Sher on Ishq

ishq ko dījiye junūñ meñ faroġh

dard se dard kī davā kījiye

ishq ko dijiye junun mein farogh

dard se dard ki dawa kijiye

kyā jazb-e-ishq mujh se ziyāda thā ġhair meñ

us kā habīb us se judā kyuuñ nahīñ huā

kya jazb-e-ishq mujh se ziyaada tha ghair mein

us ka habib us se juda kyun nahin hua

mujhe gum-shuda dil kā ġham hai to ye hai

ki is meñ bharī thī mohabbat kisī kī

mujhe gum-shuda dil ka gham hai to ye hai

ki is mein bhari thi mohabbat kisi ki

jise ishq kā tiir kaarī lage

use zindagī kyuuñ na bhārī lage

jise ishq ka tir kari lage

use zindagi kyun na bhaari lage

na vo sūrat dikhāte haiñ na milte haiñ gale aa kar

na āñkheñ shaad hotīñ haiñ na dil masrūr hotā hai

na wo surat dikhate hain na milte hain gale aa kar

na aankhen shad hotin hain na dil masrur hota hai

tū ne hī to chāhā thā ki miltā rahūñ tujh se

terī yahī marzī hai to achchhā nahīñ miltā

tu ne hi to chaha tha ki milta rahun tujh se

teri yahi marzi hai to achchha nahin milta

kabhī qarīb kabhī duur ho ke rote haiñ

mohabbatoñ ke bhī mausam ajiib hote haiñ

kabhi qarib kabhi dur ho ke rote hain

mohabbaton ke bhi mausam ajib hote hain

marnā to bahut sahal sī ik baat lage hai

jiinā hī mohabbat meñ karāmāt lage hai

marna to bahut sahal si ek baat lage hai

jina hi mohabbat mein karamat lage hai

ain dānā.ī hai 'nāsiḳh' ishq meñ dīvāngī

aap saudā.ī haiñ jo kahte haiñ saudā.ī mujhe

ain danai hai 'nasiKH' ishq mein diwangi

aap saudai hain jo kahte hain saudai mujhe

ik lafz-e-mohabbat kā adnā ye fasānā hai

simTe to dil-e-āshiq phaile to zamāna hai

ek lafz-e-mohabbat ka adna ye fasana hai

simTe to dil-e-ashiq phaile to zamana hai

ishq meñ maut kā naam hai zindagī

jis ko jiinā ho marnā gavārā kare

ishq mein maut ka nam hai zindagi

jis ko jina ho marna gawara kare

vo ek hī chehra to nahīñ saare jahāñ meñ

jo duur hai vo dil se utar kyuuñ nahīñ jaatā

wo ek hi chehra to nahin sare jahan mein

jo dur hai wo dil se utar kyun nahin jata

na jaane kaun sī manzil pe ishq aa pahuñchā

duā bhī kaam na aa.e koī davā na lage

na jaane kaun si manzil pe ishq aa pahuncha

dua bhi kaam na aae koi dawa na lage

tum mujhe chhoḌ ke jāoge to mar jā.ūñgā

yuuñ karo jaane se pahle mujhe pāgal kar do

tum mujhe chhoD ke jaoge to mar jaunga

yun karo jaane se pahle mujhe pagal kar do

uThā.e phirtā rahā maiñ bahut mohabbat ko

phir ek din yūñhī sochā ye kyā musībat hai

uThae phirta raha main bahut mohabbat ko

phir ek din yunhi socha ye kya musibat hai

vahī kārvāñ vahī rāste vahī zindagī vahī marhale

magar apne apne maqām par kabhī tum nahīñ kabhī ham nahīñ

wahi karwan wahi raste wahi zindagi wahi marhale

magar apne apne maqam par kabhi tum nahin kabhi hum nahin

jo kuchh paḌtī hai sar par sab uThātā hai mohabbat meñ

jahāñ dil aa gayā phir aadmī majbūr hotā hai

jo kuchh paDti hai sar par sab uThata hai mohabbat mein

jahan dil aa gaya phir aadmi majbur hota hai

bārhā un se na milne kī qasam khātā huuñ maiñ

aur phir ye baat qasdan bhuul bhī jaatā huuñ maiñ

barha un se na milne ki qasam khata hun main

aur phir ye baat qasdan bhul bhi jata hun main

ishq phir ishq hai āshufta-sarī māñge hai

hosh ke daur meñ bhī jāma-darī māñge hai

ishq phir ishq hai aashufta-sari mange hai

hosh ke daur mein bhi jama-dari mange hai

mohabbat soz bhī hai saaz bhī hai

ḳhamoshī bhī hai ye āvāz bhī hai

mohabbat soz bhi hai saz bhi hai

KHamoshi bhi hai ye aawaz bhi hai

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

sar diije rāh-e-ishq meñ par muñh na moḌiye

patthar kī sī lakīr hai ye koh-kan kī baat

sar dije rah-e-ishq mein par munh na moDiye

patthar ki si lakir hai ye koh-kan ki baat

aadmī jaan ke khātā hai mohabbat meñ fareb

ḳhud-farebī hī mohabbat kā sila ho jaise

aadmi jaan ke khata hai mohabbat mein fareb

KHud-farebi hi mohabbat ka sila ho jaise

mirā dil TuuT jaane par miyāñ hairat bhalā kaisī

agar rasta badal jaa.e sitāre TuuT jaate haiñ

mera dil TuT jaane par miyan hairat bhala kaisi

agar rasta badal jae sitare TuT jate hain

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

