Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dhale"

Nazm MATCHES FOR "dhale"

Nazm

jab teri samundar aankhon mein

ye dhuup kinaaraa shaam Dhale
milte hai.n dono.n vaqt jahaa.n
jo raat na din jo aaj na kal
pal-bhar ko amar pal bhar me.n dhu.aa.n
is dhuup kinaare pal-do-pal
ho.nTo.n kii lapak
baa.nho.n kii chhanak
ye mel hamaaraa jhuuT na sach
kyuu.n raar karo kyuu.n dosh dharo
kis kaaran jhuuTii baat karo
jab terii samundar aa.nkho.n me.n
is shaam kaa suuraj Duubegaa
sukh so.e.nge ghar dar vaale
aur raahii apnii rah legaa

Faiz Ahmad Faiz
Nazm

nauha

rahne ko sadaa dahr me.n aataa nahii.n ko.ii
tum jaise ga.e aise bhii jaataa nahii.n ko.ii
Dartaa huu.n kahii.n KHushk na ho jaa.e samundar
raakh apnii kabhii aap bahaataa nahii.n ko.ii
ik baar to KHud maut bhii ghabraa ga.ii hogii
yuu.n maut ko siine se lagaataa nahii.n ko.ii
maanaa ki ujaalo.n ne tumhe.n daaG diye the
be-raat Dhale sham.a bujhaataa nahii.n ko.ii
saaqii se gilaa thaa tumhe.n mai-KHaane se shikva
ab zahr se bhii pyaas bujhaataa nahii.n ko.ii
har sub.h hilaa detaa thaa zanjiir zamaana
kyuu.n aaj divaane ko jagaataa nahii.n ko.ii
arthii to uThaa lete hai.n sab ashk bahaa ke
naaz-e-dil-e-betaab uThaataa nahii.n ko.ii

Kaifi Azmi
Nazm

zindan ki ek subh

duur naubat hu.ii phirne lage be-zaar qadam
zard faaqo.n ke sataa.e hu.e pahre vaale
ahl-e-zindaa.n ke Gazabnaak KHaroshaa.n naale
jin kii baaho.n me.n phiraa karte hai.n baahe.n Daale

Faiz Ahmad Faiz
Nazm

wirsa

ahal-e-mansab hai.n Galat-kaar to un ke mansab
terii taa.iid se Dhaale ga.e to mujrim hai

Sahir Ludhianvi
Nazm

dil dukhta hai

dil dikhtaa hai
aabaad gharo.n se duur kahii.n
jab banjar ban me.n aag jale
dil dukhtaa hai
pardes kii bojhal raaho.n me.n
jab shaam Dhale
dil dukhtaa hai
jab raat kaa qaatil sannaaTaa
pur-haul fazaa ke vahm liye
qadmo.n kii chaap ke saath chale
dil dukhtaa hai

