Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tark"

Nazm MATCHES FOR "tark"

Nazm

lekin baDi der ho chuki thi

simTii hu.ii us ke baazu.o.n me.n
taa-der mai.n sochtii rahii thii
kis abr-e-gurez-paa kii KHaatir
mai.n kaise shajar se kaT ga.ii thii
kis chhaa.nv ko tark kar diyaa thaa

Parveen Shakir
Nazm

hijr ki rakh aur visal ke phul

aaj phir dard-o-Gam ke dhaage me.n
ham piro kar tire KHayaal ke phuul
tark-e-ulfat ke dasht se chun kar
aashnaa.ii ke maah o saal ke phuul
terii dahliiz par sajaa aa.e
phir tirii yaad par cha.Dhaa aa.e
baa.ndh kar aarzuu ke palle me.n
hijr kii raakh aur visaal ke phuul

Faiz Ahmad Faiz
Nazm

kahan jaoge

aur kuchh der me.n luT jaa.egaa har baam pe chaa.nd
aks kho jaa.e.nge aa.iine taras jaa.e.nge
arsh ke diida-e-namnaak se baarii-baarii
sab sitaare sar-e-KHaashaak baras jaa.e.nge
aas ke maare thake haare shabistaano.n me.n
apnii tanhaa.ii sameTegaa, bichhaa.egaa ko.ii
bevafaa.ii kii gha.Dii, tark-e-madaaraat kaa vaqt
is gha.Dii apne sivaa yaad na aa.egaa ko.ii
tark-e-duniyaa kaa samaa.n KHatm-e-mulaaqaat kaa vaqt
is gha.Dii ai dil-e-aavaara kahaa.n jaa.oge
is gha.Dii ko.ii kasii kaa bhii nahii.n rahne do
ko.ii is vaqt mile gaa hii nahii.n rahne do
aur mile gaa bhii is taur ki pachhtaa.oge
is gha.Dii ai dil-e-aavaara kahaa.n jaa.oge

Faiz Ahmad Faiz
Nazm

marsiye

1
duur jaa kar qariib ho jitne
ham se kab tum qariib the itne
ab na aa.oge tum na jaa.oge
vasl-e-hijraa.n baham hu.e kitne
2
chaa.nd nikle kisii jaanib tirii zebaa.ii kaa
ra.ng badle kisii suurat shab-e-tanhaa.ii kaa
daulat-e-lab se phir ai KHusrav-e-shiirii.n-dahanaa.n
aaj arzaa.n ho ko.ii harf shanaasaa.ii kaa
garmi-e-rashk se har anjuman-e-gul-badanaa.n
tazkira chhe.De tirii pairahan-aaraa.ii kaa
sehn-e-gulshan me.n kabhii ai shah-e-shamshaad-qadaa.n
phir nazar aa.e saliiqa tirii ra.anaa.ii kaa
ek baar aur masiihaa-e-dil-e-dil-zadagaa.n
ko.ii va.ada ko.ii iqraar masiihaa.ii kaa
saaz-o-saamaan baham pahu.nchaa hai rusvaa.ii kaa
3
kab tak dil kii KHair manaa.e.n kab tak rah dikhlaa.oge
kab tak chain kii mohlat doge kab tak yaad na aa.oge
biitaa diid ummiid kaa mausam KHaak u.Dtii hai aa.nkho.n me.n
kab bhejoge dard kaa baadal kab barkhaa barsaa.oge
ahd-e-vafaa yaa tark-e-mohabbat jo chaaho so aap karo
apne bas kii baat hii kyaa hai ham se kyaa manvaa.oge
kis ne vasl kaa suuraj dekhaa kis par hijr kii raat Dhalii
gesu.o.n vaale kaun the kyaa the un ko kyaa jatlaa.oge
'faiz' dilo.n ke bhaag me.n hai ghar bharnaa bhii luT jaanaa bhii
tum is husn ke lutf-o-karam par kitne din itraa.oge

