Top 10 couplets of Muhammad Rafi Sauda

na kar 'saudā' tū shikva ham se dil kī be-qarārī kā

mohabbat kis ko detī hai miyāñ ārām duniyā meñ

na kar 'sauda' tu shikwa hum se dil ki be-qarari ka

mohabbat kis ko deti hai miyan aaram duniya mein

fikr-e-ma.āsh ishq-e-butāñ yād-e-raftagāñ

is zindagī meñ ab koī kyā kyā kiyā kare

fikr-e-maash ishq-e-butan yaad-e-raftagan

is zindagi mein ab koi kya kya kiya kare

kaifiyyat-e-chashm us kī mujhe yaad hai 'saudā'

sāġhar ko mire haath se liijo ki chalā maiñ

kaifiyyat-e-chashm us ki mujhe yaad hai 'sauda'

saghar ko mere hath se lijo ki chala main

jis roz kisī aur pe bedād karoge

ye yaad rahe ham ko bahut yaad karoge

jis roz kisi aur pe bedad karoge

ye yaad rahe hum ko bahut yaad karoge

maiñ ne tum ko dil diyā aur tum ne mujhe rusvā kiyā

maiñ ne tum se kyā kiyā aur tum ne mujh se kyā kiyā

main ne tum ko dil diya aur tum ne mujhe ruswa kiya

main ne tum se kya kiya aur tum ne mujh se kya kiya

'saudā' ḳhudā ke vāste kar qissa muḳhtasar

apnī to niiñd uḌ ga.ī tere fasāne meñ

'sauda' KHuda ke waste kar qissa muKHtasar

apni to nind uD gai tere fasane mein

ve sūrateñ ilāhī kis mulk bastiyāñ haiñ

ab dekhne ko jin ke āñkheñ tarastiyāñ haiñ

we suraten ilahi kis mulk bastiyan hain

ab dekhne ko jin ke aankhen tarastiyan hain

'saudā' jo tirā haal hai itnā to nahīñ vo

kyā jāniye tū ne use kis aan meñ dekhā

'sauda' jo tera haal hai itna to nahin wo

kya jaaniye tu ne use kis aan mein dekha

gul pheñke hai auroñ kī taraf balki samar bhī

ai ḳhāna-bar-andāz-e-chaman kuchh to idhar bhī

gul phenke hai auron ki taraf balki samar bhi

ai KHana-bar-andaz-e-chaman kuchh to idhar bhi

'saudā' kī jo bālīñ pe gayā shor-e-qayāmat

ḳhuddām-e-adab bole abhī aañkh lagī hai

'sauda' ki jo baalin pe gaya shor-e-qayamat

KHuddam-e-adab bole abhi aankh lagi hai