Bewafai Ki Shayari

ham ne aalam se bevafā.ī kī

ek māshūq-e-bevafā ke liye

hum ne aalam se bewafai ki

ek mashuq-e-bewafa ke liye

tū is tarah se mire saath bevafā.ī kar

ki tere ba.ad mujhe koī bevafā na lage

tu is tarah se mere sath bewafai kar

ki tere baad mujhe koi bewafa na lage

gila likhūñ maiñ agar terī bevafā.ī kā

lahū meñ ġharq safīna ho āshnā.ī kā

gila likhun main agar teri bewafai ka

lahu mein gharq safina ho aashnai ka

rañg kyā ajab diyā merī bevafā.ī ko

us ne yuuñ kiyā ki mere ḳhat jalā.e uud meñ

rang kya ajab diya meri bewafai ko

us ne yun kiya ki mere KHat jalae ud mein

umr bhar us ne bevafā.ī kī

umr se bhī vo bā-vafā na rahā

umr bhar us ne bewafai ki

umr se bhi wo ba-wafa na raha

vafā par naaz ham ko un ko apnī bevafā.ī par

koī muñh aa.ine meñ dekhtā hai koī paanī meñ

wafa par naz hum ko un ko apni bewafai par

koi munh aaine mein dekhta hai koi pani mein

maiñ kis liye tujhe ilzām-e-bevafā.ī duuñ

ki maiñ to aap hī patthar huuñ apne raste kā

main kis liye tujhe ilzam-e-bewafai dun

ki main to aap hi patthar hun apne raste ka

vo kahte haiñ ye saarī bevafā.ī hai mohabbat kī

na 'muztar' be-vafā maiñ huuñ na 'muztar' be-vafā tum ho

wo kahte hain ye sari bewafai hai mohabbat ki

na 'muztar' be-wafa main hun na 'muztar' be-wafa tum ho

bevafā.ī pe terī jī hai fidā

qahr hotā jo bā-vafā hotā

bewafai pe teri ji hai fida

qahr hota jo ba-wafa hota

jo milā us ne bevafā.ī kī

kuchh ajab rañg hai zamāne kā

jo mila us ne bewafai ki

kuchh ajab rang hai zamane ka