ajnabii aur mulkii baashinde

ajnabī ashḳhās ho jaate haiñ mahv

dekh kar ek poplī buḌhiyā kī piilī sī hañsī

aur

unheñ mahsūs hotā hai ki is meñ husn hai

asl bāshinde magar us mulk ke

ghūrte haiñ is tarah buḌhiyā kī jānib qahr se

jaise un kī āñkheñ kyā haiñ ko.ele dahke hue

ajnabī aapas meñ kah sakte haiñ yuuñ

dekho dekho kaisā hai tarz-e-libās

dekho in kapḌoñ ko jo haiñ is 'ajab malika ke

tan par zeb-tan

mulkī bāshinde

guzar jaate haiñ muñh ko pher ke

un se ye bardāsht ho saktā nahīñ

ham-vatan 'aurat kā jism-e-bad-numā ho rū-barū

chīthaḌoñ se jhāñktā makrūh gosht

us kā nazzāra kareñ

hai ye un ke vāste taklīf-dah

ajnabi ashKHas ho jate hain mahw

dekh kar ek popli buDhiya ki pili si hansi

aur

unhen mahsus hota hai ki is mein husn hai

asl bashinde magar us mulk ke

ghurte hain is tarah buDhiya ki jaanib qahr se

jaise un ki aankhen kya hain koele dahke hue

ajnabi aapas mein kah sakte hain yun

dekho dekho kaisa hai tarz-e-libas

dekho in kapDon ko jo hain is 'ajab malika ke

tan par zeb-tan

mulki bashinde

guzar jate hain munh ko pher ke

un se ye bardasht ho sakta nahin

ham-watan 'aurat ka jism-e-bad-numa ho ru-baru

chithaDon se jhankta makruh gosht

us ka nazzara karen

hai ye un ke waste taklif-dah