Faiz Ahmad Faiz
Nazm

nazr-e-maulana hasrat-mohani

mar jaa.e.nge zaalim kii himaayat na kare.nge
ahraar kabhii tark-e-rivaayat na kare.nge

Faiz Ahmad Faiz
Nazm

nazm

tire puure badan par ik muqaddas aag kaa pahra hai
jo terii taraf ba.Dhte hu.e haatho.n ke naaKHun rok letaa hai
tire ho.nTo.n se nikle saa.ns kii KHushbuu
dar-o-diivaar se rasta banaa kar saare barr-e-'aazamo.n me.n phail saktii hai
tirii baa.nhe.n abad ko jaane vaalii shaahraahe.n hai.n
tirii daa.ii.n hathelii kii lakiire.n duusrii duniyaa.o.n ke naqshe hai.n jo in munshiyo.n ke bas se baahar hai.n
tirii aa.nkhe.n nahii.n ye devtaa.o.n kii panah-gaahe.n hai.n
jin me.n vaqt jaise zahr kaa tiryaaq hai
tirii zulfo.n kii vus'at is jahaa.n kii intihaa.o.n se pare tak hai
tirii gardan kisii jannat ke paakiiza daraKHto.n ke tane ko dekh kar tarshii ga.ii hai
hamaare jism par se terii parchhaa.ii guzar jaa.e
to mumkin hai ki ham is maut jaise KHauf se aazaad ho jaa.e.n
hamaare paas aisaa kyaa hai jo tujh ko bataa kar ham tujhe qaa.il kare.n
bas itnaa hai ki apne lafz barsaa kar tirii chhatrii pe baarish phe.nk de.nge
yaa tire chehre pe apnii nazm kii ik satr se chhaa.nv kare.nge
dhuup de de.nge
magar kyaa faa.eda is kaa ki mausam KHud tire juuto.n ke tasmo.n se ba.ndhe hai.n
tire hamraah chalne kii ko.ii KHvaahish agar dil me.n kabhii thii bhii
to ham ne tark kar dii hai
ham is laa.iq nahii.n hai.n
hame.n maa'luum hai ki agle vaqto.n me.n ye log
tire pairo.n ke saa.ncho.n se na.ii samto.n ke andaaze lagaa.e.nge

Tahzeeb Hafi
Nazm

sayyad ki lauh-e-turbat

ai ki teraa murG-e-jaa.n taar-e-nafas me.n hai asiir
ai ki terii ruuh kaa taa.ir qafas me.n hai asiir
is chaman ke naGma-pairaao.n kii aazaadii to dekh
shahr jo uj.Daa hu.aa thaa us kii aabaadii to dekh
fikr rahtii thii mujhe jis kii vo mahfil hai yahii
sabr-o-istiqlaal kii khetii kaa haasil hai yahii
sa.ng-e-turbat hai miraa girviida-e-taqriir dekh
chashm-e-baatin se zaraa is lauh kii tahriir dekh
mudda.aa teraa agar duniyaa me.n hai ta.aliim-e-dii.n
tark-e-duniyaa qaum ko apnii na sikhlaanaa kahii.n
vaa na karnaa firqa-bandii ke liye apnii zabaa.n
chhup ke hai baiThaa hu.aa ha.ngaama-e-mahshar yahaa.n
vasl ke asbaab paidaa ho.n tirii tahriir se
dekh ko.ii dil na dukh jaa.e tirii taqriir se
mahfil-e-nau me.n puraanii daastaano.n ko na chhe.D
ra.ng par jo ab na aa.e.n un fasaano.n ko na chhe.D
tuu agar ko.ii mudabbir hai to sun merii sadaa
hai dilerii dast-e-arbaab-e-siyaasat kaa asaa
arz-e-matlab se jhijak jaanaa nahii.n zebaa tujhe
nek hai niyyat agar terii to kyaa parvaa tujhe
banda-e-momin kaa dil biim-o-riyaa se paak hai
quvvat-e-farmaa.n-ravaa ke saamne bebaak hai
ho agar haatho.n me.n tere KHaam-e-mojiz raqam
shiisha-e-dil ho agar teraa misaal-e-jaam-e-jam
paak rakh apnii zabaa.n tilmiiz-e-rahmaanii hai tuu
ho na jaa.e dekhnaa terii sadaa be-aabruu
sone vaalo.n ko jagaa de sher ke e.ajaaz se
KHirman-e-baatil jalaa de sho.ala-e-aavaaz se

