Top 10 couplets of Qabil Ajmeri
Qabil Ajmeri was born on August 27, 1931, as Abdul Rahim in Churli, a town located near Ajmer, Rajastan. He received his early education in Ajmer. Qabil was orphaned at age seven; his father died of tuberculosis, and his mother died shortly afterwards. In January 1948, Ajmeri migrated to Pakistan with his brother without any provisions. They then settled in Hyderabad, Sindh. Ajmeri began writing poetry at an early age, and became famous in his locality for his poetry by age 14. In Pakistan, he became popular at mushairas and was recognized as a senior Urdu poet by the age of 21. Ajmeri wrote both ghazals and nazms. He published compilations of Urdu poetry and a volume on philosophy, named the "Deeda-e-Bedaar". Ajmeri was admitted to several hospitals, and in 1960, he was sent to a Quetta sanatorium, where he met Nargis Susan, a nurse who was impressed with his poetry and who later converted to Islam. Afterwards, they married and had one son. Ajmeri died of tuberculosis in Hyderabad on October 3, 1962.
rañg-e-mahfil chāhtā hai ik mukammal inqalāb
chand sham.oñ ke bhaḌakne se sahar hotī nahīñ
rang-e-mahfil chahta hai ek mukammal inqalab
chand shamon ke bhaDakne se sahar hoti nahin
-
Tags : Inquilaband 1 more
tum na maano magar haqīqat hai
ishq insān kī zarūrat hai
tum na mano magar haqiqat hai
ishq insan ki zarurat hai
vaqt kartā hai parvarish barsoñ
hādisa ek dam nahīñ hotā
waqt karta hai parwarish barson
hadisa ek dam nahin hota
ġham-e-jahāñ ke taqāze shadīd haiñ varna
junūn-e-kūcha-e-dildār ham bhī rakhte haiñ
gham-e-jahan ke taqaze shadid hain warna
junun-e-kucha-e-dildar hum bhi rakhte hain
ham ne us ke lab o ruḳhsār ko chhū kar dekhā
hausle aag ko gulzār banā dete haiñ
hum ne us ke lab o ruKHsar ko chhu kar dekha
hausle aag ko gulzar bana dete hain
rāsta hai ki kaTtā jaatā hai
fāsla hai ki kam nahīñ hotā
rasta hai ki kaTta jata hai
fasla hai ki kam nahin hota
zamāna dost hai kis kis ko yaad rakkhoge
ḳhudā kare ki tumheñ mujh se dushmanī ho jaa.e
zamana dost hai kis kis ko yaad rakkhoge
KHuda kare ki tumhein mujh se dushmani ho jae
bahut kaam lene haiñ dard-e-jigar se
kahīñ zindagī ko qarār aa na jaa.e
bahut kaam lene hain dard-e-jigar se
kahin zindagi ko qarar aa na jae
tazād-e-jazbāt meñ ye nāzuk maqām aayā to kyā karoge
maiñ ro rahā huuñ tum hañs rahe ho maiñ muskurāyā to kyā karoge
tazad-e-jazbaat mein ye nazuk maqam aaya to kya karoge
main ro raha hun tum hans rahe ho main muskuraya to kya karoge
ab ye aalam hai ki ġham kī bhī ḳhabar hotī nahīñ
ashk bah jaate haiñ lekin aañkh tar hotī nahīñ
ab ye aalam hai ki gham ki bhi KHabar hoti nahin
ashk bah jate hain lekin aankh tar hoti nahin