Best Dariyadil Shayari
dekhe jo merī nekī ko shak kī nigāh se
vo aadmī bhī to mire andar hai kyā karūñ
dekhe jo meri neki ko shak ki nigah se
wo aadmi bhi to mere andar hai kya karun
ye mohabbat bhī ek nekī hai
is ko dariyā meñ Daal aate haiñ
ye mohabbat bhi ek neki hai
is ko dariya mein Dal aate hain
-
Tags : Ishqand 1 more
apnī mastī meñ bahtā dariyā huuñ
maiñ kināra bhī huuñ bhañvar bhī huuñ
apni masti mein bahta dariya hun
main kinara bhi hun bhanwar bhi hun
vo jo lailā hai mire dil meñ sune us kā jo shor
qais nikle gor se bāhar kafan ko chīr-phāḌ
wo jo laila hai mere dil mein sune us ka jo shor
qais nikle gor se bahar kafan ko chir-phaD
izzat kā hai na auj na nekī kī mauj hai
hamla hai apnī qaum pe lafzoñ kī fauj hai
izzat ka hai na auj na neki ki mauj hai
hamla hai apni qaum pe lafzon ki fauj hai
nekī ik din kaam aatī hai ham ko kyā samjhāte ho
ham ne be-bas marte dekhe kaise pyāre pyāre log
neki ek din kaam aati hai hum ko kya samjhate ho
hum ne be-bas marte dekhe kaise pyare pyare log
ham apnī nekī samajhte to haiñ tujhe lekin
shumār nāma-e-a.amāl meñ nahīñ karte
hum apni neki samajhte to hain tujhe lekin
shumar nama-e-amal mein nahin karte
aaj phir mujh se kahā dariyā ne
kyā irāda hai bahā le jā.ūñ
aaj phir mujh se kaha dariya ne
kya irada hai baha le jaun
-
Tag : Dariya