Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "satr-e-mustahkam"

Nazm MATCHES FOR "satr-e-mustahkam"

Nazm

kushtagan-e-KHanjar-e-taslim-ra

sakiina!
jab kahaanii KHatm hogii
KHaak kii taasiir badlegii
zamii.n sho.ala-ba-sho.ala
khii.nch lii jaa.egii un taariik kono.n me.n
jinhe.n raushan zamaane
satr-e-mustahkam ke andar faaslo.n me.n rakh ga.e the

Farrukh Yar
Nazm

mahatma-gandhi ka qatl

ik jism-e-nahiif-o-zaar magar ik azm-e-javaan-o-mustahkam
chashm-e-biinaa ma.asuum kaa dil KHurshiid nafas zauq-e-shabnam

Anand Narayan Mulla
Nazm

mazdur

apne ham-jinso.n kii be-mehrii se maayuus-o-maluul
safha-e-hastii par ik satr-e-Galat harf-e-fuzuul

Seemab Akbarabadi
Nazm

etiraf

ko.ii suurat fan-e-arz-e-hunar aa jaa.e mujhe bhii
shaam ko shaam kahuu.n aur nigaaho.n pe a.ndhere utar aa.e.n
sub.h ko sub.h likhuu.n aur pas-e-satr-e-tapaa.n dhuup-bharaa din nikal aa.e
kal bhii taasiir-e-tahii thaa miraa daamaan-e-suKHan aaj bhii taasiir-e-tahii hai
meraa daamaan-e-du.aa sar-e-darbaar-e-ataa aaj bhii faizaan-e-talab hai

Khalid Ahmad
Nazm

adhuri nazm

a.ndherii shaam ke saathii
adhuurii nazm se zor-aazmaa hai.n
bar-sar-e-kaaGaz bichha.Dne kii
suno... tum se dil-e-mahzuu.n kii baate.n kahne vaalo.n kaa
yahii anjaam hotaa hai
kahii.n satr-e-shikasta kii tarah hai.n chaar shaane chit
kahii.n harf-e-tamannaa kii tarah dil me.n taraazuu hai.n
suno... in niil-chashmo.n saKHt-jaano.n be-zabaano.n par
jo guzregii so guzregii
magar mai.n ik adhuurii nazm kii haijaan me.n khoyaa
tumhe.n aavaaz detaa huu.n
ki tanhaa aadmii taKHliiq se aarii hu.aa kartaa hai
jaan-e-man!
suno... mere qariib aa.o
ki mujh ko aaj kii raat ik adhuurii nazm puurii kar ke sonaa hai!

Abbas Tabish
Nazm

zamin ka bojh

azal se irtiqaa kii rahguzar me.n
hazaaro.n qaafile hai.n jaada-paimaa
abad kii manzilo.n me.n chalte chalte
bahut se log kho kar rah ga.e hai.n
Gubaar-e-raah ho kar rah ga.e hai.n
jinhe.n sarmaaya-e-irfaa.n milaa thaa
jinhe.n aql-e-junuu.n-saamaa.n milii thii
vo apnii manzilo.n kii saKHtiyo.n ko
safar kii naa-sazaa bad-baKHtiyo.n ko
adaa-e-tamkanat se pii ga.e hai.n
aur un ke azm-e-mustahkam ke sho.ale
fazaa.o.n me.n ujaalaa kar ga.e hai.n
magar kuchh log 'anjum' is jahaa.n me.n
jinhe.n zauq-e-jahaa.n-biinii milii thii
jinhe.n idraak-e-hastii bhii milaa thaa
vo apnii buzdilii se
qadam aage ba.Dhaa kar Dar ga.e hai.n
zamii.n kaa bojh the jo na.ng-e-insaa.n
vo sab jiine se pahle mar ga.e hai.n

Anjum Usman
Nazm

lab par nam kisi ka bhi ho

be-tere kyaa vahshat ham ko, tujh bin kaisaa sabr o sukuu.n
tuu hii apnaa shahr hai jaanii tuu hii apnaa sahraa hai

Ibn۔e۔Insha
Nazm

katik ka chand

jii me.n aatii hai ki kamre me.n bulaa le.n is ko
chaa.nd kab se hai sar-e-shaaKH-e-sanobar aTkaa
raat us ko bhii nigal jaa.egii bolo bolo
baam par aur na aa.egaa kisii kaa chehraa

