Search result for "mazarat e" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mazarat e"

Nazm MATCHES FOR "mazarat e"

Nazm

mazarat

aaj kii intihaa-e-karam
ma.azarat
baam-e-tamkiin se

Faisal Azeem

Nazm

KHayal-e-abru

KHayaal-e-aabruu
ab kyaa KHayaal-e-aabruu
bhii.D me.n aan baiThe
ab kyaa savaal-e-diid aur kaisaa hijaab
bas janaab
jaatii havaa se kis liye sar kii ridaa bachaa.iye
dekhiye muskuraa.ii hai
ek nigaah-e-ishtiyaaq
hosh me.n aa.iye huzuur
aap bhii muskuraa.iye
dekh ke yaa.n barahna-sar
kaun hai jo maluul ho
haif hai ab bhii sher kii
daad na gar vasuul ho
chho.D bhii diijiye 'abiir'
kaahe kii parda-daariyaa.n
shahar se uTh ga.ii.n huzuur
pahlii sii vaz.a-daariyaa.n
aap bhii to badal ga.ii.n
jii ma.azarat qubuul ho
ko.ii na saath ro.egaa
kyo.n sar-e-aam ro.iye
sher kii aabruu ga.ii
kyo.n na mudaam ro.iye
achchhii lagii tamaash-gaah
dekhiye KHat uThaa.iye
ro.iye
ro.e jaa.iye
ab kyaa KHayaal-e-aabruu
bhii.D me.n aan baiThiye

Abeera Ahmad

Nazm

mehrban

ba-har-haal ehsaan karte hai.n ham par
kabhii dostii se kabhii dushmanii se
kabhii jaan-o-dil se kabhii be-dilii se
kabhii maut se aur kabhii zindagii se
ulajhte chale jaate hai.n har qadam par
Galat go.ii kii ma.azarat bhii kare.nge
agar ittifaaqan kabhii saamnaa ho
du.aa.e.n bhii le lo sataa.ish bhii sun lo
numaa.ish kii KHaatir jiye.nge mare.nge
chhupaa.e hu.e aastiino.n me.n kaale
ko.ii ham-nafas hai ko.ii ham-nashii.n hai
ko.ii KHanda-ruu hai ko.ii mah-jabii.n hai
ye baatin a.ndhere ba-zaahir ujaale
hamaare bhii hai.n mehrbaa.n kaise kaise

Ashraf Rafi

Nazm

ma’zarat

barham mizaaj-e-vaqt hai ai mere ham-nashii.n
ab baargaah-e-husn me.n jhuktii nahii.n jabii.n

Ashhar Nadeemi

Nazm

mazarat

ko.ii nazm kaise kahe.n ki ham
na charaaG hai.n
na misaal-e-harf-e-gulaab hai.n
na KHayaal hai.n
na kisii kii aa.nkh kaa KHvaab hai.n
kisii gum-shuda sii vafaa.o.n kii
kisii shaam me.n
jo bichha.D ga.e
to bichha.Dne vaalo.n kii yaad me.n
kahii.n ret hai.n
kahii.n ashk-e-Gam kaa Gubaar hai.n
vo jo dasht
hijr kaa hai kahii.n
isii dasht-e-shaam judaa.ii ke
ye jo daaG hai.n
tirii yaad ke
tire baa'd ke
ko.ii nazm kaise kahe.n ki ham
na charaaG hai.n
na misaal-e-harf-e-gulaab hai.n
na KHayaal hai.n
na kisii kii aa.nkh kaa KHvaab hai.n
ye jo shahr hai
to ye shahr bhii
saf-e-dushmanaa.n se milaa hu.aa
ye jo log hai.n
to ye log bhii
kahaa.n jaante hai.n ki kyaa hu.aa
ko.ii nazm kaise kahii.n
ki ham
ye fazaa hii aisii nahii.n rahii
jo charaaG ko.ii jalaa.e.n ham
to havaa hii aisii
nahii.n rahii
tahii-e-fikr aise hu.e hai.n ham
tire KHaal-o-KHad kaa bayaa.n bhii ab
na hamaare dast-e-hunar me.n thaa
na hamaare dast-e-hunar me.n hai

