me.n tanhaa saa.ns letii
haa.nptii raato.n ke be-ghar ham-safar
kitnii mashaqqat se garebaan-e-sahar ke chaak siite hai.n
tumhe.n kyaa
tum ne kab sochaa
ki tanhaa.ii ke jangal me.n
siyah lamho.n kii chubhtii kirchiyo.n se kaun khelaa hai
tumhe.n kyaa
tum ne kab sochaa
ki chehro.n se aTii duniyaa me.n
kis kaa dil akelaa hai

Mohsin Naqvi
Nazm

marsiye

1
duur jaa kar qariib ho jitne
ham se kab tum qariib the itne
ab na aa.oge tum na jaa.oge
vasl-e-hijraa.n baham hu.e kitne
2
chaa.nd nikle kisii jaanib tirii zebaa.ii kaa
ra.ng badle kisii suurat shab-e-tanhaa.ii kaa
daulat-e-lab se phir ai KHusrav-e-shiirii.n-dahanaa.n
aaj arzaa.n ho ko.ii harf shanaasaa.ii kaa
garmi-e-rashk se har anjuman-e-gul-badanaa.n
tazkira chhe.De tirii pairahan-aaraa.ii kaa
sehn-e-gulshan me.n kabhii ai shah-e-shamshaad-qadaa.n
phir nazar aa.e saliiqa tirii ra.anaa.ii kaa
ek baar aur masiihaa-e-dil-e-dil-zadagaa.n
ko.ii va.ada ko.ii iqraar masiihaa.ii kaa
saaz-o-saamaan baham pahu.nchaa hai rusvaa.ii kaa
3
kab tak dil kii KHair manaa.e.n kab tak rah dikhlaa.oge
kab tak chain kii mohlat doge kab tak yaad na aa.oge
biitaa diid ummiid kaa mausam KHaak u.Dtii hai aa.nkho.n me.n
kab bhejoge dard kaa baadal kab barkhaa barsaa.oge
ahd-e-vafaa yaa tark-e-mohabbat jo chaaho so aap karo
apne bas kii baat hii kyaa hai ham se kyaa manvaa.oge
kis ne vasl kaa suuraj dekhaa kis par hijr kii raat Dhalii
gesu.o.n vaale kaun the kyaa the un ko kyaa jatlaa.oge
'faiz' dilo.n ke bhaag me.n hai ghar bharnaa bhii luT jaanaa bhii
tum is husn ke lutf-o-karam par kitne din itraa.oge

Faiz Ahmad Faiz
Nazm

main aur tu

نہ سليقہ مجھ ميں کليم کا نہ قرينہ تجھ ميں خليل کا
ميں ہلاک جادوئے سامري، تو قتيل شيوئہ آزري
ميں نوائے سوختہ در گلو ، تو پريدہ رنگ، رميدہ بو
ميں حکايت غم آرزو ، تو حديث ماتم دلبري
مرا عيش غم ،مرا شہد سم ، مري بود ہم نفس عدم
ترا دل حرم، گرو عجم ترا ديں خريدہ کافري
دم زندگي رم زندگي، غم زندگي سم زندگي
غم رم نہ کر، سم غم نہ کھا کہ يہي ہے شان قلندري
تري خاک ميں ہے اگر شرر تو خيال فقر و غنا نہ کر
کہ جہاں ميں نان شعير پر ہے مدار قوت حيدري
کوئي ايسي طرز طواف تو مجھے اے چراغ حرم بتا!
کہ ترے پتنگ کو پھر عطا ہو وہي سرشت سمندري
گلہء جفائے وفا نما کہ حرم کو اہل حرم سے ہے
کسي بت کدے ميں بياں کروں تو کہے صنم بھي 'ہري ہري'
نہ ستيزہ گاہ جہاں نئي نہ حريف پنجہ فگن نئے
وہي فطرت اسد اللہي وہي مرحبي، وہي عنتري
کرم اے شہ عرب و عجم کہ کھڑے ہيں منتظر کرم
وہ گدا کہ تو نے عطا کيا ہے جنھيں دماغ سکندري

