Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ajaa.ib"

Nazm MATCHES FOR "ajaa.ib"

Nazm

lucknow ki sair

chaar baaG station dekho
shahr me.n ek nayaa-pan dekho
sajii sajaa.ii dulhan dekho
qadam qadam par fashion dekho
aa.o tumhe.n lucknow dikhaa.e.n
aur yahaa.n kii sair karaa.e.n
kitnaa achchhaa chi.Diyaa ghar hai
sher hiran bhaaluu bandar hai
mor kabuutar aur tiitar hai
andar murda ajaa.ib ghar hai
aa.o tumhe.n lucknow dikhaa.e.n
aur yahaa.n kii sair karaa.e.n
hazrat ganj kii sair karaa.e.n
qaisar baaG kii laaT dikhaa.e.n
aur amiinaabaad ghumaa.e.n
shaam-e-avadh ra.ngiin banaa.e.n
aa.o tumhe.n lucknow dikhaa.e.n
aur yahaa.n kii sair karaa.e.n
ye puurii up kaa dil hai
is me.n ek chhatar-manzil hai
art school lab-e-saahil hai
nava dekhne ke qaabil hai
aa.o tumhe.n lucknow dikhaa.e.n
aur yahaa.n kii sair karaa.e.n
chauk naKHKHaas husain-aabaad
golaaganj naziiraabaad
pyaar mohabbat me.n aazaad
mard-o-zan shiirii.n farhaad
aa.o tumhe.n lucknow dikhaa.e.n
aur yahaa.n kii sair karaa.e.n
aa.o shahd ismaarak dikhaa.e.n
jhanDe vaale park me.n jaa.e.n
belly-gaurd ko samjhaa.e.n
medical collage dikhlaa.e.n
aa.o tumhe.n lucknow dikhaa.e.n
aur yahaa.n kii sair karaa.e.n
ye sab shahro.n me.n nyaaraa hai
naam is kaa kitnaa pyaaraa hai
sab kii aa.nkho.n kaa taaraa hai
amn-o-sukuu.n kaa gahvaaraa hai
aa.o tumhe.n lucknow dikhaa.e.n
aur yahaa.n kii sair karaa.e.n

Javed Iqbal
Nazm

amanat

ye maazii jo mirii tanhaa.iyo.n ke saath rahtaa hai
ye ik naadaan bachche kii tarah tanhaa.ii ko
ishaara kartaa hai Tho.Dii paka.D kar aur kahtaa hai
vo dekho gaa.nv ke siine pe sar rakkhe hu.e sarso.n
tumhaarii kam-sinii khelii hai jis kii god me.n barso.n
nuquush-e-paa se ab tak har galii kii maa.ng raushan hai
abhii tak god phailaa.e hu.e Dere kaa aa.ngan hai
rasiilii jaamuno.n ke pe.D kii kamzor shaaKHo.n ne
tumhaarii u.ngliyo.n kaa har nishaa.n mahfuuz rakkhaa hai
labo.n par jhiil kii gahraa.iyo.n ke hai bas ik shikva
ki jab se tum ga.e ho ko.ii bhii ham tak nahii.n pahu.nchaa
kinaare jhiil ke vo pe.D ab tak muntazir saa hai
kab aa.oge yahaa.n kap.De utroge nahaa.o.ge
ye maazii jo mirii tanhaa.iyo.n ke saath rahtaa hai
ye ik naadaan bachche kii tarah tanhaa.ii ko
ishaara kartaa hai Tho.Dii paka.D kar aur kahtaa hai
vo dekho gaa.nv ke khaliyaano.n me.n soyaa hu.aa jaaduu
nashiilii raat kii raanii vo lau detii hu.ii KHushbuu
diyo.n kaa dhiimii dhiimii raushnii denaa dhu.aa.n denaa
shikasta jho.npa.Do.n kaa zindagii ko loriyaa.n denaa
khanaktii hai.n raso.ii ghar me.n alha.D chuu.Diyaa.n ab tak
bharaa kii poliyaa.n laatii hai.n sar par buu.Dhiyaa.n ab tak
ke kinaare kachchii ii.nTo.n se banaa mandir
sulagte kanDo.n se uThtii dhu.e.n kii malgajii chaadar
hare kheto.n kii me.nDo.n par sulagte jism ke saa.e
larazte ho.nTh ghabraa.ii hu.ii saa.nso.n ke afsaane
lachaktii aam kii shaaKHo.n pe bal khaa.e hu.e jhuule
kisii kaa bhaagnaa ye kah ke ko.ii hai hame.n chhuu le
ye dekho zindagii kitnii hasii.n hai kitnii bholii hai
usii aaGosh me.n aa jaa.o jis me.n aa.nkh kholii hai
ye maazii jo mirii tanhaa.iyo.n ke saath rahtaa hai
ye kahtaa hai ki mai.n guzrii hu.ii baato.n me.n kho jaa.uu.n
tumhaarii zulf se mahkii hu.ii raato.n me.n kho jaa.uu.n
ise mai.n kaise samjhaa.uu.n ki ab ye saa.ns kaa Doraa
ik aisii dhaar kii talvaar hai jis par guzarnaa hai
mujhe aur zindagii ke zaKHm ko Taa.nke lagaanaa hai.n
ise mai.n kaise samjhaa.uu.n ki ye maazii kii tasviire.n
ab ik aisii amaanat hai.n jise mai.n rakh nahii.n sakta
agar rakkhuu.n to naakaara nikammaa kah ke ye duniyaa
mujhe Thokar lagaa de aur KHud aage ko ba.Dh jaa.e
mirii pasmaandgii par har nazar uTThe taras khaa.e
mujhe murda ajaa.ib-ghar kii aisii muurtii samjhe
jo sab ko is liye pyaarii hai ki kaafii puraanii hai
ye maazii jo mirii tanhaa.iyo.n ke saath rahtaa hai
ise mai.n kaise samjhaa.uu.n ki ye maazii kii tasviire.n
ab ik aisii amaanat hai.n jise mai.n rakh nahii.n sakta

