Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "milii.n"

Nazm MATCHES FOR "milii.n"

Nazm

aarzu ke musafir

dhuup Dhalne lagii
bas zaraa der me.n raat ho jaa.egii
aarzuu ke musaafir jo hai.n
un ke qadmo.n tale
jo bhii ik raah hai
vo bhii shaayad a.ndhere me.n kho jaa.egii
aarzuu ke musaafir bhii
apne thake-haare be-jaan pairo.n pe
kuchh der tak la.Dkha.Daa.e.nge
aur gir ke so jaa.e.nge
sirf sannaaTaa sochegaa ye raat bhar
manzile.n to unhe.n jaane kitnii milii.n
ye magar
manzilo.n ko samajhte rahe jaane kyuu.n raaste
jaane kis vaaste
aarzuu ke musaafir bhaTakte rahe
aur phir ik savere kii ujlii kiran
tiirgii chiir ke
jagmagaa degii
jab an-ginat rahguzaaro.n pe bikhre hu.e
un ke naqsh-e-qadam
aafiyat-gaaho.n me.n rahne vaale
ye hairat se majbuur ho ke kahe.nge
ye naqsh-e-qadam sirf naqsh-e-qadam hii nahii.n
ye to daryaaft hai.n
ye to iijaad hai.n
ye to afkaar hai.n
ye to ash.aar hai.n
ye ko.ii raqs hai.n
ye ko.ii raag hai.n
in se hii to hai.n aaraasta
saarii tahziib o taariiKH ke
vaqt ke
zindagii ke sabhii raaste

Javed Akhtar
Nazm

koi dil ki chahat se majbur hai

tum bhii bechain ho ham bhii betaab hai.n
jab se aa.nkhe.n milii.n dono.n be-KHvaab hai.n

Sahir Ludhianvi
Nazm

muddat ke baad

ab tum milii.n to kitne hii Gam hai.n tumhaare saath
patthar kii tarah tum ne gizaarii hai zindagii
kitnaa lahuu jalaayaa to ye phuul muskuraa.e
kis kis jatan se tum ne sa.nvaarii hai zindagii

Himayat Ali Shayar
Nazm

dil-o-dimagh ko ro lunga aah kar lunga

dil-o-dimaaG ko ro luu.ngaa aah kar luu.ngaa
tumhaare ishq me.n sab kuchh tabaah kar luu.ngaa
agar mujhe na milii.n tum tumhaare sar kii qasam
mai.n apnii saarii javaanii tabaah kar luu.ngaa
mujhe jo dair-o-haram me.n kahii.n jagah na milii
tire KHayaal hii ko sajda-gaah kar luu.ngaa
jo tum se kar diyaa mahruum aasmaa.n ne mujhe
mai.n apnii zindagii sarf-e-gunaah kar luu.ngaa
raqiib se bhii miluu.ngaa tumhaare hukm pe mai.n
jo ab talak na kiyaa thaa ab aah kar luu.ngaa
tumhaarii yaad me.n mai.n kaaT duu.ngaa hashr se din
tumhaare hijr me.n raate.n siyaah kar luu.ngaa
savaab ke liye ho jo gunah vo ain savaab
KHudaa ke naam pe bhii ik gunaah kar luu.ngaa
hariim-e-hazrat-e-salmaa kii samt jaataa huu.n
hu.aa na zabt to chupke se aah kar luu.ngaa
ye nau-bahaar ye abruu, havaa ye rang sharaab
chalo jo ho so ho ab to gunaah kar luu.ngaa
kisii hasiine ke ma.asuum ishq me.n 'aKHtar'
javaanii kyaa hai mai.n sab kuchh tabaah kar luu.ngaa

