Best Zindagi Shayari

zindagī kis tarah basar hogī

dil nahīñ lag rahā mohabbat meñ

zindagi kis tarah basar hogi

dil nahin lag raha mohabbat mein

to zindagī ko ji.eñ kyuuñ na zindagī kī tarah

kahīñ pe phuul kahīñ par sharar banāte hue

to zindagi ko jien kyun na zindagi ki tarah

kahin pe phul kahin par sharar banate hue

zindagī kī bhī yaqīnan koī manzil hogī

ye safar hī kī tarah ek safar hai ki nahīñ

zindagi ki bhi yaqinan koi manzil hogi

ye safar hi ki tarah ek safar hai ki nahin

tumhāre hijr meñ kyuuñ zindagī na mushkil ho

tumhīñ jigar ho tumhīñ jaan ho tumhīñ dil ho

tumhaare hijr mein kyun zindagi na mushkil ho

tumhin jigar ho tumhin jaan ho tumhin dil ho

phir yuuñ huā ki zindagī ik bojh ban ga.ī

ik shaḳhs mere haath se yak-laḳht kho gayā

phir yun hua ki zindagi ek bojh ban gai

ek shaKHs mere hath se yak-laKHt kho gaya

zindagī kī haqīqat ajab ho ga.ī

aaj kal ho rahī hai basar ḳhvāb meñ

zindagi ki haqiqat ajab ho gai

aaj kal ho rahi hai basar KHwab mein

mujhe ab maut behtar zindagī se

vo kī tum ne sitamgārī ki tauba

mujhe ab maut behtar zindagi se

wo ki tum ne sitamgari ki tauba

zindagī kī hañsī uḌātī huī

ḳhvāhish-e-marg sar uThātī huī

zindagi ki hansi uDati hui

KHwahish-e-marg sar uThati hui

zindagī kī zulmateñ apne lahū meñ rach ga.iiñ

tab kahīñ jā kar hameñ āñkhoñ kī bīnā.ī milī

zindagi ki zulmaten apne lahu mein rach gain

tab kahin ja kar hamein aankhon ki binai mili

na.ī zindagī ke na.e makr o fan

na.e aadmī kī na.ī chāl-Dhāl

nai zindagi ke nae makr o fan

nae aadmi ki nai chaal-Dhaal