Allama Iqbal
Nazm

sayyad se aaj hazrat-e-waiz ne ye kaha

sayyad se aaj hazrat-e-vaa.iz ne ye kahaa
charchaa hai jaa-ba-jaa tire haal-e-tabaah kaa
samjhaa hai tuu ne nature o tadbiir ko KHudaa
dil me.n zaraa asar na rahaa laa-ilaah kaa
ho tujh se tark-e-saum-o-salaat-o-zakaat-o-haj
kuchh Dar nahii.n janaab-e-risaalat-panaah kaa
shaitaan ne dikhaa ke jamaal-e-uruus-e-dahr
banda banaa diyaa hai tujhe hubb-e-jaah kaa
us ne diyaa javaab ki maz.hab ho yaa rivaaj
raahat me.n jo muKHil ho vo kaa.nTaa hai raah kaa
afsos hai ki aap hai.n duniyaa se be-KHabar
kyaa jaaniye jo rang hai shaam-o-pagaah kaa
europe kaa pesh aa.e agar aap ko safar
guzre nazar se haal re.aayaa-o-shaah kaa
vo aab-o-taab-o-shaukat-e-aivaan-e-khusravii
vo mahakmo.n kii shaan vo jalva sipaah kaa
aa.e nazar uluum-e-jadiidah kii raushnii
jis se KHajil ho nuur ruKH-e-mehr-o-maah kaa
daavat kisii amiir ke ghar me.n ho aap kii
kam-sin miso.n se zikr ho ulfat kaa chaah kaa
nau-KHez dil-fareb gul-andaam naaznii.n
aariz pe jin ke baar ho daaman nigaah kaa
rukiye agar to ha.ns ke kahe ik but-e-hasii.n
sun maulvii ye baat nahii.n hai gunaah kaa
us vaqt qibla jhuk ke karuu.n aap ko salaam
phir naam bhii huzuur jo le.n KHaanqaah kaa
patluun-o-koT-o-ba.ngla-o-biscuit kii dhun ba.ndhe
saudaa janaab ko bhii ho turkii kulaah kaa
mimbar pe yuu.n to baiTh ke goshe me.n ai janaab
sab jaante hai.n va.az savaab-o-gunaah kaa

Akbar Allahabadi
Nazm

aazadi-e-watan

kaho hindostaa.n kii jai
kaho hindostaa.n kii jai
qasam hai KHuun se sii.nche hu.e ra.ngii.n gulistaa.n kii
qasam hai KHuun-e-dahqaa.n kii qasam KHuun-e-shahiidaa.n kii
ye mumkin hai ki duniyaa ke samundar KHushk ho jaa.e.n
ye mumkin hai ki dariyaa bahte bahte thak ke so jaa.e.n
jalaanaa chho.D de.n dozaKH ke a.ngaare ye mumkin hai
ravaanii tark kar de.n barq ke dhaare ye mumkin hai
zamiin-e-paak ab naapaakiyo.n ko Dho nahii.n saktii
vatan kii sham-e-aazaadii kabhii gul ho nahii.n saktii