Akhtar Shirani
Nazm

bambai

ye miraa shahr hai
go miraa jism is KHaak-daa.n se nahii.n
merii miTTii yahaa.n se bahut duur ga.ngaa ke paanii se guu.ndhii ga.ii hai
mere dil me.n himaala ke phuulo.n kii KHushbuu basii hai
phir bhii ai bamba.ii tuu miraa shahr hai
tere baaGaat me.n merii yaado.n ke kitne hii ram-KHurda aahuu
mai.n ne tere pahaa.Do.n kii ThanDii havaa khaa.ii hai
terii shaffaaf jhiilo.n kaa paanii piyaa hai
tere saahil kii ha.nstii hu.ii siipiyaa.n mujh ko pahchaantii hai.n
naariyal ke daraKHto.n kii lambii qataare.n
tere niile samundar ke tuufaan aur qahqahe
tere dilkash mazaafaat ke sabza-zaaro.n kii KHaamoshiyaa.n
ra.ngate.n, nik.hate.n, sab mujhe jaantii hai.n
is jagah mere KHvaabo.n ko aa.nkhe.n milii.n
aur merii mohabbat ke boso.n ne apne hasiin ho.nT haasil kiye

Ali Sardar Jafri
Nazm

mauhum afsane

vo afsaane jo raate.n chaa.nd ke barbat pe gaatii hai.n
vo afsaane jo sub.he.n ruuh ke andar jagaatii hai.n
fazaa kartii hai jin mauhuum afsaano.n kii taamiire.n
bhaTakte abr me.n jin kii milii.n mub.ham sii tasviire.n
sar-e-saahil jo bahtii sham.a kii lau gungunaatii hai
dimaaG o dil me.n jin se ik kiran sii dau.D jaatii hai

Jan Nisar Akhtar
Nazm

nae aadmi ki talash mein:

aur phir yuu.n hu.aa
jo puraanii kitaabe.n, puraane sahiife
buzurgo.n se virse me.n ham ko mile the
unhe.n pa.Dh ke ham sab ye mahsuus karne lage
un ke alfaaz se
ko.ii matlab nikaltaa nahii.n hai
jo ta.abiir-o-tafsiir aglo.n ne kii thii
ma.aanii-o-mafhuum jo un pe chaspaa.n kiye the
ab un kii haqiiqat kisii vaahime se ziyaada nahii.n hai
aur phir yuu.n hu.aa
chand logo.n ne ye aa ke ham ko bataayaa
ki ab in puraanii kitaabo.n ko
tah kar ke rakh do
hamaare vasiile se
tum par na.ii kuchh kitaabe.n utaarii ga.ii hai.n
unhe.n tum pa.Dhoge
to tum par
sadaaqat na.e taur se munkashif hogii
bosiida-o-munjamid zehn me.n khi.Dkiyaa.n khul sake.ngii
tumhe.n ilm-o-irfaan
aur aagahii ke KHaziine mile.nge
aur phir yuu.n hu.aa
in kitaabo.n ko apnii kitaabe.n samajh kar
unhe.n apne siine se ham ne lagaayaa
har ik lafz kaa vird karte rahe
ek ik satr ko gungunaate rahe
ek ik harf kaa ras piyaa
aur hame.n mil gayaa
jaise ma.anii-o-mafhuum kaa ik nayaa silsila
aur phir yuu.n hu.aa
in kitaabo.n se
ik din ye ham ko bashaarat milii
aane vaalaa hai duniyaa me.n ab ik nayaa aadmii
le ke apne jilau me.n na.ii zindagii
ham a.ndherii guphaa.o.n se
auhaam kii ta.ng galiyo.n se nikle.nge
ham ko milegii na.ii raushnii
aur phir yuu.n hu.aa
laane vaale kitaabo.n ke
aur vo bhii jo in pe iimaan laa.e the
sab apne apne gharo.n se nikal kar
kisii samt ko chal pa.De
aise ik raaste par
jidhar se nayaa aadmii
aane vaalaa thaa
yaa ham ko us kaa yaqiin thaa
ki vo aa.egaa
aur isii samt se
bas isii samt se aa.egaa
aur phir yuu.n hu.aa
der tak ham na.e aadmii ke rahe muntazir
der tak shauq-e-diidaar kii apnii aa.ankho.n me.n mastii rahii
der tak us kii aamad kaa ham giit gaate rahe
der tak us kii tasviir
zehno.n me.n apne banaate rahe
der tak is KHaraabe me.n ik jashn hotaa rahaa

