Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "lom.Dii"

Nazm MATCHES FOR "lom.Dii"

Nazm

sher aur KHargosh

kabhii ko.ii giida.D kabhii lom.Dii
kabhii niil gaay kabhii ko.ii su.ar
kabhii ek do aur kabhii tiin tiin
jahaa.n bhii mile jis qadar bhii shikaar
vo jangal kaa raajaa thaa khaa jaataa thaa
ko.ii bhii amn se na jii paataa thaa
bahut soch kar sab ke sab ek din
sabhaa me.n mile aur kiye faisle

Gulzar
Nazm

jashn-e-salgirah

saalgirah KHargosh manaa.e
ja.ngal ke sab saathii aa.e
bhii.D lagii hai mehmaano.n kii
kuchh apno.n kuchh begaano.n kii
sher dahaa.De.n maartaa aa.e
haathii bhii chi.nghaa.Dtaa aa.e
kuttaa bhau.n bhau.n kartaa aayaa
saa.nbhar chauk.Dii bhartaa aayaa
gaay jab rambhaatii aa.ii
bakrii kuchh sharmaatii aa.ii
naachtaa gaataa aayaa bhaaluu
Doltaa aayaa menDhaa kaaluu
gho.Daa sarpaT dau.Daa aayaa
bhai.nso.n kaa ik jo.Daa aayaa
hirnii aa.ii lom.Dii aa.ii
billii apne bachche laa.ii
saath me.n sab hii laa.e tohfe
sab KHargosh ne paa.e tohfe
phuulo.n kaa guldasta le kar
chii.n chii.n kartaa aayaa bandar
cake banaa ke laayaa chiitaa
us ne dil KHargosh kaa jiitaa
cake kaTaa to saare KHush the
cake baTaa to saare KHush the
ik duuje se gale mile sab
bhuul ke shikve aur gile sab
bandar naache bhaaluu gaa.e
kaaluu me.nDhaa Dhol bajaa.e
saalgirah kaa jashn bapaa hai
ja.ngal jangal shor hu.aa hai

Haidar Bayabani
Nazm

aankh-micholi

bandar chuhaa aur KHargosh
ha.nste ha.nste the behosh
paas thii ek gilahrii bhii
thii chuuhe se moTii bhii
aur kuttaa thaa mu.nh khole
Taa.ngo.n me.n thaa nekar pahne
sab se ba.Dii thii lom.Dii
thii us kii moTii khopa.Dii
ye sab hii pyaar se rahte the
sab naachte gaate ha.nste the
ik din vo bole KHush ho ke
ham aa.nkh-miicholii khele.nge
jo pak.Daa jaa.e chor bane
us kii aa.ankho.n pe paTTii ba.ndhe
jo bhii pak.Daa na jaa.egaa
aaKHir raaja kahlaa.egaa
pahle kutte kii baaii thii
us kii sab se hii yaar thii
us ne sochaa kis ko pak.Duu.n
aaKHir mai.n kis ko chor kahuu.n
itne me.n bolaa bandar bhii
aa.e hai.n miyaa.n-chhachhuu.ndar bhii
kahte hai.n mai.n bhii kheluu.ngaa
mai.n aaKHir sab ko pak.Duu.ngaa
kutte ne kahaa aane do ise
haa.n chor zaraa ban.ne do ise
ye sun ke shaiKHii me.n aa ke
KHud aap chhachhuu.ndar ne ba.Dh ke
kutte se kahaa mujh ko pak.Do
mere mu.nh pe paTTii baa.ndho
mai.n har ek ko pak.Duu.ngaa
aaKHir raaja kahlaa.uu.ngaa
ahmaq the miyaa.n chhachhuu.ndar bhii
pa.Dhte the antar-mantar bhii
ko.ii bhii haath na aataa thaa
ko.ii bhii chor na bantaa thaa
thak thak ke haal KHaraab hu.aa
lekin na ko.ii kisii ko haath lagaa
achchhaa nahii.n shaiKHii me.n aanaa
achchhaa nahii.n hotaa itraanaa

Kishwar Naheed
Nazm

mor nama

is jangal me.n mor bahut hai.n
niile piile chor bahut hai.n
din bhar moro.n kii jhankaar
uupar niiche chiiKH pukaar
sher miyaa.n ko nii.nd na aa.ii
le kar ik lambii sii jamaa.ii
lom.Dii b se kahlaayaa
moro.n ko kis ne bulvaayaa
mor to karte shor bahut hai.n
is jangal me.n mor bahut hai.n
niile piile chor bahut hai.n
raat kaa aa.ngan chaa.ndii jaisaa
din kaa chehra thaalii jaisaa
raat ke ghar me.n kitne gho.De
din ke kap.De kitne jo.De
mor ke kap.De kaise anokhe
niile hare se surKH sunahre
mor kii dum me.n sone ke chhalle
us se kahnaa ham se badal le
bhuure sunahre paro.n ko khole
mor u.Daa to sab ye bole
us ke par kamzor bahut hai.n
is jangal me.n mor bahut hai.n
niile piile chor bahut hai.n

