Search result for "silsila-e-soz-o-gudaaz" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "silsila-e-soz-o-gudaaz"

Nazm MATCHES FOR "silsila-e-soz-o-gudaaz"

Nazm

ajnabi

ai hama-ra.ng hama-nuur hama-soz-o-gudaaz
bazm-e-mahtaab se aane kii zaruurat kyaa thii
tuu jahaa.n thii usii jannat me.n nikhartaa tiraa ruup
is jahannam ko basaane kii zaruurat kyaa thii

Kaifi Azmi

Nazm

soz-o-gudaz

kyo.n ta.ammul hai tujhe roz-e-ajal aane me.n
ziist kaa lutf milegaa mujhe mar jaane me.n
na suno qissa-e-aalaam ta.Dap jaa.oge
dard aur soz bharaa hai mire afsaane me.n
qalb-e-muztar ko banaa rakhaa hai ghar hirmaa.n ne
aur kyaa chiiz hai is dil ke siyah-KHaane me.n
ab chhalakne ko hai saaqii mire jiivan kaa gilaas
bhar gayaa aab-e-fanaa umr ke paimaane me.n
KHirman-e-sabr-o-sukuu.n KHaak na ho kyo.n jal kar
bijliyaa.n kau.nd rahii hai.n mire kaashaane me.n
parda-e-jahl uThaa diijiye aa.nkho.n se zaraa
jalva-e-haq nazar aa.egaa sanam-KHaane me.n
'aaftaab' aa ki musiibat ke hai.n aasaar ayaa.n
josh-e-vahshat hai fuzuu.n aur bhii diivaane me.n

Aaftab Rais Panipati

Nazm

marg-e-soz-e-mohabbat

aa.o ki marg-e-soz-e-mohabbat manaa.e.n ham
aa.o ki husn-e-maah se dil ko jalaa.e.n ham
KHush huu.n firaaq-e-qaamat-o-ruKHsaar-e-yaar se
sarv-o-gul-o-saman se nazar ko sataa.e.n ham
viiraanii-e-hayaat ko viiraan-tar kare.n
le naaseh aaj teraa kahaa maan jaa.e.n ham
phir oT le ke daaman-e-abr-e-bahaar kii
dil ko manaa.e.n ham kabhii aa.nsuu bahaa.e.n ham
suljhaa.e.n be-dilii se ye uljhe hu.e savaal
vaa.n jaa.e.n yaa na jaa.e.n na jaa.e.n ki jaa.e.n ham
phir dil ko paas-e-zabt kii talqiin kar chuke.n
aur imtihaan-e-zabt se phir jii churaa.ii.n ham
aa.o ki aaj KHatm hu.ii daastaan-e-ishq
ab KHatm-e-aashiqii ke fasaane sunaa.e.n ham

Faiz Ahmad Faiz

Nazm

aligaDh uniwersity

markaz-e-ilm-o-hunar mai-kada-e-soz-o-saaz
sajda-e-shauq se aabaad hai rindo.n kaa haram

Anjum Azmi

Nazm

jannat se bhi aziz hai KHak-e-watan mujhe

soz-o-gudaaz-e-Gam kaa huu.n afsaana-e-KHamuush
samjho ba-rang-e-saaz saraapaa suKHan mujhe

Barq Dehlvi

Nazm

hamara bakra

terii aavaaz me.n hai soz-o-gudaaz
dil ko khii.nche tiraa na.ara bakraa

Shaheen Iqbal Asar

Nazm

inqalab

na asia me.n na europe me.n soz-o-saaz-e-hayaat
KHudii kii maut hai ye aur vo zamiir kii maut
dilo.n me.n valvala-e-inqalaab hai paidaa
qariib aa ga.ii shaayad jahaan-e-piir kii maut

Allama Iqbal

Nazm

jaddai

vo soz-o-saaz-e-mohabbat vo pur-fusuu.n raate.n
vo halkaa halkaa tarannum vo jaa.n-fazaa baate.n
vo naddiyo.n kaa talaatum vo pattharo.n kaa KHarosh
vo maahtaab-e-javaa.n zard pur-sukuu.n KHaamosh
vo bahke bahke manaazir fusuu.n-navaaz havaa
vo niil-ka.nTh vo chashme pe shaarko.n kii sadaa
tilism-e-ahd-e-mohabbat kii mad-bharii raahe.n
vafuur-e-kaif-o-junuu.n kii hasii.n jilau-gaahe.n
mire jahaan-e-mohabbat kii yaadgaare.n hai.n
suruud-o-sher-o-taGazzul kii rahguzaare.n hai.n
nigaah-e-shauq vo andaaz-e-pur-fusuu.n ya.anii
na.e na.e vo mataalib vo jazb-e-baa-ma.anii
vo tarz-e-KHaas vo aqdaar kii na.ii baate.n
vo tajrabaat vo afkaar kii na.ii baate.n
taKHaiyyulaat kii duniyaa ko jagmagaatii thii.n
tasavvuraat kii aa.nkho.n pe kau.nd jaatii thii.n
agarche aane ko aatii hai.n chaudhvii.n raate.n
jhijak jhijak ke nigaaho.n me.n pur-fusuu.n baate.n
vo soz-o-saaz-e-mohabbat kii jaan ban ban kar
suruud-o-sher hasii.n paayalo.n se chhan chhan kar
vo chaa.ndnii kii hasii.n vaadiyo.n me.n raqsaa.n hai.n
vo daur-e-paikar-e-ruumaa.n junuu.n-ba-daamaa.n hai.n
vo saahiraana taraano.n ko gungunaate hai.n
vo shaa.iraana tamannaa ko gudgudaate hai.n
magar mai.n bekas-o-aavaara phirtaa rahtaa huu.n
qadam qadam pe sa.nbhaltaa huu.n girtaa rahtaa huu.n

