Top 10 couplets of Brij Narayan Chakbast
Leading early 20th century poet. Famous for his Nazm on Ramayan.
zindagī kyā hai anāsir meñ zuhūr-e-tartīb
maut kyā hai inhīñ ajzā kā pareshāñ honā
zindagi kya hai anasir mein zuhur-e-tartib
maut kya hai inhin ajza ka pareshan hona
-
Tags : Anaasirand 3 more
agar dard-e-mohabbat se na insāñ āshnā hotā
na kuchh marne kā ġham hotā na jiine kā mazā hotā
agar dard-e-mohabbat se na insan aashna hota
na kuchh marne ka gham hota na jine ka maza hota
-
Tags : Dardand 1 more
ik silsila havas kā hai insāñ kī zindagī
is ek musht-e-ḳhāk ko ġham do-jahāñ ke haiñ
ek silsila hawas ka hai insan ki zindagi
is ek musht-e-KHak ko gham do-jahan ke hain
-
Tag : Zindagi
vatan kī ḳhaak se mar kar bhī ham ko uns baaqī hai
mazā dāmān-e-mādar kā hai is miTTī ke dāman meñ
watan ki KHak se mar kar bhi hum ko uns baqi hai
maza daman-e-madar ka hai is miTTi ke daman mein
-
Tags : Deshbhaktiand 1 more
gunah-gāroñ meñ shāmil haiñ gunāhoñ se nahīñ vāqif
sazā ko jānte haiñ ham ḳhudā jaane ḳhatā kyā hai
gunah-garon mein shamil hain gunahon se nahin waqif
saza ko jaante hain hum KHuda jaane KHata kya hai
-
Tag : Gunah
mazā hai ahd-e-javānī meñ sar paTakne kā
lahū meñ phir ye ravānī rahe rahe na rahe
maza hai ahd-e-jawani mein sar paTakne ka
lahu mein phir ye rawani rahe rahe na rahe
ek sāġhar bhī ināyat na huā yaad rahe
sāqiyā jaate haiñ mahfil tirī ābād rahe
ek saghar bhi inayat na hua yaad rahe
saqiya jate hain mahfil teri aabaad rahe
is ko nā-qadrī-e-ālam kā sila kahte haiñ
mar chuke ham to zamāne ne bahut yaad kiyā
is ko na-qadri-e-alam ka sila kahte hain
mar chuke hum to zamane ne bahut yaad kiya
ye kaisī bazm hai aur kaise us ke saaqī haiñ
sharāb haath meñ hai aur pilā nahīñ sakte
ye kaisi bazm hai aur kaise us ke saqi hain
sharab hath mein hai aur pila nahin sakte
kiyā hai faash parda kufr-o-dīñ kā is qadar maiñ ne
ki dushman hai barhaman aur adū shaiḳh-e-haram merā
kiya hai fash parda kufr-o-din ka is qadar main ne
ki dushman hai barhaman aur adu shaiKH-e-haram mera