Top 10 couplets of Wali Muhammad Wali

ḳhūb-rū ḳhuub kaam karte haiñ

yak nigah meñ ġhulām karte haiñ

KHub-ru KHub kaam karte hain

yak nigah mein ghulam karte hain

kiyā mujh ishq ne zālim kuuñ aab āhista āhista

ki ātish gul kuuñ kartī hai gulāb āhista āhista

kiya mujh ishq ne zalim kun aab aahista aahista

ki aatish gul kun karti hai gulab aahista aahista

rāh-e-mazmūn-e-tāza band nahīñ

tā qayāmat khulā hai bāb-e-suḳhan

rah-e-mazmun-e-taza band nahin

ta qayamat khula hai bab-e-suKHan

muflisī sab bahār khotī hai

mard kā e'tibār khotī hai

muflisi sab bahaar khoti hai

mard ka e'tibar khoti hai

jise ishq kā tiir kaarī lage

use zindagī kyuuñ na bhārī lage

jise ishq ka tir kari lage

use zindagi kyun na bhaari lage

tujh lab kī sifat la.al-e-badaḳhshāñ suuñ kahūñgā

jaadū haiñ tire nain ġhazālāñ suuñ kahūñgā

tujh lab ki sifat lal-e-badaKHshan sun kahunga

jadu hain tere nain ghazalan sun kahunga

shaġhl behtar hai ishq-bāzī kā

kyā haqīqī o kyā majāzī kā

shaghl behtar hai ishq-bazi ka

kya haqiqi o kya majazi ka

phir merī ḳhabar lene vo sayyād na aayā

shāyad ki mirā haal use yaad na aayā

phir meri KHabar lene wo sayyaad na aaya

shayad ki mera haal use yaad na aaya

yaad karnā har ghaḌī tujh yaar kā

hai vazīfa mujh dil-e-bīmār kā

yaad karna har ghaDi tujh yar ka

hai wazifa mujh dil-e-bimar ka

dekhnā har sub.h tujh ruḳhsār kā

hai mutāla matla-e-anvār kā

dekhna har subh tujh ruKHsar ka

hai mutala matla-e-anwar ka