Mohsin Naqvi
Nazm

aadhi raat

1
siyaah pe.D hai.n ab aap apnii parchhaa.ii.n
zamii.n se taa-mah-o-anjum sukuut ke miinaar
jidhar nigaah kare.n ik athaah gum-shudgii
ik ek kar ke fasurda charaaGo.n kii palke.n
jhapak ga.ii.n jo khulii hai.n jhapakne vaalii hai.n
jhalak rahaa hai pa.Daa chaa.ndnii ke darpan me.n
rasiile kaif bhare manzaro.n kaa jaagtaa KHvaab
falak pe taaro.n ko pahlii jamaahiyaa.n aa.ii.n
2
tamoliyo.n kii dokaane.n kahii.n kahii.n hai.n khulii
kuchh uu.nghtii hu.ii ba.Dhtii hai.n shaah-raaho.n par
savaariyo.n ke ba.De ghu.ngruu.o.n kii jhankaare.n
kha.Daa hai os me.n chup-chaap har si.ngaar kaa pe.D
dulhan ho jaise hayaa kii sugandh se bojhal
ye mauj-e-nuur ye bharpuur ye khilii hu.ii raat
ki jaise khiltaa chalaa jaa.e ik safed ka.nval
sipaah-e-ruus hai ab kitnii duur berlin se
jagaa rahaa hai ko.ii aadhii raat kaa jaaduu
chhalak rahii hai KHum-e-Gaib se sharaab-e-vajuud
fazaa-e-niim-shabii nargis-e-KHumaar-aaluud
ka.nval kii chuTkiyo.n me.n band hai nadii kaa suhaag
3
ye ras kaa sej ye sukumaar ye sukomal gaat
nayan kamal kii jhapak kaam-ruup kaa jaaduu
ye rasmasaa.ii palak kii ghanii ghanii parchhaa.ii.n
falak pe bikhre hu.e chaa.nd aur sitaaro.n kii
chamaktii u.ngliyo.n se chhi.D ke saaz fitrat ke
taraane jaagne vaale hai.n tum bhii jaag uTho
4
shu.aa-e-mahr ne yuu.n un ko chuum chuum liyaa
nadii ke biich kumudnii ke phuul khil uTThe
na muflisii ho to kitnii hasiin hai duniyaa
ye jhaa.e.n jhaa.e.n sii rah rah ke ek jhii.ngur kii
hinaa kii Tattiyo.n me.n narm sarsaraahaT sii
fazaa ke siine me.n KHaamosh sansanaahaT sii
ye kaa.enaat ab ik nii.nd le chukii hogii
5
ye mahv-e-KHvaab hai.n ra.ngiin machhliyaa.n tah-e-aab
ki hauz-e-sehn me.n ab in kii chashmake.n bhii nahii.n
ye sar-niguu.n hai.n sar-e-shaaKH phuul gu.Dhal ke
ki jaise be-bujhe a.ngaare ThanDe pa.D jaa.e.n
ye chaa.ndnii hai ki umDaa hu.aa hai ras-saagar
ik aadmii hai ki itnaa dukhii hai duniyaa me.n
6
qariib chaa.nd ke ma.nDlaa rahii hai ik chi.Diyaa
bha.nvar me.n nuur ke karvaT se jaise naav chale
ki jaise siina-e-shaa.ir me.n ko.ii KHvaab pale
vo KHvaab saa.nche me.n jis ke na.ii hayaat Dhale
vo KHvaab jis se puraanaa nizaam-e-Gam badle
kahaa.n se aatii hai madmaaltii lataa kii lipaT
ki jaise saik.Do.n pariyaa.n gulaabiyaa.n chhi.Dkaa.e.n
ki jaise saik.Do.n ban-deviyo.n ne jhuule par
adaa-e-KHaas se ik saath baal khol diye
lage hai.n kaan sitaaro.n ke jis kii aahaT par
is inqalaab kii ko.ii KHabar nahii.n aatii
dil-e-nujuum dha.Dakte hai.n kaan bajte hai.n
7
ye saa.ns letii hu.ii kaa.enaat ye shab-e-maah
ye pur-sukuu.n ye pur-asraar ye udaas samaa.n
ye narm narm havaa.o.n ke niil-guu.n jho.nke
fazaa kii oT me.n mardo.n kii gungunaahaT hai
ye raat maut kii be-ra.ng muskuraahaT hai
dhu.aa.n dhu.aa.n se manaazir tamaam nam-diida
KHunuk dhundalke kii aa.nkhe.n bhii niim KHvaabiida
sitaare hai.n ki jahaa.n par hai aa.nsu.o.n kaa kafan
hayaat parda-e-shab me.n badaltii hai pahluu
kuchh aur jaag uThaa aadhii raat kaa jaaduu
zamaana kitnaa la.Daa.ii ko rah gayaa hogaa
mire KHayaal me.n ab ek baj rahaa hogaa
8
gulo.n ne chaadar-e-shabnam me.n mu.nh lapeT liyaa
labo.n pe so ga.ii kaliyo.n kii muskuraahaT bhii
zaraa bhii sumbul-e-turkii laTe.n nahii.n hiltii.n
sukuut-e-niim-shabii kii hade.n nahii.n miltii.n
ab inqalaab me.n shaayad ziyaada der nahii.n
guzar rahe hai.n ka.ii kaarvaa.n dhundalke me.n
sukuut-e-niim-shabii hai unhii.n ke paa.nv kii chaap
kuchh aur jaag uThaa aadhii raat kaa jaaduu
9
na.ii zamiin nayaa aasmaa.n na.ii duniyaa
na.e sitaare na.ii gardishe.n na.e din raat
zamii.n se taa-ba-falak intizaar kaa aalam
fazaa-e-zard me.n dhu.ndle Gubaar kaa aalam
hayaat maut-numaa intishaar kaa aalam
hai mauj-e-duud ki dhundlii fazaa kii nabze.n hai.n
tamaam KHastagii-o-maa.ndgii ye daur-e-hayaat
thake thake se ye taare thakii thakii sii ye raat
ye sard sard ye be-jaan phiikii phiikii chamak
nizaam-e-saaniya kii maut kaa pasiinaa hai
KHud apne aap me.n ye kaa.enaat Duub ga.ii
KHud apnii kokh se phir jagmagaa ke ubhregii
badal ke kechulii jis tarah naag lahraa.e
10
KHunuk fazaa.o.n me.n raqsaa.n hai.n chaa.nd kii kirne.n
ki aabgiino.n pe pa.Dtii hai narm narm phuvaar
ye mauj-e-Gaflat-e-ma.asuum ye KHumaar-e-badan
ye saa.ns nii.nd me.n Duubii ye aa.nkh madmaatii
ab aa.o mere kaleje se lag ke so jaa.o
ye palke.n band karo aur mujh me.n kho jaa.o

