Sher on Qaid

shajar kī yaad rulātī hī thī magar ab to

jo āshiyāñ ke barābar thā vo qafas bhī gayā

shajar ki yaad rulati hi thi magar ab to

jo aashiyan ke barabar tha wo qafas bhi gaya

gaah ho jaatā huuñ maiñ apnī anā kā qaidī

maiñ na aa.uuñ to phir aa kar mujhe chhuḌvā.egā

gah ho jata hun main apni ana ka qaidi

main na aaun to phir aa kar mujhe chhuDwaega

qaid-e-āvārgī-e-jāñ hī bahut hai mujh ko

ek dīvār mirī ruuh ke andar na banā

qaid-e-awargi-e-jaan hi bahut hai mujh ko

ek diwar meri ruh ke andar na bana

zindagānī asiir karne ko

gesuoñ kā ye jaal achchhā hai

zindagani asir karne ko

gesuon ka ye jal achchha hai

ḳhat-o-kākul-o-zulf-o-andāz-o-nāz

huiiñ dām-e-rah sad-giraftāriyāñ

KHat-o-kakul-o-zulf-o-andaz-o-naz

huin dam-e-rah sad-giraftariyan