Waseem Barelvi
Nazm

sui

mai.n tumhe.n
us nazm se banaa.uu.ngaa
jo mai.n ne
ajaa.ib-ghar kii sii.Dhiyo.n par
baiTh kar likhii hai
us udaasii se banaa.uu.ngaa
jo merii nazm
aur aa.nkho.n me.n maujuud hai

Zeeshan Sahil
Nazm

safir-e-laila-4

hariim-e-mahmil me.n aa gayaa huu.n salaam le lo
salaam le lo ki mai.n tumhaaraa amiin-e-qaasid KHajil musaafir azaa kii vaadii se lauT aayaa
mai.n lauT aayaa magar saraasiima is tarah se
ki pichhle qadmo.n palaT ke dekhaa na guzre rasto.n ke faaslo.n ko
jahaa.n pe mere nishaan-e-paa ab thake thake se gire pa.De the
hariim-e-mahmil me.n vo safiir-e-naved-parvar
jise zamaane ke past o baalaa ne itne qisse pa.Dhaa diye the
jo pahle qarno.n kii tiirgii ko ujaal dete
tumhe.n KHabar hai
ye meraa siina qadiim ahraam me.n akelaa vo ik haram thaa
aziim raazo.n ke kohna taabuut jis kii ka.Diyo.n me.n bas rahe the
unhii.n havaa.o.n kaa Dar nahii.n thaa
na sahraa-zaado.n ke naslii kaa hii un kii gird-e-KHabar ko pahu.nche
hariim-e-mahmil me.n vo amaanat kaa paasbaa.n huu.n
jo charm-e-aahuu ke narm kaaGaz pe likkhe naame ko le ke niklaa
vahii ki jis ke savaar hone ko tum ne baKHshaa jahaaz-e-sahraa
taviil raaho.n me.n KHaalii mashko.n kaa baar le kar hazaar sadiyaa.n safar me.n gardaa.n
kahii.n saraabo.n kii bahtii chaa.ndii kahii.n chaTaano.n kii saKHt qaashe.n
mayaan-e-raah-e-safar kha.De the jaka.Dne vaale nazar ke lobhii
magar na bhaTkaa bhaTakne vaalaa
jo dam liyaa to azaa me.n jaa kar
hariim-e-mahmil suno fasaane jo sun sako to
mai.n chalte chalte safar ke aaKHir pe aisii vaadii me.n jaa ke Thahraa
aur us pe guzre hariis lamho.n ke un nishaano.n ko dekh aayaa
jahaa.n ke naqshe biga.D ga.e hai.n
jahaa.n ke tabqe ulaT ga.e hai.n
vahaa.n kii fasle.n zaqquum kii hai.n
havaa.e.n kaalii hai.n raakh u.D kar kha.nDar me.n aise phunkaartii hai
ki jaise azhdar chahaar jaanib se jab.De khole Gadar machaate
zamii.n pe kiina nikaalte ho.n
kasiif zahro.n kii thailiyo.n ko Gazab se baahar uchhaalte ho.n
muhiib saa.e me.n devtaa.o.n kaa raqs jaarii thaa
TuuTe haatho.n kii haDDiyo.n se vo dohl-e-baatil ko piiTte the
za.iif kavvo.n ne ahl-e-qarya kii qabre.n khodii.n
tuu un ke naaKHun nahiif panjo.n se jha.D ke aise bikhar rahe the
chako.ndaro.n ne chabaa ke phe.nke ho.n jaise haDDii ke KHushk reze
hariim-e-mahmil vahii vo manzil thii jis ke siine pe mai.n tumhaarii nazar se pahu.nchaa uThaa.e mehr o vafaa ke naame
vahii.n pe baiThaa thaa sar-ba-zaanuu tumhaaraa mahram
kha.nDar ke bosiida pattharo.n par haziin o Gamgii.n
vahii.n pe baiThaa thaa
qatl-naamo.n ke mahzaro.n ko vo pa.Dh rahaa thaa
jo pastiyo.n ke kotaah haatho.n ne us kii qismat me.n likh diye the
hariim-e-mahmil mai.n apne naaqa se niiche utraa to mai.n ne dekhaa ki us kii aa.nkhe.n KHamosh o viiraa.n
Gubaar-e-sahraa mizha pe larzaa.n thaa ret diido.n me.n u.D rahii thii
magar sharaafat kii ek lau thii ki us ke chehre pe narm haala kiye hu.e thii
vo mere lahje ko jaantaa thaa
hazaar manzil kii duuriyo.n ke sataa.e qaasid ke ukh.De qadmo.n kii chaap sunte hii uTh kha.Daa thaa
dayaar-e-vahshat me.n bas rahaa thaa
pe terii saa.nso.n ke zer-o-bam se uThii haraarat se aashnaa thaa
vo kah rahaa thaa yahaa.n se jaa.o ki yaa.n KHaraabo.n ke kaar-KHaane hai.n
roz o shab ke jo silsile hai.n khule KHasaaro.n kii manDiyaa.n hai.n
vo Dar rahaa thaa tumhaaraa qaasid kahii.n KHasaaro.n me.n baT na jaa.e
hariim-e-mahmil mai.n kyaa bataa.uu.n vahii.n pe khoyaa thaa meraa naaqa
faqat KHaraabe ke chand lamhe hii us ke guude ko khaa ga.e the
usii maqaam-e-tilism-gar me.n vo ustaKHvaano.n me.n Dhal gayaa thaa
jahaa.n pe bikhraa pa.Daa thaa pahle tumhaare mahram kaa asp-e-taazii
aur ab vo naaqa ke ustuKHvaa.n bhii
tumhaare mahram ke asp-e-taazii ke ustaKHvaano.n me.n mil ga.e hai.n
hariim-e-mahmil vahii vo patthar the jin pe rakkhe the mai.n ne mehr o vafaa ke naame
jahaa.n pe zinda ruto.n me.n baa.ndhe the tum ne paimaan o ahd apne
magar vo patthar ki ab ajaa.ib kii kaargah hai.n
tumhaare naame kii us ibaarat ko khaa ga.e hai.n
shifaa ke haatho.n se jis ko tum ne raqam kiyaa thaa
so ab na naaqa na ko.ii naama na le ke aayaa javaab-e-naama
mai.n naa-muraad o KHajil musaafir
magar tumhaaraa amiin qaasid azaa kii vaadii se lauT aayaa
aur us najiib o kariim mahram-e-vafaa ke paikar ko dekh aayaa
jo aane vaale dino.n kii gha.Diyaa.n abad kii saa.nso.n se gin rahaa hai