Firaq Gorakhpuri
Nazm

sahafi se

kyuu.n yahaa.n sub.h-e-nau kii baat chale
kyuu.n sitam kii siyaah raat Dhale
sab baraabar hai.n aasmaa.n ke tale
sab ko raj.at-pasand kah kar Taal
ab qalam se izaar-band hii Daal

Habib Jalib
Nazm

KHatun-e-mashriq

hilm ke saa.nche me.n ruuh-e-naaz ko Dhaale hu.e
gardano.n me.n KHam saro.n par chaadare.n Daale hu.e

Josh Malihabadi
Nazm

ye matam-e-waqt ki ghaDi hai

Thahar ga.ii aasmaa.n kii nadiyaa
vo jaa lagii hai ufaq kinaare
udaas ra.ngo.n kii chaa.nd nayyaa
utar ga.e saahil-e-zamii.n par
sabhii khavayyaa
tamaam taare
ukha.D ga.ii saa.ns pattiyo.n kii
chalii ga.ii.n uu.ngh me.n havaa.e.n
gajar bajaa hukm-e-KHaamushii kaa
to chup me.n gum ho ga.ii.n sadaa.e.n
sahar kii gorii kii chhaatiyo.n se
Dhalak ga.ii tiirgii kii chaadar
aur is bajaa.e
bikhar ga.e us ke tan-badan par
niraas tanhaa.iyo.n ke saa.e
aur us ko kuchh bhii KHabar nahii.n hai
kisii ko kuchh bhii KHabar nahii.n hai
kisii ko kuchh bhii KHabar nahii.n hai
ki din Dhale shahr se nikal kar
kidhar ko jaane kaa ruKH kiyaa thaa
na ko.ii jaada, na ko.ii manzil
kisii musaafir ko
ab dimaaG-e-safar nahii.n hai
ye vaqt zanjiir-e-roz-o-shab kii
kahii.n se ToTii hu.ii ka.Dii hai
ye maatam-e-vaqt kii gha.Dii hai

Faiz Ahmad Faiz
Nazm

bharosa

ek pati.ngaa
tanhaa tanhaa!
shaam Dhale is fikr me.n thaa
ye tanhaa.ii kaise kaTegii?
raat hu.ii
aur sham.a jalii
maGmuum pati.ngaa jhuum uThaa
ha.nste ha.nste raat kaTegii
sub.h hu.ii
aur sab ne dekhaa
raakh pati.nge kii u.D u.D kar
sham.a ko har suu Dhuu.nD rahii thii

Qateel Shifai
Nazm

chakle

raat ga.e tak ghaa.el naGme karte hai.n elaan yahaa.n
ye duniyaa hai sa.ng-dilo.n kii ko.ii nahii.n insaan yahaa.n
izzat vaalo.n kii zillat kaa sab se ba.Daa baazaar hai ye
chukte hai.n Gairat ke saude bikte hai.n iimaan yahaa.n
bhiik me.n bhii maa.ngo to ko.ii pyaar na Daale jholii me.n
bin maa.nge mil jaate hai.n rusvaa.ii ke saamaan yahaa.n
zar-daaro.n ko naGmo.n me.n jab jism dikhaa.ii detaa hai
ek mahaktii sej pe akasr TuuTtii hai har taan yahaa.n
mamtaa ke ho.nTo.n par jab chaa.ndii kii mohre.n lagtii hai.n
maa.n KHud apnii beTii ko kar detii hai qurbaan yahaa.n
apnaa KHuun hii ba.Dh kar apne KHuun kii bolii detaa hai
kis ne kis par haath ba.Dhaayaa ko.ii nahii.n pahchaan yahaa.n
paap ke is mandir me.n kyaa kyaa bhaav bataa.e raam-janii
shaam Dhale jab aan biraaje.n sone ke bhagvaan yahaa.n
raat ga.e tak jaage saa.nvlii kaale choro.n kii KHaatir
aur agar inkaar kare kahlaa.e naa-farmaan yahaa.n
jhilmil kartii poshaako.n se chaahe badbuu aatii ho
KHud jal kar mahfil ko KHushbuu detaa hai lobaan yahaa.n

Qateel Shifai
Nazm

shugun

saat suhaagane.n aur merii peshaanii!
sandal kii tahriir
bhalaa patthar ke likhe ko kyaa dho.egii
bas itnaa hai
jazbe kii puurii nekii se
sab ne apne apne KHudaa kaa ism mujhe de Daalaa hai
aur ye sun.ne me.n aayaa hai
shaam Dhale jangal ke safar me.n
ism bahut kaam aate hai.n!

