Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "test"

Nazm MATCHES FOR "test"

Nazm

tajarba-gah

do aa.nkho.n me.n
maazii haal aur mustaqbil ke KHvaab jagaa.e
ik tezaab se mujh ko andhaa kar ke
ik test-tube zaraa saa Te.Dhaa kar ke

Mushaf Iqbal Tausifi
Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha
Nazm

online aashiq

text me.n log mohabbat kii KHataa bhejte hai.n
ghar bataate nahii.n office kaa pataa bhejte hai.n

Khalid Irfan
Nazm

basant aur holi ki bahaar

ik aag sii lagaa.ii hai Tesuu ne phuul ke
kyaa zard zard phuul khile hai.n babuul ke

Ufuq Lakhnavi
Nazm

machhli ki bu

bistar me.n leTe leTe
us ne sochaa
''mai.n moTaa hotaa jaataa huu.n
kal mai.n apne niile suiT ko
alter karne
darzii ke haa.n de aa.uu.ngaa
nayaa suiT do-chaar mahiine baa'd sahii!
darzii kii duukaan se lag kar
jo hotel hai
us hotel kii
machhlii testy hotii hai
kal khaa.uu.ngaa
lekin machhlii kii buu saalii
haatho.n me.n bas jaatii hai
kal saabun bhii laanaa hai
ghar aate
letaa aa.uu.ngaa
ab ke ''yardley'' laa.uu.ngaa
office me.n kal kaam bahut hai
boss agar naaraaz hu.aa to
do din kii chhuTTii le luu.ngaa
aur agar mood hu.aa to
chhe ke show me.n
''raam-aur-shyaam'' bhii dekh aa.uu.n gaa
picture achchhii hai saalii
nau se baara
club ramii
do din se luck achchhaa hai
kal bhii saaTh ruupe jiitaa thaa
aaj bhii tiis ruupe jiitaa huu.n
aur ummiid hai
kal bhii jiit ke aa.uu.ngaa
bas ab nii.nd aa.e to achchhaa
kal bhii
jiit ke
nii.nd aa.e to
ikkaa-dukkii nahla-dahla
ii.nT kii begam
machhlii kii buu
taash ke patte
joker joker
suiT pahan kar
moTaa-tag.Daa joker....
itnaa bahut saa soch ke vo
soyaa thaa magar
phir na uThaa!!
duusre din jab
us kaa janaaza
darzii kii duukaan ke paas se guzraa to
hotel se machhlii kii buu
duur duur tak aa.ii thii!!!

Mohammad Alvi
Nazm

suno saheli

suno sahelii kahuu.n pahelii
hai jo ko.ii buujhe
socho samjho aur phir puuchho
agar tumhe.n naa suujhe
soch samajh kar kahnaa sun.naa
apnaa ek usuul
phuulo.n me.n hai sab se pyaaraa
bhalaa kaun saa phuul
sosan Tesuu kamal motiyaa
raat kii raanii champaa
na na suuraj-mukhii chamelii
din kaa raaja ge.ndaa
in kaa kyaa hai murjhaa.e.n to
KHaak bane.n yaa dhuul
kap.Daa ban kar jo tan Dhaa.nke
vo kapaas kaa phuul
dekh bhaal kar jaa.nch parakh kar
kahnaa sachchii baat
dhaato.n me.n hai ba.De kaam kii
bhalaa kaun sii dhaat
jis se bantii thaal kaTorii
gaagar piital taa.nbaa
jhaanjhar jhuumar jhumkaa ban ke
jhumke chaa.ndii sonaa
engine motor aur mashiine.n
jis ne kii.n iijaad
dhaato.n me.n hai sab se a.alaa
lohaa aur faulaad
andar baahar ek rahe jo
kabhii na badle bhes
duniyaa bhar me.n sab se pyaaraa
bhalaa kaun saa des
pyaar mohabbat aman shaa.ntii
jis dhartii kii shaan
sab se pyaaraa sab se nyaaraa
apnaa hindostaan