Munawwar Jameel

Nazm

mera nam

vo jo
apne ko meraa hariif aur muqaabil samajhte hai.n
in se kaho
dostii zindagii kaa aTal faisla
aaKHirii hukm hai
aur is farz ko Taalnaa
yaa havas ke liye bech denaa
mire dosto dushmano
jurm hai ik mazarrat-rasaa.n jurm hai
mujh ko marGuub hai zindagii
mujh ko mahbuub hai maut ke raaz ko faash kartii hu.ii chaa.ndnii
aur mire saath hai
mah-vasho.n maah-paaro.n kaa vo kaarvaa.n
jis ne zulmat ke lashkar ko paspaa kiyaa
har a.ndhere se ik chaa.nd paidaa kiyaa
aaj meraa vatan
mere adaa-naaz fikr-o-nazar kii tarah
shaad aazaad o aabaad rahne kii raaho.n pe hai
naariyal kii zamii.n kaa niraalaa nikhaar
yaanii barg-e-KHizaa.n-KHurda
hai sogvaar
aarzuu
nau-shagufta suruur-e-bahaar
dil kii jaanib nigaah mahtaab-daar
ajnabii mai.n nahii.n
naam puuchho miraa
mai.n tumhaarii tamannaa-e-hastii huu.n
shaa.er
miraa naam hai
aur kuchh bhii nahii.n
aur
kuchh bhii nahii.n
vo jo apne ko meraa hariif aur muqaabil samajhte hai.n
un se kaho
dostii
zindagii kaa aTal faisla
aaKHirii hukm hai

Niyaz Haidar

Nazm

mazarat

merii aa.nkhe.n hai.n ki viiraan saa marqad ko.ii
kisii sahraa me.n ko.ii samt-numaa ho jaise
sard raato.n kaa ko.ii chaa.nd thakan se mad.hosh
raat ke pichhle pahar nauha-saraa ho jaise
merii aa.nkhe.n hai.n ki ik KHvaahish-e-be-rang liye
jaane kis daur ke manzar kii talab me.n Galtaa.n
be-sabab raah-navardii kaa ishaara de kar
mere sapne mirii palko.n se bhii mastuur kare.n
mujh ko ehsaas hai hamdam ki ba.Dii chaahat se
tuu chalii aa.ii rivaayaat ke kaa.nTe chun kar
naqsh-e-paa raah me.n botaa gayaa zaKHmo.n ke gulaab
mujh ko ma.aluum hai ai dost mirii jaan mirii
tuu ne ehsaas ke taaro.n se ka.ii KHvaab bune
mere pairo.n se rivaajo.n ke nokiile kaa.nTe
phuul samjhe kabhii chuume kabhii palko.n se chune
mai.n ki har baar baGaavat kii alaamat Thahraa
ab ke yuu.n hai ki tire qurb ke mausam ke evaz
aatish-e-vaqt me.n ii.ndhan kii tarah jalte hu.e
naa-tavaa.n jism pe ik zaKHm lagaa hai gahraa

Razi Haidar

Nazm

mazarat

mujhe mu.aaf karnaa
havaa.o.n ke pur-soz chehro
ki mai.n ne tumhaare falak-dar-falak tevaro.n kaa saraab bhii paayaa nahii.n hai
mujhe mu.aaf karnaa sitaaro.n ke saayo
tumhaarii siyaahii ke bosiida nuqto.n me.n Dhalne se ab tak mai.n qaasir rahaa huu.n
Gayaabo.n kii nazro.n se tanhaa bahaa huu.n
mujhe mu.aaf karnaa mohabbat ke haamil saraabo
ki baa.nho.n me.n aa kar basaa huu.n tumhaarii
samundar kii uj.Dii sadaa.o.n kii suurat
kise Dhuu.nDtii hai mirii be-zabaanii
mujhe mu.aaf karnaa abhii tak mai.n ye jaan paayaa nahii.n huu.n
mujhe mu.aaf karnaa abad ke salaasil me.n jak.Dii hu.ii saarii chiizo
ki mai.n vaqt kii buu.nd me.n pyaas kii tarah boyaa gayaa huu.n
zamaano.n kii aa.nkho.n se royaa gayaa huu.n
mai.n manzar kisii lamha maavaraa kaa
mai.n ham-asr huu.n titliyo.n ke paro.n kaa
havaa kaa
KHudaa