Parveen Shakir
Nazm

hum

hamaare KHvaabo.n se Dar rahe hai.n
vo Dar rahe hai.n ki KHvaab alfaaz me.n Dhale to
daroG ke parde chaak ho.nge
aur un ke chehro.n kaa Gaaza utraa
to aa.ine bhii azaab ho.nge

Zia Jalandhari
Nazm

diwali

diivaalii ke diip jale hai.n
yaar se milne yaar chale hai.n
chaaro.n jaanib dhuum-dha.Daakaa
chhoTe rocket aur paTaaKHa
ghar me.n phul-jha.Diyaa.n chhuuTe
man hii man me.n laDDuu phuuTe
diip jale hai.n ghar aa.ngan me.n
ujyaaraa ho jaa.e man me.n
apno.n kii to baat alag hai
aaj to saare Gair bhale hai.n
diivaalii ke diip jale hai.n
raam kii jai-jai-kaar hu.ii hai
raavan kii jo haar hu.ii hai
sachche kaa har bol hai baalaa
jhuuTe kaa mu.nh hogaa kaalaa
sachchaa.ii kaa Da.nkaa baaje
sach ke sar par sahraa saaje
jhuuT kii lanka KHaak banaa ke
raam ayodhya lauT chale hai.n
diivaalii ke diip jale hai.n
hinduu muslim sikh iisaa.ii
mil kar khaa.e.n yaar miThaa.ii
bhuul ke shikve aur gile sab
ha.nste gaate aaj mile sab
kahne ko har dharm judaa hai
lekin sab kaa ek KHudaa hai
ik maaTii ke putle 'haidar'
is saa.nche me.n KHuub Dhale hai.n
diivaalii ke diip jale hai.n

Haidar Bayabani
Nazm

diwali

din Dhale dekh liyaa thaa ko.ii u.Dtaa baadal
kunmunaatii hai fazaa mausam-e-baaraa.n kii tarah

Qateel Shifai
Nazm

talKH-o-tursh

dair o ka.aba me.n jalaa.e mirii vahshat ne charaaG
merii mehraab-e-tamannaa me.n a.ndheraa hii rahaa
ruKH-e-taariiKH pe hai mere lahuu kaa Gaaza
phir bhii haalaat kii aa.ankho.n me.n khaTaktaa hii rahaa
mai.n ne khii.nchii hai ye mai mai.n ne hii Dhaale hai.n ye jaam
par azal se jo mai.n pyaasaa thaa to pyaasaa hii rahaa
ye hasii.n atlas-o-kam-KHvaab bune hai.n mai.n ne
mere hisse me.n magar duur kaa jalva hii rahaa

Rahi Masoom Raza
Nazm

chalo ek bar phir dariya kinare

jahaa.n se raat dhaanii ho rahii thii
jahaa.n duniyaa kahaanii ho rahii thii
jahaa.n duniyaa kahaanii ho rahii thii
jahaa.n se aa gayaa thaa mujh ko jiinaa
jahaa.n se lafz shero.n me.n Dhale the
chalo ik baar phir dariyaa kinaare
jahaa.n pahle-pahal ham tum mile the

Bismil Arifi
Nazm

dekhne wale ki uljhan

chhoTii chhoTii ii.nTo.n vaale ThanDe barf makaan
kahaa.n ga.ii vo shaam Dhale kii
sarsar kartii tez havaa kii dil par khichii kamaan

Muneer Niyazi
Nazm

kachche rangon ka mausam

ghar se basta aur tiffin ke saath nikalnaa maktab ko
aadhe hii raste se ghuum ke vaapas aanaa
shaam Dhale tak
khelnaa kuudnaa
jhag.De karnaa
phir mil jaanaa
baaG se jaa kar aam churaanaa
pak.De jaanaa
ghar par aa kar Daa.nTe.n sun.naa
kabhii kabhii thappa.D bhii khaanaa
ganne ke murjhaa.e aur kaale phuulo.n se
naqlii daa.Dhii muu.nchh banaanaa
chhup kar juuThii bii.Dii piinaa
kheto.n me.n jhaa.De ko jaanaa
idhar udhar kii baate.n karnaa
ik gore la.Dke ke piichhe takte rahnaa
kam-umrii me.n baaliG honaa
ulTe siidhe dhyaan me.n shab bhar
jaagte rahnaa
kitnaa achchhaa lagtaa thaa
vo raate.n kitnii pyaarii thii.n
vo din kitne albele the

Shakeel Azmi
Nazm

kal raat Dhale

kal raat Dhale ye sochaa mai.n ne
mai.n apne KHazaane saaf kar luu.n
kis kis kaa hai qarz mujh pe vaajib
is kaa bhii zaraa hisaab kar luu.n

Zehra Nigaah
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now