Best Qatl Shayari
apnī galī meñ mujh ko na kar dafn bād-e-qatl
mere pate se ḳhalq ko kyuuñ terā ghar mile
In your street, do not inter me, when I cease to be
Why should people find your house when they look for me
apni gali mein mujh ko na kar dafn baad-e-qatl
mere pate se KHalq ko kyun tera ghar mile
In your street, do not inter me, when I cease to be
Why should people find your house when they look for me
kisī ġharīb ko zaḳhmī kareñ ki qatl kareñ
nigāh-e-nāz pe jurmāne thoḌī hote haiñ
kisi gharib ko zaKHmi karen ki qatl karen
nigah-e-naz pe jurmane thoDi hote hain
hamāre qatl se qātil ko tajraba ye huā
lahū lahū bhī hai mehñdī bhī hai sharāb bhī hai
hamare qatl se qatil ko tajraba ye hua
lahu lahu bhi hai mehndi bhi hai sharab bhi hai
is salīqe se mujhe qatl kiyā hai us ne
ab bhī duniyā ye samajhtī hai ki zinda huuñ maiñ
is saliqe se mujhe qatl kiya hai us ne
ab bhi duniya ye samajhti hai ki zinda hun main
baat karte vo qatl kartā hai
baat bhī jis se kī nahīñ jaatī
baat karte wo qatl karta hai
baat bhi jis se ki nahin jati
amn kā qatl ho gayā jab se
shahr ab bad-havās rahtā hai
amn ka qatl ho gaya jab se
shahr ab bad-hawas rahta hai
-
Tag : Peace
jaise sajde meñ qatl ho koī
aisā hotā hai chāhatoñ kā mazā
jaise sajde mein qatl ho koi
aisa hota hai chahaton ka maza
kī mire ba.ad qatl se tauba
āḳhirī tiir thā kamān meñ kyā
ki mere baad qatl se tauba
aaKHiri tir tha kaman mein kya
mire qatl par tum ne biiḌā uThāyā
mire haath kā paan khāyā to hotā
mere qatl par tum ne biDa uThaya
mere hath ka pan khaya to hota
-
Tag : Paan
