بے_خودی

(۱)

اٹھو بہار آ گئی

چمن میں مرغزار میں

وہ عندلیب خوش نوا خوشی سے گا رہی ہے آج

وہ جوئبار کس طرح مچل کے آ رہی ہے آج

وہ مور بھی تو دیکھیے جو محو رقص و رنگ ہیں

(۲)

دل حزیں نظر تو کر

سما ہے رقص و رنگ کا

مٹائے جا رہا ہے غم

اثر صدائے چنگ کا

سماں تو دیکھ ہر طرف

بہار ہی بہار ہے

عروس کائنات پر

شباب ہے نکھار ہے

طیور نغمہ سنج ہیں

طرب میں جوئبار ہے

انہیں سے لیں گے درس ہم سرور و انبساط کا

غم و الم کے واسطے تو ایک عمر ہے ابھی

یہ ذکر غم کا چھوڑ دے

کہ آج نو بہار ہے