بیسٹ ضرورت شاعری

اب تو خود اپنی ضرورت بھی نہیں ہے ہم کو

وہ بھی دن تھے کہ کبھی تیری ضرورت ہم تھے

بے سبب بات بڑھانے کی ضرورت کیا ہے

ہم خفا کب تھے منانے کی ضرورت کیا ہے

نظام مے کدہ ساقی بدلنے کی ضرورت ہے

ہزاروں ہیں صفیں جن میں نہ مے آئی نہ جام آیا

ضرورت اس کی ہمیں ہے مگر یہ دھیان رہے

کہاں وہ غیر ضروری کہاں ضروری ہے

خود چراغوں کو اندھیروں کی ضرورت ہے بہت

روشنی ہو تو انہیں لوگ بجھانے لگ جائیں

یہ کس کو یاد کیا روح کی ضرورت نے

یہ کس کے نام سے میرے لہو میں پھول کھلے

دراصل اس جہاں کو ضرورت نہیں مری

ہر چند اس جہاں کے لیے ناگزیر میں

اگر اتنی مقدم تھی ضرورت روشنی کی

تو پھر سائے سے اپنے پیار کرنا چاہیئے تھا

ان کے بھی اپنے خواب تھے اپنی ضرورتیں

ہم سایے کا مگر وہ گلا کاٹتے رہے

ہمیں بھی ضرورت تھی اک شخص کی

یہ حسن تصادم بہت خوب ہے

جانے کب کون سے لمحے میں ضرورت پڑ جائے

تم ہمارے لئے پہلے سے دعا کر رکھنا