Allama Iqbal
Nazm

mere liye kaun sochta hai

mire liye kaun sochtaa hai
judaa judaa hai.n mire qabiile ke log saare
judaa judaa sab kii suurate.n hai.n
sabhii ko apnii anaa ke andhe ku.e.n kii tah me.n pa.De hu.e
KHvaahisho.n ke pinjar
havas ke Tuk.De
havaas reze
hiraas ka.nkar talaashnaa hai.n
sabhii ko apne badan kii shah-e-rag me.n
qatra qatra lahuu kaa laavaa u.nDelnaa hai
sabhii ko guzre dino.n ke dariyaa kaa dukh
viraasat me.n jhelnaa hai
mire liye kaun sochtaa hai
sabhii kii apnii zaruurate.n hai.n
mirii rage.n chhiltii jaraahat ko kaun baKHshe
shifaa kii shabnam
mirii udaasii ko kaun bahlaa.e
kisii ko fursat hai mujh se puuchhe
ki merii aa.nkhe.n gulaab kyuu.n hai.n
mirii mashaqqat kii shaaKH-e-uriyaa.n par
saazisho.n ke azaab kyuu.n hai.n
mirii hathelii pe KHvaab kyuu.n hai.n
mire safar me.n saraab kyuu.n hai.n
mire liye kaun sochtaa hai
sabhii ke dil me.n kuduurate.n hai.n

Mohsin Naqvi
Nazm

KHuda

maut ko shah de kar tum ne samjhaa thaa ab to maat hu.ii
mai.n ne jism kaa KHol utaar ke so.np diyaa... aur ruuh bachaa lii!

Gulzar
Nazm

chand taron ka ban

sub.h-dam ek diivaar-e-Gam ban ga.e
KHaar-zaar-e-alam ban ga.e
raat kii shah-rago.n kaa uchhaltaa lahuu
juu-e-KHuu.n ban gayaa

Makhdoom Mohiuddin
Nazm

ban-bas

mere shahr ke saare raste band hai.n logo
mai.n is shahr kaa naGma-gar
jo do ik mausam Gurbat ke dukh jhel ke aayaa
taaki apne ghar kii diivaaro.n se
apnii thakii hu.ii aur tarsii hu.ii
aa.nkhe.n sahlaa.uu.n
apne darvaaze ke utarte roGan ko
apne ashko.n se saiqal kar luu.n
apne chaman ke jale hu.e paudo.n
aur gard-aaluud daraKHto.n kii
murda shaaKHo.n par bain karuu.n
har mahjuur sutuun ko itnaa TuuT ke chuumuu.n
mere labo.n ke KHuun se
un ke naqsh-o-nigaar sabhii jii uThe.n
galii ke logo.n ko itnaa dekhuu.n
itnaa dekhuu.n
merii aa.nkhe.n
barso.n kii tarsii hu.ii aa.nkhe.n
chehro.n ke aa.ngan ban jaa.e.n
phir mai.n apnaa saaz uThaa.uu.n
aa.nsu.o.n aur muskaano.n se jhilmil jhilmil
nazme.n Gazle.n giit sunaa.uu.n
apne pyaaro.n
dard ke maaro.n kaa darmaa.n ban jaa.uu.n
lekin mere shahr ke saare rasto.n par
ab baa.D hai lohe ke kaa.nTo.n kii
shah darvaaze par kuchh pahre-daar kha.De hai.n
jo mujh se aur mujh jaise dil vaalo.n kii
pahchaan se aarii
mere saaz se
sa.ngiino.n se baat kare.n
mai.n un se kahtaa huu.n
dekho
mai.n is shahr kaa naGma-gar huu.n
barso.n baa'd ka.Dii raaho.n kii
saarii aziyyat jhel ke ab vaapas aayaa huu.n
us miTTii kii KHaatir
jis kii KHushbu.e.n
duniyaa bhar kii do-shiizaa.o.n ke jismo.n kii mahko.n se
aur saare jahaa.n ke
sabhii gulaabo.n se
ba.Dh kar hai
mujh ko shahr me.n
mere shahr me.n jaane do
lekin tane hu.e nezo.n ne
mere jism ko yuu.n barmaayaa
mere saaz ko yuu.n rezaayaa
meraa humaktaa KHuun aur mere sisakte naGme
shah-darvaaze kii dahliiz se
riste riste
shahr ke andar jaa pahu.nche hai.n
aur mai.n apne jism kaa malba
saaz kaa laasha
apne shahr ke shah-darvaaze
kii dahliiz pe chho.D ke
phir anjaane shahro.n kii shahraaho.n par
majbuur-e-safar huu.n
jin ko taj kar ghar aayaa thaa
jin ko taj kar ghar aayaa thaa

