'ahd

maiñ nahīñ hūñgā tapasvī nahīñ hūñgā nahīñ hūñgā

chāhe log jaisā kaheñ

maiñ yaqīnan tapasvī nahīñ hūñgā agar

na mile ek sāthī tapasvanī

maiñ ne kaḌā 'ahd kar liyā hai

agar na milā bakul kā ban

agar dil ke muāfiq dil na jiit pā.ūñ

to nahīñ hūñgā tapasvī nahīñ hūñgā nahīñ hūñgā

agar na pā.ūñ us tapasvanī ko

maiñ choḌūñgā nahīñ ghar niklūñgā nahīñ bāhar

tārikudduniyā sanyāsī ho kar

agar ghar se bāhar na hañse koī bhī

dhartī ko lubhāne vaalī hañsī

agar na uḌe niilā āñchal

madhur havā meñ chanchal ho kar

agar ghuñgrū lagā kangan aur paa.el na baje

run-jhun kar ke

maiñ nahīñ hūñgā tapasvī nahīñ hūñgā nahīñ hūñgā

agar na pā.ūñ tapasvanī ko

maiñ nahīñ hūñgā tapasvī tumhārī qasam

agar is tapasyā ke bal se

koī na.ī duniyā na banā sakūñ

kisī ke dil meñ

agar jagā ke biinā ke tāroñ ko

kisī ke haqīqī raaz ke darvāze toḌ kar

kisī na.ī aañkh ke ishāre ko

na pahchān luuñ

maiñ nahīñ hūñgā tapasvī nahīñ hūñgā nahīñ hūñgā

baġhair tapasvanī ko paa.e

main nahin hunga tapaswi nahin hunga nahin hunga

chahe log jaisa kahen

main yaqinan tapaswi nahin hunga agar

na mile ek sathi tapaswani

main ne kaDa 'ahd kar liya hai

agar na mila bakul ka ban

agar dil ke muafiq dil na jit paun

to nahin hunga tapaswi nahin hunga nahin hunga

agar na paun us tapaswani ko

main choDunga nahin ghar niklunga nahin bahar

tarikudduniya sanyasi ho kar

agar ghar se bahar na hanse koi bhi

dharti ko lubhane wali hansi

agar na uDe nila aanchal

madhur hawa mein chanchal ho kar

agar ghungru laga kangan aur pael na baje

run-jhun kar ke

main nahin hunga tapaswi nahin hunga nahin hunga

agar na paun tapaswani ko

main nahin hunga tapaswi tumhaari qasam

agar is tapasya ke bal se

koi nai duniya na bana sakun

kisi ke dil mein

agar jaga ke bina ke taron ko

kisi ke haqiqi raaz ke darwaze toD kar

kisi nai aankh ke ishaare ko

na pahchan lun

main nahin hunga tapaswi nahin hunga nahin hunga

baghair tapaswani ko pae