Best Zaroorat Shayari

ab to ḳhud apnī zarūrat bhī nahīñ hai ham ko

vo bhī din the ki kabhī terī zarūrat ham the

ab to KHud apni zarurat bhi nahin hai hum ko

wo bhi din the ki kabhi teri zarurat hum the

be-sabab baat baḌhāne kī zarūrat kyā hai

ham ḳhafā kab the manāne kī zarūrat kyā hai

be-sabab baat baDhane ki zarurat kya hai

hum KHafa kab the manane ki zarurat kya hai

nizām-e-mai-kada saaqī badalne kī zarūrat hai

hazāroñ haiñ safeñ jin meñ na mai aa.ī na jaam aayā

nizam-e-mai-kada saqi badalne ki zarurat hai

hazaron hain safen jin mein na mai aai na jam aaya

zarūrat us kī hameñ hai magar ye dhyān rahe

kahāñ vo ġhair-zarūrī kahāñ zarūrī hai

zarurat us ki hamein hai magar ye dhyan rahe

kahan wo ghair-zaruri kahan zaruri hai

ḳhud charāġhoñ ko andheroñ kī zarūrat hai bahut

raushnī ho to unheñ log bujhāne lag jaa.eñ

KHud charaghon ko andheron ki zarurat hai bahut

raushni ho to unhen log bujhane lag jaen

ye kis ko yaad kiyā ruuh kī zarūrat ne

ye kis ke naam se mere lahū meñ phuul khile

ye kis ko yaad kiya ruh ki zarurat ne

ye kis ke nam se mere lahu mein phul khile

dar-asl is jahāñ ko zarūrat nahīñ mirī

har-chand is jahāñ ke liye nā-guzīr maiñ

dar-asl is jahan ko zarurat nahin meri

har-chand is jahan ke liye na-guzir main

agar itnī muqaddam thī zarūrat raushnī kī

to phir saa.e se apne pyaar karnā chāhiye thā

agar itni muqaddam thi zarurat raushni ki

to phir sae se apne pyar karna chahiye tha

un ke bhī apne ḳhvāb the apnī zarūrateñ

ham-sā.e kā magar vo galā kāTte rahe

un ke bhi apne KHwab the apni zaruraten

ham-sae ka magar wo gala kaTte rahe

hameñ bhī zarūrat thī ik shaḳhs kī

ye husn-e-tasādum bahut ḳhuub hai

hamein bhi zarurat thi ek shaKHs ki

ye husn-e-tasadum bahut KHub hai

jaane kab kaun se lamhe meñ zarūrat paḌ jaa.e

tum hamāre liye pahle se duā kar rakhnā

jaane kab kaun se lamhe mein zarurat paD jae

tum hamare liye pahle se dua kar rakhna