Ali Akbar Natiq
Nazm

safir-e-laila-3

safiir-e-lailaa ye kyaa hu.aa hai
shabo.n ke chehre biga.D ga.e hai.n
dilo.n ke dhaage ukha.D ga.e hai.n
shafiiq aa.nsuu nahii.n bache hai.n Gamo.n ke lahje badal ga.e hai.n
tumhii bataa.o ki is kha.nDar me.n jahaa.n pe mak.Dii kii san.ate.n ho.n
jahaa.n samundar ho.n tiirgii ke
siyaah-jaalo.n ke baadbaa.n ho.n
jahaa.n payambar KHamosh leTe ho.n baate.n kartii ho.n murda ruuhe.n
safiir-e-lailaa tumhii bataa.o jahaa.n akelaa ho daastaa.n-go
vo daastaa.n-go jise kahaanii ke sab zamaano.n pe dastaras ho
shab-e-rifaaqat me.n tuul-e-qissa charaaG jalne talak sunaa.e
jise zabaan-e-hunar kaa saudaa ho zindagii ko savaal samjhe
vahii akelaa ho aur KHamoshii hazaar sadiyo.n kii saa.ns roke
vo chup lagii ho ki maut baam-e-falak pe baiThii zamii.n ke saa.e se kaa.nptii ho
safiir-e-lailaa tumhii bataa.o vo aise dozaKH se kaise nipTe
dayaar-e-lailaa se aa.e naame kii nau ibaarat ko kaise pa.Dh le
puraane lafzo.n ke isti.aaro.n me.n gum mohabbat ko kyuu.nke samjhe
safiir-e-lailaa abhii malaamat kaa vaqt aa.egaa dekh lenaa
agar musir ho to aa.o dekho
yahaa.n pe baiTho ye naame rakh do
yahii.n pe rakh do inhii silo.n par
ki is jagah par hamaarii qurbat ke din mile the
vo din yahii.n par judaa hu.e the inhii silo.n par
aur ab zaraa tum nazar uThaa.o mujhe bataa.o tumhaaraa naaqa kahaa.n gayaa hai
buland TaKHno.n se zard retii pe chalne vaalaa sabiih naaqa
vo surKH naaqa savaar ho kar tum aa.e jis par burii saraa me.n
vahii ki jis kii mahaar baa.ndhii thii tum ne bosiida ustuKHvaa.n se
vo asp-e-taazii ke ustuKHvaa.n the
mujhe bataa.o safiir-e-lailaa kidhar gayaa vo
udhar to dekho vo haDDiyo.n kaa hujuum dekho
vahii tumhaaraa aziiz saathii safar kaa monis
pa ab nahii.n hai
aur ab uThaa.o silo.n se naame
pa.Dho ibaarat jo pa.Dh sako to
kyaa Dar ga.e ho ki sat.h-e-kaaGaz pe juz siyaahii ke kuchh nahii.n hai
KHajil ho is par ki kyuu.n ibaarat Gubaar ho kar nazar se bhaagii
safiir-e-lailaa ye sab karishme isii kha.nDar ne mirii jabii.n par likhe hu.e hai.n
yahii ajaa.ib hai.n jin ke sadqe yahaa.n parinde na dekh paa.oge
aur sadiyo.n talak na utregii yaa.n savaarii
na chob-e-KHema ga.Degii yaa.n par
safiir-e-lailaa ye mere din hai.n
safiir-e-lailaa ye merii raate.n
aur ab bataa.o ki is aziyyat me.n kis mohabbat ke KHvaab dekhuu.n