Makhdoom Mohiuddin
Nazm

brake up

ta.alluq
tark karnaa hai
ta.alluq
tark
kar lenaa
magar
vaise nahii.n
jaise
zamaana
tark
kartaa hai
dilo.n me.n
farq
kartaa hai
vafaa ko
Garq kartaa hai.n
ta.alluq
tark karnaa hai
ta.alluq
tark kar lenaa
magar
ik mashvara sun lo
ise tum iltijaa samjho
tumhe.n bas itnaa
karnaa hai
ki is
anjaam se pahle
meraa aaGaaz dohraa do
mujhe phir mujh se milvaa do
tumhe.n bas itnaa
karnaa hai
mohabbat
ke mahiine kii
vahii taariiKH chunnii hai
vahii
ik vaqt
rakhnaa hai
vahii
kap.De pahan.ne hai.n
vahii
KHushbuu lagaanii hai
jo pahle din lagaa.ii thii
mohabbat kii
vo
pahlii
muskuraahaT
saath laanii hai
usii cafe me.n aanaa hai
usii Table ko chun.naa hai
vahii coffee ma.ngaanii hai
ki jo us din ma.ngaa.ii thii
chamak
aa.nkho.n me.n
vo hii ho
khanak
baato.n me.n
vo hii ho
hathelii par
usii andaaz me.n
meh.ndii rachaa lenaa
ki jo
us din rachaa.ii thii
suno jaanaa.n
mohabbat kaa
miraa pahlaa
lifaafa
vo gulaabii KHat
use tum saath le aanaa
tumhaaraa
KHat
ki jis ke rang
ab tak
huu-ba-huu vo hai.n
use mai.n saath laa.uu.ngaa
lifaafe ham
badal le.nge
ta.alluq
tark kar le.nge
usii din
kii tarah
cafe se jaate vaqt
mu.D kar dekh paa.o to
ye tum par chho.Dtaa huu.n mai.n
ta.alluq to.Dtaa huu.n mai.n
jahaa.n se
ibtidaa kii thii
vahii.n par
intihaa karnaa
ta.alluq
tark karnaa hai
ta.alluq
tark
kar lenaa
magar
vaise nahii.n
jaise
zamaana
tark
kartaa hai

Siraj Faisal Khan
Nazm

kale safed paron wala parinda aur meri ek sham

jab din Dhal jaataa hai, suuraj dhartii kii oT me.n ho jaataa hai
aur bhi.Do.n ke chhatte jaisii bhin-bhin
baazaaro.n kii garmii, afraa-tafrii
motor, bas, barqii railo.n kaa ha.ngaama tham jaataa hai
chaa.e-KHaano.n naach-gharo.n se kam-sin la.Dke
apne ham-sin maashuuqo.n ko
jin kii jinsii KHvaahish vaqt se pahle jaag uThii hai
le kar jaa chukte hai.n
ba.Dhtii phailtii uu.nchii himaala jaisii ta.amiiro.n par KHaamoshii chhaa jaatii hai
theater tafriih-gaaho.n me.n taale pa.D jaate hai.n
aur ba-zaahir duniyaa so jaatii hai
mai.n apne kamre me.n baiThaa sochaa kartaa huu.n
kutto.n kii dum Te.Dhii kyuu.n hotii hai
ye chitkabrii duniyaa jis kaa ko.ii bhii kirdaar nahii.n hai
ko.ii falsafa ko.ii paa.inda aqdaar nahii.n, me.aar nahii.n hai
is par ahl-e-daanish vidvaan, falsafii
moTii moTii adaq kitaabe.n kyuu.n likkhaa karte hai.n?
'furqat' kii maa.n ne shauhar ke marne par kitnaa kohraam machaayaa thaa
lekin iddat ke din puure hone se ik hafta pahle
'niilam' ke maamuu.n ke saath badaun jaa pahu.nchii thii
bii-bii kii sehnak ko.nDe faatiha-KHvaanii
ja.ng-e-siffiin, jamal aur badar ke qisso.n
siirat-e-nabvii tark-e-duniyaa aur maulvii-saahab ke halve maa.nDe me.n kyaa rishta hai?