Shamsur Rahman Faruqi
Nazm

chiDiya-KHana

najmii fahmii uzmaa raa.anaa
aa.o dekhe.n chi.Diyaa-KHaana
jin ke naam sunaa karte ho
aaj unhe.n nazdiik se dekho
ek se ek parinde dekho
aadam-KHor darinde dekho
mor saro.n par taaj sajaa.e
naach rahe hai.n par phailaa.e
bulbul dekho totaa dekho
koyal dekho mainaa dekho
KHush-aavaaz papiihaa dekho
hud-hud aur gaurayyaa dekho
bho.nraa dekho titlii dekho
sher kii KHaala billii dekho
zebra gho.Daa TaTTuu KHachchar
baaz kabuutar kavvaa tiitar
vo dekho KHargosh gilahrii
baara-si.nghaa aur vo hirnii
ban-maanus aur bhaaluu bhii hai
nevlaa aur ka.ngaaruu bhii hai
bandar kii naqqaalii dekho
piiT rahe hai.n taalii dekho
do do haathii jhuum rahe hai.n
duur gad.he bhii ghuum rahe hai.n
shero.n kaa Gurraana dekho
te.ndve kaa bal khaanaa dekho
vo dekho afriiqii gai.nDaa
aur ye hindostaanii chiitaa
phan kaa.Dhe ik naagan bhii hai
lom.Dii ik makkaaran bhii hai
buzdil giida.D lakka.D-bagghaa
kaun banegaa leader is kaa
dilkash taa.ir aabii dekho
kaisii hai murGaabii dekho
machhlii ko lahraate dekho
me.nDak ko Tarraate dekho
ek magarmachh jaag rahaa hai
dekh ke kachhvaa bhaag rahaa hai
aaj 'faraaG' uncle ne dekhaa
kalkatte kaa chi.Diyaa-KHaana

Faragh Rohvi
Nazm

mera shahr

jahaa.n mai.n rahtaa huu.n
vahaa.n sab rahte hai.n
mere ghar ke
qariib hii
ek gadhaa rahtaa hai
jo ba.De KHuluus se miltaa hai
vahii.n pe
ek lom.Dii bhii rahtii hai
jis ke har bol me.n makkaarii hai
vahii.n pe rahte hai.n
kavve gidh ulluu siyaar laka.Dbagghe
aur
phaa.D khaane vaale shahr bhii
ab mai.n sochtaa huu.n
mai.n in logo.n ke beach rahtaa huu.n
yaa ye log
mere beach rahte hai.n

Shahab Akhtar
Nazm

jangal mein fashion parade

lom.Dii pahne chiinaa cholii
zebra pahne chaTTaa paTTii

Ataur Rahman Tariq
Nazm

almiya khel ka ek kirdar

jab mai.n bachcha thaa
raavii ke gaalo.n se Dartaa thaa
ab dushman kii chaalo.n se Dartaa huu.n
mere bachpan me.n
aag kii atraaf
daraavi.D la.Dkiyaa.n giit gaatii thii
aur ab mai.n ek hotel me.n
band bajaataa huu.n
aur lom.Dii kii khaal se
apnaa libaas siitaa huu.n

Qamar Jameel
Nazm

chali dulhan ki palki

jagmag jagmag jhilmil kartii
chalii dulhan kii paalkii
saaras aayaa Dolii le kar
languur apnii Tolii le kar
lom.Dii miiThii bolii le kar
chamgaada.D ik jholii le kar

Muzaffar Hanfi
Nazm

daftar kahani

roz hii mere jaise hazaaro.n
mashaqqat bharii aag pii ke yahii sochte hai.n
ki ahdaaf kaa ye parinda kabhii haath aayaa nahii.n
duusro.n se kahii.n tez dau.De hai.n lekin kabhii referee ne
hamaare liye jiit kaa shaadiyaana bajaayaa nahii.n
kis liye daftaro.n me.n hamaarii zamii.n par gul-e-mehrbaanii
khile hii nahii.n
ya.anii darbaar me.n har ko.ii tund-KHuu.ii se dekhe hame.n
ab to circus ke ye buuzne bhii hame.n ko.ii kartab sikhaane ko tayyaar hai.n
un ko Giibat se murdaar khaane kii aadat puraanii sahii
chaapluusii zamaane kii aadat sahii
vo nahii.n jaante ki agar khet tar pe aa.e.n to be-mausmii ghaas ugne lage
vo nahii.n jaante ki KHudaa kii zamii.n dekh kar to badan se utarte hai.n mere
ye pe.Daa.n, ye atharv ye haanvaa.n te haa.De
unhe.n to zabaa.n se kisii duusre ke rag-o-pai me.n bas apnaa bish gholnaa hai
kisii duusre kii sadaaqat pe taalaa lagaa ke
KHud apne liye jhuuT kaa ek adnaa jahaa.n kholnaa hai
puraanii kahaavat me.n kaaran the chaalaak lom.Dii jangal ke shero.n kii barbaadiyo.n ke

