Sher on Urdu Poetry

niiñd aa jaa.e to phir dhuup na saaya koī

paañv thak jaa.eñ to pardes bhī ghar lagtā hai

nind aa jae to phir dhup na saya koi

panw thak jaen to pardes bhi ghar lagta hai

ham hī the saḳht-jāñ ki tire ġham meñ jī liye

har har nafas pe dil ne ye āvāz dī ki bas

hum hi the saKHt-jaan ki tere gham mein ji liye

har har nafas pe dil ne ye aawaz di ki bas

ḳhvāb āñkhoñ se zabāñ se har kahānī le gayā

muḳhtasar ye hai vo merī zindagānī le gayā

KHwab aankhon se zaban se har kahani le gaya

muKHtasar ye hai wo meri zindagani le gaya

ye kitāboñ sī jo hathelī hai

sab se mushkil yahī pahelī hai

ye kitabon si jo hatheli hai

sab se mushkil yahi paheli hai

karishmā-sāzi-e-husn-e-azal are tauba

mirā hī ā.īna mujh ko dikhā ke luuT liyā

karishma-sazi-e-husn-e-azal are tauba

mera hi aaina mujh ko dikha ke luT liya

terī ḳhātir tirā dil rakhne ko maiñ ne mire dost

qatra-e-ḳhūñ ko jamāyā jigar ījād kiyā

teri KHatir tera dil rakhne ko main ne mere dost

qatra-e-KHun ko jamaya jigar ijad kiya

gunāhgār sahī phir bhī mere hisse kā

tirī taraf jo nikaltā hai vo savāb to de

gunahgar sahi phir bhi mere hisse ka

teri taraf jo nikalta hai wo sawab to de