Sher on e'tibaar

va.ade kā e'tibār to hai vāqa.ī mujhe

ye aur baat hai ki hañsī aa ga.ī mujhe

wade ka e'tibar to hai waqai mujhe

ye aur baat hai ki hansi aa gai mujhe

'ālam' dil-e-asīr ko samjhā.ūñ kis tarah

kam-baḳht e'tibār ke qābil nahīñ hai vo

'alam' dil-e-asir ko samjhaun kis tarah

kam-baKHt e'tibar ke qabil nahin hai wo

baḌe pate kī batā.ūñ baḌe maze kī kahūñ

jo aap mujh pe kareñ e.atibār thoḌā sā

baDe pate ki bataun baDe maze ki kahun

jo aap mujh pe karen eatibar thoDa sa