Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHush-ravii"

Nazm MATCHES FOR "KHush-ravii"

Nazm

KHizan ka mausam

zavaal par thii bahaar kii rut
KHizaa.n kaa mausam uruuj par thaa
udaasiyaa.n thii.n har ek shai par
chaman se shaadaabiyaa.n KHafaa thii.n
un hii dino.n me.n thii mai.n bhii tanhaa
udaasii mujh ko bhii Das rahii thii
vo girte patto.n kii suukhii aahaT
ye sahraa sahraa bikhartii haalat
hamii ko merii kuchal rahii thii
mai.n lamha lamha sulag rahii thii
mujhe ye irfaan ho gayaa thaa
haqiiqat apnii bhii khul rahii thii
ki zaat apnii hai yuu.n hii faanii
jo ek jhaTkaa KHizaa.n kaa aa.e
to zindagii kaa shajar bhii is pul
KHamosh-o-tanhaa kha.Daa milegaa
mizaaj aur KHush-ravii ke patte
dilo.n me.n logo.n ke misl-e-sahraa
phire.nge maare ye yaad ban kar
kuchh hii dino.n tak
magar muqaddar hai un kaa faanii
ke laakh patte ye shor kar le.n
mizaaj me.n sar-kashii bhii rakh le.n
yaa girya kar le.n udaas ho le.n
to farq use ye bas pa.Degaa
zamiin un ko sameT legii
zaraa sii phir ye jagah bhii degii
karishma qudrat kaa hai ye aisaa
uruuj par hai zavaal apnaa
har ek ko hai palaT ke jaanaa

Asra Rizvi
Nazm

Khaala ki murghi

KHaala ne ik murGii paalii
kahii.n safed aur kahii.n hai kaalii
din bhar kaT kaT kartii hai vo
daanaa Da.nkaa chugtii hai vo
anDe bhii detii rahtii hai
lekin abhii vo ku.Dak hu.ii hai
KHaala ne kuchh anDe jamaa.e
in par is murGii ko biThaa.e
din bhar vo anDe setii hai
anDo.n se tab chuuze nikle
chhoTe chhoTe nanhe nanhe
ravii ke gaalo.n ke jaise
murGii jidhar jidhar bhii nikle
chuuze piichhe piichhe dau.De
KHaaluu KHush the dekh ke chuuze
KHush ho kar KHaala se bole
chuuze anDo.n se kab nikle
murGii baiThii kitne dino.n se
KHaala bolii biis aur ik din
mai.n ne shumaar kiye hai.n gin gin
KHaaluu bole ab to begam
kal se anDe sete hai.n ham
kal me.n anDe rakh dete hai.n
ghanTo.n me.n chuuze bante hai.n
ye sun kar KHaala ne bhaa.ii
daa.nto.n me.n bas u.nglii dabaa.ii

Ameen Hazin
Nazm

kaj-rawi ka ishtihaar

mai.n to huu.n shaa.er kii ruuh
shaa.er kii KHaasiyyat
ek KHushbuu ik tilism
aur miraa beTaa ki hai shaa.er kaa jism
shaa.iro.n kii KHaslato.n kaa aa.ina
kaj-ravii kaa ishtihaar
hai sameTe apne andar aib kii har ek qism
naa-samajh aavaara-o-bekaar shaidaa-e-qimaar
aashnaa.o.n kaa musaahib kam-ayaar
harza-go baada-gusaar

Krishna Mohan
Nazm

pyara watan

kahte hai.n jis ko bhaarat-maataa miraa vatan hai
mai.n kyaa bataa.uu.n kaisaa achchhaa miraa vatan hai
saaraa jahaa.n dulhan hai gahnaa miraa vatan hai
goyaa bahisht kaa ik Tuk.Daa miraa vatan hai
mai.n huu.n vatan kaa pyaaraa pyaaraa miraa vatan hai
hindostaa.n ke baaGo.n kii dil-kushaa fazaa.e.n
raahat-bhare nazaare KHushbuu bharii havaa.e.n
KHush-rang panchhiyo.n kii man-mohnii sadaa.e.n
saavan kii kaalii kaalii vo jhuumtii ghaTaa.e.n
mai.n huu.n vatan kaa pyaaraa pyaaraa miraa vatan hai
gangaa kii paak lahro.n kaa KHushnumaa nazaara
jamunaa kaa vo kinaara vo dil-rubaa nazaara
jis se ho ruuh taaza vo byaas kaa nazaara
raavii me.n kashtiyo.n kaa vo ghuumtaa nazaara
mai.n huu.n vatan kaa pyaaraa pyaaraa miraa vatan hai
apne vatan kaa zarra-zarra hame.n hai pyaaraa
dil kaa hai ye sahaaraa aur aa.nkh kaa hai taaraa
duniyaa se hai niraalaa bhaarat kaa har nazaaraa
ba.Dh kar bahisht se hai hindostaan hamaaraa
mai.n huu.n vatan kaa pyaaraa pyaaraa miraa vatan hai