mai.n kin KHudaa.o.n se nuur maa.nguu.n
magar ye sab kuchh puraane qisse paraa.ii bastii ke murda qaziye
tumhe.n fasaano.n se kyaa lagaa.o
tumhe.n to matlab hai apne naaqa se aur naame kii us ibaarat se
sat.h-e-kaaGaz se jo u.Dii hai
safiir-e-lailaa tumhaaraa naaqa
mai.n us ke marne par Gam-zada huu.n
tumhaare ranj o alam se vaaqif ba.De KHasaaro.n ko dekhtaa huu.n
so aa.o us kii talaafii kar duu.n ye mere shaane hai.n baiTh jaa.o
tumhe.n KHaraabe kii kaargah se nikaal aa.uu.n
dayaar-e-lailaa ko jaane vaalii habiib raaho.n pe chho.D aa.uu.n

Ali Akbar Natiq
Nazm

mera dost abul-haul

ye duniyaa to un shola saamaan logo.n ne aapas me.n taqsiim kar lii
jo hathiyaar kii shakl me.n ranj-o-Gam Dhaalte hai.n
yaa gola-baaruud ke kaar-KHaano.n ke maalik hai.n
yaa phir sanaa-KHvaa.n hai.n un ke
hamaare liye sirf naare bache hai.n
san.atii daur ke kaj-kulaaho.n kii daad-o-dahish ruuh-parvar ho yaa jaan-levaa
magar zindaabaad, aafrii.n, marhabaa, ke sivaa kuchh nahii.n paas apne
ye sab jaantaa hai hamaarii shujaa.at kii parvaaz kyaa hai
hamaarii javaa.n-mardii ik suuba-jaatii ta.assub se
yaa firqa-vaarii fasaadaat se aage kuchh bhii nahii.n hai
futuuhaat-e-askandarii ham ne taKHtii pe likh kar miTaa dii hai.n kab kii
hamaare baa'd zamii.n ke tale so rahe hai.n
ajaa.ib-gharo.n me.n laTaktii hai.n talvaare.n un kii
aur un ke zarrii.n libaado.n ko ghun khaa gayaa hai
zira-baktaro.n par clones aa ga.ii hai
ye sab jaantaa hai hamaarii tag-o-taaz kyaa hai
hamaare shikam gar hamaare suro.n pe na hote
aur chehro.n me.n aazaa-e-jinsii
to ham achchhe insaan bante
hamaare gharo.n ke kam o besh sab aqabii darvaaze paiham khule hai.n
hamaare lahuu me.n hare laal piile bahut saare parcham khule hai.n
kahii.n se magar haq kii aavaaz aatii nahii.n hai
hamaarii zabaa.n dil kii saathii nahii.n hai
hamaare liye khokhlaa lafz-e-jamhuuriyat hai, taqaariir hai.n leadero.n kii
hamaare liye roz-naamo.n ke safhaat hai.n, ishtihaaraat hai.n niim-jinsii
hamaare liye devtaa.o.n ke but hai.n, KHudaa ke faraamiin hai.n aur uqbaa
jo bad-ra.ng hai haal kii tarah aur kore laTThe kii buu se bharii hai
hamaare liye sirf roTii kii jidd-o-johd
aurato.n ke barhana badan kii tamannaa se aage kahii.n kuchh nahii.n hai
hamaarii rago.n me.n jo tezaab hai us kii shiddat kabhii kam na hogii!