Akhtarul Iman
Nazm

tark-e-mohabbat ke baad

Gair kii ho ke bhii tum merii mohabbat chaaho
is ghaTaa-Top a.ndhere me.n ye taare kaise
farsh par jis ko abhii tak na milii jaa.e panaah
arsh se chaa.nd kaa aivaan utaare kaise
jis kii raaho.n pe bhaTakte hu.e jag biite hai.n
phir usii dasht ko bad-baKHt sudhaare kaise
qaafile aa.e ga.e gard uThii baiTh ga.ii
ab musaafir ko ufuq par se ishaare kaise
jin kii taqdiir me.n thaa daaman-e-gulchii.n kaa mazaar
vo shaguufe to paraa.e hai.n hamaare kaise
pesh kar saktaa huu.n lekin tujhe bahlaane ko
chaa.ndnii-raat me.n machle hu.e ruumaan kii yaad
bed-e-majnuu.n ke tilismaat se pal-pal chhantii
aasmaano.n ko lapaktii hu.ii ik taan kii yaad
merii vaaraftagii-e-shauq kii sun kar ruudaad
tirii aa.nkho.n me.n damakte hu.e armaan kii yaad
dono.n chehro.n pe shafaq dono.n jabiino.n pe araq
dono.n siino.n me.n dha.Dakte hu.e haijaan kii yaad
kaun hai.n aap mirii ziist kii tanhaa.ii saathii
pahlii pahchaan kii yaad aaKHirii paimaan kii yaad

Ahmad Nadeem Qasmi
Nazm

junun-zat

ham junuu.n-zaat tire hukm pe nikle jaanaa.n
aise nikle hai.n ki shaayad hii palaT kar aa.e.n
dil ne ik KHvaab jo dekhaa to pukaaraa uTh ke
hukm utraa hai ki ghar-baar ko tanhaa chho.De.n
apnii vaadii se kisii dasht ko hijrat pak.De.n
apne baaGaat-o-chaman-zaar ko tanhaa chho.De.n
is se pahle ki rag-o-pai me.n siyaahii phaile
apne darbaar-e-tarab-zaar se baahar nikle.n
is se pahle ki shab-e-ziist kaa pahluu badle
raahate.n tark kare.n aur safar par nikle.n
aur jab raah talaashe.n to safar me.n aise
ki qadam dard ke maaro.n ke havaale kar de.n
apne haatho.n ko yatiimo.n ke saro.n par rakh de.n
apnii aa.nkho.n ko bichaaro.n ke havaale kar de.n
itnaa sun.naa thaa ki bas raKHt-e-mohabbat baa.ndhaa
apne andar kii kuduurat ke daro.n ko to.Daa
apnii KHvaahish-zada ‘aadaat pe taale Daale
apnii KHud-Garz tamannaa.o.n ko piichhe chho.Daa
aur hamraah tire pyaar parinde le kar
apne haatho.n me.n tirii chaah kii sham'e.n thaame
apne ho.nTo.n pe tire dard ke naGme le kar
apne maathe pe tire shauq kaa sahraa baa.ndhe
ham junuu.n-zaat tire hukm pe KHud se nikle
aise nikle hai.n ki shaayad hii palaT kar aa.e.n

Arslan Abbas
Nazm

allahabad se

allahabad me.n har-suu hai.n charche
ki dillii kaa sharaabii aa gayaa hai
ba-sad aavaargii yaa sad tabaahii
ba-sad KHaana-KHaraabii aa gayaa hai
gulaabii laa.o chhalkaa.o lu.nDhaa.o
ki shaidaa-e-gulaabii aa gayaa hai
nigaaho.n me.n KHumaar-e-baada le kar
nigaaho.n kaa sharaabii aa gayaa hai
vo sarkash rahzan-e-aivaan-e-KHuubaa.n
ba-azm-e-baaryaabii aa gayaa hai
vo rusvaa-e-jahaa.n naakaam-e-dauraa.n
ba-zo.am-e-kaamyaabii aa gayaa hai
butaan-e-naaz-farmaa se ye kah do
ki ik tark-e-shahaabii aa gayaa hai
navaa-sanjaan-e-sa.ngam ko bataa do
hariif-e-faaryaabii aa gayaa hai
yahaa.n ke shahr yaaro.n ko KHabar do
ki mard-e-inqilaabii aa gayaa hai

Asrarul Haq Majaz
Nazm

gautam-budh

raaj chho.Daa baadshaahat kii ummiide.n tark kii.n
ho gayaa betaab dil ruuh-e-haqiiqat ke liye