Riyaz Latif

Nazm

inkar ki sarhad par

agar mujh se milnaa hai aa.o milo tum
magar yaad rakhnaa
mai.n iqraar kii manzile.n raaste hii me.n chho.D aayaa huu.n
ab mujh se milnaa hai tum ko to inkaar kii sarhado.n pe milo
jhii.nguro.n mak.Diyo.n ke janaaze
mai.n raste pe chho.D aayaa huu.n
puraanii kathaa.e.n mujhe khii.nchtii hai.n
zamii.n kaa zavaal aaj zanjiir-e-paa ban rahaa hai
KHas-o-KHaak ke saare rishte
mai.n ne har shai ko ab taj diyaa hai
ko.ii ma.azarat bhii nahii.n hai
ki mai.n ma.azarat ke sabhii jhuuTe lafzo.n ko
apnii luGat se nikaal aayaa huu.n
mai.n inkaar ke aasmaano.n pe phirtaa hu.aa
mai.n inkaar kaa vird kartaa hu.aa
mai.n zamiino.n pe aur aasmaano.n kii har shai pe
inkaar kii surKH mohre.n lagaataa hu.aa
aur damaa-dam kii ik thaap pe
mai.n ne saato.n zamiino.n ke saato.n tabaq aaj raushan kiye hai.n
dekhnaa aasmaa.n raqs karne lagaa hai
zamiino.n ke saare KHazaane ubalne lage hai.n
saare dafiine ja.Do.n se ukha.D kar
mire saamne haath baa.ndhe kha.De hai.n
merii aavaaz par machhliyaa.n paaniyo.n se nikal aa.ii hai.n
aaj arz-o-samaavaat kii saarii poshiida KHabre.n mai.n sun.ne lagaa huu.n
mai.n KHush huu.n mujhe aagahii mil ga.ii hai
badan ke masaamo.n se ab aagahii sho.ala ban kar chamakne lagii hai
ajab kashf kii raushnii hai
zamii.n apnii sat.h se paataal tak raushnii me.n nahaa kar
shab-e-avvalii.n kii dulhan kii tarah aaj sharmaa rahii hai
taaza havaa.o.n kii doshiizgii saat ra.ngo.n me.n barahna hu.ii hai
hayaa.o.n kii surKHii se chehra ka.nval hai
ki merii dulhan kaa badan phuul hai
vo havaa.o.n ke ra.ngo.n me.n Duubii hu.ii hai
havaa.o.n kii doshiizgii saat ra.ngo.n me.n barahna hu.ii hai
har ik shai naqaab apnaa ulTe hu.e hai
sabhii bhed apnii zabaane.n nikaale mire saamne aa ga.e hai.n
kitaabo.n ke auraaq KHud bolte hai.n
zamii.n aasmaa.n kii har ik shai
samundar havaa.e.n zamiino.n kii sat.he.n
sat.ho.n ke niiche sadiyo.n ke chehre
pahaa.Do.n kii barfe.n barfo.n ke shoriida paanii
sadiyo.n ke pyaase samundar ke saahil daraKHto.n ke patte
phuulo.n ke chehre aur roz-o-shab ke safed-o-siyaah silsile
har ik shai mujhe apne bhedo.n se asraar se
aashnaa kar rahii hai
ajab aashnaa.ii kii lazzat milii hai
mai.n is aashnaa.ii kii lazzat se sarshaar ho kar
muqaddas zamii.n ke puraane dukho.n ko gale se lagaa kar
mai.n iqraar kii manzile.n raaste hii me.n chho.D aayaa huu.n
mai.n saarii puraanii kathaa.e.n jalaa kar
faqat ik damaa-dam kii aavaaz par raqs kartaa hu.aa
mai.n iqraar kii sarhado.n se pare aa gayaa huu.n
ab mujh se milnaa hai tum ko
to aa.o milo
magar yaad rakhnaa
mai.n iqraar kii dushmanii par utar aayaa huu.n
ab mai.n inkaar kii sarhado.n pe miluu.ngaa