Nishtar Jalandhari
Nazm

aaseb

ye meraa vahm hai shaayad
magar aksar
mire har har nafas se be-sabab paiham ulajhte
silsilo.n kii raushnii me.n
mujhe mahsuus saa hone lagaa hai
ki har lamhe kii sangii.n oT me.n
simTaa hu.aa haalaat kaa ifriit
shikast-o-reKHt ke darpe
baraabar taak me.n baiThaa hu.aa hai
yahii haalaat kaa ifriit
inhii lamho.n kii parbat se utar kar
vasuuq-e-jabr se chhaa jaa.egaa yalGaar ban kar
taraddud se tadabbur se taraashii
in fazaa.o.n par
jinhe.n KHush-fahmiyaa.n merii
abhii tak shauq se detii rahii hai.n
suhaanaa naam apnii kaa.enaat-e-zehn-o-dil kaa
ye merii kaa.enaat-e-zehn-o-dil bhii
agar is umr ke mahduud arse tak
miraa hissa nahii.n hai
mire a.amaal par mabnii
na ko.ii haal hai meraa
na kuchh ummiid fardaa kii
mire a.amaal par mabnii
mirii uqbaa bhii kyaa hogii
mirii uqbaa bhii kyaa hogii

Ram Parkash Rahi
Nazm

ghaw

tire iKHtiyaar kii had nahii.n
tire faislo.n se mafar nahii.n
mire dil ke ghaav amiiq-tar
tire faislo.n kii hai.n
zarb se
mai.n tirii KHushii me.n
jo KHush rahii
to mirii KHushii kaa KHayaal kar
ko.ii aisaa daaruu kahii.n se laa
mire gahre gahre se
ghaav bhar

Sabeen Yunus
Nazm

umr-e-rafta ki nazm

titliyaa.n KHush-rang kitnii u.D rahii hai.n
ek bachcha
u.ngliyo.n kaa jaal phailaa.e kha.Daa hai
aur us kii u.ngliyo.n se
kitnii miiThii KHvaahishe.n lipTii hu.ii hai.n
us ko hai maaluum
titlii chuustii hai
saaGar-e-gul se shakar-aamez ras
vo muntazir hai
titliyaa.n KHush-rang aa.e.ngii yaqiinan
zer-e-daam

Khawar Naqeeb
Nazm

subh-e-bahaar

murGaan-e-KHush-navaa ne
suuraj ko jab jagaayaa
utrii kiran zamii.n par
dau.Dii lahuu me.n garmii
u.Dne lage parinde

Nafees Taqi
Nazm

algani

alganii jo dhuup me.n laTak rahii thii TuuT ke
usii ko phir se baa.ndh ke
sabz rang kaa reshmii libaas us pe Taa.ng ke vo KHush hu.i hai is qadr ki jaise us ne paa liye ho.n gur sabhii
hayaat ke
magar use nahii.n pata ye alganii jo TuuT ke laTak rahii thii dhuup me.n

Shumaila Bahzad
Nazm

aane wala sard mausam

ik KHaamoshii chhaa rahii hai
KHushk patte har taraf bikharte jaa rahe hai.n
aur
aane vaale sard mausam kaa
paiGaam sunaa rahe hai.n
saath hii ik ajiib
be-yaqiinii
udaasii ban kar
chhaa rahii hai
aasmaan kaa niilaa-pan aur
u.Dte parinde bhii
shaam kii gahrii chup par
KHaamosh hai.n
sard mausam kii KHabre.n garm hai.n

Hina Ambareen Tariq
Nazm

ek aawaz

ye kaisii aavaaz aa rahii hai
vo raaste jin pe tum ravaa.n ho
tumhaarii manzil vahaa.n kahaa.n hai
zaraa suno KHush-gumaan logo
zamiin se aasmaa.n kaa rishta na TuuT jaa.e
jo ye hu.aa to zamii.n na hogii
phir is se aage azaab mausam kii saltanat hai
tamaam manzar dhu.aa.n dhu.aa.n hai

