gard ā.inoñ kī chāroñ taraf hai jamī huī

'ālam 'ajīb shīsha-garī kī dukān hai

gard aainon ki chaaron taraf hai jami hui

'alam 'ajib shisha-gari ki dukan hai

ghar palaT kar jo mirī raushan-ḳhayālī aa.ī hai

shor hai shahr-e-suḳhan meñ phir divālī aa.ī hai

ghar palaT kar jo meri raushan-KHayali aai hai

shor hai shahr-e-suKHan mein phir diwali aai hai

ham dil hī dil meñ us pe uThā lete kuchh savāl

lekin ġhuyūb meñ bhī vo hāzir-javāb hai

hum dil hi dil mein us pe uTha lete kuchh sawal

lekin ghuyub mein bhi wo hazir-jawab hai

'ishq ik dam kar diyā us ne halāl

haath jis ġhusse se jhaTkā hai abhī

'ishq ek dam kar diya us ne halal

hath jis ghusse se jhaTka hai abhi

kabhī maiñ ban na sakā laakh koshishoñ ke baa'd

magar jo banñe lagā phir to bār-bār banā

kabhi main ban na saka lakh koshishon ke ba'd

magar jo banne laga phir to bar-bar bana