Tabassum Kashmiri

Nazm

shikast

ye tiisrii shikast hai ikkiis saal me.n
ik aur baar mujh ko mohabbat nahii.n milii
jaise kisii ajiir ko mehnat ke baavajuud
us ke 'aziim kaam kii ujrat nahii.n milii

Areeb Usmani

Nazm

ab ke bichhaDna alamnak hoga

jab KHud shar vahm ban jaa.e
to zindagii TuuT-phuuT jaatii hai
haqiiqat ka zahar ham
kisii kii chaahat me.n piite hai.n
jab sachchaa.ii lab par laate hai.n
to maar diye jaate hai.n
judaa.ii ka ziina bahut taviil hotaa hai
pul-e-siraat kii tarah
muqaddar ka kinaara nahii.n hotaa
taqdiir ka shikva
haare hu.e sipaahii key ma.azarat hai
ham nasiib kho dene ka gila nahii.n karte
chupke se zindagii ga.nvaa dete hai.n
kisii aahaT ke baGair
kisii ko batlaa.e baGair
apnii umr se ba.Daa ishq karte hai.n
sab kuchh kho kar tujh me.n kho jaate hai.n
dil par a.ngaaro.n kaa paivand lagaa lete hai.n
ho.nTo.n par zanjiir laTkaa lete hai.n

Ahmed Sohail

Nazm

wada

is se pahle ki terii chashm-e-karam
ma.azarat kii nigaah ban jaa.e
is se pahle ki tere baam kaa husn
rif.at-e-mehr-o-maah ban jaa.e
pyaar Dhal jaa.e mere ashko.n me.n
aarzuu ek aah ban jaa.e
mujh pe aa jaa.e ishq kaa ilzaam
aur tuu be-gunaah ban jaa.e
mai.n tiraa shahr chho.D jaa.uu.ngaa
is se pahle ki saadgii terii
lab-e-KHaamosh ko gila kah de
mai.n tujhe chaaragar KHayaal karuu.n
tuu mire Gam ko laa-davaa kah de
terii majbuuriyaa.n na dekh sake
aur dil tujh ko bevafaa kah de
jaane mai.n be-KHudii me.n kyaa puuchhuu.n
jaane tuu be-ruKHii se kyaa kah de
mai.n tiraa shahr chho.D jaa.uu.ngaa
chaara-e-dard ho bhii saktaa thaa
mujh ko itnii KHushii bahut kuchh hai
pyaar go jaavedaa.n nahii.n phir bhii
pyaar kii yaad bhii bahut kuchh hai
aane vaale dino.n kii zulmat me.n
aaj kii raushnii bahut kuchh hai
us tahii-daamanii ke aalam me.n
jo milaa hai vahii bahut kuchh hai
mai.n tiraa shahr chho.D jaa.uu.ngaa
chho.D kar saahil-e-muraad chalaa
ab safiina miraa kahii.n Thahre
zahar piinaa miraa muqaddar hai
aur tire ho.nT a.ngbii.n Thahre
kis tiraa tere aastaa.n pe rukuu.n
jab na paa.nv tale zamii.n Thahre
us se behtar hai dil yahii samjhe
tuu ne rokaa thaa ham nahii.n Thahre
mai.n tiraa shahr chho.D jaa.uu.ngaa
mujh ko itnaa zaruur kahnaa hai
vaqt-e-ruKHsat salaam se pahle
ko.ii naama nahii.n likhaa mai.n ne
tere harf-e-payaam se pahle
to.D luu.n rishta-e-nazar me.n bhii
tum utar jaa.o baam se pahle
le mirii jaan meraa va.ada hai
kal kisii vaqt shaam se pahle
mai.n tiraa shahr chho.D jaa.uu.ngaa