Akhtarul Iman
Nazm

tere jauban ke mausam mein

o maTyaalii!
tere jism kii so.ndhii KHushbuu
ro.e.n ro.e.n me.n saa.nvlii rut bedaar kare
dil kii or se gahrii ghor ghaTaa.e.n umDe.n
aur mere ye pyaase ho.nT
tere siine ke pyaalo.n me.n
tairte a.nguuro.n ke ras ke lams me.n bhiige.n
terii harii-bharii saa.nso.n kii mushk nicho.De.n
o maTyaalii
tere jauban ke mausam me.n
dil ke andar Gaibii suuraj ke gul-ra.ng ajaa.ib jaage.n
panj poro.n par paa.nch hiso.n ke phuul khilii.n
aur tuu haule haule apne
pyaar-bhare ho.nTo.n se meraa
shahd kashiid kare

Sarmad Sahbai
Nazm

ajaib-KHana

miraa vajuud
dekhte hii dekhte
ek ajaa.ib-KHaane me.n Dhal rahaa hai
ki mere laa-shu.uur ne
aasaar-e-qadiima kii naadir inaayato.n ko
chhupaa ke mujh se
mujh hii me.n jam.a kar diyaa hai
yahaa.n kahii.n kisii rack me.n
mire hunuut-shuda harf aur lamhe
pa.De hu.e hai.n
jinhe.n na-jaane kaun saa masaala lagaa diyaa gayaa hai
ki mire jism kii haraarat se bhii vo
gal nahii.n rahe hai.n
in almaariyo.n se
mirii TuuTii hu.ii chuu.Diyo.n ke saaz kii
aavaaz aa rahii hai
ye dekho shelf me.n
merii bachpan kii gu.Diyaa kaa
TuuTaa hu.aa jism so rahaa hai
kahii.n merii si.nghaar-mez kaa aa.iina
be-ra.ng ho kar chaTaKH gayaa hai
magar ab bhii
mere azaab-lamho.n kaa
aks de rahaa hai
kahii.n kisii surme-daanii me.n
shaayad kabhii mai.n ne apnii aa.nkh chho.D dii thii
jo us me.n se mujhe ghuurtii hai
aur merii zindagii
mere za.ng-aaluud zevaro.n me.n
dab ke chiiKHtii hai
aur paayalo.n kii aavaaz se Dar rahii hai
ek TuuTii hu.ii ka.nghii se
mire baal uljhe hu.e hai.n
aur kinaare pe rakkhii hu.ii
suraahii se pyaas kii buu
ris rahii hai
kisii gha.Diyaal kii TuuTii hu.ii suu.ii
ik azaab-lamhe me.n murta.ish hai
aur qariib hii
mere jazbo.n ke taalaab se
baas uTh rahii hai
aur tamaash-biin,
jauq-dar-jauq mere ajaa.ib-KHaane ko
dekhne ko aa rahe hai.n
in me.n se ko.ii tamaash-biin
is ajaa.ib-KHaane kii
saa.ns letii hu.ii maut ko
taz.hiik se dekh kar
nazar-andaaz kartaa hu.aa jaa rahaa hai
aur ko.ii ajaa.ibaat kaa shauqiin
in tamaam ashyaa pe tahqiiq kar ke
apna-aap saabit karnaa chaahtaa hai
magar un ko dhuul me.n pa.Dii hu.ii
taariiKH kii uljhii hu.ii Dor kaa
ko.ii siraa nahii.n mil rahaa hai
aur me.n kinaare pe kha.Dii hu.ii
apne usii ek sire ke milne kii muntazir huu.n
ki miraa vajuud dekhte hii dekhte
ek ajaa.ib-KHaane me.n Dhal chukaa hai