Khalilur Rahman Azmi
Nazm

yaaden

vo lamhe kitne dilkash the
vo gha.Diyaa.n kitnii pyaarii thii.n
jug jug kii do pyaasii ruuhe.n
be-KHauf-o-KHatar anjaan milii.n

Sami Sultanpuri
Nazm

pattharon ka mughanni

pattharo.n ko zabaa.n to milii par takallum nahii.n
pattharo.n ko KHad-o-KHaal-e-insaa.n mile daulat-e-dard-o-Gam kab milii

Waheed Akhtar
Nazm

kifayat

tum milii.n to tumhe.n
mai.n ne baTve kii poshiida jebo.n me.n rakkhaa hu.aa
saaraa mai.n
dekhne me.n jo kaafii nahii.n de diyaa
tum agar KHud ko tho.Daa saa
mujh me.n milaa lo to ham
kaafii ho jaa.e.nge

Shoaib Kiani
Nazm

riwayati mohabbat

jhukii jhukii nazro.n se pustako.n
ko siine se lagaa.e
dhak dhak karte dil ko sambhaale
kahii.n aa.nkhe.n chaar na ho jaa.e.n
lab me.n chor-nazar se ghuste
ki aaj to darshan ho jaa.e.n
par mad-hoshii kaa aalam to dekhe.n ki
nazre.n milii.n to shaayad behosh ho jaa.e.n
email par khule aam KHat kii baat nahii.n ye
vo kachre me.n phe.nkaa kaaGaz bhii ka.ii taho.n
me.n lagaa kar siine me.n chhupaa.e.n
ko.ii jaan na le hamaarii is KHaamosh mohabbat ko
soch is KHayaal se hii laal ho jaa.e
chhup-chhup kar raashii-phal pa.Dhte
ki shaayad aaj mulaaqaat ho jaa.e
ho.nTo.n ko siye chup-chaap ghuumte
ki bhuul se teraa naam bhii labo.n par na aa jaa.e
aisii thii.n vo mohabbate.n jahaa.n banaa dekhe
ka.ii sadiyaa.n guzar jaa.e.n

Mamta Tiwari
Nazm

phir milna kya na milna kya

barso.n ke baa'd mile.n ham tum aur biitii gha.Diyaa.n KHvaab lage.n
nazro.n se milii.n nazre.n lekin darvaaze dilo.n ke band rahe.n
baa.nho.n ko gale me.n Daal ke bhii milne kii ta.Dap baaqii hii rahe
be-taabii idhar be-mehrii udhar jab pyaar kii baate.n baar lage.n
aa.nkho.n se lage saavan kii jha.Dii aur dil kii lagii kuchh aur ba.Dhe
jab siine se lag kar bhii un ke ruudaad-e-judaa.ii kah na sake.n
jab haath me.n haath diye un ke dariyaa ke kinaare chalte rahe.n
aur faasle ba.Dhte ba.Dhte jab nadii ke kinaare bin jaa.e.n
jab maazii guzrii raah bane biite lamhe bojhal yaade.n
jab ulfat haath male ro.e aur shikve gile bhii KHaar lage.n
KHvaabo.n se ladii komal kaliyaa.n jab mahke binaa murjhaa jaa.e.n
rut chaahat kii jab biit chuke phir milnaa kyaa naa milnaa kyaa