Saifuddin Saif

Nazm

sawari unT ki hai

savaarii uu.nT kii
yaa kaaTh ke a.asaab kii hai
aazmaa.ish ik anokhe KHvaab kii hai
putliyaa.n saakit hai.n
saaya uu.nT kaa hiltaa nahii.n
aa.ii.na-e-aasaar me.n
saarii shabiihe.n gum hu.ii hai.n
us ke hone kaa nishaa.n miltaa nahii.n
kab se galii me.n huu.n
kahaa.n hai vo mirii pyaarii
mirii siilan-zada uutaaq vaalii
vo suriilii ghanTiyo.n vaalii
zamiino.n paaniyo.n aur anfus o aafaaq vaalii
kis qadar aa.ankho.n ne koshish kii
magar ronaa nahii.n aataa
sabab kyaa hai
galii kaa aaKHirii konaa nahii.n aataa
galii ko hukm ho ab KHatm ho jaa.e
mai.n bhuure aur buu.Dhe uu.nT par baiThe hu.e
piirii ke din gintaa huu.n
shaayad is galii me.n rahne vaalaa
ko.ii us ke ahd kaa zambuur hii guzre
mai.n us kii baargah me.n
dast-basta ma.azarat kii bhiik maa.nguu.n
sar nadaamat se jhukaa.u.n
aur us zambuur ke sadqe
kisii din apne buu.Dhe jism ko
aur uu.nT ko le kar
galii kii aaKHirii had paar kar jaa.uu.n!!

Rafiq Sandelvi

Nazm

usi aag mein

usii aag me.n
mujhe jho.nk do
vahii aag jis ne bulaayaa thaa
mujhe ek din dam-e-sho.alagii
dam-e-sho.alagii miraa intizaar kiyaa bahut
ka.ii KHushk lak.Diyo.n shaaKHcho.n, ke hisaar me.n
jahaa.n barg-o-baar kaa Dher thaa
dam-e-sho.alagii
mujhe ek patte ne ye kahaa thaa ghamanD se
idhar aa ke dekh
ki is tapiida KHumaar me.n
hamii.n ham hai.n
lak.Diyo.n shaaKHcho.n ke hisaar me.n
yahaa.n aur kaun vajuud hai
yahaa.n sirf ham hai.n ruke hu.e
kahii.n aadhe aur
kahii.n puure puure jale hu.e
dam-e-sho.alagii
hame.n jo masarrat-e-raqs thii
tumhe.n kyaa KHabar
agar aag tum ko aziiz thii
to ye jism kaun sii chiiz thii
jise tum kabhii na jalaa sake
vo jo raaz thaa pas-e-sho.alagii nahii.n paa sake!

Rafiq Sandelvi

Nazm

KHuda wo waqt na lae

KHudaa vo vaqt na laa.e ki sogvaar ho tuu
sakuu.n kii nii.nd tujhe bhii haraam ho jaa.e
tirii masarrat-e-paiham tamaam ho jaa.e
tirii hayaat tujhe talKH jaam ho jaa.e
Gamo.n se aa.iina-e-dil gudaaz ho teraa
hujuum-e-yaas se betaab ho ke rah jaa.e
vufuur-e-dard se siimaab hoke rah jaa.e
tiraa shabaab faqat KHvaab ho ke rah jaa.e
Guruur-e-husn saraapaa niyaaz ho teraa
taviil raato.n me.n tuu bhii qaraar ko tarse
tirii nigaah kisii Gam-gusaar ko tarse
KHizaa.n-rasiida tamannaa bahaar ko tarse
ko.ii jabii.n na tire sa.ng-e-aastaa.n pe jhuke
ki jins-e-ijz-o-aqiidat se tujh ko shaad kare
fareb-e-vaada-e-fardaa pe e'timaad kare
KHudaa vo vaqt na laa.e ki tujh ko yaad aa.e
vo dil ki tere liye be-qaraar ab bhii hai
vo aa.nkh jis ko tiraa intizaar ab bhii hai