zindagī bhar ke liye ruuTh ke jaane vaale

maiñ abhī tak tirī tasvīr liye baiThā huuñ

zindagi bhar ke liye ruTh ke jaane wale

main abhi tak teri taswir liye baiTha hun

maiñ to suntā huuñ tumheñ bhī hai mohabbat mujh se

sach kaho tum ko mire sar kī qasam hai ki nahīñ

main to sunta hun tumhein bhi hai mohabbat mujh se

sach kaho tum ko mere sar ki qasam hai ki nahin

mujh se tū pūchhne aayā hai vafā ke ma.anī

ye tirī sāda-dilī maar na Daale mujh ko

mujh se tu puchhne aaya hai wafa ke mani

ye teri sada-dili mar na Dale mujh ko

nafrat se mohabbat ko sahāre bhī mile haiñ

tūfān ke dāman meñ kināre bhī mile haiñ

nafrat se mohabbat ko sahaare bhi mile hain

tufan ke daman mein kinare bhi mile hain

jī chāhegā jis ko use chāhā na kareñge

ham ishq o havas ko kabhī yakjā na kareñge

ji chahega jis ko use chaha na karenge

hum ishq o hawas ko kabhi yakja na karenge

ishq hī ishq hai jahāñ dekho

saare aalam meñ bhar rahā hai ishq

ishq hi ishq hai jahan dekho

sare aalam mein bhar raha hai ishq

mujhe ishtihār sī lagtī haiñ ye mohabbatoñ kī kahāniyāñ

jo kahā nahīñ vo sunā karo jo sunā nahīñ vo kahā karo

mujhe ishtihaar si lagti hain ye mohabbaton ki kahaniyan

jo kaha nahin wo suna karo jo suna nahin wo kaha karo

ishq vaj.h-e-zindagī bhī dushman-e-jānī bhī hai

ye nadī pāyāb bhī hai aur tūfānī bhī hai

ishq wajh-e-zindagi bhi dushman-e-jaani bhi hai

ye nadi payab bhi hai aur tufani bhi hai

vaise to tumhīñ ne mujhe barbād kiyā hai

ilzām kisī aur ke sar jaa.e to achchhā

waise to tumhin ne mujhe barbaad kiya hai

ilzam kisi aur ke sar jae to achchha

shāyad isī kā naam mohabbat hai 'sheftā'

ik aag sī hai siine ke andar lagī huī

shayad isi ka nam mohabbat hai 'shefta'

ek aag si hai sine ke andar lagi hui

husn hai kāfir banāne ke liye

ishq hai īmān laane ke liye

husn hai kafir banane ke liye

ishq hai iman lane ke liye

yuuñ mohabbat se jo chāhe koī apnā kar le

jo hamārā na ho us ke kahīñ ham hote haiñ

yun mohabbat se jo chahe koi apna kar le

jo hamara na ho us ke kahin hum hote hain

husn o ishq kī laag meñ aksar chheḌ udhar se hotī hai

sham.a kī sho.ala jab lahrā.ī uḌ ke chalā parvāna bhī

husn o ishq ki lag mein aksar chheD udhar se hoti hai

shama ki shoala jab lahrai uD ke chala parwana bhi

jab huā zikr zamāne meñ mohabbat kā 'shakīl'

mujh ko apne dil-e-nākām pe ronā aayā

jab hua zikr zamane mein mohabbat ka 'shakil'

mujh ko apne dil-e-nakaam pe rona aaya

thā baḌā ma.arka mohabbat kā

sar kiyā maiñ ne de ke sar apnā

tha baDa marka mohabbat ka

sar kiya main ne de ke sar apna

jī chāhtā hai us but-e-kāfir ke ishq meñ

tasbīh toḌ Dāliye zunnār dekh kar

ji chahta hai us but-e-kafir ke ishq mein

tasbih toD Daliye zunnar dekh kar

ishq hai tarz o taur ishq ke ta.iiñ

kahīñ banda kahīñ ḳhudā hai ishq

ishq hai tarz o taur ishq ke tain

kahin banda kahin KHuda hai ishq

mujhe ab tum se Dar lagne lagā hai

tumheñ mujh se mohabbat ho ga.ī kyā

mujhe ab tum se Dar lagne laga hai

tumhein mujh se mohabbat ho gai kya

mohabbat ke ādāb sīkho zarā

use jaan kah kar pukārā karo

mohabbat ke aadab sikho zara

use jaan kah kar pukara karo

ishq jab tak na kar chuke rusvā

aadmī kaam kā nahīñ hotā

ishq jab tak na kar chuke ruswa

aadmi kaam ka nahin hota

maiñ ne din raat ḳhudā se ye duā māñgī thī

koī aahaT na ho dar par mire jab tū aa.e

main ne din raat KHuda se ye dua mangi thi

koi aahaT na ho dar par mere jab tu aae

tumhāre shahr kā mausam baḌā suhānā lage

maiñ ek shaam churā luuñ agar burā na lage

tumhaare shahr ka mausam baDa suhana lage

main ek sham chura lun agar bura na lage

ishq bahrūp thā jo chashm o dil o sar meñ rahā

kahīñ hairat kahīñ vahshat kahīñ saudā ban kar

ishq bahrup tha jo chashm o dil o sar mein raha

kahin hairat kahin wahshat kahin sauda ban kar

ishq meñ bū hai kibriyā.ī kī

āshiqī jis ne kī ḳhudā.ī kī

ishq mein bu hai kibriyai ki

aashiqi jis ne ki KHudai ki

log kahte haiñ ki tum se hī mohabbat hai mujhe

tum jo kahte ho ki vahshat hai to vahshat hogī

log kahte hain ki tum se hi mohabbat hai mujhe

tum jo kahte ho ki wahshat hai to wahshat hogi