بیسٹ سگریٹ شاعری

اب ماحصل حیات کا بس یہ ہے اے سلامؔ

سگریٹ جلائی شعر کہے شادماں ہوئے

سگریٹ جسے سلگتا ہوا کوئی چھوڑ دے

اس کا دھواں ہوں اور پریشاں دھواں ہوں میں

ہم دو بندے ہیں اور سگریٹ ایک

اب خبر ہوگی دوستی کی دوست

ہوئے ختم سگریٹ اب کیا کریں ہم

ہے پچھلا پہر رات کے دو بجے ہیں

پہلی سگریٹ پہلا خواب اور پہلا عشق

ان تینوں میں ایک بھی مجھ کو یاد نہیں

رشتوں کو جب دھوپ دکھائی جاتی ہے

سگریٹ سے سگریٹ سلگائی جاتی ہے

ایک دن اس کو منہ لگایا اور

اور سگریٹ چھوڑ دی میں نے

ہمارے سانس بھی لے کر نہ بچ سکے افضل

یہ خاکدان میں دم توڑتے ہوئے سگریٹ

نہیں تھا دھیان کوئی توڑتے ہوئے سگریٹ

میں تجھ کو بھول گیا چھوڑتے ہوئے سگریٹ

سارا غصہ اب بس اس کام آتا ہے

ہم اس سے سگریٹ سلگایا کرتے ہیں