اجنبی اور ملکی باشندے

اجنبی اشخاص ہو جاتے ہیں محو

دیکھ کر ایک پوپلی بڑھیا کی پیلی سی ہنسی

اور

انہیں محسوس ہوتا ہے کہ اس میں حسن ہے

اصل باشندے مگر اس ملک کے

گھورتے ہیں اس طرح بڑھیا کی جانب قہر سے

جیسے ان کی آنکھیں کیا ہیں کوئلے دہکے ہوئے

اجنبی آپس میں کہہ سکتے ہیں یوں

دیکھو دیکھو کیسا ہے طرز لباس

دیکھو ان کپڑوں کو جو ہیں اس عجب ملکہ کے

تن پر زیب تن

ملکی باشندے

گزر جاتے ہیں منہ کو پھیر کے

ان سے یہ برداشت ہو سکتا نہیں

ہم وطن عورت کا جسم بد نما ہو روبرو

چیتھڑوں سے جھانکتا مکروہ گوشت

اس کا نظارہ کریں

ہے یہ ان کے واسطے تکلیف دہ