Ahmad Faraz
Nazm

husul-e-azadi ki diqqaten

hind kaa aazaad ho jaanaa ko.ii aasaa.n nahii.n
dekhnaa tum ko abhii kyaa kyaa dikhaayaa jaa.egaa
dekhnaa tum se abhii kitne kiye jaa.e.nge makr
kis tarah tum ko abhii chakkar me.n laayaa jaa.egaa
tum me.n Daalaa jaa.egaa ik saKHt o naazuk tafraqa
tum ko shah de de ke aapas me.n la.Daayaa jaa.egaa
peshvaayaan-e-mazaahib ko mile.ngii rishvate.n
Dho.ng tabliiG aur shuddhii kaa rachaayaa jaa.egaa
dharm rakshaa ke liye tum se liye jaa.e.nge ahd
tum ko maz.hab apnaa KHatre me.n dikhaayaa jaa.egaa
leadero.n se ho.nge va.ade KHil.at-o-in.aam ke
qillat o kasrat kaa ha.ngaama uThaayaa jaa.egaa
tum ko parvaana ataa hogaa KHitaab o jaah kaa
tum ko ohde de ke laalach me.n pha.nsaayaa jaa.egaa
gar ye tadbiire.n muqaddar se na raas aa.e.n to phir
duusrii suurat se tum ko Dagmagaayaa jaa.egaa
intihaa.ii barbariyat se liyaa jaa.egaa kaam
band kar ke tum ko jailo.n me.n sa.Daayaa jaa.egaa
daana-paanii kar diyaa jaa.egaa bilkul tum pe band
tum ko bhuuko.n maar ke qabze me.n laayaa jaa.egaa
garm lohe se tumhaare jism daaGe jaa.e.nge
tum ko ko.De maar kar ulluu banaayaa jaa.egaa
jaa.edaade.n sab tumhaarii zabt kar lii jaa.e.ngii
baal-bachcho.n par tumhaare zulm Dhaayaa jaa.egaa
baavajuud us ke bhii tum qaa.em rahe zid par agar
be-ta.ammul tum ko phaa.nsii par cha.Dhaayaa jaa.egaa
is tarah bhii tum agar laa.e na abruu par shikan
sar tumhaare paa.nv par aaKHir jhukaayaa jaa.egaa

Ahmaq Phaphoondvi
Nazm

hum

jo hai jo ab tak hu.aa hai jo ho rahaa hai
us se kise mafar hai
ko.ii jo chaahe
ki ahd-e-rafta se ek pal phir se lauT aa.e
kahaa hu.aa lafz an-kahaa ho sake
to is aarzuu kaa haasil vo jaantaa hai
bahut sahii iKHtiyaar-o-imkaa.n
barg-o-KHas kii taab-o-majaal kyaa hai
numu-e-Guncha me.n us kaa apnaa kamaal kyaa hai
tirii nigaaho.n me.n teraa Gam koh se giraa.n-tar hai
tuu samajhtaa hai
tere siine ke surKH laave se
shahr-o-qarya pighal rahe hai.n
KHizaa.n zamistaa.n tirii udaasii ke aa.ine hai.n
tuu mushta.il ho to zalzalo.n se zamiin kaa.npe
tujhe gumaa.n hai
ki gul khile hai.n tire tabassum kii pairvii me.n
ye phuul ko iKHtiyaar kab thaa
ki kaun sii shaaKH par khile
kaun kunj me.n muskuraa.e
aur kin fazaa.o.n me.n KHushbu.e.n bikhere