Faiz Ahmad Faiz

Nazm

yas ke parde mein

najaat Gam se kabhii milii hai na zindagii bhar kabhii milegii
ta.Dap ke niklegii jaan-e-muztar agar kisii din KHushii milegii
jo raazdaarii vatan me.n pinhaa.n thaa kaun is ko na jaantaa thaa
ki ik taraf KHvaajgii milegii to ik taraf bandagii milegii
yahii hai jamhuuriyat ke ma.anii to phir Gulaamii kaa kaisaa shikva
kisii ko Gam hogaa aur kisii ko masarrat-e-daa.imii milegii
kise KHabar thii ki inqilaab-e-zamaana badlegaa karvaT aisii
jo kaafirii ko faroG degaa usii ko paiGambarii milegii
jo mulk me.n inqilaab aaya to qatl-o-Gaarat ke saath aaya
samajh rahe the samajhne vaale ki ik na.ii zindagii milegii
udaasiyo.n ne ujaa.D Daalaa kuchh is tarah baaG aarzuu kaa
na taaza-dam is me.n gul mile.nge na muskuraatii kalii milegii
zamaana vaaqif na thaa kuchh is se ki aisaa qaht-e-giraa.n pa.Degaa
jo chiiz milnii thii chaar paiso.n ko ashrafii par vahii milegii
ye kyaa KHabar thii ki faaqa-mastii me.n satr-poshii bhii hogii mushkil
amaa.n kii jab ho.ngii iltijaa.e.n to qatl-o-Gaarat-garii milegii
chhupegaa insaaniyat kaa suuraj hujuum-e-kulfat kii aa.ndhiy.o.n me.n
ba.Dhegaa zauq-e-siyaahkaarii dilo.n me.n bhii tiirgii milegii
magar ye fitrat kii inqilaabii numaa.ishe.n mujh se kah rahii hai.n
inhii a.ndhero.n se bazm-e-giitii ko ek din raushnii milegii

Sareer Kabiri

Nazm

mustaqbil

aane vaalaa hai bahut jald ek aisaa ahd bhii
dahr ke haalaat-e-maujuud fanaa ho jaa.e.nge
aur hii ho jaa.e.nge kuchh ye zamiin-o-aasmaa.n
aur hii kuchh roz-o-shab sub.h o masaa ho jaa.e.nge
rif.ato.n par har taraf chhaa jaa.egaa zo.af o jumuud
arsh vaale maa.il-e-taht-us-suraa ho jaa.e.nge
pastiyaa.n kar le.ngii tai saare maqaamaat-e-fraaz
KHaak ke zarre surayyaa tak rasaa ho jaa.e.nge
azmat o zillat kaa saaraa imtiyaaz uTh jaa.egaa
ek manzil me.n shahanshaah o gadaa ho jaa.e.nge
KHaak me.n mil jaa.egaa sarmaaya-daaro.n kaa Guruur
ahl-e-naKHvat raahi-e-mulk-e-fanaa ho jaa.e.nge
faqr-o-faaqa kii jagah le le.nge itminaan o aish
muflis o mazduur aazaad-e-balaa ho jaa.e.nge
safha-e-hastii se miT jaa.egaa naam-e-zulm-o-jabr
ahl-e-istibdaad sab be-dast-o-paa jaa.e.nge
haakim o mahkuum me.n baaqii na hogaa ko.ii farq
ek ahl-e-taKHt o ahl-e-boriyaa ho jaa.e.nge
munhadim ho jaa.egaa diivaar-e-zindaa.n KHud-ba-KHud
ahl-e-zindaa.n qaid-e-mehnat se rahaa ho jaa.e.nge
TuuT jaa.e.ngii qafas kii tiiliyaa.n ik aan me.n
chahchaho.n se bostaa.n ra.ngii.n-navaa jo jaa.e.nge