Unknown
Nazm

ek laDki ka git

jahaa.n chi.Diyaa.n ghanerii jhaa.Diyo.n me.n chahchahaatii ho.n
jahaa.n shaaKHo.n pe kaliyaa.n nit na.ii KHushbuu luTaatii ho.n
aur un par koyale.n kuu kuu ke miiThe giit gaatii ho.n
vahaa.n mai.n huu.n mirii ham-joliyaa.n ho.n aur jhuulaa ho
jahaa.n barsaat ke mausam me.n sabza lahlahaataa ho
havaa kii chhe.D se ek ek pattaa thartharaataa ho
jahaa.n chashmo.n kaa paanii narm lai me.n gungunaataa ho
vahaa.n mai.n huu.n merii ham-joliyaa.n ho.n aur jhuulaa ho
jahaa.n uu.nche pahaa.Do.n par ghaTaa.e.n ghir ke aatii ho.n
havaa kii god me.n niilam kii pariyaa.n muskuraatii ho.n
aur apne niilguu.n ho.nTo.n se motii me.n luTaatii ho.n
vahaa.n mai.n huu.n merii ham-joliyaa.n ho.n aur jhuulaa ho
jahaa.n nahro.n me.n bahtaa paanii motii saa chhalaktaa ho
jahaa.n chaaro.n taraf gulzaar me.n sabza lahaktaa ho
jahaa.n phuulo.n kii KHushbu.o.n se ban kaa ban mahaktaa ho
vahaa.n mai.n huu.n mirii ham-joliyaa.n ho.n aur jhuulaa ho
jahaa.n phuulo.n kii KHushbu.o.n se ban kaa ban mahaktaa ho
jahaa.n baaGo.n me.n aur kheto.n me.n har yaa dil lahaktaa ho
jahaa.n Tesuu ke ik ik phuul me.n sho.ala dahaktaa ho
vahaa.n mai.n huu.n mirii ham-joliyaa.n ho.n aur jhuulaa ho
jahaa.n aamo.n ke ho.n baaG aur ko.ii rakhvaalaa na ho hargiz
ko.ii kuttaa bhii maalii ne jahaa.n paalaa na ho hargiz
aur ammaa.n jii saa ko.ii dekhne vaalaa na ho hargiz
vahaa.n mai.n huu.n mirii ham-joliyaa.n ho.n aur jhuulaa ho
ilaahii mere dil kii aarzuu jaldii se puurii ho
vahaa.n le chal jahaa.n is fasl me.n jaanaa zaruurii ho
marii ho shimla ho solan ho dalhozii masuurii ho
vahaa.n mai.n huu.n mirii ham-joliyaa.n ho.n aur jhuulaa ho

Akhtar Shirani
Nazm

kirdar

kisii ke kirdaar ka me.aar
tum kis se tai karte ho
social media se tho.Dii na tai hogaa
kisii text ko laa.iq kar denaa
ye tho.Dii na tai kartaa hai
kisii ka kirdaar kaisaa hai
mai.n hamesha tumhaarii hii kahaanii huu.n
tumhaare pyaar kii tarjumaanii huu.n
baato.n kii gunjaa.ish bhii kam hotii hai
jahaa.n hote hai.n zaKHiire yaado.n ke
hote hai.n silsile shikaayato.n ke
ham jhaga.Dte hai har roz ek baar
par shaam tak rah nahii.n paate hai.n
bhale der se ho.n
samjhaute ho jaate hai.n

Abul Hashim Khan
Nazm

chait

koyal
mere shabdo.n ko tuu chhape-KHaane le jaa
vo aKHbaar to pa.Dhte ho.nge
pa.Dh ke KHabar mere marne kii
dau.De dau.De ghar aa.e.nge
Daakiye
tuu chiTThii ke bajaa.e aam mirii bagiyaa ke ab kii
un ke daftar le jaa
sab se chhupaa ke aam vo mere
haatho.n me.n bhar le.nge
phir kurte ke niiche, piichhe, siine ke jangal me.n un ko dubkaa le.nge
sukhii havaa.o!
ab kii jab tum un ke suhaane ghar se guzro
Tesuu ke kuchh phuul mahakte
un kii khi.Dkii pe rakh aanaa
raat ga.e jab aa.nkh me.n un kii
mere badan ke phuul jale.nge
ThanDe badan pe aag male.nge
jaldii jaldii khi.Dkii tak pahu.nche.nge
un pe jalte ho.nTo.n kaa ik chumban!
chait mahiine vaalaa chumban mahkaa de.nge!!

Salahuddin Parvez
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now