Jalees Najeebabadi
Nazm

parchhain

ab buu.Dhe kii udaas parchhaa.iyaa.n
kaa.np rahii thii.n
la.Dke kii aa.nkho.n me.n
paanii me.n nahii.n
lekin abhii la.Dkaa
us buu.Dhe kii tarah KHush nahii.n thaa
aur na hii vo apnii parchhaa.ii.n
dekh rahaa thaa paanii me.n
vo to keval
un parchhaa.iyo.n se abhii la.D rahaa thaa

Gobind Parsad
Nazm

ek KHwahish

zard patte
barahna pe.Do.n kii Daale.n
tak rahii hai.n aasmaa.n
KHushk dhartii par daraa.De.n pa.D ga.ii.n
pyaas kii shiddat ki uf
lambe saa.e kii tarah
uu.nche pahaa.Do.n par kha.Dii
muntazir hai zindagii kii
aur mai.n is KHushk dhartii par
e.Dii raga.D kar zor se
phir kisii chashme kaa KHvaahish-mand huu.n

Hafeez Aatish
Nazm

nazm

soch rahii huu.n
bachpan kaa KHush-rang zamaana biite
kitnii der hu.ii hai
ko.ii puraanaa naata dil se TuuTe
kitnii der hu.ii hai
mujh ko apne aap se bichh.De
kitnii der hu.ii hai
lekin
ek khilauno.n kii almaarii
kuchh rangiin aur uljhe dhaage
sahan me.n bhiigtii nannhii chi.Diyaa
nahr kinaare ghaas kii narmii
aam ke pe.D kii ThanDii chhaayaa
liimuu.n ke paude kii KHushbuu
aaKHir kab daaman chho.Degii

Narjis Afroz Zaidi
Nazm

fasl-e-istada

hamaarii nasl
dasht-e-naa-muraad kii
vo fasl hai
jise a.ndhero.n se numuu milii

Yahya Khan Yusuf Zai
Nazm

bachchi

chaar barso.n tak vo aa.ngan me.n sa.nvartii hii rahii
bhor kii maa'suumiyat aisii nikhartii hii rahii
saa.ns kii KHush-buu badan me.n rang bhartii hii rahii

Bimal Krishn Ashk
Nazm

aaKHiri manzil

umr kaa sailaab ba.Dhtaa jaa rahaa hai dosto
vaqt kaa dhaaraa palaT saktaa nahii.n
kah rahii hai aaKHirii manzil hame.n KHush-aamdiid
aur ham nazre.n jhukaa.e
chehra-e-taariik aur dast-e-tahii apnaa liye
rafta-rafta ba.Dh rahe hai.n aaKHirii manzil kii samt

Shaheen Badr
Nazm

kaun kya khata hai

daadii chiiKH rahii hai.n kyaa kyaa saTar paTar ham khaate hai.n
kaun inhe.n samjhaa.e biscuit jam butter ham khaate hai.n
naanii ko sadma hotaa hai kyo.n burger ham khaate hai.n
kitnaa KHush ho jaatii hai.n vo jab gaajar ham khaate hai.n

Muzaffar Hanfi
Nazm

tabdili

miraa beTaa
buluuGat kii hade.n chhuune lagaa hai
use naazuk ra.ngaa-ra.ng titliyaa.n KHush aa rahii hai.n
vo aksar gungunaataa hai dhanak naGme
ab us kii putliyo.n me.n sabz fasle.n lahlahaatii hai.n
vo sotaa hai to KHvaabo.n me.n kahii.n gul-gasht kartaa hai
ab us kii muskuraahaT me.n chubhan hai
aur us ke haath gustaaKHii ke juuyaa ho chale hai.n
vo kaano.n par yaqii.n karne ko raazii hii nahii.n hai
use asbaab kii sachchaa.iyo.n par shak guzartaa hai
vo ab har chiiz ko chhuu kar parakhnaa chaahtaa hai

Rashid Jamaal Farooqi
Nazm

ta’mir-e-zat

hamaarii laaDlii naazuk sii gu.Diyaa
bahut pyaarii sii vo chhoTii sii chi.Diyaa
suhaane giit gaatii hai
so saare Gam bhulaatii hai
hamaare dil lubhaatii hai
jise chhuu kar ki jis ke lams ko paa kar
hamaarii u.ngliyaa.n
sarsabz aur KHush bantii rahii hai.n
jise paa kar hayaat-e-be-navaa apnii
kisii maqsad kii ab tafsiir hotii jaa rahii hai
luTe KHvaabo.n kii ab taa'biir hotii jaa rahii hai
vajuud-e-zaat me.n taa'miir hotii jaa rahii hai

Abida Karamat
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now