Saya Shayari

Only those who suffer the scorching rays of the blazing sun know the significance of shade. Shade is both a physical condition as well as a metaphor of pleasure and protection which stands in opposition to the sun, or such other sources that bring pain and suffering. This selection of shers on shade will bring to you a variety of experiences that you would enjoy when you go through them.

peḌ ke kāTne vāloñ ko ye mālūm to thā

jism jal jā.eñge jab sar pe na saaya hogā

peD ke kaTne walon ko ye malum to tha

jism jal jaenge jab sar pe na saya hoga

Kaifi Azmi

koī tasvīr mukammal nahīñ hone paatī

dhuup dete haiñ to saayā nahīñ rahne dete

koi taswir mukammal nahin hone pati

dhup dete hain to saya nahin rahne dete

Ahmad Mushtaq

ajiib sāneha mujh par guzar gayā yaaro

maiñ apne saa.e se kal raat Dar gayā yaaro

ajib saneha mujh par guzar gaya yaro

main apne sae se kal raat Dar gaya yaro

Shahryar

kab dhuup chalī shaam Dhalī kis ko ḳhabar hai

ik umr se maiñ apne saa.e meñ khaḌā huuñ

kab dhup chali sham Dhali kis ko KHabar hai

ek umr se main apne hi sae mein khaDa hun

Akhtar Hoshiyarpuri

āsmāñ ek sulagtā huā sahrā hai jahāñ

DhūñDhtā phirtā hai ḳhud apnā saayā sūraj

aasman ek sulagta hua sahra hai jahan

DhunDhta phirta hai KHud apna hi saya suraj

Azad Gulati

log kahte haiñ ki saayā tire paikar nahīñ

maiñ to kahtā huuñ zamāne pe hai saayā terā

log kahte hain ki saya tere paikar ka nahin

main to kahta hun zamane pe hai saya tera

Ahmad Nadeem Qasmi

zindagī dhuup meñ aane se khulī

saaya dīvār uThāne se khulā

zindagi dhup mein aane se khuli

saya diwar uThane se khula

Kashif Husain Ghair

zarā ye dhuup Dhal jaa.e to un haal pūchheñge

yahāñ kuchh saa.e apne aap ko paikar batāte haiñ

zara ye dhup Dhal jae to un ka haal puchhenge

yahan kuchh sae apne aap ko paikar batate hain

Khushbir Singh Shaad

vo mire saath hai saa.e tarah

dil zid hai ki nazar bhī aa.e

wo mere sath hai sae ki tarah

dil ki zid hai ki nazar bhi aae

Mahmood Ayaz

dhuup baḌhte judā ho jā.egā

sāya-e-dīvār bhī dīvār se

dhup baDhte hi juda ho jaega

saya-e-diwar bhi diwar se

Bahram Tariq

is dasht-e-suḳhan meñ koī kyā phuul khilā.e

chamkī jo zarā dhuup to jalne lage saa.e

is dasht-e-suKHan mein koi kya phul khilae

chamki jo zara dhup to jalne lage sae

Himayat Ali Shayar

ham ek fikr ke paikar haiñ ik ḳhayāl ke phuul

tirā vajūd nahīñ hai to merā saayā nahīñ

hum ek fikr ke paikar hain ek KHayal ke phul

tera wajud nahin hai to mera saya nahin

Farigh Bukhari

raushnī meñ apnī shaḳhsiyat pe jab bhī sochnā

apne qad ko apne saa.e se bhī kam-tar dekhnā

raushni mein apni shaKHsiyat pe jab bhi sochna

apne qad ko apne sae se bhi kam-tar dekhna

Himayat Ali Shayar

dhuup bolī ki maiñ ābā.ī vatan huuñ terā

maiñ ne phir sāya-e-dīvār ko zahmat nahīñ

dhup boli ki main aabai watan hun tera

main ne phir saya-e-diwar ko zahmat nahin di

Farhat Ehsas

vo aur hoñge jo kār-e-havas pe zinda haiñ

maiñ us dhuup se saaya badal ke aayā huuñ

wo aur honge jo kar-e-hawas pe zinda hain

main us ki dhup se saya badal ke aaya hun

Akbar Masoom

dhuup saa.e tarah phail ga.ī

in daraḳhtoñ duā lene se

dhup sae ki tarah phail gai

in daraKHton ki dua lene se

Kashif Husain Ghair

vo tapish hai ki jal uThe saa.e

dhuup rakkhī thī sā.ebān meñ kyā

wo tapish hai ki jal uThe sae

dhup rakkhi thi saeban mein kya

Khalida Uzma

rishte naate TuuTe phūTe lage haiñ

jab bhī apnā saaya saath nahīñ hotā

rishte nate TuTe phuTe lage hain

jab bhi apna saya sath nahin hota

Hanif Tarin

dhuup javānī yārāna apnī jagah

thak jaatā hai jism to saaya māñgtā hai

dhup jawani ka yarana apni jagah

thak jata hai jism to saya mangta hai

Ejaz Gul

yāroñ ne merī raah meñ dīvār khīñch kar

mash.hūr kar diyā ki mujhe saaya chāhiye

yaron ne meri rah mein diwar khinch kar

mashhur kar diya ki mujhe saya chahiye

Ghulam Murtaza Rahi

zāviya dhuup ne kuchh aisā banāyā hai ki ham

saa.e ko jism jumbish se judā dekhte haiñ

zawiya dhup ne kuchh aisa banaya hai ki hum

sae ko jism ki jumbish se juda dekhte hain

Asim Wasti

kisī raah meñ aane ye bhī sūrat hai

ki saaya ke liye dīvār ho liyā jaa.e

kisi ki rah mein aane ki ye bhi surat hai

ki saya ke liye diwar ho liya jae

Ghulam Murtaza Rahi

saaya bhī saath chhoḌ gayā ab to ai 'asar'

phir kis liye maiñ aaj ko kal se judā karūñ

saya bhi sath chhoD gaya ab to ai 'asar'

phir kis liye main aaj ko kal se juda karun

Asar Akbarabadi

sabhī insāñ farishte ho ga.e haiñ

kisī dīvār meñ saaya nahīñ hai

sabhi insan farishte ho gae hain

kisi diwar mein saya nahin hai

Bimal Krishn Ashk

vo vahshī is qadar bhaḌkā hai sūrat se mire yaaro

ki apne dekh saa.e ko mujhe hamrāh jaane hai

wo wahshi is qadar bhaDka hai surat se mere yaro

ki apne dekh sae ko mujhe hamrah jaane hai

Shaikh Zahuruddin Hatim