انور دہلوی کے 10 منتخب شعر

نہ میں سمجھا نہ آپ آئے کہیں سے

پسینہ پوچھیے اپنی جبیں سے

کچھ خبر ہوتی تو میں اپنی خبر کیوں رکھتا

یہ بھی اک بے خبری تھی کہ خبردار رہا

مٹی خراب ہے ترے کوچے میں ورنہ ہم

اب تک تو جس زمیں پہ رہے آسماں رہے

وہ جو گردن جھکائے بیٹھے ہیں

حشر کیا کیا اٹھائے بیٹھے ہیں

حشر کو مانتا ہوں بے دیکھے

ہائے ہنگامہ اس کی محفل کا

ہر شے کو انتہا ہے یقیں ہے کہ وصل ہو

عرصہ بہت کھنچا ہے مری انتظار کا

کیسی حیا کہاں کی وفا پاس خلق کیا

ہاں یہ سہی کہ آپ کو آنا یہاں نہ تھا

اللہ رے فرط شوق اسیری کی شوق میں

پہروں اٹھا اٹھا کے سلاسل کو دیکھنا

انورؔ نے بدلے جان کے لی جنس درد دل

اور اس پہ ناز یہ کہ یہ سودا گراں نہ تھا

نظر آئے کیا مجھ سے فانی کی صورت

کہ پنہاں ہوں درد نہانی کی صورت