Best Mubaarak Shayari

ye jannat mubārak rahe zāhidoñ ko

ki maiñ aap kā sāmnā chāhtā huuñ

ye jannat mubarak rahe zahidon ko

ki main aap ka samna chahta hun

hasīn chehre kī tābindagī mubārak ho

tujhe ye sāl-girah kī ḳhushī mubārak ho

hasin chehre ki tabindagi mubarak ho

tujhe ye sal-girah ki KHushi mubarak ho

ye adā-e-be-niyāzī tujhe bevafā mubārak

magar aisī be-ruḳhī kyā ki salām tak na pahuñche

ye ada-e-be-niyazi tujhe bewafa mubarak

magar aisi be-ruKHi kya ki salam tak na pahunche

shahr ḳhālī hai kise eid mubārak kahiye

chal diye chhoḌ ke makka bhī madīna vaale

shahr KHali hai kise eid mubarak kahiye

chal diye chhoD ke makka bhi madina wale

aaj yāroñ ko mubārak ho ki sub.h-e-eid hai

raag hai mai hai chaman hai dilrubā hai diid hai

aaj yaron ko mubarak ho ki subh-e-eid hai

rag hai mai hai chaman hai dilruba hai did hai

shaiḳh ko jannat mubārak ham ko dozaḳh hai qubūl

fikr-e-uqbā vo kareñ ham ḳhidamt-e-dunyā kareñ

shaiKH ko jannat mubarak hum ko dozaKH hai qubul

fikr-e-uqba wo karen hum KHidamt-e-dunya karen

phir na darmāñ kā kabhī naam 'mubārak' lenā

kufr hai dard-e-mohabbat kā mudāvā karnā

phir na darman ka kabhi nam 'mubarak' lena

kufr hai dard-e-mohabbat ka mudawa karna

zāhidā zohd-o-riyāzat ho mubārak tujh ko

kyuuñ ki taqvā se miyāñ merī to bahbūd nahīñ

zahida zohd-o-riyazat ho mubarak tujh ko

kyun ki taqwa se miyan meri to bahbud nahin