Kaneez Fatima Kiran
Nazm

kyon

ai KHudaa phir se hame.n jahl kii daulat de de
tuu ne kyo.n ilm diyaa aur jahaalat chhiinii
tuu ne kyo.n jannat-e-humaqaa se nikaalaa ham ko
zehn ko kis liye hone diyaa baaliG tuu ne
aastiino.n me.n mire pal ke sa.npole kii tarah
Das liye jis ne mire saare hii auhaam-e-kuhan
aa.nkhe.n chehre pe kabhii ko hai.n milii.n
kaan bhii
haath bhii
paa.nv bhii paa.e sab ne
dekhte sab hai.n
har ik baat ko sab jaante hai.n
aur paamaal kiyaa karte hai.n saare raste
phir ye kyaa baat hai
mai.n guzraa jo in raaho.n se
apnii aa.nkho.n se manaazir vahii dekhe mai.n ne
jo sabhii dekh rahe the
jo sabhii ne dekhe
be-hisii aur sukuu.n se
kyo.n mire kaan baje
kyo.n mirii fikr ko mahmez hu.ii
aur jaag uTThaa KHayaalaat me.n mahshar kaa hujuum
ai KHudaa phir se hame.n jahl kii daulat de de

Saeed-ul-Zafar Chughtai
Nazm

dawat-e-amal

tuu samajhtaa hai jise manzil-e-iisaar-o-amal
vo abhii tishna-e-takmiil-e-safar hai ai dost
jis pe chalte hu.e ik umr-e-safar guzrii hai
saamne phir bhii vahii raahguzar hai ai dost
nuur kyaa nuur kaa partav bhii nahii.n hai is me.n
shab-e-taariik ba-unvaan-e-sahar hai ai dost
laakh chehro.n pe numaayaa.n ho.n masarrat ke nuquush
zindagii Gam-kada-e-qalb-o-nazar hai ai dost
ho vahaa.n qadr-e-javaahir kaa kise fikr-o-KHayaal
sang-rezo.n kaa jahaa.n naam guhar hai ai dost
chaar-suu chaak hai aadam kii qabaa-e-ismat
har bashar dushman-e-taqdiis-e-bashar hai ai dost
ko.ii suurat nahii.n aaraam-e-nasheman kii nasiib
kaamraa.n silsila-e-barq-o-sharar hai ai dost
nasl-e-insaa.n ko milii.n jis se nishaanaat-e-uruuj
un maqaamaat kii ab kis ko KHabar hai ai dost
kaaGazii phuulo.n me.n KHushbuu kaa yaqii.n hai tujh ko
apnii pastii kaa kuchh ehsaas nahii.n hai tujh ko

Anwar Sabri
Nazm

sinf-e-nazuk kaha gaya mujhko

ra.ng-e-kaa.enaat kahaa gayaa mujh ko
aa.nkho.n me.n base KHvaabo.n se
phir mubarraa kiyaa gayaa mujh ko
zindagii bhar kii jo kamaa.ii thii
kuchh jo izzat kahii.n banaa.ii thii
chand lafzo.n se kuchh hiqaarat se
tahii-daaman kiyaa gayaa mujh ko
kaarii kar ke sab zamaane me.n
khule sar barahna kiyaa gayaa mujh ko
husn-e-zan se jo zindagii hai hasiin
ra.ngo.n se khulii dilkashii hai yahii
sinf-e-naazuk kii naazukii hai yahii
us ke KHvaabo.n ko taa'biire.n jo milii.n
zindagii ke sab zaaviyo.n se pare
ra.ng-e-gul yuu.nhii bikhar jaa.e.nge
dukh sab sukh me.n badal jaa.e.nge
kaarii na maregii ko.ii bhii naarii
ziist rahegii na us pe bhaarii
sinf-e-naazuk samajh kar na maaro mujh ko
ra.ng-e-gul huu.n mai.n is gulistaa.n kii
KHvaabo.n kii aa.nkho.n me.n mai.n bhii bastii huu.n
zamiin kii god se meraa bhii rishta hai
KHushbuu ban kar ham ne yuu.n bikharnaa hai
maanind-e-sahar KHud me.n yuu.n ubharnaa hai
ra.ng-e-kaa.enaat ban kar har zamaane me.n
KHud hii apnii misaal ban.naa hai