Maikash Akbarabadi
Nazm

kaun rok sakta hai

laakh zabt-e-KHvaahish ke
be-shumaar da.ave ho.n
us ko bhuul jaane ke
be-panah iraade ho.n
aur is mohabbat ko tark kar ke jiine kaa
faisla sunaane ko
kitne lafz soche ho.n
dil ko us kii aahaT par
barmalaa dha.Dakne se kaun rok saktaa hai
phir vafaa ke sahraa me.n
us ke narm lahje aur sogvaar aa.nkho.n kii
KHushbu.o.n ko chhuune kii
justujuu me.n rahne se
ruuh tak pighalne se
nange paa.nv chalne se
kaun rok saktaa hai
aa.nsu.o.n kii baarish me.n
chaahe dil ke haatho.n me.n
hijr ke musaafir ke
paa.nv tak bhii chhuu aa.o
jis ko lauT jaanaa ho
us ko duur jaane se
raasta badalne se
duur jaa nikalne se
kaun rok saktaa hai

Noshi Gilani
Nazm

main kyun bhul jaun

vo saa.nso.n kii tezii vo siine kii dha.Dkan
vo dono.n kaa chhup-chhup ke aa.nsuu bahaanaa
vo tajdiid-e-ulfat ke sau-sau bahaane
vo ik duusre se yuu.n hii ruuTh jaanaa
vo tark-e-mohabbat ke ilzaam de kar
kisii kaa kisii ko ha.nsii me.n rulaanaa
tuu hii mujh se kah de mai.n kyuu.n bhuul jaa.uu.n

Arsh Malsiyani
Nazm

nazr-e-Khaalida

chhe.D is andaaz se ai mutrib-e-ra.ngii.n-navaa
TuuT jaa.e aaj ik ik taar tere saaz kaa

Asrarul Haq Majaz
Nazm

saza

aaj rah rah ke ta.Daptaa huu.n na.ii baat hai kyaa
dil ne kyuu.n tark-e-mohabbat kii qasam khaa.ii hai
vo sitam laakh kare.n un kaa to sheva hai yahii
ishq kii tark-e-mohabbat me.n bhii rusvaa.ii hai
ab to jalte hu.e jiinaa hii pa.Degaa ai dil
''tuu ne KHud apne kiye kii ye sazaa paa.ii hai''

Baqar Mehdi
Nazm

darKHwast

ta.alluq is tarah to.Daa nahii.n karte
ki phir se jo.Dnaa dushvaar ho jaa.e
hayaat ik zahr me.n Duubii hu.ii talvaar ho jaa.e
mohabbat is tarah chho.Daa nahii.n karte
KHafaa hone kii rasme.n hai.n
biga.Dne ke tariiqe hai.n
rivaaj-o-rasm tark-e-dostii par sau kitaabe.n hai.n
likhaa hai jin me.n
rasta vaz.a-daarii kaa yuu.nhii chho.Daa nahii.n karte
ta.alluq is tarah to.Daa nahii.n karte
kabhii bulbul gulo.n kii KHaamushii se ruuTh jaatii hai
par agle saal
sab kuchh bhuul kar phir lauT aatii hai
agar paudo.n se paanii duur ho jaa.e
to ham-saaya daraKHto.n kii ja.Do.n ke haath
paiGaamaat jaate hai.n
mohabbat me.n sabhii ik duusre ko aazmaate hai.n
magar aisaa nahii.n karte
ki har ummiid har imkaan miT jaa.e
kahaa.n tak khii.nchnii hai Dor
ye andaaza rakhte hai.n
hamesha chaar-diivaarii me.n ik darvaaza rakhte hai.n
judaa.ii mustaqil ho jaa.e
to ye zindagii zindaan ho jaa.e
agar KHushbuu havaa.o.n se maraasim munqata.a kar le
to KHud me.n Duub kar be-jaan ho jaa.e

Hasan Shahnawaz Zaidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now