Zia Jalandhari
Nazm

bilad-e-islamiya

سرزميں دلي کي مسجود دل غم ديدہ ہے
ذرے ذرے ميں لہو اسلاف کا خوابيدہ ہے
پاک اس اجڑے گلستاں کي نہ ہو کيونکر زميں
خانقاہ عظمت اسلام ہے يہ سرزميں
سوتے ہيں اس خاک ميں خير الامم کے تاجدار
نظم عالم کا رہا جن کي حکومت پر مدار
دل کو تڑپاتي ہے اب تک گرمي محفل کي ياد
جل چکا حاصل مگر محفوظ ہے حاصل کي ياد
ہے زيارت گاہ مسلم گو جہان آباد بھي
اس کرامت کا مگر حق دار ہے بغداد بھي
يہ چمن وہ ہے کہ تھا جس کے ليے سامان ناز
لالہ صحرا جسے کہتے ہيں تہذيب حجاز
خاک اس بستي کي ہو کيونکر نہ ہمدوش ارم
جس نے ديکھے جانشينان پيمبر کے قدم
جس کے غنچے تھے چمن ساماں ، وہ گلشن ہے يہي
کاپنتا تھا جن سے روما ، ان کا مدفن ہے يہي
ہے زمين قرطبہ بھي ديدہء مسلم کا نور
ظلمت مغرب ميں جو روشن تھي مثل شمع طور
بجھ کے بزم ملت بيضا پريشاں کر گئي
اور ديا تہذيب حاضر کا فروزاں کر گئي
قبر اس تہذيب کي يہ سر زمين پاک ہے
جس سے تاک گلشن يورپ کي رگ نم ناک ہے
خطہ قسطنطنيہ يعني قيصر کا ديار
مہدي امت کي سطوت کا نشان پائدار
صورت خاک حرم يہ سر زميں بھي پاک ہے
آستان مسند آرائے شہ لولاک ہے
نکہت گل کي طرح پاکيزہ ہے اس کي ہوا
تربت ايوب انصاري سے آتي ہے صدا
اے مسلماں! ملت اسلام کا دل ہے يہ شہر
سينکڑوں صديوں کي کشت و خوں کا حاصل ہے يہ شہر
وہ زميں ہے تو مگر اے خواب گاہ مصطفي
ديد ہے کعبے کو تيري حج اکبر سے سوا
خاتم ہستي ميں تو تاباں ہے مانند نگيں
اپني عظمت کي ولادت گاہ تھي تيري زميں
تجھ ميں راحت اس شہنشاہ معظم کو ملي
جس کے دامن ميں اماں اقوام عالم کو ملي
نام ليوا جس کے شاہنشاہ عالم کے ہوئے
جانشيں قيصر کے ، وارث مسند جم کے ہوئے
ہے اگر قوميت اسلام پابند مقام
ہند ہي بنياد ہے اس کي ، نہ فارس ہے ، نہ شام
آہ يثرب! ديس ہے مسلم کا تو ، ماوا ہے تو
نقطہ جاذب تاثر کي شعاعوں کا ہے تو
جب تلک باقي ہے تو دنيا ميں ، باقي ہم بھي ہيں
صبح ہے تو اس چمن ميں گوہر شبنم بھي ہيں

Allama Iqbal
Nazm

sawan ke mahine

firdaus banaa.e hu.e saavan ke mahiine
ik gul-ruKH o nasrii.n-badan o sarv-e-sahii ne
maathe pe idhar kaakul-e-zholiida kii lahre.n
garduu.n pe udhar abr-e-KHiraamaa.n ke safiine
me.nh jitnaa barastaa thaa sar-e-daaman-e-kohsaar
itne hii zamii.n apnii ugaltii thii dafiine
allaah-re ye farmaan ki is mast havaa me.n
ham mu.nh se na bole.nge agar pii na kisii ne
vo muunis-o-Gam-KHvaar thaa jis ke liye barso.n
maa.ngii thii.n du.aa.e.n mire aaGosh-e-tahii ne
gul-rez the saahil ke lachakte hu.e paude
gul-ra.ng the taalaab ke tarshe hu.e ziine
baarish thii lagaataar to yuu.n gard thii mafquud
jis tarah mai-e-naab se dhul jaate hai.n siine
dam bhar ko bhii thamtii thii.n agar sard havaa.e.n
aate the javaanii ko pasiine pe pasiine
bhar dii thii chaTaano.n me.n bhii Guncho.n kii sii narmii
ik fitna-e-kaunain kii naazuk-badanii ne
getii se ubalte the tamannaa ke saliiqe
garduu.n se baraste the mohabbat ke qariine
kyaa dil kii tamannaa.o.n ko marbuut kiyaa thaa
sabze pe chamaktii hu.ii saavan kii jha.Dii ne
badlii thii falak par ki junuu.n-KHez javaanii
buu.nde.n thii.n zamii.n par ki a.nguuThii ke nagiine
shaaKHo.n pe parinde the jhaTakte hu.e shahpar
nahro.n me.n bate.n apne ubhaare hu.e siine
is fasl me.n is darja rahaa be-KHud o sarshaar
maiKHaane se baahar mujhe dekhaa na kisii ne
kyaa lamha-e-faanii thaa ki mu.D kar bhii na dekhaa
dii kitnii hii aavaaz hayaat-e-abadii ne