Siddique Kaleem

Nazm

naghma-e-dil-e-soz

hai mizaaj us vaqt kuchh big.Daa hu.aa sayyaad kaa
ai asiiraan-e-qafas mauqa nahii.n fariyaad kaa

Raj Bahadur Saxena Auj

Nazm

ghaalib

tere naGmo.n me.n dil-e-insaa.n kaa hai soz-o-gudaaz
jin se aksar hai ibaarat zindagii kii daastaa.n

JaiKrishn Chaudhry Habeeb

Nazm

watan ka rag

rahegaa jaan ke ham-raah dil kaa soz-o-gudaaz
chitaa se aa.egii marne ke baa'd ye aavaaz

Chakbast Braj Narayan

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

eid aai hai eid aai hai

ratjago.n kii namaaz kii raate.n
soz-o-saaz-e-gudaaz kii raate.n
zikr-e-banda-navaaz kii raate.n
naaz kii aur niyaaz kii raate.n

Sahabzada Meer Burhan Ali Khan Kaleem

Nazm

naqqad

mujh se aa.nkhe.n to milaa ai dushman-e-soz-o-gudaaz
tujh pe kyaa azdaad kii tauhiid kaa ifshaa hai raaz

Josh Malihabadi

Nazm

kis ko hai fursat-e-tajdid-e-mohabbat ai dost

na sunaa mujh ko tuu paiGaam-e-mohabbat ai dost
kis ko hai fursat-e-tajdiid-e-mohabbat ai dost
zindagii silsila-e-soz-e-jigar hai ai dost
aaj aafaat se bechain bashar hai ai dost
jis ko dekho vahii baa-diida-e-tar hai ai dost
roz aatii hai na.ii ek qayaamat ai dost
kis ko hai fursat-e-tajdiid-e-mohabbat ai dost

Abdul Qayyum Zaki Aurangabadi

Nazm

KHiraj-aqidat

ik hudii-KHvaan-e-mohabbat ik naqiib-e-ittihaad
ik fidaa-e-soz-e-naaquus-o-azaa.n paidaa hu.aa

Asrarul Haq Majaz

Nazm

sunahri kursiyan

luTere luuT ke bastii ujaa.De
ko.ii aavaaz hangaama
ko.ii shor na chiiKH
sipaahii piiTh phere
police naake se baahar
mai-kade me.n
vakiilo.n ke gown sab KHud hii kaale
kise munsif kare.n
sab guu.nge bahre
adaalat me.n taraazuu ziinat-e-ijlaas
na giitaa hai na qur.aa.n
hai.n juzdaano.n me.n un kii sirf jilde.n
kaTore aa.nsuu.o.n ke KHaalii KHaalii
dil-e-aashufta aatish-baar-o-soz-e-naala-e-shab-giir
dil-e-sangii.n
sunahrii kursiyaa.n KHandaa.n-lab-o-mast

Ashraf Rafi

Nazm

tere bare mein sochta hun main

intihaa-e-fishaar hasrat me.n
shiddat-e-soz-o-saaz furqat me.n

Akhtar Ziai

Nazm

silsila-e-mukalimat-e-KHud-kalami

aadam-e-KHaakii kii paidaa.ish se pahle
jin kaa kahnaa thaa zamii.n par
KHuun bahaa.egaa ye naahaq
aur machaa.egaa fasaad
ab vahii peshengo umiid-vaar
is ke gun gaate hu.e thakte nahii.n
imtihaan-gaah-e-muqaddar ho to aisii
jis me.n pur-taab-o-tavaa.n ham
kaar-pardaazaan-e-fitrat laa-javaab
aur aadam us kii tiinat me.n to goyaa
hal-shuda pahle se the saare savaal
jin mazaahir kii taraf dekhaa nazar bhar kar
ma.aanii ke damak aThe unhii.n me.n muzmiraat
hikmat-e-ashyaa ke saa.nche me.n Dhalii
be-saaKHta ism-aafriinii marhabaa
KHaak-e-be-miqdaar ke zarraat me.n
jauhar-e-nutq-o-bayaa.n aisaa bhii maKHfii hai
kise ma.aluum thaa
imtihaa.n KHatm
aur masjuud-e-malaa.ik ban ga.ii insaa.n kii zaat
mai.n ne lekin sheva-e-inkaar apnaayaa
ki mai.n aatish-e-nihaad
martabe me.n KHaak-e-uftaada se bartar
asl me.n vaalaa guhar
chaahe aflaak-o-zamiin par
phail kar chhaa jaa.e ye musht-e-Gubaar
harba tasKHiir lekin kaargar mujh par bhii ho is kaa
yahii ik marhala hai ma.arke kaa
imtihaa.n ye saKHt-tar hai
kaamyaabii is me.n bhii paa.e yahii
umiid-vaar KHush-gumaa.n
aasaa.n nahii.n
merii apnii ik luGat hai
jis me.n asmaa ke ma.aanii baar-baar
ik na.ii ta.abiir ke aa.iina-daar
mansab-e-aazaadgii aadam kaa
ik parvaana-e-Gaarat-garii
is me.n likhaa hai
aur aagaahii
tabaahii ke vasaa.el tak rasaa.ii kaa javaaz
is me.n chhapaa hai
al-Garaz is khel kaa mohara vahii
ilm-e-asmaa hai magar
ik pur-fusuu.n taqliib-kaarii kaa shikaar
ik pur-fusuu.n taqliib-kaarii kaa shikaar

Shafiq Fatima Shera

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now