Ahmaq Phaphoondvi

Nazm

jibrail-o-iblis

jibra.iil
hamdam-e-dairiina kaisaa hai jahaan-e-ra.ng-o-buu
ibliis
soz-o-saaz o dard o daaG o justujuu o aarzuu
jibra.iil
har gha.Dii aflaak par rahtii hai terii guftuguu
kyaa nahii.n mumkin ki teraa chaak daaman ho rafuu
ibliis
aah ai jibriil tuu vaaqif nahii.n is raaz se
kar gayaa sarmast mujh ko TuuT kar meraa subuu
ab yahaa.n merii guzar mumkin nahii.n mumkin nahii.n
kis qadar KHaamosh hai ye aalam-e-be-KaaKH-o-kuu
jis kii naumiidii se ho soz-e-daruun-e-kaa.enaat
us ke haq me.n taqnatuu achchhaa hai yaa laa-taqnatuu
jibra.iil
kho diye inkaar se tuu ne maqaamaat-e-buland
chashm-e-yazdaa.n me.n farishto.n kii rahii kyaa aabruu
ibliis
hai mirii jur.at se musht-e-KHaak me.n zauq-e-numuu
mere fitne jaama-e-aql-o-KHirad kaa taar-o-puu
dekhtaa hai tuu faqat saahil se razm-e-KHair-o-shar
kaun tuufaa.n ke tamaa.nche khaa rahaa hai mai.n ki tuu
KHizr bhii be-dast-o-paa ilyaas bhii be-dast-o-paa
mere tuufaa.n yam-ba-yam dariyaa-ba-dariyaa juu-ba-juu
gar kabhii KHalvat mayassar ho to puuchh allaah se
qissa-e-aadam ko ra.ngii.n kar gayaa kis kaa lahuu
mai.n khaTaktaa huu.n dil-e-yazdaa.n me.n kaa.nTe kii tarah
tuu faqat allaah-huu allaah-huu allaah-huu

Allama Iqbal

Nazm

wadi-e-nil

miraa muqaddar ki aaj kii shab hai mujh ko haasil ye teraa paikar
miraa muqaddar ki mai.n ne KHud maut ko pukaaraa hai terii KHaatir
miraa muqaddar ki mai.n huu.n vo maut kaa musaafir
jo apnii manzil pe aa gayaa hai tire shabistaa.n me.n KHud Thahar kar
tire labo.n se hayaat paa kar
tire jamaal-e-hayaat-parvar se lau lagaa kar
tirii nigaaho.n kii gahrii jhiilo.n me.n tair kar, mish.ale.n jalaa kar
gudaaz paikar kii reshmii chilmane.n uThaa kar
dha.Dakte dil me.n taraane bo kar zamaane laa kar
azal abad ko sameT kar, be-karaa.n banaa kar
tire badan kii lataafato.n me.n masarrat-e-zindagii milaa kar
tire lahuu me.n sharaare bhar kar haraarat-e-jaavedaa.n basaa kar
tire KHumistaan-e-dilbarii ko jahaa.n me.n ik daastaa.n banaa kar
tujhe ajal se qariib laa kar
haqiiqat-e-zindagii dikhaa kar
ki mai.n huu.n vo maut kaa musaafir
tire shabistaa.n ke chor darvaaze se guzar kar
jo apnii manzil pe aa gayaa hai

Yusuf Zafar

Nazm

hisar-e-zat

charaaG jal bhii uThe
raushnii nahii.n aa.ii
siyaah yaado.n ne
daanista ye karam bhii kiyaa
har ek lamha-e-maujuud
baar-e-dosh hu.aa
tilism Tuut gayaa
dil-fazaa masarrat kaa

Abrar Azmi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now