Sarwat Zehra
Nazm

baghdad

hasan jis shahr me.n
tuu giilii miTTii se
kabhii kuuze banaataa thaa
tujhe is shahr me.n miTTii nahii.n
ab sar mile.nge
hazaaro.n KHasta-tan
laasho.n se ristaa KHuun
tere shahr kii miTTii ko
yuu.n sairaab kartaa hai
ki ab jo tuu kabhii
miTTii se khelegaa
to har kuuza suraahii jaam-o-miinaa
lahuu ke rang ke ho.nge
tirii naqsh-o-nigaarii
aur tire haatho.n kii sannaa.ii
na in kuuzo.n ko baKHshegii vo hairat
vo nudrat aur vo naqqaashii
jo bas teraa hii hissa thii
vo is miTTii kii so.ndhii tez KHushbuu
puraane KHuun kii badbuu me.n mil kar
aisii badlii hai
tujhe mahsuus hogaa
tuu kisii marghaT me.n baiThaa hai
tujhe dajla kaa vo shaffaaf paanii yaad hai kyaa
vo jis se tere kuuzo.n kii ziyaa thii
vo jis se pyaas bujhtii thii
tire suukhe badan kii
vo dajla surKH hai
ma.asuum bachcho.n ke lahuu se
hasan ataa yuusuf kii dukaa.n ke saamne
kal bam phaTaa thaa
na jaane kitne kuuza-gar mare
jin ke gharo.n me.n
isii miTTii ke pyaale hai.n magar KHaalii
ta.Daptii bhuuk hai aur lab savaalii
na jaane kitne kaarii-gar mare
ab kaun gintaa hai
hasan is shahr me.n ab ko.ii marjiina nahii.n hai
na duniyaa-zaad, na haasib kariimuddiin kaa ghar hai
ajaa.ib-ghar hai.n na vo dars-gaahe.n
kutub-KHaano.n me.n lashkar so rahe hai.n
ko.ii zinda nahii.n is shahr me.n
bas maut zinda hai
hasan tuu mujh se va.ada kar
ki chaahe kuchh bhii ho jaa.e
palaT kar is shahr me.n
phir kabhii vaapas na aa.egaa

Salman Ansari
Nazm

sabaat ek taghayyur ko hai zamane mein

uTho
siile kamre se baahar ko niklo
vahaa.n hai zamaana taGayyur-paziir
ki ham chaah-e-taariik me.n
apnii aa.nkhe.n na kho de.n
uThe.n jab
to sab chiize.n badlii mile.n
aur saare tamaashe hame.n
ajnabii aa.nkh se ghuurte ham se puuchhe.n
ki tum kaun ho
kis ajaa.ib-kade se nikal aa.e ho
aur jab
apnii jebe.n TaTole.n
to sikke hamaare zar-o-siim ke
qiimate.n kho chuke ho.n
hame.n ye KHabar mil rahii ho
ki ham ahd-e-rafta ke sahraa-e-huu me.n kahii.n
apne mauhuum-o-mub.ham hayuule kii bhii
jaane kab kii nafii kar chuke

Anwar Shamim
Nazm

ek sawal

ek lamha bhii ik zamaana hai
yaad rakhnaa ki bhuul jaanaa hai
lab o ruKHsaar o gesuu-e-KHamdaar
vo lachaktii hu.ii baahe.n vo ham aaGosh badan
vo chhalakte hu.e paimaano.n kii mahfil vo iram
naGma o raqs fusuu.n-kaarii-e-fan
shahr aaraa.ish-e-jannat hai zamii.n par ki nahii.n
ye numaa.ish-gah-e-ta.amiir-o-taraqqii ye zamii.n
zindagii mehnat o qudrat ke ajaa.ib
ye mashiine.n KHud-kaar
dhaat ke purze jo hai.n farz-shanaas o hushiyaar
ai KHudaa ye tire sayyaaro.n ke rakhvaale
ek lamha bhii ik zamaana hai
yaad rakhnaa ki bhuul jaanaa hai
aaj mausam bahut suhaanaa hai
jii kare hai ki jaan de Daale.n
aaj mausam bahut suhaanaa hai
kaT ga.e qaatilo.n ke haat kahii.n
paa.ii mahkuum ne najaat kahii.n
baadshaahat zamii.n pe de maarii
chhiin lii hai inaan-e-muKHtaarii
har taraf inqalaab ke aasaar
hai.n kahaa.n parcham-e-shah-e-KHuu.n-KHvaar
rashk-e-jamshed faKHr-e-askandar
qaid mohallo.n me.n yaa ki mulk-badar
Dagmagaataa hai taKHt-e-shaahaana
shahryaaro.n kaa KHatm afsaana
an-ginat bijliyaa.n girii.n lekin
chaar tinko.n kaa aashiyaana hai
ai KHudaa-e-abad KHudaa-e-azal
tere ghar me.n pahu.nch ga.ii halchal

