Environment Shayari

jañgaloñ ko kaaT kar kaisā ġhazab ham ne kiyā

shahr jaisā ek ādam-ḳhor paidā kar liyā

jangalon ko kaT kar kaisa ghazab hum ne kiya

shahr jaisa ek aadam-KHor paida kar liya

Farhat Ehsas

aag jañgal meñ lagī hai duur dariyāoñ ke paar

aur koī shahr meñ phirtā hai ghabrāyā huā

aag jangal mein lagi hai dur dariyaon ke par

aur koi shahr mein phirta hai ghabraya hua

Zafar Iqbal

jañgal jañgal aag lagī hai dariyā dariyā paanī hai

nagrī nagrī thaah nahīñ hai log bahut ghabrā.e haiñ

jangal jangal aag lagi hai dariya dariya pani hai

nagri nagri thah nahin hai log bahut ghabrae hain

Jameel Azimabadi

Related Tags