Josh Malihabadi
Nazm

suna hai chandni-raaton mein aksar tum

KHamoshii se dabe paa.nv
bharii mahfil se uThte ho
khule aakaash ke niiche kahii.n par baiTh jaate ho
phir apnaa haath haule se ba.Dhaate ho
chamakte chaa.nd kii jaanib
kabhii to muskuraate ho kabhii kuchh gungunaate ho
jo 'miir'-o-'dard' kii Gazle.n kabhii ham ko sunaate the
vahii sargoshiyaa.n mujh se jo aksar karte rahte the
havaa ke dosh par baiThii kiran se karne lagte ho
sunaa hai be-qaraarii me.n
Tahalte ho kabhii chhat par
kabhii har aks me.n meraa saraapaa Dhuu.nDhte ho tum
havaa.o.n me.n mirii KHushbuu kabhii mahsuus karte ho
kabhii be aas ho kar phir zamii.n par baiTh jaate ho
bahut fariyaad karte ho
mujhe hii yaad karte ho
magar ye saarii baate.n to mahz KHvaabo.n kii baate.n hai.n
khulii jab aa.nkh merii to nazaara aur hii dekhaa
ko.ii paiGaam aayaa thaa
hamaare naam aayaa thaa
likhaa thaa us me.n dekho naa
ki ab kii chaa.nd jo niklaa
use nazdiik se dekhaa
use mahsuus kar paayaa
mukammal paa liyaa us ko jo shah-rag me.n machaltaa thaa
mubaarakbaad to de do vo meraa ho gayaa ab kii
sunaa hai chaa.ndnii-raato.n me.n tum bhii so nahii.n paatii
tuu ab kii chain se sonaa ki ab mai.n bhii nahii.n jagtaa

Asra Rizvi
Nazm

aurat

zulmat-e-shaam-e-avadh sub.h-e-banaras kaa nikhaar
aagre ke taaj kii azmat himaala kaa vaqaar

Shaad Aarfi
Nazm

maut

har taraf KHaamosh galiyaa.n zard-ruu guu.nge makii.n
suune suune baam-o-dar aur uj.De uj.De shah-nashii.n

Muneer Niyazi
Nazm

firdaus mein ek mukalima

ہاتف نے کہا مجھ سے کہ فردوس ميں اک روز
حالي سے مخاطب ہوئے يوں سعدي شيراز
اے آنکہ ز نور گہر نظم فلک تاب
دامن بہ چراغ مہ اختر زدہ اي باز!
کچھ کيفيت مسلم ہندي تو بياں کر
واماندئہ منزل ہے کہ مصروف تگ و تاز
مذہب کي حرارت بھي ہے کچھ اس کي رگوں ميں؟
تھي جس کي فلک سوز کبھي گرمي آواز
باتوں سے ہوا شيخ کي حالي متاثر
رو رو کے لگا کہنے کہ ''اے صاحب اعجاز
جب پير فلک نے ورق ايام کا الٹا
آئي يہ صدا ، پائوگے تعليم سے اعزاز
آيا ہے مگر اس سے عقيدوں ميں تزلزل
دنيا تو ملي، طائر ديں کر گيا پرواز
ديں ہو تو مقاصد ميں بھي پيدا ہو بلندي
فطرت ہے جوانوں کي زميں گير زميں تاز
مذہب سے ہم آہنگي افراد ہے باقي
ديں زخمہ ہے ، جمعيت ملت ہے اگر ساز
بنياد لرز جائے جو ديوار چمن کي
ظاہر ہے کہ انجام گلستاں کا ہے آغاز
پاني نہ ملا زمزم ملت سے جو اس کو
پيدا ہيں نئي پود ميں الحاد کے انداز
يہ ذکر حضور شہ يثرب ميں نہ کرنا
سمجھيں نہ کہيں ہند کے مسلم مجھے غماز
خرما نتواں يافت ازاں خار کہ کشتيم
ديبا نتواں بافت ازاں پشم کہ رشتيم''
(سعدي(

Allama Iqbal
Nazm

mujhe tum se mohabbat hai

tumhaarii shah-e-rag se bhii
mai.n ziyaada paas rahtaa huu.n

Ibn-e-Mufti
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now