Niyaz Haidar
Nazm

lal qila

tum ise jaante ho ye kyaa hai
pyaare bachcho.n ye laal qila hai
laal patthar ke hai.n dar-o-diivaar
is me.n karte the baadshaah darbaar
pahle jaisii na ab hukuumat hai
pahle jaisii na ab hifaazat hai
haa.n magar is ke gate ke baahar
kuchh sipaahii hai.n ab bhii pahre par
dekhte hai.n ise ticket le kar
is ke andar hai ik ajaa.ib ghar
jis me.n sikke hai.n baadshaaho.n ke
jis me.n kap.De hai.n baadshaaho.n ke
jis me.n rakhe hai.n anginat hathiyaar
jaise banduuq Dhaal aur talvaar
laal qil.a jahaa.n me.n hai mash.huur
jaama.a masjid se hai ye tho.Dii duur

Murtaza Sahil Tasleemi
Nazm

chanab nadi ka qasida

tuu khulii kitaab ajaa.ib kii
tiraa varaq varaq tuufaan lage
tirii kathaa me.n ramzii.n shahd bharii
tuu nafas nafas insaan lage

Masood Munavvar
Nazm

in your absence

'ajaa.ib-ghar kii sii.Dhii par
ko.ii ainak utaare ro rahaa hai
guzre vaqto.n par
magar meh.ndii lage haatho.n ko is se kyaa Garaz hogii
kivaa.Do.n par jamii kaa.ii kisii kii dastako.n se saaf honii hai
nahii.n maa'luum kitne din hamaarii raat honii hai

Saif Ali
Nazm

chalti phirti ek diwar

chaltii phirtii ik diivaar
dekhii ajaa.ib ghar me.n 'nisaar'
hiltii thii vo idhar udhar
chaltii thii vo khambo.n par
chaar ju.De the us me.n khambe
moTe moTe lambe se
diivaar se thaa gumbad jo lagaa
pipe thaa us se ju.Daa hu.aa
idhar udhar vo hiltaa thaa
moTaa moTaa bhaddaa saa
bhaalaa le kar baiThe the
miyaa.n mahaavat ak.De hu.e
gumbad me.n the darvaaze
chhoTe chhoTe bhuure se
kahte hai.n ye ahl-e-zabaa.n
hote hai.n diivaar ke kaan
kaan the us ke jaise suup
bhuuraa bhuuraa rang aur ruup
gaddaa thaa diivaar ke uupar
chamak rahii thii cham-cham chaadar
nanhe munne baiThe the
phuulo.n ke gul-daste the
gumbad me.n se do bhaale
idhar udhar the nikle hu.e
chamak rahe the aise saathii
daa.nt dikhaa.e jaise haathii
ab ye bataa.o nanhe saathii
dekhii thii diivaar ki haathii

Nisar Abbasi
Nazm

gopal mittal dehli ke nam

ai hazrat-e-mittal ye karam hai ki sitam hai
kyuu.n lutf nazar aap kaa naa-chiiz pe kam hai
vallaah ki hai.n aap bhii ik zinda ajaa.ib
sahraa me.n azaa.n de ke kahaa.n ho ga.e Gaa.eb
maanaa ki mire shahar se dillii hai bahut duur
jaise ki rah-o-rasm-e-vafaa se dil-e-maKHmuur
ye baat kahe kaun
ja.ngal me.n agar bel pakaa hai to chakhe kaun
sahraa me.n jo guu.njii hai vo aavaaz sune kaun
jab tak nahii.n pahu.nche dil-e-saahib nazar un tak
shoriida-saraa.n tak
aavaaz-e-azaa.n kyaa
gul-baa.ng-e-fuGaa.n kyaa
mai.n kaan me.n u.nglii diye baiThaa to nahii.n huu.n
bahraa to nahii.n huu.n
go haath me.n jumbish nahii.n aa.nkho.n me.n to dam hai
phir Gaib sabab kyuu.n
is banda-e-naachiiz pe taKHfiif-e-karam hai
ye bhii nahii.n kahtaa ki mujhe muft hii bheje.n
taufiiq ba-andaaza-e-himmat kaa huu.n qaa.il
mai.n aap kii deriina sharaafat kaa huu.n qaa.il
har haal me.n raazii-ba-razaa huu.n
hadiya bhii adaa karne se inkaar nahii.n hai
aapas me.n takalluf kii diivaar nahii.n hai
phir mujh pe taGaaful kii nazar kyuu.n hai jafaa kyuu.n
ye hazrat-e-'maKHmuur'-sa.iidii kii adaa hai

