Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".pjb"

Nazm MATCHES FOR ".pjb"

Nazm

zehn

ye da.avaa hai
jahaa.n me.n chand logo.n kaa
ki ham ne zindagii ko jiit rakkhaa hai
hamaare paas ya.anii atomii hathiyaar hai.n itne
hamaaraa dost nanhaa alien bhii hai
karo.Do.n saal kii taariiKH ko ab jaante hai.n ham
ki ham ne maut par ab fat.h paa lii hai
planet mars par paanii bhii Dhuu.nDaa hai
ye sab kahte hu.e aksar
vo shaayad bhuul jaate hai.n
abhii ik chiiz baaqii hai ki jo un-mapped hai ab tak
jise ham zehn kahte hai.n
hamaare science-daano.n ne bhii maanaa hai
ki ab tak kuchh hii hissa zehn kaa
ham jaan paa.e hai.n
bahut kuchh hai jise ab bhii hame.n D-code karnaa hai
mai.n aksar sochtaa huu.n
soch kar hairaan hotaa huu.n
faqat kuchh gram ke is zehn se ye saarii halchal hai
sitaare chaa.nd suuraj titliyaa.n jugnuu bharii raate.n
ye saara art aur us art par tanqiid jo kuchh hai
kitaabo.n se bharii har library
aur insaano.n ke dil me.n ba.Dh rahii duurii
kahii.n naaraazgii aa.nkho.n me.n bhar kar KHud me.n hii ghuTnaa
kahii.n par bhuuk biimaarii yaa politics kii power
ye fb aur twitter par jo jaarii hai.n sabhii bahse.n
aur instagram par har pal kii tasviire.n
ye duniyaa-bhar kii filme.n aur festival
ye mere saamne baiThe hu.e phuulo.n se naazuk log
mire ho.nTho.n se ek ik nazm kaa yuu.n TuuTte rahnaa
faqat kuchh gram ke is zehn se hii saarii halchal hai
nigaahe.n mo.D kar ye dekhnaa meraa
tumhaaraa muskuraanaa bhii
falak ko dekh kar yuu.n ruuTh jaanaa bhii
ki apnii zindagii me.n raushnii ke naam par
kuchh bhii nahii.n hai
aur ye kyaa khel hai
jis me.n mahz maate.n hii maate.n hai.n
mahz ghaate.n hii ghaate.n hai.n
magar ye dukh jo ham ko raat-din mahsuus hotaa hai
hamaare zehn se uThtaa dhu.aa.n hai bas
agar ham Gaur se dekhe.n to Dhero.n raaz khulte hai.n
ki mai.n tum se agar kahtaa huu.n
tum se ishq kartaa huu.n
to ye sun kar tumhaarii saa.ns kii lai tez chaltii hai
yahii anfaas kaa parda
jo uThtaa hai
jo girtaa hai
isii anfaas ke parde ke piichhe se
hamaaraa zehn sab kuchh dekhtaa hai
sochtaa hai baat kartaa hai
sadii se band darvaazo.n ke piichhe se
ko.ii aavaaz aatii hai
hame.n lagtaa hai ye sab kuchh hamii.n to kar rahe hai.n
par haqiiqat aur hii kuchh hai
hame.n ma.aluum karnaa hai
ki jalte zehn ke jangal kaa raaja kaun hai aaKHir
hame.n ma.aluum karnaa hai
hamaare zehn me.n chhup kar ishaare kaun kartaa hai
ye kis ke hukm par ham roz marte aur jiite hai.n
ye kis ke vaaste ham zindagii kaa zahr piite hai.n

