Sitaron se aage Jahaan aur bhi hain

tū ne ye kyā ġhazab kiyā mujh ko bhī faash kar diyā

maiñ hī to ek raaz thā sīna-e-kā.enāt meñ

tu ne ye kya ghazab kiya mujh ko bhi fash kar diya

main hi to ek raaz tha sina-e-kaenat mein

bātil se dabne vaale ai āsmāñ nahīñ ham

sau baar kar chukā hai tū imtihāñ hamārā

baatil se dabne wale ai aasman nahin hum

sau bar kar chuka hai tu imtihan hamara

nahīñ terā nasheman qasr-e-sultānī ke gumbad par

tū shāhīñ hai baserā kar pahāḌoñ kī chaTānoñ meñ

nahin tera nasheman qasr-e-sultani ke gumbad par

tu shahin hai basera kar pahaDon ki chaTanon mein

amal se zindagī bantī hai jannat bhī jahannam bhī

ye ḳhākī apnī fitrat meñ na nuurī hai na naarī hai

amal se zindagi banti hai jannat bhi jahannam bhi

ye KHaki apni fitrat mein na nuri hai na nari hai

ḳhird-mandoñ se kyā pūchhūñ ki merī ibtidā kyā hai

ki maiñ is fikr meñ rahtā huuñ merī intihā kyā hai

KHird-mandon se kya puchhun ki meri ibtida kya hai

ki main is fikr mein rahta hun meri intiha kya hai

tire āzād bandoñ kī na ye duniyā na vo duniyā

yahāñ marne kī pābandī vahāñ jiine kī pābandī

tere aazad bandon ki na ye duniya na wo duniya

yahan marne ki pabandi wahan jine ki pabandi

bāġh-e-bahisht se mujhe hukm-e-safar diyā thā kyuuñ

kār-e-jahāñ darāz hai ab mirā intizār kar

bagh-e-bahisht se mujhe hukm-e-safar diya tha kyun

kar-e-jahan daraaz hai ab mera intizar kar

uqābī ruuh jab bedār hotī hai javānoñ meñ

nazar aatī hai un ko apnī manzil āsmānoñ meñ

uqabi ruh jab bedar hoti hai jawanon mein

nazar aati hai un ko apni manzil aasmanon mein

aañkh jo kuchh dekhtī hai lab pe aa saktā nahīñ

mahv-e-hairat huuñ ki duniyā kyā se kyā ho jā.egī

aankh jo kuchh dekhti hai lab pe aa sakta nahin

mahw-e-hairat hun ki duniya kya se kya ho jaegi

urūj-e-ādam-e-ḳhākī se anjum sahme jaate haiñ

ki ye TuuTā huā taarā mah-e-kāmil na ban jaa.e

uruj-e-adam-e-KHaki se anjum sahme jate hain

ki ye TuTa hua tara mah-e-kaamil na ban jae

nahīñ is khulī fazā meñ koī gosha-e-farāġhat

ye jahāñ ajab jahāñ hai na qafas na āshiyāna

nahin is khuli faza mein koi gosha-e-faraghat

ye jahan ajab jahan hai na qafas na aashiyana

ye kā.enāt abhī nā-tamām hai shāyad

ki aa rahī hai damādam sadā-e-kun-fayakūñ

ye kaenat abhi na-tamam hai shayad

ki aa rahi hai damadam sada-e-kun-fayakun

jinheñ maiñ DhūñDhtā thā āsmānoñ meñ zamīnoñ meñ

vo nikle mere zulmat-ḳhāna-e-dil ke makīnoñ meñ

jinhen main DhunDhta tha aasmanon mein zaminon mein

wo nikle mere zulmat-KHana-e-dil ke makinon mein

tū shāhīñ hai parvāz hai kaam terā

tire sāmne āsmāñ aur bhī haiñ

tu shahin hai parwaz hai kaam tera

tere samne aasman aur bhi hain

purāne haiñ ye sitāre falak bhī farsūda

jahāñ vo chāhiye mujh ko ki ho abhī nau-ḳhez

purane hain ye sitare falak bhi farsuda

jahan wo chahiye mujh ko ki ho abhi nau-KHez

anokhī vaz.a hai saare zamāne se nirāle haiñ

ye āshiq kaun sī bastī ke yā-rab rahne vaale haiñ

anokhi waza hai sare zamane se nirale hain

ye aashiq kaun si basti ke ya-rab rahne wale hain

guzar jā aql se aage ki ye nuur

charāġh-e-rāh hai manzil nahīñ hai!

guzar ja aql se aage ki ye nur

charagh-e-rah hai manzil nahin hai!

ġhulāmī meñ na kaam aatī haiñ shamshīreñ na tadbīreñ

jo ho zauq-e-yaqīñ paidā to kaT jaatī haiñ zanjīreñ

ghulami mein na kaam aati hain shamshiren na tadbiren

jo ho zauq-e-yaqin paida to kaT jati hain zanjiren

na pūchho mujh se lazzat ḳhānamāñ-barbād rahne kī

nasheman saikḌoñ maiñ ne banā kar phūñk Daale haiñ

na puchho mujh se lazzat KHanaman-barbaad rahne ki

nasheman saikDon main ne bana kar phunk Dale hain

chaman-zār-e-mohabbbat meñ ḳhamoshī maut hai bulbul

yahāñ kī zindagī pābandi-e-rasm-e-fuġhāñ tak hai

chaman-zar-e-mohabbbat mein KHamoshi maut hai bulbul

yahan ki zindagi pabandi-e-rasm-e-fughan tak hai