be-KHudii

(1)

uTho bahār aa ga.ī

chaman meñ murġh-zār meñ

vo andalīb-e-ḳhush-navā ḳhushī se gā rahī hai aaj

vo jūebār kis tarah machal ke aa rahī hai aaj

vo mor bhī to dekhiye jo mahv-e-raqs-o-rang haiñ

(2)

dil-e-hazīñ nazar to kar

samā hai raqs-o-rang kā

miTā.e jā rahā hai ġham

asar sadā-e-chang kā

samāñ to dekh har taraf

bahār hī bahār hai

‘urūs-e-kā.enāt par

shabāb hai nikhār hai

tuyūr naġhma-sanj haiñ

tarab meñ jūebār hai

inhīñ se leñge dars ham surūr-o-imbisāt kā

ġham-o-alam ke vāste to ek 'umr hai abhī

ye zikr ġham kā chhoḌ de

ki aaj nau-bahār hai

(1)

uTho bahaar aa gai

chaman mein murgh-zar mein

wo andalib-e-KHush-nawa KHushi se ga rahi hai aaj

wo juebar kis tarah machal ke aa rahi hai aaj

wo mor bhi to dekhiye jo mahw-e-raqs-o-rang hain

(2)

dil-e-hazin nazar to kar

sama hai raqs-o-rang ka

miTae ja raha hai gham

asar sada-e-chang ka

saman to dekh har taraf

bahaar hi bahaar hai

‘urus-e-kaenat par

shabab hai nikhaar hai

tuyur naghma-sanj hain

tarab mein juebar hai

inhin se lenge dars hum surur-o-imbisat ka

gham-o-alam ke waste to ek 'umr hai abhi

ye zikr gham ka chhoD de

ki aaj nau-bahaar hai