Raza Naqvi Vahi
Nazm

dusra janam

aafriinash samay Daal diije KHudaayaa
badan me.n tanavvo kii hairat-garii
merii mauruusiyat kii ja.Do.n me.n har ik saa.ns letii ikaa.ii ke KHaliyo.n kii miTTii bane
rii.Dh kii markazii jaaliyo.n me.n ajaa.ib-kado.n kaa KHazaana chhupe
mere haatho.n pe bhaTke hu.e raah-giiro.n kii manzil kaa naqsha bane
aur aa.nkho.n kii in putliyo.n me.n tilismii charaaGo.n kaa jangal base
apnii aa.nkho.n kii is raushnii se zamii.n kii taho.n ko farozaa.n karuu.n
aur faaqa-kasho.n kii zamiino.n me.n gehuu.n kii suurat uguu.n
be-vatan kashtiyo.n ke muhaajir qabiilo.n kaa maa.njhii banuu.n
sard parbat kii tiikhii havaa.o.n ko sahte makiino.n kaa suuraj banuu.n
aur azal se guphaa.o.n ke taariik manzar me.n pahlii shu.aa.o.n kaa muzhda banuu.n
haDDiyaa.n noch khaate hu.e devtaa.o.n ke siino.n me.n paltii havas kaa safaayaa karuu.n
khurdure paa.nv vaalo.n ke paa.nv tale
maKHmalii.n sabz sapne bichhaatii hu.ii ghaas kaa ek rasta banuu.n
ye jo mumkin na ho to mirii KHaak se chand girte makaano.n kii diivaar ko hii uThaa diijiye
merii miTTii se maskan banaa diijiye

Irfan Shahood
Nazm

shayad

kuchh der ko
purse ka.ndhe se utaaro
gaa.Dii kii chaabii
itnii hifaazat se rakho
ki Dhuu.nDne me.n vaqt lage
majbuuran ruknaa pa.De
aa.o
in lamho.n me.n ghar kar le.n
vo jo tum ko na kar sake.n
aaj kar Daalo
barso.n ke KHvaab
dimaaG jo ek lamha me.n
KHvaab kartaa hai
haqiiqat kar Daalo
in.aam me.n jo mile
kokh me.n sadiyo.n baad
janm dene ko chhupaa rakhnaa
aane vaale vaqto.n me.n
shaayad ham
sirf ajaa.ib gharo.n me.n mile.n

Eruj Mubarak
Nazm

main ab tak sochta hun

yaad hai
ik din ‘ajaa.ib-KHaane kii
KHaamosh-o-bosiida 'imaarat dekh kar
tum ne kahaa thaa
ye ik aisaa kal hai
jis ko ahl-e-duniyaa
aaj me.n zinda na rakh paa.e

Shahram Sarmadi
Nazm

intibah

hamaarii rasm hai
tum jaante ho
ka.ii sadiyo.n se ham ye kar rahe hai.n
ba.Dii mehnat se KHuun-e-dil jalaa kar
sub.h-o-shab nuur aa.nkho.n ko pilaa kar
taraashe sang-e-marmar saKHt patthar
aur un se KHuub-suurat but banaa.e
biThaa kar mandiro.n me.n vediyo.n par
unhe.n puujaa unhe.n sajde kiye hai.n
hamaarii rasm hai
tum jaante ho
ki khanDit ho ga.ii hai muurtii jab
to ham ne taj diyaa
dekhaa na mu.D kar
vo tanhaa rah ga.e yug kii Dagar par
na ko.ii bhakt na ko.ii pujaarii
na ko.ii aartii
na dhuup diipak
ziyaada se ziyaada ye hu.aa hai
'ajaa.ib ghar kii ziinat ho ga.e hai.n
hamaarii rasm hii chuu.nki yahii hai
tumhaaraa farz hai
muhtaat rahnaa
shikast-o-reKHt se KHud ko bachaanaa
sanam ho gosht ke zinda
yaa patthar
KHaraash aa.ii agar ruKH par badan par
to ko.ii bhii tumhe.n sajda na hogaa
agar saalim rahe
sajde bhii ho.nge

Kiran Kashmeeri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now