Tripurari
Nazm

baTla house

gha.Dii kii Tik-Tik bol rahii hai raat ke shaayad ek baje hai.n
baTla house kii ek galii me.n moTe kutte bhau.nk rahe hai.n
ek kha.nDar me.n tez raushnii chaaro.n jaanib phail rahii hai
baGal me.n leTaa saathii meraa ab tak pub jii khel rahaa hai
mai.n bhii ab tak jaag rahaa huu.n aa.nkhe.n muu.nde soch rahaa huu.n
niiche jaanaa kaisaa hogaa baahar kitnii sardii hogii
qutub sitaara kidhar ko hogaa raat kii raanii kaisii hogii
sub.h kaa suuraj kahaa.n pe hogaa abhii KHudaa kyaa kartaa hogaa
sa.Dak kinaare sone vaale jo.De kaise sote ho.nge
in ko machchhar kaaTte ho.nge
naum chomsky lawn me.n baiThe bachche aaKHir kaise ho.nge
un ko kutte chaaTte ho.nge
kyaa in bhuuk-zada bachcho.n ke KHvaab me.n pariyaa.n aatii ho.ngii
kaTe-phaTe haatho.n ke takiye ke niiche kuchh rakhtii ho.ngii
kaisii baate.n karte ho jii kyaa pariyo.n kaa kaam yahii hai
mahal saraa.e chho.D ke ab vo sa.Dak kinaare aa.e.ngii kyaa
raat ke shaayad De.Dh baje hai.n baTla house kaa chauk khulaa hai
raat ko job se aane vaale raat me.n job ko jaane vaale
ek haath me.n liye chaa.e cup ek haath me.n chhoTii cigarette
sa.Dak paar kyo.n dekh rahe hai.n
biryaanii ko Dhuu.nDh rahe hai.n
un ke piichhe sa.Dak kinaare qabristaan kaa gate khulaa hai
andar kutte ghuum rahe hai.n shaayad khaanaa Dhuu.nDh rahe hai.n
baahar cigarette aur coffee hai andar kaafii taariikii hai
mai.n bhii andar jhaa.nk rahaa huu.n haule haule soch rahaa huu.n
qabristaan ke andar me.n ye latrine kis ne banvaayaa
kyo.n banvaayaa
shaayad murde raat me.n uTh kar us ke andar jaate ho.nge
haajat puurii karte ho.nge
yaa phir cigarette piine vaale la.Dke andar jaate ho.nge
KHaakii vardii ghar vaalo.n se chhup kar cigarette piite ho.nge
ek kinaare adab kii malika sab kuchh baiThii dekh rahii hai
aag kaa dariyaa chaa.ndnii begam shiishe kaa ghar likhne vaalii
ainii aapaa soch rahii hai
meraa qaarii kyo.n aayaa hai
shaayad is ko gautam shankar tal.at ne uljhaayaa hogaa
yaa phir us ko KHayaabaa.n kii champaa ne paglaayaa hogaa
yaa phir is paagal la.Dke ne shu.uur kii rau ko chhe.Daa hogaa
yaa phir is ne aag kaa dariyaa aadhaa pa.Dh kar chho.Daa hogaa
falsafyaana baate.n sun kar saare murde sochte ho.nge
ko.ii apnii KHvaab-gaah ko chho.D ke aaKHir kyo.n aayaa hai
mai.n bhii baiThaa soch rahaa huu.n
itnii raat ko kyo.n aayaa huu.n

Asim Badr
Nazm

mera roza hai

duur se jalva dikhaa.o ki miraa roza hai
tum mire paas na aa.o ki miraa roza hai
ghaT sake din to ghaTaa.o ki miraa roza hai
ba.Dh sake raat ba.Dhaa.o ki miraa roza hai
qarz uThaa.o ki churaa.o magar ai ahl-e-haram
biisiyo.n khaane pakaa.o ki miraa roza hai
mere bachcho kahii.n baaGiiche me.n khelo jaa kar
gul-Gapaa.Daa na machaa.o ki miraa roza hai
baa.ndh lo aa.nkho.n pe paTTii mirii begam yaa tum
aise ban-Than ke na aa.o ki miraa roza hai
ko.ii aavaaz bhii kaano.n me.n na aa.e mere
ghar me.n jhaa.Duu na phiraa.o ki miraa roza hai
ghar ke darvaaze pe ye likh diyaa notice mai.n ne
ghar kii ghanTii na bajaa.o ki miraa roza hai
raasta apnaa badal de.n ye havaa me.n apnaa
in jahaazo.n ko bataa.o ki miraa roza hai
TuuT hii jaa.e na roza miraa bas dhachke me.n
zor se bus na chalaa.o ki miraa roza hai
kaam ho saktaa hai daftar kaa kahii.n rozo.n me.n
mez kursii ko haTaa.o ki miraa roza hai
saath chaltaa huu.n mai.n pub me.n mire yaaro lekin
baa'd iftaar pilaa.o ki miraa roza hai
ho.nT pap.Daa.e hai.n utraa hu.aa chehra dekho
aaj tum maan hii jaa.o ki miraa roza hai
tum ibaadat me.n tijaarat kii milaavaT karke
duudh paanii me.n milaa.o ki miraa roza hai
tum na be-rozo.n se 'bulbul' kabhii aise uljho
gaaliyaa.n yuu.nhii na khaa.o ki miraa roza hai

Bulbul Kashmiri
Nazm

tijarati hawa

nahii.n mai.n ye kahtaa
mujhe duur deso.n ko jaanaa nahii.n hai
mujhe to samundar ke andar hii rahnaa hai
wheelo.n se aur shaarko.n se bhare
gahre saagar me.n chaaro.n taraf ghuumnaa hai
mujhe un jaziiro.n se bhii duur rahnaa hai
jo miiThe naGmo.n siren kaa jaaduu jagaa.e
ghanii nii.nd taqsiim karne pe maamuur hai.n
havaa mujh se kahtii
chalo saath mere
magar mai.n samundar ke namkiin paanii kaa aadii
mujhe kyaa pa.Dii thii ki mai.n
sar-phirii us havaa kii ko.ii baat suntaa
kisii saahilii shahr ke pub pub ke andar
lahuu aise mashruub kii tah me.n
talchhaT kii suurat sharaabor hotaa
mujhe kyaa pa.Dii thii

Wazir Agha
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now