بہ_لطف کہیو صبا اس غزال_رعنا سے

بہ لطف کہیو صبا اس غزال رعنا سے

کیا نہ ہم کو بھی منسوب کوہ و صحرا سے

شکر فروش تری عمر ہو دراز مگر

یہ کیسی بے رخی اک طوطیٔ شکر خا سے

شکار پیار سے ہوتے ہیں صاحبان نظر

یہ دام رکھیو کہیں دور مرغ دانا سے

جو کیجو یار کی صحبت میں بادہ پیمائی

ہٹے نہ دھیان محبان باد پیما سے

نہیں کچھ اس کے سوا عیب اے حسیں تجھ میں

وفا کا خال ہے معدوم روئے زیبا سے

فلک پہ زہرہ جو گائے تری غزل حافظؔ

عجب نہیں کہ بپا رقص ہو مسیحا سے