mirī zabān ke mausam badalte rahte haiñ

maiñ aadmī huuñ mirā e'tibār mat karnā

meri zaban ke mausam badalte rahte hain

main aadmi hun mera e'tibar mat karna

tez itnā hī agar chalnā hai tanhā jaao tum

baat puurī bhī na hogī aur ghar aa jā.egā

tez itna hi agar chalna hai tanha jao tum

baat puri bhi na hogi aur ghar aa jaega

ajiib shor machāne lage haiñ sannāTe

ye kis tarah kī ḳhamoshī har ik sadā meñ hai

ajib shor machane lage hain sannaTe

ye kis tarah ki KHamoshi har ek sada mein hai

tirī zamīn pe kartā rahā huuñ mazdūrī

hai sūkhne ko pasīna muāvza hai kahāñ

teri zamin pe karta raha hun mazduri

hai sukhne ko pasina muawza hai kahan

intihā.ī hasīn lagtī hai

jab vo kartī hai ruuTh kar bāteñ

intihai hasin lagti hai

jab wo karti hai ruTh kar baaten