Best Pyaar Shayari

jaise koī rotā hai gale pyaar se lag kar

kal raat maiñ royā tirī dīvār se lag kar

jaise koi rota hai gale pyar se lag kar

kal raat main roya teri diwar se lag kar

na jaane kaun sī manzil pe aa pahuñchā hai pyaar apnā

na ham ko e'tibār apnā na un ko e'tibār apnā

na jaane kaun si manzil pe aa pahuncha hai pyar apna

na hum ko e'tibar apna na un ko e'tibar apna

pyaar ke bandhan ḳhuun ke rishte TuuT ga.e ḳhvāboñ kī tarah

jāgtī āñkheñ dekh rahī thiiñ kyā kyā kārobār hue

pyar ke bandhan KHun ke rishte TuT gae KHwabon ki tarah

jagti aankhen dekh rahi thin kya kya karobar hue

pyaar hī pyaar hai sab log barābar haiñ yahāñ

mai-kade meñ koī chhoTā na baḌā jaam uThā

pyar hi pyar hai sab log barabar hain yahan

mai-kade mein koi chhoTa na baDa jam uTha

pyaar apne pe jo aatā hai to kyā karte haiñ

ā.īna dekh ke muñh chuum liyā karte haiñ

pyar apne pe jo aata hai to kya karte hain

aaina dekh ke munh chum liya karte hain

pyaar kī bāteñ kījiye sāhab

lutf sohbat kā guftugū se hai

pyar ki baaten kijiye sahab

lutf sohbat ka guftugu se hai

pyaar gayā to kaise milte rañg se rañg aur ḳhvāb se ḳhvāb

ek mukammal ghar ke andar har tasvīr adhūrī thī

pyar gaya to kaise milte rang se rang aur KHwab se KHwab

ek mukammal ghar ke andar har taswir adhuri thi

pyaar karne bhī na paayā thā ki rusvā.ī milī

jurm se pahle hī mujh ko sañg-e-ḳhamyāza lagā

pyar karne bhi na paya tha ki ruswai mili

jurm se pahle hi mujh ko sang-e-KHamyaza laga

chakh liyā us ne pyaar thoḌā sā

aur phir zahr kar diyā hai mujhe

chakh liya us ne pyar thoDa sa

aur phir zahr kar diya hai mujhe

pyaar kī aañkh se dushman ko bhī jo dekhte haiñ

ham ne aise bhī haiñ allāh ke pyāre dekhe

pyar ki aankh se dushman ko bhi jo dekhte hain

hum ne aise bhi hain allah ke pyare dekhe