Ibn۔e۔Insha
Nazm

ahl-e-junun

ham hai.n siimaab-sifat haqq-o-sadaaqat kii naviid
maa'bad-e-zulm me.n nekii ke sanam Dhalte hai.n
jabr se zulm se ham Dar nahii.n sakte hargiz
saa'at-e-jehd me.n sho'lo.n kii tarah jalte hai.n

Noor -e-Shama Noor
Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal
Nazm

ajab hai khel carrom ka

udhar raanii kii sharte.n hai.n karegaa jo bhii puurii ye
to raanii tab hii jaa.egii
lo us kii shart bhii sun lo ki
kaniiz-e-KHaas ko le kar hii raanii aap kii hogii
karegii kamre kaa ruKH jab kaniiz-e-KHaas hamraah ho
siyaah ho chaahe gorii ho magar vo saath me.n jaa.e
ajab hai khel carrom kaa

Ibn-e-Mufti
Nazm

makDi

yahii mak.Dii thii ki jis ne
vo Gaar-e-saur me.n jaalaa
thaa kuchh aise banaa Daalaa
ki dushman bhii pahu.nch kar vaa.n
nahii.n un tak pahu.nch paa.e

Ibn-e-Mufti
Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha
Nazm

munni tere dant kahan hain

munnii tere daa.nt kahaa.n hai.n
daa.nt the mai.n ne duudh pilaa kar saat baras me.n paale
aa kar un ko le ga.e chuuhe lambii mo.nchho.n vaale
gu.D kaa un ko maaT milaa thaa miiThaa aur mazedaar
laakh KHushaamad kar ke mujh se le liye daa.nt udhaar
munnii tere daa.nt kahaa.n hai.n
billii thii ik maamii mausii chupke chupke aa.ii
panjo.n par thii deg kii khurchan ho.nTo.n par baalaa.ii
bolii gu.D ke maaT pe mai.n ne chuuhe dekhe chaar
hissa aadho.n-aadh rahegaa de do daa.nt udhaar
munnii tere daa.nt kahaa.n hai.n
ba.ad me.n buu.Dhaa motii aayaa ronii shakl banaa.e
bolaa biibii is billii kaa kuchh to kare.n upaa.e
duudh na chho.De gosht na chho.De hai.n buDDhaa laachaar
is ko karuu.n shikaar jo mujh ko de do daa.nt udhaar
achchhii munnii tum ne apne itne daa.nt ga.nvaa.e
kuchh chuuho.n ne kuchh billii ne kuchh motii ne paa.e
baaqii jo do-chaar rahe hai.n vo ham ko dilvaa.o
ik daavat me.n aaj mile.nge tikke aur polaav
murGii ke paa.e kaa saalan baigan kaa aachaar
dogii yaa kisii aur se maa.nguu.n
haa.n diye udhaar
baabaa haa.n haa.n diye udhaar
munnii tere daa.nt kahaa.n hai.n

Ibn۔e۔Insha
Nazm

phir sham hui

phailtaa phailtaa shaam-e-Gam kaa dhu.aa.n
ik udaasii kaa tantaa hu.aa saa.ebaa.n
uu.nche uu.nche minaaro.n ke sar pe ravaa.n
dekh pahu.nchaa hai aaKHir kahaa.n se kahaa.n
jhaa.nktaa suurat-e-KHail-e-aavaargaa.n
Gurfa Gurfa bahr kaaKH-o-kuu shahr me.n

Ibn۔e۔Insha
Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha
Nazm

dil-ashob

ham ahl-e-vafaa ranjuur sahii, majbuur nahii.n
aur shahr-e-vafaa se dasht-e-junuu.n kuchh duur nahii.n
ham KHush na sahii, par tere sar kaa vabaal gayaa

Ibn۔e۔Insha
Nazm

gulha-e-aqidat

aarzuu me.n terii ai gul-posh shahzaadii na puuchh
kaise aalam-taab sardaaro.n ke sar jaate rahe
sarzamiin-e-hind ko jannat banaane ke liye
kaise kaise dast-o-baazuu ke shajar jaate rahe

Syeda Shan-e-Meraj
Nazm

nanha ghasib

daraKHshanda jaise sar-e-shaam zohra
ufuq par samundar ke aa.e nikal

Azmatullah Khan
Nazm

shahr-e-nigaran

Hyderabad jise shahr-e-nigaaraa.n kahiye
ra.ng-e-rukHsaar sahr-e-husn-e-bahaaraa.n kahiye

Ameer Ahmad Khusro
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now