Irfan Shahood
Nazm

pul

ba.Dii muddato.n me.n mire sahn kii miiThii niim ek dam guu.nj uTThii
harii pattiyo.n me.n kahii.n ko.ii baajaa bajaa
ko.ii sur pighal kar havaa.o.n me.n bahne lagaa
ba.Dii muddato.n me.n daraKHt aaj phir mujh se kuchh kahne sun.ne lagaa
ko.ii sur pighal kar havaa.o.n me.n bahne lagaa
mai.n tabdiil hone lagaa
lagaa rail kii siiTii sun kar ko.ii lom.Dii chiiKHtii ho
lagaa horn sun kar ki kutto.n kaa dil bhuu.nktaa ho
lagaa kaar-KHaano.n ke bho.npuu gadho.n kii tarah re.ngte ho.n
lagaa jaise pressure-cooker me.n Gizaa.o.n kaa dam ghuT rahaa ho
lagaa jaise chhat par cha.Dhaa tez pa.nkhaa bahut der se ba.Dba.Daataa chalaa jaa rahaa ho
agar ko.ii sur me.n hai to bas vahii ajnabii tanhaa bulbul
ki jis ne zaraa der ko niim kii Daaliyo.n ko chaman-zaar 'KHayyaam-neshaa-puurii'
kaa banaa kar
mujhe apnii patthar jagii aatmaa se mulaaqaat kaa phir se mauqa.a diyaa hai!

Ameeq Hanafi
Nazm

chand sunae jangal-nama

gai.nDaa aayaa haathii aayaa
jangal kaa har saathii aayaa
sab ko bhaa.e jangal-naama
chaa.nd sunaa.e jangal-naama
lom.Dii duur kii kau.Dii laa.ii
hirnii dau.Dii dau.Dii aa.ii
khii.nch ke laa.e jangal-naama
chaa.nd sunaa.e jangal-naama
chiitaa soch kii vaadii me.n gum
rah rah kar hiltii jaa.e dum
KHvaab dikhaa.e jangal-naama
chaa.nd sunaa.e jangal-naama

Mateen Achalpuri
Nazm

shikar

hathiyaar haath me.n liye saa.ns roke aa.nkhe.n khole
shikaar kii taak me.n baiThaa huu.n mai.n chuuk kii ko.ii gunjaa.ish hii nahii.n
na zaraa sii bhii nahii.n
ki halkii se halkii harakat par
aa.nkho.n se ojhal ho jaane ke liye mash.huur hai meraa shikaar
bijlii saa tez lom.Dii saa chaalaak-o-chatur hai miraa shikaar

Uday Bansal
Nazm

mera watan

gautam hu.e ki naanak kaakii hu.e ki chishtii
loadii hu.e ki tuGlaq sayyad hu.e ki KHiljii
aa aa ke jis me.n un kii miltii ga.ii hai miTTii
naa-ittifaaqiyo.n ne jis par giraa.ii bijlii
meraa vatan vahii hai meraa vatan vahii hai

Ahmad Azimabadi
Nazm

mandir masjid

meraa bhaarat kitnaa pyaaraa
dilkash lagtaa bhaa.ii-chaara
hinduu muslim sikh iisaa.ii
aapas me.n hai.n bhaa.ii bhaa.ii
loh.Dii aur basant manaa.e.n
aag jalaa.e.n phuul khilaa.e.n
laaT yahaa.n hai taaj yahaa.n hai
achchhaa ek samaaj yahaa.n hai
haath hai.n apne taalii apnii
holii aur diivaalii apnii
jo kuchh kahtii ham se azaa.n hai
ghanTii kii bhii vahii zabaa.n hai
diivaalii par diip jalaate
mil kar sab hai.n iid manaate
iid yahaa.n hotii hai har dam
KHushiyo.n kii baarish hai chham-chham
har tyauhaar hai sab kaa apnaa
sach hai ye to nahii.n hai sapnaa
aa.o mil kar dhuum machaa.e.n
apne desh ko mil ke sajaa.e.n

Betab Alipuri
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now