Syeda Sadaf Akbar
Nazm

qadam

chale chale jaate hai.n qadam
nazre.n milii.n
ruk jaate hai.n qadam
manzil naa dikhe
mu.D jaate hai.n qadam
manzil jo dikhe
ju.D jaate hai.n qadam
safar karte paiham
thak jaate hai.n qadam
kuchh nokiilaa chubh jaa.e
ro jaate hai.n qadam
us ke paas aane se
piichhe jaate hai.n qadam
sharm kyo.n itnii
kar jaate hai.n qadam
dekh baiTh yahaa.n se
kahaa.n jaate hai.n qadam
vaapas aate hai.n yaa
bhaTak jaate hai.n qadam
Galat bahut Gusse me.n
uTh jaate hai.n qadam
mile jo sur-o-taal
bahal jaate hai.n qadam
vaqt se tez
jaa.e jaate hai.n qadam
vaqt jo aa.e
mar jaate hai.n qadam

Geetanjali Geet
Nazm

peshawar ki sair

har ek dilrubaa milaa
har ek baa-vafaa milaa
jise thaa paas-e-dostii
vahii uThaa ba.Dhaa milaa
nashist jis kii duur thii
qariib aa gayaa milaa
peshawar aane kaa mujhe
sahii jo lutf thaa milaa
ha.nsii milii KHushii milii
KHudii milii KHudaa milaa
raqiib thaa khichaa khichaa
habiib thaa ghulaa milaa
nazar nazar adaa adaa
mai.n dekhtaa chalaa gayaa

Abul Fitrat Meer Zaidi
Nazm

aazadi

jab ham ne chalnaa siikhaa
hame.n dau.Dnaa sikhaayaa gayaa
jab ham dau.Dne lage
hame.n baisaakhiyaa.n tohfe me.n milii.n

Yahya Khan Yusuf Zai
Nazm

harf

vaadii vaadii sahraa sahraa phirtaa rahaa mai.n diivaana
koh milaa
to dariyaa ban kar us kaa siina chiir ke guzraa
sahraa.o.n kii tund havaa.o.n me.n laala ban kar jaltaa rahaa
dhartii kii aaGosh milii
to paudaa ban kar phuuTaa
jab aakaash se nazre.n milii.n
to taa.ir ban ke u.Daa
Gaaro.n ke a.ndhiyaaro.n me.n mai.n chaa.nd banaa
aur aakaash pe suuraj ban kar chamkaa
phir bhii mai.n diivaana rahaa
apne sapno.n KHvaabo.n kii ulTii siidhii tasviir banaa.ii
Te.Dhii me.Dhii lakiire.n khii.nchii.n
lekin jab ik harf milaa
goyaa nuur kii kirne.n mere do ho.nTo.n me.n simaT aa.ii hai.n
mai.n ye charaaG-e-alaa-dii.n le kar
Gaaro.n ke a.ndhiyaaro.n me.n kho.e hu.e motii Dhuu.nD rahaa huu.n

Ejaz Farooqi
Nazm

sahra bhi zarKHez hote hain

sarmaa kii jha.Dii
kisii puraane giit kii dhun kii tarah
zamii.n kaa maathaa chuum rahii thii
abruu-e-shams kii jumbish se
manzar-e-libaas badalne lage
jab ashjaar ne rangii.n ridaa o.Dhii
havaa.e.n raqs kartii hu.ii.n
mausamo.n ke gale milii.n
sarsabzgii ke sahar se nikal kar
zamii.n kii vus.ate.n naapte thal kii jaanib mahv-e-safar huu.n
mujh pe vaa hu.aa
sahraa bhii zarKHez hote hai.n

Omainuz Zahra Sayyad
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now